في حضرة الحجّاج ٥

بت ليلتي الأولى بعيد على الحبس وأنا نمارس في هوايتي المفضله بالفم والملا لاصقه حيط دارنا كيف البوكشّاش -اسم سحليّه -نحسب في دقّات قلبي ونتغبّن على الرّاقو متاع الحبس وندعي على ولد سيدنا الّي حرمني منّو ..يهلكك ياولد ثيدنا ويدبدب رايك أكثر ملّي ماهو مدبدب يا ثيدنا..هكّاكه ونطرشق روحي بكف على هاك اللّقمة الّي سرقتها الحرام ما يطلعش عليّه ..طاح فيّه الحجّاج على لقمة جايبها بعرق جبينو ..آنا هكّكه وجات دوريّه راجله فرحو بيّه كفوف و مشطه  باعتباري من ذوي السوبق الأمنيّه ..تطوّع موش حاجه أخرى لو كان ما سيّبنيش سيادتو راهم قتلوني بالضّرب .المهم مبعّد هاك الطريحة الفوّاحة رقدت كيف الملوك ..الصباح طلع .خرج خويا الرّجّال ما تلفّتليش تقول ما يعرفنيش ناديتلو عاد نظرلي وقلّي - شِر - اي هاك الكلمه الّي تتقال للكلاب .رصّاتلي كرمت لحيتي و أيّست من دارنا قلت بالكشي يرحمني الشعب عاد يا خيبت المسعى .. نمشي و نتكب على وجهي لا واحد تلفّتلي ..لا واحد سألني على هاك لوجه الكنفوره ولا واحد مدلي شربه ماء ويعيش التضامن و باب الجديد زاده ..كيف معّادش بيها وين وقفت في ساحة السوق وقلت فيها وووووه ..يا شعب الهناء و الابتلاء أرحمو رعروعة قوم ذلّت شربة ماء و الا شويّة ماكله .. بح صوتي حتى حد ما تلفّتلي..لا كبير لا صغير لا الّي يدبي على الحصير كيف معّادش بيها وين حطْت ذيلي بين سنّيّه وقلت يا قاتله يا مقتوله دراكسيون دارنا بش ندخل ..ندخل قاتله والّا مقتولة .كيف قربت من دارنا اتجمّدت , نلقى تشريفات القصر تستنّ فيّه ..
لا أخماسي لا أسداسي اللّون ما ساعدنيش ..نتشاف على بعد كيلوماتر ..آناعملت خطوة التالي و قائد الحرس صاح فيّه - آقف عندك - أمر من سيدنا باش تحضر للقصر يا قيقوز ..مشات بيّه الدّنيا وجات .جيعانه والسّكّر طايح وسعدي طايح ..سلّمت أمري لربي قلت نمشي عل الأقل ناكل الراقو بتاع الحبس . وقفت في بقعتي عاد جاوو هزّوني  مدّولي زي .. تلفّت لجناي قالولي البسو راك باش تدخل للقصر . ما عندي وين نستر روحي تخبّيت وراء شجرة والبست لباس الاهانة خرجت كيف البقميطه ..الّلبسه ضيقة و قصيرة ندبت وجهي على كشف الحال و صحت في هاك التّشريفات  - ياه شومي يا خي لازم تعرّيوني براس أمّك خلّيني نستحفظ على الزّي متاعي .. جوابو مانيش باش انقولو باش مانشمّتش فيّ حتّى حد ...يكشف ربي حالك يا ثيدنا ...قعدت انخمّم في ذنوبي ونحسب فيهم, لقمة هلكتني أمّاله لو كان دغبرت على سانية جارنا .. شعلت ناري طحت نسب في شيطاني و نعاود حتى وصلت للقصر .دخلوني لقاعة كل شيء فيها يلصف مالبلاط للسقف شويّة ودخل عليّه رّجال ملامحو أنثويّه قلّي - تبّعني - شدّيت جرتو هوّ يمشي وانا وراه حتى وقف قدّام باب دقّوا ستنّى شويّه ومبعّد حلّو و براسو أمرني باش ندخل وسكّر الباب ورايا .نلقى سرير كبير قاعد فيه الحجّاج ومعاه كعبات مالعايلة المالكة ..تسمّرت في بقعتي نغزر فيهم بالألوان على الطبيعة .أمرني سيدنا باش انقرّب ساقيّه قالولي دوّيووو..لا نجّمت نتحرك القدام ولا لتالي ولا على اللاترال ..بهت تقول باش نطلع الرّوح هكّاكة و طحت دايخه - الله يهلكك يا ثيدنا - بلعتها قبل ما نطيح انسف في القاعة .
المرّه الجاية الكماله ثتناووو .

في حضرة الحجّاج٤

ماهو حلّيت هاك العينين متاعي وصوت خرج من هاك الرّاس بوزيزين يسأل فيّه على شكون حرّضني و الجمعيّه الّي ننتميلها و المذهب متاعي و كيفاش وصلت الكوجينة القصر ،آنا الّي عمري ما وقفت في حضبة ولا تجمّع كان في سوق الحومه هلكوني أسأله وانا ما فاهمه والو.. عاد طالبت بمترجم ..قاموا جابولي منسّق الشؤون المحلّيّه في بوفرده - السجن - واستعرفت بكل شيء حتّى الّي ما عملتوش جبتّو الله يهلك الخيال الشّعبي كيفاش هزني للفينقه ..قعدت في المضافه أيّامات وآنا باهته كيفاش ما تعدّيتش للسّيّاف ..حتى بانت الحكايه ظهر ولد سيدنا كان حاضر مع بوه في هاك الزيارة الفجاعيّه متاعو و شاف الشّاو متاع قيقوز عاد زهق بالضحك و عمل كيف و طلب من سيدنا باش يعملني الكراكوز متاعو .. و هذاكه علاش صدّر سيدنا الفرمان متاعو باش يخرجوني مالحبس ..روّحت لدارنا ما عرفونيش زوز أسباب للنّكرة واحد الضرب بدّلي العرق متاعي من كحلوشة ولّيت زرقه  .ثانيا دارنا عملو بهاك المثل الّي يقول أخطه راسي و اضرب عاد نكروني .. الباقي المرّه الجايه تعرفوه

في حضرة الحجّاج ٣

ماهو في بالكم اللّي سيدنا الحجّاج دخل للكوجينة واللّى انا بالرّغم مالأرتروز ونقص الكلسيوم في العظم طبّست ما عاودتش طلعت ..انشوف كان في السّاقين مقدمة في الكوجينة .. وذرة يا شعب وذرة ..يا جمهور الافريقي اجريولي راني شفت برشة وذرة ..تخبلو عينيّ .. الحجّاج يهمهم .. وهومة يقودو فيه في زيارتو تقول افتتحو صبيطار لسرطان الأطفال .. الله يرحمك يا شعبي  المهلّل والمصفّق والذّبلان .. الوذرة ضياقت بيهم المملكة مكمشين وراء ثيدنا تقولش بوساق مضيّع السّرب متاعو..كيف تعبت ومعّاد بيها وين تلفّت لجنابى نلق المطحونين كيفي مزّالو الكل في وضعيّة الوضاعة .. ساعة غير ربع امبعّد صفقلنا وذير المراسم عاد وخّرنا لتالي باش نوسعو في المكان .. وقتها لقيت روحي ندّهمك ..ندّعثر في المصلحة اللّي نسيت باش نهزها ونطيح على ماعون الكوجينة كيف الفكرون مقلوبة على ظهري ..يا رعاع ما رمشتش يا بوقلب ونلقى ميتين ساق على صدري ..الله لا ترحم اللّي ما ضربش ..فطسوني ..أمن سيدنا كلّفني تراحة نبّاش القبور ..قبل ما ندوخ وصلني صوت نعرفو برشة - الله يرذينا فيك ..ويحيينا يا ثيدنا -الضّرب خجّجني .. عادة وعدت روحي اذا فقت مالدّوخة وما متّش ننزل على كرومتي نرتاح مالدّنيا ..خير ما نطيح في يدين زبانيّة سيدنا ونستكشف وضعيّة الدّجاجة و ما لا عين رأت و لا أذن سمعت ..دوّيو يا قيقوز دوّيو.. عمر الكلاب صنف بوكشّاش طويل ..ماهو فقت .. امبعّد مدّة ..يقعد بعدي كان نعرف قدّاش ..حبّيت انمد ايديّ لعنكوشي نقتل روحي ما نجّمتش نلقى ايديّ مكتفين وعلى راسي رجال شداد غلاظ . قلت لروحي يا مرهزة إتخذت وفات فيك الفوت أهّومة ملايكة العذاب  .. في حياة البرزخ وتخمّم باش تنتحر ..خلّص القديم والجديد يا منافقة ..الباقي المرّة الجاية تعرفوه 

في حضرة الحجاج ٢

انا مغصورة بهاك الّلقمة وتحل باب الكوجينة على فردة ..تضربت الساقين في بعضها ويا هول شكون دخل علينا ..في زيارة مفاجعة سيدنا الحجّاج بعينيه الزوز ..عاد وين تلقاوني ..المصلحة قدّامي وعينيّ مدمعين من لسعة هاك اللقمة المسروقة . تشدّيت بعملتي يا رجال ..ما نعرفش كيفاش نجّمت نستوي روحي في الوضعيّة المفضلة متاع سيدنا ..حنيت ظهري القدّام وطبّست راسي اللّوطة تقول نفركس على كنز .. ودخل سيدنا  ما ريت منّو كان السّاقين ..اي .. ماهو طلع عندو رجلين كيفنا يطيّش فيهم على اللاترال وحدة يمين, وحدة يسار . فهمت وقتها علاش سيدنا ما عندو في الوسطيّة ما يذوق وسياسة الحكم الرشيد متاعو يا اسود يا اسود .. الله يحييك يا سيدنا ..زارنا الن..يا سيدنا -قوّادة امّه موش لهاك الدرجه- الله يهلكنا و يحييك يا سيدنا ..الشّعب في الكوجينة يصيح وانا عملتلهم روفران .. ياثيدنا ..يا ثيدنا .. امبعّد الساني ملشلش من اللّقمة الّي سرقتها و اشياء اخرى .. المولى عاقبني ليه .. ليه .. نستاهل .امبعّد تخمام فهمت مغزى زيارة الدّولة الّى عملها الحجّاج للكوجينة .. ماهو طلع بوليميك كيفى ما كفاهوش صفرة الباي تتحطلو عاد قرّر يعمل زيارة ميدانيّة .. هذاكة اصلا ما كنّا انّجموا ننتظروا من سيادتو اهتمام أوّل وأخير برفاهيّة سيادتو ..يحييك يا ثيدنا .. يحييك ياثيدنا ..يا شعبي الجيعان لو كان شفتو سيدنا وهومهتم بتقنيات الانجازات في كوجينة المملكة الّي ماشية الكرشو.. راكم ندبتوهم باشقوفة المرّة الجاية نحكيلكم الكمالة برّاو توّه .

التيه

اجمع شتات الكلام اصرف العبارات عن المعنى خلف الرّكون ساويت بين اللّهفة للاهتمام وبين اجتياح المكر لقلاع الادراك ..احصّن وهمي من غفلة الوثوق بيوم اطيب من قهوة الصباح واندى من نظرة طفل لا يعقل الاشياء .انه العلم بوضاعة الحياة هنا وانحسار الحرّيّة في تجمّع عفوي لانصار كرة القدم يرهق روحى ويشربها خديعة السّامري ..هو التظليل لحظة انتهاك لمواثيق الشجاعة في قول ما نشاء ..افكّر في قول ما اريد ثم اجبن.. لا ارى لجور اصحاب المعالي ترياقا غير الصمت والدّعاء عليهم بان يخلّصنا منهم ربّ السّماء ..سكنت لقولي وتوهّمت حاجة للقراءة لم اعد اهتدي لوطري من كلام الاخرين سوى ما اشاهده على قناة الجزيرة ائنّ ثمّ انسى و ارجع ذات وجيعة اخرى لاذكر الحصار وذلك الهمّ الجاثم ببيت المقدس ..ثمّ اعود لابارك للاحياء شهادتهم بعد انخراط في البكاء .. لا انكر عليهم ما هم فيه من رغد و لكنّي انسى ثمّ اذكر فلا اقعد بعد الذّكر الا لاسبّ كلّ جمع الزّعماء .. افكّر ان فعل السياسة وهن لم يمارسه فينا غير الرّعناء ..مثلما كنّا ولّي علينا الهجناء حين فرّطنا في النّقاء جاز قول الحبيب عنّا - مثلما تكونوا يولّ عليكم - ذلك قول صدق فمتى يا ربّ تستبدلنا بمن تشاء .

زمن الحجاج العظيم

البارح قمت مالنوم فرحة مسرورة .. شنوة ؟ قمت مفجوعة تقول شفت عفريت..يا سيدي حلمت بروحي عايشة في زمان الحجاج والى انا جارية كحلوشة نخدم في الكوجينة متاعو ـوخياني راني مانيش راسيست وما عنديش مشكلة مع الالوان اما لضرورة الصدق في الحديث عن الحلم الكذب مهواش باهي ـ حاصيلو وانا نخدم في الكوجينةاللى ما فيها شيء ملى تعرفوه يا خلق يا رعاع يلي انا منكم يجيوني زبانية الحجاج يتفتفوني ـ لطفت العبارة ـ يشوفو رميتشي حاجة في المغارة متاع راسي وانا بامر الحجاج في غيبتوكيف الهايشة لا نخبش لا ندبش النفس اللى انخرجو مطاكسيهولي سي الحجاج اللى ما يخافش من ربي وما يعرفش حتى اللى المكس حرام . وبما انى جهلوت ما نفهم والو في هاك لي زانغرديون اللي يستعمل فيهم طباخ الحجاج المستورد ما عمري ما قربت مالطناجر كان باش نغسلهم ..عاد افهموني جاروشة نعفس في خير سيدنا بعيني ..لا انجم انذوق ولا نزرط تي حتى ما يلزمنيش انطول الخزرة .. الحجاج يضر في بقتار قدرو .. نخرج من قصرو نغلي بما لا عين رات ولا اذن سمعت  نعقب على سوق الحومة مانخلطش على طرف دجاج .. الله يرحم الدجاجة العربي    اللي ماعاد نشوفها كان في التصاور ..ويرحم الدجّاج العربي اللى الاحتكار و الرغبة ما كانوش من خصالو عاد خلفوه فيّة استثمروا في قوت الشعب و وصلوا سوم الصدر متاع الدجاج لسبعة دراهم .. ماهو الدجاج قوى قدرو ومادام الشعب نازل اعليه ..هيا نستثمروا كيف العادة في قوت الشعب.. وررري .. الدجاج تحول الى ضيف عزيز مخفف ساقو و عنكوشو من منازل العامة يا فرحنا يا هنانا .. الله لا يباركلك يا سيدنا ..مرجوع حديثنا ماني نخدم في القصر و في الحقيقة عندي انا زادة مثل نعيش بيهم منها السارق كيف يسرق سارق كيفو فخار يكسر بعضو اهوكة بالامارة روبنهود اسالوه.. عادة نهارمعّادش انجم خيّبت طبعي وانا انّظف مدّيت ايدي لصحن متاع ماكلة سيدنا ونخطف حاجة ماننجمش انسمّيها وزرطها ـ ناكلها ؟ معنتها نمضغها ؟ هذاكة اللى مزّال راهو تكتبت في تقارير حفظ النظام وبعثوني للسيّاف بتهمت المساس بالامن الغذائي متاع المملكة ..تلسعت في لساني.. السرّاق لا تباركلو .. ياخى وين يتلسع الحجاج كيف يزرط امال الشعب واحلامو ؟؟؟ انا نخمم وخدمت ابواق القصر اللى في الكوجينة تذكرفي الرّعاع في اهم ماثر الحجاج حكمة -هناك رؤوس قد اينعت وقد حان قطافها- شدّيت كرومتي نطمّن عليها وطيّحت المصلحة ..دخل سيدنا لي التران متاعي عامل زيارة فجئية للكوجينة ..الباقي تعرفوه المرة الجاية ..
النّبّه عليكم اي تشابه مع الواقع المعيش محض خيال 

برهان لمن احترف التبسيس

الوطنية شان داخلي و لا ريب لكن من نافلة الظن بكونها ارث انساني و علامة مسجلة عالميا لموطئ الانتساب الى المكان ومن هنا كانت العقيدة باحتواء الالم داخليا نخب ترفعه الضباع على الجيف و مرارة تتجرعها العامة .. اجزم بنفاق المؤسسات الحقوقية العالمية حتى ان اشدها مكرا بلا ريب منظمة الامم المتحدة و اعلن اني كنت القي بكراس قانون المؤسسات الدولية عرض الحائط غيضا من اظطراري لمراجعة ذلك الكم الهائل من الكذب ..بل و اتميز غيضا و انا اقرا احكام الشريعة الاساسية لتلك المنظمة , ابهت كيف انها انبنت على تزكية الفائز في حرب انسانية تعدد جلادوها فمنح بعض القتلة امتيازا وعلوية على المبادئ الانسانية ـ العضوية الدائمة لخمس دول وحق النقض الذي صار اداة لانتهاك كافة المواثيق الدولية ـ وايضا ديبلوماسية الحمق والامر الواقع التي اذهبت العدالة تماما من وجه الانسانية ...الوطنية شان داخلي انا اقبل بهذا مادامت المنظومة الدولية لحقوق الانسان تجترح دورا فاضحا في انتهاك الانسانية و تسويق ديموقراطية العصا بدون جزرة , واعلن بدوري من هذا المنظور باني ارفض التعامل مع الاجنبي سواءا كان منظمة دولية او اعلاما اجنبي .. ولكني ارفض اكثر تزييف الوعي بان النضج لا يكون الا باستهلاك ما هو داخلي بل اني انكر على الداخل اي وعي ببناء ثوابت وطنية لاحترام الانسان و اجزم ان الوعي بالحرية يتطلب التفاعل مع الارث الانساني لا العزلة عنه و الاستكانة للنفاق الداخلي .. تدرك الضباع حتما انها اقتاتت على غد الوطن حتى ضيعت صورته تماما من عقول العامة فلم يعودوا يتمثلونه سوى في التفافهم على الراية زمن مقابلة للفريق الوطني لكرة القدم . فلم نحض بفرصة لبناء الوعي بالاخلاص للانسان ليحيى حقا . نفتقد الشفافية في كل ما يتعلق بالوطن حتى صار الالتباس وهمنا وعاهتنا التي لا نخجل من التشدق بها بدعوى الوطنية .. بفعل كل نكساتنا الداخلية وفراغ الوطن من الفعل و الفكر من يزعم الخيانة في بعض قومنا بدعوى الارتباط بالخارج اقول له انك تبدو لي ضبعا ندي العود يموء .. وكل من يسمعك تتحدث لا بد ان يتسائل مثلي ماذا اكلت على الغذاء فللوطن و لغد الانسان لدى امثالكم سعر. حقوق المواطنة لا يمكن بحال ان تختزل في الشان الداخلي و لا الخارجي انما ينظر لها بما يجب ان تكون وفقا للمنظور الانساني و ان عنى ذلك التفاعل مع الخارج ـ العنوان للاستدلال على المعني بهذه التذكرة وضرورة بلاغية ـ

bled el hém eddeyem

Il y 'a des  jours comme aujourd'hui je me soustrait du lit comme un écolier qui cache ses billes dans sa poche pour joindre sa classe ..Il y' a des jours comme aujourd'hui je me tue à calculer les jours pour savoir la date ..Il y'a des jours comme aujourd'hui ce 22 mai le sang ne fait qu'un seul bang  dans mes veines car mon coeur est rangé par la colère et que mon esprit est dérangé par le quotidien ..Il y'a une éternité que je ne regarde pas les chaines tunisiennes donc ce que je sais de ce que l'on projette sur tv7 ou Hannibal tv ou encore nessma tv me parvient des échos sur le net ..Donc je me hasarde comme d'habitude sur la page Tunisie et je vois une séquence d'une dame qui pèse 500 kilos et qui ne possède aucun moyen de survie que la miséricorde de dieux qui a  sensibilisé un jeune pour l'aider dans ces limites qui la faisait souffrir encore car par pudeur la pauvre dame était plus que blessée ne pouvant sauvegarder sa dignité .Je reconnais avoir pleuré et que j'étais révoltée ..
tawwa yé mashouline ..ye ch3obiste ..yé tajammouiste ..yé emmali lebled ..yé tahfounine .Ce n'est pas vous qui avaient  décidé que les hôpitaux publiques aient une gestion privée et avaient voté la législation de la couverture sociale ..Les gens comme cette dame doivent recourir à quelle autorité pour trouver remède à ses  peines ou doit elle trouver les soins médicaux pour sa maladie ..Car l'obésité est une maladie qui doit être soignée ..N'est ce pas son plein droit ou est ce que vous croyez que vous lui attribuer un don par charité ..Yé nès win flous les contribuables pour sauvegarder la dignité des faibles ..Yé protagonistes de bled elhamme eddeyèm combien est ce qu'on a de citoyen souffrant de l'obésité pour que l'on ne parvient pas à  attribuer les soins et l'assistance à cette dame .. Voilà la vérité est que vous avez développé une législation immorale qui permet aux institutions  de l'État à refuser les soins à une grande partie du peuple ou encore d'être sélectives marginalisant les faibles et les jetant dehors sous prétexte que les soins ont été donnés. .Ceci dit pourquoi  les médecins ont pris la décision de  faire sortir cette dame qui souffrait d'ulcères de peau à cause de son poids sans lui attribuer les soins pour la mettre sous régime pour lui sauver la vie ..Winhom les associations qu'on nous tuait par leur impacte ou est ce que ce ne sont que des illusions pour induire en erreur ceux qui vivent ailleurs .Ala kol des jours comme aujourd'hui je ne trouve pas les mots pour qualifier l'insupportable défaillance des instituons de l'État ni la grossièreté du cours de ses normes ni comprend pourquoi la miséricorde ne fait plus partie de notre quotidien ..Des jours comme aujourd'hui je suis plus que convaincue de vivre fi bled elhamm eddeyem RABBI YERHAM A3BEDOU :/ 

message au plus insignifiant des athées

Tout était bien fait le prétendu ciel (le ciel que l'on voit est un condensé de gaz soubhanne allah ) ,ce papillon qui rodait devant mes yeux ,ce vacarme matinale des voitures qui se klaxonnaient et ce printemps qui osait encore enchantait la terre par ses merveilles . Imparfaite est cette sensation de bien être malgré le non dit ,la joie feinte et l'insolite bassesse de ce prétentieux connaisseur du savoir   "achour enneji " je suis désolée mais il y a bien des non croyants qui peuvent prétendre un certain niveau de savoir voire même de dogmes plausibles et morales mais cette personne est grossière ,impolie ,il n  a de cohérence que dans son hostilité à autrui . Bien fait pour vous Achour , récoltez donc ce que vous avez semé  : la haine qui vous ronge le coeur l'incohérence qui vous dérange l'esprit . Laissez faire votre anxiété c'est votre compagne dans votre solitude que vous essayez de remplir par vos instincts et vous prive de la sérénité car la sérénité est un état d'âme que l'on acquiert  . Si vous n'avez pas la foi en vous ce que je prétend un fait assez relatif car je prétend que dans votre individualité vous reconnaissez la pertinence de la vérité absolue qu'est l'insignifiante valeur de votre existence  ...Continuez à nous insulter  ,  à vous malmener et exhibez votre vulgarité elle vous va assez bien actuellement (je ne prétend pas reconnaitre votre avenir allahou a3lem).