الصيد لا !

الشعب التونسي بيتشغلع يا جدع .. عام والهوكش بيبول مكورين بينا يتلمدوا ثلاثة لاف رقبة باش يطالبو بحقوق مشروعة محاكمة قتلة الشهداء ، إيقاف التداين الخارجي ، إرجاع ولاد تونس 22 ألف إلّي كان تحريقهم أكبر خدعة في تاريخ تونس ، العلاج المجاني لجرحى الثورة إلي مات منهم واحد بسبب الإهمال ،إغلاق قناة نسمة ، إسقاط لحكومة ..الداخلية تغسستي : ماطراك ولكريموجان إيقافات وأحكام بالسجن .. ما نحفظش إسمو هاك المتحدث باسم الداخلية إلي ولد البونليو ماو جبد على أربعين ألف مسجون  نتحداه ثلاثة أرباع تاعهم زطالة على جونتة مشاو في عام (  والله عملو عليهم كيف رافل الجيش الفرق كلها طلع للباغة وعدي على التحليل أوطوماتيك طيحو شطر شباب تونسي ) والربع الباقي شوية سراقة على متضاهرين ملي كنت نحكي عليهم الفوق على كلييونات العادة ..
الداخلية كانت فاشلة آخر أفريل ولا هي أول ماي هبطو عصابات منظمة قامو بالنهب في بقايع من تونس كيف لكرم وحي التضامن وحرقو ومبعد جات مأساة المتلوي و لي ماتو فيها 17 ومبعدها تقلبت القصرين و سيدي بوزيد تحرقت والمعلومة الأمنية للداخلية لاستباق الأحداث هي هي : قلك فول ديزاستروز يا معلم في الحالات هذيكه تمسكت الداخلية والصيد تاعها بضعف الموارد .. إلا مع وخيانا إلي جبدت عليهم الفوق ..
لحقيقة عوان الأمن موش هومة المشكل صحاب القرار وأولهم الصيد هومه المشكل ، لأنو رفضهم التعامل تماما مع الأحداث الجادة  أدى إلى حرق مؤسسات عمومية ولخساير بلمليارات . . وآنا تقديري إنو خيار ستراتيجي ومهواش إعتباطي ملي يحبو يبركو لبلاد الدليل إنو إعتصام يحرم الناس ملغاز إلي حتى رضعة للبيبي ولا فيّم محمصة لعبد كبير ما تتعمل كان بيه ..ولّى الشعب حاير فيه .. ما يتعاملش معاه المستسار "الأمني " .. تي يا سيدي لخليفة جيب بشرى بن حميده مستشاره خير ..
ميكانيزم فساد كبير قاعد يشخلع فينا يا ريس .. الإحتكار قاعدين يعبيوا منو المعبين و يتصهدو بيه الجيعانين تخرج مضاهرات المفلسين تعاطفا مع الممسوخين السنمائيين والشاذين ، يلقاو الحماية مالداخليه .. قريب العبد يفركس دي بارتيزون من طرحت عنقني شيعمل بيهم حماية مالتنكيل .. حتى شبكة من شبكات التحريض على الأمن العام من أيامات الثورة تفككت لا إلى تابعة للتجمع ولا لرجال الأعمال المتنفذين .. طلبة وعمال و ناس عاديين عملو جونتة زطله تتعمل على خاطرهم حملة بأشهرة ..  ولي حارمين الشعب من لقمة سخونه مزالو معتصمين كان عاطي ربي على ما عملو في ملاين  متوانسه راهم فلحبس محطوطين .
ياخي ماو عنا قيادات أمنية على التران يا رئيس الشعب ويا رئيس لحكومة الصيد لا ! جيبولنا أي واحد آخر ملأمنيين .. آكهو ياخي تستخايلو كيف شتخدموه معاكم شيعطيكم البحث الصحيح ويولي بو تانسة لحنين .. ملاّ !

القضاء على عصابة القضاء

كنت أمنّي نفسي بجمل بسيطة  تدفع عني إختلاط الأفكار المرتبكة حول الأمس الضائع وجنوني بشاعرية رئيس الجمهورية المنتخب وسخطي من شائعة بقاء الحبيب الصيد بتشكيلة الحكومة المرتقبة .. وأمنّي نفسي بالسكينة بالقفز على عاداتي السيئة في كره الإحتفاء بالمناسبات ومقتي المشاركة في الصياغة بالمناسبة .. أذكر أني كتبت بعد إحتفالات السابع من نوفمبر تدوينة عنونتها  "أنا أكره التجمع " حينها كان الإهتمام منصرفا لمقارعة عمار 404 وأملت عليّ العادة التغريد خارج السرب .. البارحة أيضا عاودني ذلك الشعور الغامر بمقت المناسبتية .. الإحتفال بدا لي إبتذالا للموتى والجرحى ولذلك الذي سفح دمه على الإسفلت .. بلعت الكلام فللأسف لي فم كبير .. وكلمات غير نظامية لا تهتم بأفكار البشر .
وقفت أسمع نائبة رئيسة جمعية القضاة وهي تقدم شرحا لموقف الجمعية من مسألة التنظيم المؤقت للسلط .. وانتبهت وأنا أحاول رصد إنطباع الصحفيين ، لمذيعة شمس آف آم وهي تلوك علكتها وكأنها تفكر داخل غرفتها في أخذ قرار حاسم حول ما سترتديه في الغد ! في الحقيقة لم يسعفها لون عدستي عينيها المتنافر مع  لون جلدتها إلا أن يعزز لدي فكرة مجانسة القالب والعلكة لتعليقها على مداخلة ممثل الجمعية بالمحكمة الإدارية حينما ذكّرته للتاريخ أن إحداث هيكل القضاة الإداريين المتحدين جاء كرد فعل لحماية المحكمة بعد إقالة رئيسها وتعويضه بأخرى نتيجة لحسابات معينة .. ما لفت إنتباهي أنها  علّقت على تأكيد الزميل على أن بعض قضاة المحكمة وبدون تشريك زملائهم عمدوا إلى الإجتماع كهيئة تأسيسية للهيكل المذكور على الساعة الواحدة بعد الزوال ليقرروا إحداث ذلك الهيكل وبعد ذلك بنصف ساعة أعلم باقي زملائهم بقرار إتخذته الأقلية وأنه تم التغاضي على ذلك إلا أن كثرة خروج أعضاء ذلك الهيكل للحديث باسم كافة قضاة المحكمة المائة دفع بنحو ستين منهم إلى نفي تمثيلهم من الهيكل المذكور وتأكيد إنضوائهم مع هيكلهم الموحد لعموم القضاة وهو جمعيتهم ..
ذلك التعليق العجائبي لصحفية ناشئة لا بد أن عهدها بالشروط الموضوعية للعمل الإعلامي بداية بالموضوعية والحياد حديث ، ذكرني بالأسلوب الفوضوي الذي صار ينتهجه الإعلاميون في بث لواعج غيضهم و طيفهم الإيديولوجي بأسلوب تقريري بداية من 23 أكتوبر الجاري .. يطرحون أسئلة إنكارية ويبادرون للإجابة عنها حتى قبل الضيف سعيا للتعمية على الحقيقة وتسويق الكذب متجاوزين كل الأخلاقيات المهنية وكأنهم بعدما كانوا بوقا للنظام آلوا على أنفسهم إلا أن يكون دعاة على أبوا ب الخراب ..
وحقيقة تمثيلية القضاة المطروحة على سبيل الإلتفاف على ملف المحاسبة ( ملخر ) من السهل فهمها  من العموم : أسباب خلق هياكل موازية ( النقابة أولا ثم الإداريون المتحدون ) جاء للتشويش على الخط الإستقلالي المنتهج من الجمعية وضرب وحدة القضاة و إسقاط سقف المطالب للحدود الدنيا وأحيانا للتشكيك في موضوعية المطلب  من الأصل .. هذا يذكركم حتما بالأسلوب المعتمد للتشويش على أعمال المجلس التأسيسي باستحداث هيكل مواز وأنا لا أستغرب تطابق الأساليب .. فمنذ عاد دعاة الإستقلالية لريادة الجمعية ومر السخط العارم على أهل القضاء واستعاد المتنفذون ثقتهم بأن الثمانيني الذي جيء به على رأس الوزارة سيتولى إدارتها على نحو يقع المحافظة فيه على منظومة الفساد حتى  ولدت من رحم المؤامرة فكرة ... قالوا أن القائمين على الجمعية قوضوا هيبة القضاء بالتحامهم بالجمهور ونزولهم الشارع وأن  دعوتهم للتطهير لوثة سياسية وأن أولئك من حبهم للظهور صاروا يتعمدون الإستئثار باتخاذ القرار يومها سألت بعضهم ما سبب إحتجاجكم على مطالب الجمعية ومافيه ينسجم واستحقاقات المرحلة كان الجواب نحن ضد أن يكون لفلان دور البطولة وهو لا ينفي نبأ الفساد عنا ..
السخف أن فكرة النقابة تتعارض مع موجبات السلطة التى تقتضي الإستمرارية و امتيازات معينة لخلق التوازن بين السلط الثلاث لا أن يتهيكل القضاة كقوة شغلية والأبشع أن إنطلاقها من مركز الدراسات الذي طوّع للنظام السابق طاقات قضائية لصياغة مشاريع قوانين ليس أخبثها قانون الإرهاب .. 
ولد الهيكل بدون حاجة ولا مراجعة فزكته وزارة الثمانيني وسهلت له المقر والمؤتمر التأسيسي وحضره كالعادة غالبية من النيابة العمومية المؤتمرة بأمر الوزارة ... واصلت الجمعية نضالها وصار القائمون على النقابة يحددون جدول أعمالهم على التضاد مع تلك المطالب أو التعليق عليها وأحيانا الأخذ من بعضها وبناءا على نداء المجلس الوطني بقفصة طالبت الجمعية بعزل الوزير الذي واصل الإبقاء على سيطرة كاملة على النيابة العمومية التي من أجلّ ما قامت به إصدار الأمر بملاحقة المتضاهرين داخل جامع القصبة وكان الإصرار على طلب التطهير بناء على شواهد تعطيل المحاسبة لما حصل أثناء الثورة بداية من غياب أي حكم إبتدائي جنائي في جرائم القتل رغم أنها في بعض الحالات واضحة وكان من الممكن أيضا الحكم في بعض قضايا الفساد على الأقل إبتدائيا نهاية إلى الإبقاء على الفسّاد الذين تورطوا في خدمة النظام البائد على رأس أهم الخطط القضائية سببا لخلق ذلك الكيان الثاني ليقال للقضاة أجروا تفاهما حول مطالبكم أولا ولعل مناقشة الفصل الذي تم داخل المجلس التأسيسي دليل آخر على الأسباب الحقيقية لخلق النقابة ضرورة أن الجمعية بادرت لطلب حل كل المجالس القضائية واتخاذ مجلس أعلى للقضاء على أساس الإنتخاب منذ شهر فيفري ولكن بقاء العديد من الفسّاد داخل إدارة القضاء والقانون الجاري به العمل الذي طالما سهّل التزوير دفع الجمعية لطلب تعيين هيئة من القضاة المشهود لهم بالنزاهة للإشراف على العملية الإنتخابية بداية بمنع ترشح من ثبت تورطه في خدمة النظام السابق أو إستغلاله للمسؤولية لتعطيل المحاسبة ( خايف علكرسي طفى الضو ) أو ممن تورطوا في أحكام سياسية إنتهاء بالإشراف على الإنتخاب نفسه على غرار الهيئة المستقلة للإنتخابات فعادت الممارسات القديمة المستحدثة ببوق الهيكل الموازي " لا وصاية على القضاة " المرور إلى الإنتخاب المباشر والإحتكام لعموم القضاة تقنية الديمقراطية في تحديد الممثلين .. إي نعم (  موتوا يا كبار الحومة ) عادت الأوراق لتجتاح المحاكم ليمضي القضاة على رغبتهم في إنتخاب ممثليهم في مجلسهم الإنتقالي ( وكأن الجمعية تطالب بالعكس ) غدا تقدّم القوايم على أنها صك المبايعة تصوروا للنقابة .. فعموم القضاة الطيبين لا يتابعون الشان العام وليس لهم باع في الدسيسة .. يذكر أن التزوير كانت ترفع فيه تقارير رسمية لوزير العدل وأن هناك ممن يتقلدون مناصب عليا وحتى صغرى في القضاء تجمعيون شرسون ومناشدون ومجبولون على الإنبطاح للحفاظ على إمتياز الخطة لا يزالون يحافظون على امتيازاتهم بل  جرى تدعيمهم بعناصر أخرى في الحركة الأخيرة للقضاة .. ولهم أقول ستجدون ما لا يسرّكم ما دمتم أوفياء للبارحة ستواصل جمعية القضاة نظالها وراقبوا كما اليوم نجاحها وللقراء الذين يهتمون بالعدالة الإنتقالية أتركهم مع صياغة جمعية القضاة لمتطلبات الإستقلالية وليعلموا أن ما يفعله المكتب التنفيذي غايته إيجاد سلطة قضائية تقضي بين عموم الناس باستقلالية ولتعلموا أن وضع قائمة الفاسدين ال154 كان مطلبا للمجلس الوطني لجمعية القضاة للألم الذي انتاب عموم القضاة من الآداء المخجل للقضاء العدلي بعد 14 جانفي والذي يتحمله أصحاب المسؤوليات والخطط دون غيرهم . إقرأوا :


 " يقوم اصلاح القضاء في المرحلة الانتقالية على ثلاثة محاور أساسية: أولا: رفع وصاية السلطة التنفيذية على القضاء . ثانيا: تطهير القضاء من رموز الفساد. ثالثا: توفير الضمانات اللازمة للقضاة.   أولا: رفع وصاية السلطة التنفيذية على القضاء: ويتم ذلك برفع وصايتها على القضاة ( أ ) وعن المحاكم (ب)   أ – رفع وصاية السلطة التنفيذية عن القضاة: ويقتضــي ذلـك:     1) إلغاء امتياز وزير العدل إزاء القضاة المتعلق بنقلتهم (بمذكرات عمل) وتأديبهم (الإنذار -الإحالة على مجلس التأديب) وسفرهم وعطلهم وإحالة مختلف اختصاصاته في هذا الصدد إلى مجلس أعلى للقضاء منتخب من قبلهم.     2) وضع التفقدية العامة وإدارة المصالح العدلية والمعهد الأعلى للقضاء ومركز الدراسات القانونية والقضائية وبقية المؤسسات المهتمة بشؤون القضاة تحت إشراف مجلس أعلى للقضاء بالشروط الآنفة.     3) تكريس استقلالية النيابة العمومية عن وزير العدل والتخلي عن قاعدة التسلسل الهرمي التي تحكم عمل ممثلي الحق العام وذلك بالتنقيح الفوري للفصول من 22 على 25 م إج والقانون الأساسي الحالي للقضاة والنصوص ذات الصلة.   ب – رفع وصاية السلطة التنفيذية عن المحاكم وذلك بـ :     1)  تمكين المحاكم العدلية من الإدارة الذاتية لشؤونها بمعزل عن وزارة العدل وتمتيعها بالاستقلال المالي والإداري.     2) السماح بمشاركة وكلاء رئيس المحكمة وبقية القضاة في تسيير المحكمة وإدارتها واتخاذ القرارات صلبها.     3) تدعيم استقلالية فروع المحكمة العقارية عن المركز الأصلي من حيث التسيير الإداري والمالي وتنظير رؤساء الفروع برؤساء المحاكم الابتدائية.     4) تكريس استقلالية مجلس الدولة وذلك بإلغاء كل أشكال التبعية العضوية والمالية للوزارة الأولى وإلغاء فوري للنصوص المكرسة للتبعية وإقرار آليات خاصة لإعداد ومناقشة الميزانية مباشرة أمام السلطة التشريعية.     5) رفع السرية عن تقارير دائرة المحاسبات والمحكمة الإدارية ونشرها بصفة دورية بمعزل عن تدخل السلطة التنفيذية وإرساء آليات لمتابعة تنفيذ المقترحات والتوصيات الصادرة عنهما.   ثانيـــــا: تطهير القضاء من رموز الفساد: وهو ما يقتضي تحديد معنى التطهير(أ) وصيغه (ب) وبيان آلياته (ج)   أ – معنـى التطهيـر: يعني التطهير استبعاد القضاة المتورطين في إضعاف المؤسسة القضائية سواء بتكريس تتبعيتها للسلطة التنفيذية وتسخيرها لفائدتها أو بالعمل على تعميم مظاهر الرشوة والفساد صلبها.   ب – صيغ التطهيــــر: عموما يمكن أن يتخذ التطهير الأشكال التالية: العقوبات التأديبية: والتي يمكن أن تبلغ أقصاها بعزل القضاة الثابت ارتكابهم أفعالا مجرمة قانونا ومخلف بشرف المهنة وأخلاقياتها.. العقوبات الجزائية: من أجل جرائم متصلة بالوظيفة القضائية كالارتشاء واستغلال النفوذ والاستيلاء على المال العام و... الاستبعاد من الوظائف والمسؤوليات واستبعاد كل من تخاذل في مقاومة الفساد وامتنع من ممارسة صلاحياته المخولة له قانونا تصدّيا للتجاوزات. كما يجب أن يترافق التطهير في كل الحالات مع المحاسبة وإظهار الحقائق والكشف عن الأطراف والشخصيات المشاركة والضالعة في الإساءة للمؤسسة القضائية وعدم التغاضي عن الجرائم المقترفة أو التغطية عليها وطمس ومعالمها وأدلتها كأن يقع الاكتفاء بنقلة القاضي المرمي بالفساد.   ج – آليـــــــــات التطهيـــــر: تطرح مسألة محاسبة القضاة المتورطين في الفساد الإداري والمالي مشكل إقامة الدلائل والإثباتات للجرائم المقترحة، ويمكن اللجوء في هذا الخصوص إلى تقنية فحص القضاة كإحدى آليات العدالة الانتقالية والتي تقتضي اخضاعهم إلى اختبارات نزاهة وكفاءة بإجراء كشف دقيق لأملاكهم ومكاسبهم ومداخيلهم ومعرفة مصادرها فضلا عن دراسة ملفاتهم الشخصية من قبل إدارة القضاء وتلقي الشكاوى وسماع الشهادات المقدمة ضدهم سواء من قبل الضحايا أو الشهود أو زملائهم القضاة والمتعاملين مع المؤسسة القضائية ..كل ذلك في إطار قانوني شفاف ومحايد يضمن حق الدفاع ومبدأ الواجهة. وعملية التطهير تستدعي توفير جملة من المقومات تتركز أساسا في : - التعبير الجاد والفعلي عن إرادة سياسية حقيقية في التطهير. - انجاز الدراسات المعمقة لمظاهر الفساد وأسبابها ودواعي وجودها ومواطنها والظروف الراعية لها. - خلق هياكل مراقبة خاصة بمظاهر الفساد القضائي خاضعة للمجالس العليا للقضاء المنتخبة. - صياغة مدونة سلوك للقضاة تشكل قواعد توجيهية تدعم نزاهة العمل القضائي واستقلاله. - تجريم كل تدخل والتأثير في سير القضايا أو التأثير على القضاة المتعهدين بها وقبول التعليمات في خصوصها.     ثالثــــا: توفير الضمانات اللازمة للقضاة: تتحقق الضمانات الأساسية للقضاة بتوفير الحماية القانونية لهم (أ) وبتدعيم إمكانات القضاء (ب)   أ‌- الحماية القانونية للقضاة: في انتظار وضع دستور جديد يكرس الضمانات الأساسية للقضاة كي يمارسوا مهامهم بكل استقلالية وحياد ودون هواجس التضييق والاستهداف والمعاقبة، وجب فورا تكريس المبادئ الكونية لاستقلال السلطة القضائية المنصوص عليها بالمواثيق والعهود الدولية سواء صلب قانون أساسي انتقالي للقضاة أو تكريسها واقعا وبصفة فعلية من قبل السلطة التنفيذية ليكون ذلك مؤشرا حاسما على جدية التوجه نحو اصلاح القضاء وتكريس استقلاله من عدمها. وهو ما يقتضي التعجيل بتركيز مجالس عليا للقضاء تقوم على مبدأ انتخاب أعضائها من قبل القضاة وتوسيع صلاحياتها على نحو يُغَطي كامل المجالات المرتبطة بالمسار الوظيفي للقضاة ويحقق الضمانات القانونية والفعلية اللازمة لهم، ومن أهم المبادئ الواجب تكريسها بصفة قانونية أو فعلية دون إبطاء هي:     مبدأ عدم قابلية القاضي للعزل والمبادئ المتفرعة عنه وأهمها مبدأ عدم نقلة القاضي إلا برضاه. مبدأ الترقية الآلية. النهوض بالأوضاع المادية للقضاة نأيًا بهم عن التأثيرات والاحترازات والشبهات. الحفاظ على الاستقرار الاجتماعي والأسري للقضاة وتجنيبهم النقل التعسفية والعقوبات المقنعة وعدم محاسبتهم إلا من أجل ما ينسب إليهم من أفعال تخل بنزاهتهم ومبادئهم.   ب – تدعيم إمكانات القضاء :     1) تعزيز الرصيد البشري للمحاكم بانتدابات جديدة لقضاة وإطار إداري وكتبة وذلك على مستوى مختلف فروع القضاء.     2) مضاعفة الاعتمادات المرصودة للمحاكم وتلبية حاجياتها المتزايدة وتطوير منظومتها المعلوماتية. 3) إيجاد الصيغ والآليات الملائمة لتسهيل الحصول على المعلومات المساعدة على كشف الحقائق بشأن جرائم وانتهاكات العهد البائد. 4) وضع الضابطة العدلية تحت سلطة وإمرة القضاء والمحاكم والإسراع في إصلاح المنظومة الأمنية. 5) تدعيم التخصص القضائي والتكوين في الميادين المعقدة والمستحدثة كالميدان المالي والصرفي والقمرقي والتجاري والبنكي والمعلوماتي والانتخابي وقضايا الرشوة والفساد والتعذيب.. وانتهاكات الماضي عموما. 6) صياغة تصور جديد للمعهد الأعلى للقضاء يكرس معاني الاستقلالية والنزاهة والحياد ومبادئ حقوق الإنسان. 7) إعادة الاعتبار لمركز الدراسات القانونية والقضائية وتفعيل دوره في إعداد التصورات للنهوض بأوضاع السلطة القضائية. 8) إحداث فروع للمحكمة الإدارية بمختلف الجهات تقريبا للقضاء الإداري من المواطن...وإعادة النظر في اجراءات نشر القضايا وتوزيعها بين الدوائر، كالعمل على تبسيط واختصار آجال التقاضي الإداري.. كإحداث مؤسسة قاضي تنفيذ الأحكام لمتابعة تنفيذ أحكام المحكمة الإدارية من قبل الإدارة. 9) إحداث دوائر استئنافية للمحكمة الإدارية لمجابهة ضغط المنازعات الانتخابية المرتقبة. 10) إحداث دائرة مختصة بالدراسات بالمحكمة الإدارية لتوفير بنك معلومات لقضاتها. 11) العمل على نشر ثقافة استقلال القضاء وآليات تكريسه على نطاق واسع .      " هذا تلخيص بقلم الزميل فوزي المعلاوي لرؤية جمعية القضاة لمتطلبات العدالة الإنتقالية وأزيد أنه في يوم تحرير القضاء الذي حضره ما يزيد عن ألف قاضي إستجابة لدعوة جمعية القضاة إرتفع صوت القضاة بشعار ثوري " القضاء ..القضاء على عصابة القضاء " وهذا أمر لم تستسغه العصابة بلا ريب .

كوبيات 00,00 وطوليرونس

برجولية ماينة باااااع شكبو عليّ وفكوني .. يا بوقلب تدخل إدارة تونسية قولش عليك داخل لتكيّة شتاخو قفة إعانات وكيف تبدا ظلامي كيف غيغوز وعامل شوليقة على طاسة مخّك بيناتنا لبستو خاطر شعري حكاكة قلت نوفر فلوس الحجامة ونستر ما ستر ربي .. إي ، آنا كيف كنت من طرحت عنقني ما كنتش طوليرونت مع الظلاميين في لحقيقة كنت نحشم منهم على خاطرهم متبعين شقال ربي ونبي وانا الطوليرونس إحساس مخليتو  لليهود التوانسه لأنو بالمفهوم الدياليكتيكي لكلمة الأقلية ما فمّة في  تونس أقلية كان هوما حسب التفرقة العقيدية لأنو إثنيا هتوانسه ما فيهمش حتى أقليات عرقية تغزستي وناويا على درابو خاص بيها .. أيا كيف نقول ظلامية إفهموني حسب القاموس اللغوي تاع بنو علمان ..
 دخلت للبوسطه ، نلقى فيها سيناريست ملعامة شادة موظفات البريد تحكيلهم في فيلم خلطت على اللحظة الدرامية فيه :
- فاقت بيهم لمرا فلبالكون .. جاب ربي طلبت البوليسيه شدوهم يلقاوهم مرا وراجل ( قلت في قلبي وانا نفركس على لامبريمي تاع المانده : تحكي علقناصه ) .. فركسو المنقبة يلقاو تحتها سكينه قد هكه ..
- وتلفتولي ، وغزرتلها الموظفة قاتلها : هذاكة شنّجمو نستناو والله كان تجيني وحدة منقبة لنخدملها ..
- جاوبتها السيناريست رد بالك تقلّكش دخلني لداخل نوريك وجهي راي السكينة قد هكه .. 
آنا فلكلوف سلكتيف دونك عمرت المانده وخرجت لفلوس من جيبي ، رجعتهالي الموظفه طلعت نسيت شنكتب كاتخوفان .. هههههه معنتها ثمانين ..  قبل الديس : ولاّ فمه فرق ما بين المبلغ بلسان القلم والأرقام .. أيّا عندي وين نكتب كملت الناقص ورجعتلها الورقة إلي ولات كونفورم وأمورها هانية ضحكتلي ضحكة صفراوية وطول فرواصّيتها ورماتها فلبوبال ومدّتلي سبيسيمان جديد قتلي عاودها خير بالكشي في مركز البريد لاخر يختلط عليهم الأمر ..
تذكرتوشي موقف الب د ب مبعّد الإنتخابات وقتلّي لعبوها جنتي وعطات ميّة هاك التصريح .. آنا حسيت نفس الإحساس قدام هاك الموظفة تاع الغيشي إلي شدًّت وحدة ظلاميّة كيفي شتفكسيها وتجيب عليها الماء ملبير  .. أيا بدون تردد قلتلها ما كاركش طيشت الأولى ، الفايدة آنا شنعطيك فلوس أما موش مشكلة هاني شنعاود نكتب .. 
حسبتلي لثمنية وقتلي كملتش ( تقولش عليّ في حصة تدارك عند معلم سوري ) .. طفيتها قامت هزت لفلوس إلي حطيتهم بحذة إيدي وقامت تحسب فيهم ما غير ما نمدهملها ، عاد وانا نكتب قلتلها رجعلي لربعين ألف الزايدة وسبعة دينارات وخمسميه مبعّد ما تاخو حق الماندة 
طفاتني مديتلها المانده وقعدت نستنى .. كملت تحسب ومنها قتلي أعلاش مديتلي لربعين زايدين ؟ .. 
قلتلها : ما مديتلك شي إنت هزيت فلوسي وحدك وهتشغشيب إلّي تشغشب فيه في روحك يا حرّة هاو لربعين فوقي وما فماش مشكله .. 
شفتوش خزره صفراويه ؟ خزرتهالي وقتلي لا إنت مشغشبة ههههععع جبتلها ملّخر : 
- سيادتك يا مدام فو مونكي دو طوليرونس .. دينا راو سمح .. بون جوغني ( فهمتوها ) توه برشه منكم شيعتقدو إني مجرابة حكوها مرافقها وهذوم أحرار شيخمموا إنو لوصتيليتي تاع هاك الموظفة واستغلالها للوظيف شتمرمدني على خاطر الحجاب إلي لابستو .. بتطييشها للامبريمي إلّي عمّرتو ومافيه  حتى تشطيبة شتشكب عليّ وتشّيف عليّ تصرف عادي وهي تعرف خدمتها دييور قالتهالي  .. 
قبلها بمدة واقفة في الصف ورا مادام أيا تلفتت تلقاني عملت روحها تفجعت وهزتني من فوق لوطة ..تبسمت في وجها على خاطر نهارتها لابسه كيف طالبان ( لبسه جابتهالي أختي من فرانسا شنصلي بيها التراويح وليت نخرج بيها وقتلي نمشي نزور أمي في الجبانة ) أنا عملت غريماس تاع تعب وهي كبشت قتلي :
- ظاهرلي اللبسه مرزنتك ! شخت بالضحك وجاوبتها بالحقيقة :
-قلتلها :  اللبسه حتطلي في صدري فرططو خفف على قلبي همومو .. أما التعب راو بجبج علي السّمن ! في لحقيقة آنا قلتلها لكلام بالسوري ماخذه راحتي كيف العادة شنحكي  ثلاثة لوغات فرد جملة باش نعبر على مقصودي ، عاد قربتلي شويه موش ياسر ،  وقتلي : حاسه روحك مرتاحه هكة ؟ قلتلها حسب سورة النور أختك هكه وليت نغزستي مبعّد ما كنت مارجيناليزي وإنت يا مومنة أعمل كيفي إذا ماكش طايعه ربي علقليلة ما تتفقهاش وتنجم تاخو ملفرنسيس قيمهم في الطوليرونس مع البوذيين واليهود نفرضو تطلعلنا ملّه كيف السيخ في تونس الراجل عندو لبسة تدين خاصه منها عمامة ما يلزموش ينحيها نهججوه ملبلاد على خاطر عمامة .. 
ميزافينتير تاع غيغوز ما تجي شيء قدام لاغسالمون متاع هاك المومنة إلي المجلس "العلمي " تاع الفاك حرمها متّعليم على خاطرها منقبة ..
أول هام الحق في التعليم حق دستوري ، مطلق وما عندوش حتى إستثناء وحتى إعتبارات بما فيهم الإرهاب ما ينجم يحدد الحق في التعليم أهوكة علاش برشه نجموا يتحصلوا على الدكتوراه وهوما في حبوسات الكيان الصهيوني ويسامحوني مناضلي الحرية في فلسطين لأنهم عندي مجاهدين أما سقت الكليفيكاسيون تاع الصهاينه شنقيم الحجة على صهاينة بلادي .. دونكوي هاك الدوايان تاع التطبيع كيف يجتمع شياخو قرار مع أساتذة الشُّعب وتونس جودة الحياة .. ما يلزموش ياخو قرار فيه جهل بالقانون وتعدّي علحريات سينون يولّي قرارو هدف لقضاء تجاوز السلطة و للإلغاء ملمحكمة الإدارية . أما قبل هات نفهم ياخي الجامعه ملك المجلس العلمي ولا ملك الدولة ؟ وتحكم فيها قوانين الدولة ولا عنتريّات المجلس ؟ حتاش توه ومادام لوزارة تاع التعليم العالي يحكمها لبوليميكور تاع صفر  فاصل صفر على راي مجاهدي الفايسبوك الكليه ملك الوالد تاع أعضاء المجلس العلمي ، أمّا هاي جاتنا فرصة  شيعرف الشعب باش نعملو كنسه للمجالس العلمية من الفسّاد زادة ، إلّي وقت كانو الطلبة يتخطفو ويدخلو الحبوسات على خاطر يصليو الصبح فلجامع ولا عملو مضاهره على المبيت الجامعي ما كانوش يهتموا ولا تتحركلهم شعرة وتوّه ولاو يعملولنا في الريل تي في قولش عليهم بناو الكليات من كاسة السيد الوالد ولّا متكرمين على الدولة يخدمو بلاش .
آخر حاجة شنحكي فيها بوليميك الدستور الصغير إلي جوهر ولد مبارك نبه من خطورتو وتجندتلو تونس البنفسجية و الإذاعات اللاوطنيه واحزاب الكسكروت والزيرو صفر ! نقلو يا ولد مبارك يا جمعياتي : إي هاو القايد السبسي سليل الدساتره إلي سرقو لبلاد وهمشوها ولي معاه خلق بورقيبة مليشيات شيحميوا حزب الدستور ولي عندو رخصة بيعان شراب ( معنتها عندو مصالح مادية تخوف منو ) وتاريخ أزرق!   ما قلقكمش عام كامل يحكم لبلاد بلوغة حب من حب وكرخ من كرخ جاب الصيد ووزروا عدّاخلية وماقلكمش إنهم خرجو مراسيم فضائحية تسقط جرايم التعذيب بالتقادم وتعطي المحامي حصانة قضائيه و صححوا على معاهدة تناهض الإعدام و بركوا لبلاد في المديونية توّه عام ما خرجتو كان باش تساندو حرية الفاني وقناة نسمة في التعبير ..
وقتلّي ياض ولد عاشور خرّج قانون إنتخابي علقوايم تعيس وفيه إلتفاف على الثورة  أموركم هانيه والبلاد داخلة في حيط توّة وليتو تحكيو على الوقوف ضد هيمنة الحزب الواحد في شخص رئيس الحكومة وتعملو في الإعتصامات اليوميه ؟ والله الأتلاف يتناقش ويتفاهم على تسيير الدولة هوما شيهزوها نشا الله لبر الأمان ونتوما أقعدو مبهذلين خايفين على مكاسبكم النوفمبريه .. 
وتعيش بلادي .. وتسقط الأفكار الشلايكية للي على شيخة مخهم و من خوفهم علي نهبوه من رزق البليك مشيخينا بوليميك وتونس هاو انبه عليك للدمار متاع السراق والصعاليك قالت يستحيل نخلي روحي ليك وقتلي نخلطو لانتخبات البرلمان ورئاسة الجمهورية معادش تبكيو من إكتساح الظلامية هّوكة قاعدين تعملولها في كومباني إلكتورال قوية شعب تونس ظهر بلمكشوف ما يفاوضش علهوية

لبلاد .. يا حكومة

هموم قلبي نسلم عليكم برشه ونقوللكم سايسو رواحكم وبراس لحنينة أنزعوني خليولي علقليلة فيزيبل نخدم بيه يا رسول الله قريب تردوني عبد غير درج و"هضايه" علاش حبيت قبل ما تعملوها فيّ نزرب روحي ونحكي مع لحكومة الجاية بالكشي رئيس الجمهورية المدون يدّعثرشي  في هتدوينة ..
أيا سيدي : يا حكومة كان ناوين تحنو على تونس وتخدمو البلاد أعملو إشاس ألوم معنتها شدّو الأيادي إلي من  15 جانفي تسميو فيهم بلخفيه وفلول التجمع إلي قاعدين يقتنصوا في الفرص باش يبثوا الفوضى في لبلاد ويضربو في الإقتصاد من خلال حرق المنشئات العمومية ونهب الممتلكات لعامة والخاصة وقاعدين يضعفو  في الدولة باش يستولاو علحكم .. إذّكرو أحداث مركز الحرس في الكاف وفيلم المرا إلي خذات كف وفيلم الأنطوكس متاع المتلوي إلي خلفت 17 ضحية و أحداث سيدي بوزيد كلها أحداث ثبت إنو وراها محرضين ومجرمه عدليين قاعدين يحمشو في شباب يتخمّر في الفول ..
الشاس ساهلة ، مبدئيا لزمكم تحطو كل الناشطين التجمعيين سابقا تحت المراقبة و تكون الأولوية الأمنية تحديد الجناة في تلك الأحداث وأساسا المحرضين وراهو مهواش صعيب إسهلو التوانسة ما فماش تونسي ما يعرفش الرّكاي متاع التجمع وزيد البوليس متاعنا كان يحط في بالو يطيحهم والله لا يمنعو أعطيوه إلفو فار شيخدم الدوسيات الصندي وبرّه 
ياحكومة حددوا الأولويات الأمنية وركزوا خطابكم على علوية القانون موش الهيبي متاع الدولة دو سو فات أي إضراب في القطاع العمومي يلزم تكون عقوبتو العزل على خاطر الموظف العمومي إلّي ما عندوش همّة  باش يلتزم بلقانون ويستضعف  الدولة باش يعمل إلّي في مخو نصيحة نعزلوه هاو البطّالة الكادر بلمشطة يا خويا خلي نجيبو شكون يحب تونس ويحب يخدمها موش يبرّكها ويليق عليها .. 
ثاني نصيحة باش تحققوا مطلب الشعب في المحاسبة وهذايا ما تنجموش تعملوه بلاش إبعاد البعض ملقضاة من مواقع القرار والمسؤولية وتحطو في عوضهم قضاة معروفين بطابعهم الإستقلالي ورغبتهم في تحقيق العدالة الإنتقالية و الحل في كليمتين تلقاووه عند جمعية القضاة إلي هوما أهل الداخل ومحضرين ليستة فيها 214 إسم بالحجة علّى يلزمهم يبعدو عن مواقع المسؤولية في مباشرة الأعمال القضائية يا سيدي إجتمعوا معاهم راهم عاملين خدمة صحيحة وعندهم تصور عملي للعدالة الإنتقالية بداية من تطهير القضاء إنتهاء بإرساء العدالة و إيقاف مسلسل المماطلة في المحاسبة وارتهان العمل القضائي من طرف وزارة العدل لصالح فئات بعينها وهو ما خلق نقمة شعبية و باش تخلطو لصبر جماعي على أزمة البلاد برهنو  إنكم جادين في المحاسبة !
 النصيحة الثالثة .. موش معقول والأزمة الإقتصادية بركة معاها بلدان كيف اليونان و إيطاليا هوما يعملو سياسة تقشف ونحن وزارة الثقافة تسيب قرابة المليار دعم ثقافي لأفلام برونوغرافيا هابطة فنيا ومضمونا موش معقول إنو الدول المتقدمة تتقشف ونحن إلّي بيلكونا السراق والناس مزالت تعيش تحت القزدير نعملو في الدعم الثقافي .. هات نمَنعو الناس ملموتان بلجوع وكيف يرحمنا ربي نشاورو الشعب كان حب يبقشش على النوري وأمثالو  وقتها  يعمل الله دليل !
الحاجة لخرى يا  حكومة تسريع مصادرة كل أملاك العايلة " المالكة  " و اعطيو إيطا بلأملاك للشعب باش تسحبو القوات الأمنية والعسكرية إلي قاعدين قدام هاك المؤسسات -مثال قدام مقر شمس آف آم ولا سياج بنك الزيتونة - كيف عسكر الكردونة والحال إنا حشتنا بيهم باش يخدمو البلاد  و أمنها !
النصيحة الرابعة  طيحو  شهاريكم ما تتقاضاوش نفس الشهاري إلي تقاضاوها سيئي الذكر قولش عليهم ردو البلاد سنغفورة  تقشفو وكونو شفافين فلمعلومة وتذكرو إنكم جيتو شتخدمو لبلاد موش شتستغناو ولا تتسيدو .
آه وأهم حاجة  بالنسبة للإعلام لحكومي ماذابية توجهو للناشطين في الإعلام العمومي  تحذير رسمي بالإنظباط ياخي نخلصو فيهم من ميزانية الدولة باش يمارسو التشحين السياسي والمس بالسلم الإجتماعي بإسم حرية الإعلام ؟ بالله وقتاش بنادرية بن علي ولّاو إعلاميين وماخذين لنيسياتيف في طرح المواضيع نهار كامل وهوما يتبكاو على الحريات كلي كانو غارقين فيها وتحرموا منها .. علوية حرية التعبير يلزمها وعي والناس هذوما بعاد برشة عليه دونك يستويو رواحهم .. تخلص فيهم الدولة باش يكون ولاءهم للوطن موش لفئات معينة ..
في لخر موش لازم التحليل رانا موتى .. أووف تضربو كابلووات مخي ! شمدخلني في غناية الترشي ..إمممم سي جعفر نشاالله تعملو خلية مساندة باش تقضيو على عمليات التشويش داخل المجلس بالله ردو الصاع صاعين والتسامح خليوه وقت يولي عمركم ثمانين .. كنزة ماما  موش شتخليك تلبس بيكيني .. كنزة ماما موش شتهستر و تخلفلك العار ..كنزة ماما شتوب لربي وتستغفر لذنوبها .
هموم قلبي ... أيّا مرحبا شتشربو !

الفسّاد 2

ليس في الخاطر موطئ نسيان لأظن " بحداثيي " هذا الوطن غير السوء بما ثبت من قذارتهم في سلب البلاد كل شيء حتى سمعتها ...

أكذّب الخائفين على مستوى الدعارة بتونس توجسهم  - يلزمها زمان لتتطهر - وأقرهم على أن الناس أقبلوا على السماء وأننا سنسأل الحكومة القادمة وقف الدعم للفلم الإباحي وتحويل مسار المال العمومي من جيب النوري بوزيد لصرف جراية تقاعد مبكر لممومسات البغاء العلني ..

هناك حقيقة صامدة في وجه البغي : البذاءة يتعرف عليها بائع الخضرة وصاحب القلم والمهمش والسكير والملهوف والقاصي و الداني عن هذا الوطن والشرطي والعطار والعامل و العاطل والشجاع والجبان والصادق والكاذب والمتواضع والغر والرجل والمخنث فقط يجهلها المتواطئون لاشتغالهم بها ولتصاممهم على أن الشعب يريد كرامة بها يحيى ..

لا يأسف الضالعون في التيه كونهم منبوذون منعوتون بما هم جاوزوا الضباع سوءا ونجد لهم ريحة يقول أبو العربي أنهم صاروا أشبه ببهلوانات السرك .. لصاحبي دماثة أخلاق وطيبة لا آسف لتجاوزها يذكرني مهندس المجلس التأسيسي المدني أو الموازي  بالعاهر العجوز مضغت قبحها وابتلعته وذات ثورة بلعها ...

سمى الشاعر الطيب عبد الرحمان يوسف من قال أنهم ليبيراليون متطرفون بالمس بأمن مصر لإصرارهم على التعصب لحكمها وأحلف بالله أنهم أفضل حالا منا إذ يصر القوادون بالدلالة الفصحى للكلمة أن يحكموا وطني .

الذنب أن يصر السفيه بأنه كائن عاقل وقد أذهب كلام البارحة حسن ظن الجاهلين به .. دعاة حقوق الإنسان بتونس ممن عيوا بالطريقة الكونية في فهم تلك الحقوق .. ويصر رئيس الرابطة أن يتَوْنِسَ مدلولها يقول : أنه يرفض تسريب المفاهيم الغريبة عن بلادنا بغاية تعويدنا عليها هو يقصد اللوثة في حديث الحالم بالخلافة السادسة . حين سمعته تقيأت من السقم .. أشتهي  لو تتناسخ الأرواح فتحل روح الأم تيريزا ببعض مائات من نقب هذا الوطن ولا أستثني المشتغل بما يسمى حقوق الإنسان .

قال الثوري وقد رفع الصوت يحيي الشعب ذات ظلام : نرفض إقامة محاكم تفتيش لضمائرنا و اجتزاء الوطن لمؤمنين وكفار .. قالها الحقوقي وقد بحثت في أكثر أعماق فهمي لمدلول النظام العام مادام تجسيد الذات الإلاهية في فلم كرتوني وعرضه على قناة نقمة قد صار ضميرا مستترا لصاحب القناة رغم التماس بعدم العرض من السفارة الإيرانية للمساس بالعقيدة الإسلامية ولا يهمني إقرار المظنون فيه بالأسف وكونه تضايق كالشعب بما كان من أمر تلك الدناءة .. أيها الداعم للمساس بالنظام العام والسلم الأهلي أثبتّ حقيقة أنه بالفعل كل إناء بما فيه يرشح  حتى حينما يلتقم إسرافيل البوق وفيه ينفخ .

كل الأمور الخارجة من نقب الثقافة مابعد شهر جانفي عجائبي وكثير الهم مضحك كلها لم تخترق بداهتي إلاّ ما اصطلح على توصيفه بالتوافق والذي أجلته الليبيرالية المتطرفة ويوم اقترع الشعب مبديا إرادته أقاموا الوطن حائطا للمبكى وندبوا الضمانات .. حافظوا على نسقكم فقد ثبت أن لذاكرة الشعب أنف يشم الرياء وتونس بحاجة في انتخابات البرلمان والرئاسة أن يكون معدل المنافقين في حدود دنيا 

ماتوا كبار الحومة

قبل ما نبدا ونلقى روحي في قلبو نحب نحييي هاش بي جي ونسهلو طاحش مونك تلحيس وشنية يعمل كيف تجيه لكريز ويطيح مونك..  وننصحو بكاشكول  أحمر وقت الشدة وكان جماعتو عطاووه ملاين يفرقها يصبها في كونط ويريض خاطرو مراقب من المدونين ومزمرة عليه 
ونسلم  بلبوس على جراد حامي حمى  الإتحاد ومقاسم الدينار الرمزي في عين زغوان ونطمن جنابو  إلّي حضرتو الفقيه المعصوم وبالالتفاف النقابيين الشرفا ء شيسلكها على  زعبع ويرد بالو منو خاطرو مغيار 
ونسلم على الطاهر ولد  القروي مولى نسمة مبعد لقلق إلي حس بيه والبلادوار متاعو نون كوبابل عليك ببوك لحنين  راك في السماء كوال بسطون اللهم تلقف روحك وتمشي تعيش في السعودية تخلي جماعة النهي علمنكر يمرمدوك شوية وتاقف فلحرم المكي يعطيوك شلابق قويه  وتدعي على ما قاطعوش الإشهار مع قروي إند قروي وطغاووك يعطيهم المولى قد عذابك مرتين 
وانعنق محسن مرزوق فوق لفريكا ... نرمي روحي بيه ملفوق كلفشيكة ، نطيحو على النوري بوزيد ومفيدة التلاتلي وبشرى بن حميدة نموتو كلنا بحرية التعبير متاعي ويتفجع ماتر لمزوغي ويفيق مثملة معادش ينجم يبربر ولا يوسكي ويموت بالحمصة 
ونسلم على أمي في الجبانة ونقلها ربي يجمعني بيك في الجنة ياحنينة  ونغنيلها غناية الحياة صعبة علينا  ! وكان فديتو مسلامات متاعي طفيوها !
   "  شي ينطق ملجناب كل نهار نفيق إنو عنا في تونس أبطال العالم في الحقارة والطستيكه البقري و قلة الحيا ولّي عنا زادة كاينات نوع صباط وكعبات صنف بوط  .. بلاد خارجة من عشريتي إنحطاط أخلاقي ومالي  واقتصادي وسياسي  و تحطيم إجتماعي رئيس زطال ووزراء غاطسين في الفساد المالي و 99 بالمائة  ملّي تربّحوا مالنظام وإلا كانو لكرون متاع تبييض لموال وسرقة لموال العامة مزالو مستحفظين بلمناصب وبلموال ... إجموع مزالت تبني وتعلي في عين زغوان ولاك 2 على رزق البليك إلى تعطالهم بالدينار الرمزي والكاينات إلي كنت نحكي عليهم مفددينا : شي  بميثاق مواطنة وشي دخلت لبلاد في حيط ( هذيه  كان تتذكروا أيامات حملة ديقاج إلي ستهدفت رموز  الفساد ووقت الناس كانو يطالبو بمحاكمة قتالة لرواح والفاسدين ) آه منجمش ننسى مرحلة الدروس في لخلاق إلى تعطات للتوانسه في طوليرونس مع من كان تجمعيا بل وضرورة المصالحة وحقهم إلي عطاتهولهم المواطنة في ممارسة السياسة .. لخمج الفكري كلو كوم وضمانات لمرا التونسيه في الحفاظ على مكاسبها كوم .. نفس اللغة الخشبية ، على خاطر لو كان نحكي مع وحدة من آلاف البونيشات وبنات لمعامل على المنجزات توه نشبع مشطة ومقصات على خاطرماعمرها لمرا ما كان عندها  فرصة لاحترام الذات  .. مومسات دور البغاء العلني ينجموا ياخذو أوبسيون زايدة باش يفرغو قلوبهم في الكذابة متاع حرية لمرا . 4/ 5 النساء في تونس مستعبدهم الفقر وفمه مدكات يحكيو على الخوف على حرية المستعبدات .. إلي قالتلهم أسكتو حكاية الضمانات التشريعيه للأمهات العزباوات إلي عملت بولميك في مجتمع منفتح كيف مجتمعنا النموذجي ، ما يكفيش إنو قرى الأطفال تملات بلوليدات المحرومين ملعيلة نزيدو نشجعو لبنيات علفساد أصلا في بلادنا معناش جرايم شرف والإجهاض بلوشي ولولد إذا جا تاخذو الدولة وترميه في قرية وكان ستحفظت بيه أمو عندو الحق في لقب عايلي والنفقة مالة شنيه الهدره ؟  بوليميك ! إسلاموفوبي على الطريقة التونسيه بالكشي  تولع .. ربحت النهضة يا بوقلب وفجأة تحرر الإعلام التونسي باش يهاجم إرادة الشعب ويخوف مالظلاميين عمركمش سمعتو إنو تونسية ماخذة غاوري رفضو شيرسمولها غبينتها آنا عشت وسمعت بوذني في الإذاعة الوطنية شكون يرعش علّي معرسين بغورة ينحييولهم حقهم في الورث وغيرو .. مصايب زرقة السبسي وفوفو خمجوها عرّابع شيرة وفساد لبلاد ما فايقين كان بكلام جبالي .. عشرة شهر ما صدرش حتى حكم في قتال روح واحد والجرحى تمرمدو وركاي الإعلام يتباكاو خايفين لا النهضة تعمللهم كيف السعوديه هيئة الأمر بالمعروف والنهي علمنكر مفجوعين من كلمة الخلافة السادسة .. أوف تي كان تقوم قيامتنا ما تقومش فينا لخلافة تي هلبلاد بقرة حاحا إلي يحكي عليها الشيخ الإمام  لا وشريك سياسي علق عضويتو في لجان تفاوض قلك رسالة تحذيرية ومبدئيه دوحي  يا مباركة  باحمد .. علاش جبالي قال شننصهرو في ماخور عالمي ! خايفيين على مستقبل لبلاد هاكوم ما رعشتوش كيف السبسي سب البوليسية وشعره لا شعّل  لبلاد ! ومافركستوش على أسامي إلي دفعو الملاين باش تتحرق المراكز والبلديات ! هاو ما قلقكمش آداء وزير العدل ووزير الداخليه وقت إلي  17 ماتو تحت اساقين بالآنطوكس والدعايات وما تشدوش إلي كانو سبب .. قبل المعلومة الأمنية لدعم نظام زعبع الزطال حاضرة باش ومبعد  17 ديسمبر الداخلية ولات تخدم بسيستام دونكيشووات .. وما ركزتوش برشه على الإحتكار إلي تحت إشراف لحكومة ضرب الشعب وجوّع لكبار و الصغار والحراير ولات تبكي على حارة العظم إلي ولات برودوي ممنوع على أصحاب القلوب الضعيفة .. ما فديتوش على تعامل لحكومة مع ضحايا الفياضانات .. فقيرة لبلاد بركتها الثورة والإعتصامات .. 500  مليون يدفعوهم للبوهالي باش يعمل فيلم برونوغرافيك للجهال إلّي كيفو وجرحى الثورة يموتو بدعوى نقص الإمكانيات ! شي يكوخر .. حلينا في البلاد كل إرث الفساد ، سترجعت الدولة الأملاك العمومية إلي سرقوها العصابات وتمدت بالدينار الرمزي لغولّة المقاولات .. إلي تمعشو منّظام وخدموه ، قعدو متحكمين في الداخلية و الخارجية وفي بيعان الشراب في لبلاد والصفقات العمومية والتسويات القضائية وجدولة الديون وطرح الفوايد بالمليارات و إتحاد الشغل يهدد بالتصعيد في مواجهة قرار قضائي وسحليات الإذاعة اللوطانية مستشكلين العلاقة الوهمية بين التكتل والنهضة ويبكيو من الإستقالات الممكنة لحكومة الخوانجيه إلى شتبيلك لبلاد .. يامروان ولدي ثور ..ميسالش يامي نحلبوه .. شي يكوخر وفا لفساد ! تنجم تقول إنو إدارة الجباية إستخلصت كل أموال الجباية إلي مكفنينها لكبارات واستغنات لبلاد والقادة الأمنيين عملو وقفة  مع الضمير وحلفو يخدمو لبلاد وروّح الصيد والعكرمي كل واحد لمربضو فرحا مسرورا وروحو رقود الجبانة لديارهم وباتت العيلة ملمومة وتنحات ملقلب الغصرات .. وفات حسابات الماضي وكل الفسّاد كفنتهم لحبوسات أفرح يا قلبي وحط في الكرهبة آفون غناية صباح ساعات .. ساعات  .. كل  شي يكخور ويمرض بالقلب و السكر ويخرج ملعقل وما  ينفعش فيه  لا دوا لا وصفات .. إلي صار فساد كارو يبكّش الشعب الكل ملحشمة لعشره سنين على فقدان  أي قيمة للوطن في كل مؤسسات الدولة .. والصعاليك خارجين ينهقوا في لبلاد ، إلي مزال محكمش نهرسلوه بالطلبات ! ولي حياة عمرو نزق نمدولو الدولة وناقفو نصفقولو ونخلييوه يعمل نشيد البلاد ليريك  غربي ناقص يعملو بومزيود ويشطح عليه مع النسا الديموقراطيات هاولدي ميمو هات الثور نحلبوه .. شبيك يامي غبروه .. لكبارات ! "

جمهورية أشبه بالخمّارة

كان يضع السيجارة بين شفتيه نصف مستهلكة ، يدفع أذى دخانها بنصف إغماضة من عينيه ويسعل وهو يعمل المعول في الإسفلت .. رأسه خالية من الافكار وتوقف .. سحب بيد لاهية عقب السجارة الملتهب و فكر .. تأخر مؤجره عن دفع أجرته ليومين لا صبر له على الخمارة وعلى قاروة الكوديا ذات الدنانير الأربعة والمائات الثمانية .. أجمع عزمه على أن يسكر كالبارحة بالكحول خالصا مع ماء الحنفية دارت رأسه  للحظة  السكر وانتظر مرور سيارة فارهة وشتم مؤجره سرا ذلك الحقير كالبالوعة يسرق جهده لساعات طويلة من اليوم ويلهف الملايين من الصفقات العمومية ويتدبر الضغط على سعر التكلفة زفر نفسا عفنا ولم يكن قد وصل لجوفه غير خبز و بيضة مسح جبينه بكفه وترك المعول يسقط  من يده لا بد أن يتدبّر ثمن ذهاب عقله لذلك المساء ..
وقفت تولول وقد تحلّق حولها الفضول كان زوجها السكير  قد باع الة الطهي والخزانة وأخذ طريقه لخمارة الحي ..  كان رأسها فارغا وأطلقت بصوت خائر السباب وتوعدت أمه بالزج بابنها الفاسد في السجن ، ثم إنتبهت للمخاط  الجاري على فم إبنها الرضيع مدت إصبعين أزالته وعلى عجل  مسحت يدها بظهر ثوبها وعادت للولولة ..
سمعت طرقا على الباب وصوتا ينادي زوجها ، قامت وجمعت شعرها المشعث بغطاء الرأس الأخضر  كان بهو المنزل قد غرق بعد أن تجمعت مياه الأمطار فيه . أصاب البلل خفيها فأطلقت اللعنات على القادم وفتحت الباب .. مد يده بالنقود وتعمد ملامسة كف يدها تجاهلت تحرّشه وأغلقت الباب تركت المياه تبلل ما بقي جافا من قدميها رفعت غطاء البالوعة وكانت قد حسبت النقود .. أخرجت  قارورتي كوديا و أجرت الحساب ثم عادت وأخرجت ثالثة وأعادت الغطاء ، وضعتهن داخل كيس أسود وعادت نحو حريفها و أجابته بعد أن صارت البضاعة بين يديه " غدوة يروّح طيحولو لشهرين على خاطر العيد "..  
وقفت في صف طويل وكان الناس قد إحتشدوا أمام المغازة المخصصة لبيع الخمور .. كان الأمر لافتا أن يصير قربان إبراهيم " كمْية " لا غير ، عدلت عن الشراء كانت المغازة أشبه بالخمارة ..فتحت  المذياع داخل  السيارة كان المذيع يندب ذهاب قيم الجمهورية بعد أن بلغ الإسلاميون حضوة عند الجاهلين من القوم فقرروا إنتخابهم لا ليسسوهم وإنما إئتمانا على الدستور ثم سريعا ما شتمت وأغلقت  المذياع ، كان الفاسد يتحدث عن أفول الحرية وتردده في إذاعة الأغاني وأنه لا يعرف إن كان بإمكانه أن يمرر ما يشاء من الأغاني مثل " زي الهوى " لعبد الحليم و كانت زميلة له قد  تسائلت إن كان بإمكانها تمرير الفلكلور التونسي الداعم الرسمي لقيم الجمهورية .. لم تتأدب في الشتم فهي تحت هذه السماء قد أسلمت  ولم يبلغ الإيمان قلبها فتمسك لسانها عن السب .. كان من اللافت توارد المخاوف عند صحفيي الإذاعة و التلفزة الوطنية ويبدو أنهم  أجمعوا أمرهم على الإعلام الموجه فقد ألفوا جمهورية الخمّارات والمقاولة  ولا يأنسون غيرها توقفت بالإشارة المرورية هالها منظر الشيخ وهو جالس على عتبة المحطة وبوله قد إتخذ طريقا على الرصيف وفهمت من لعنات المارة أن الشيخ أسرف  في شرب  الخمر حتى عيت كليتاه .. أي قيمة  لحياة الإنسان داخل هذه الدولة نحتاج أن نعجّل بخلق  مراكز لمعالجة الإدمان مثل الولايات المتحدة الأمريكية و داخل كل حي لتكون لنا جمهوريتنا الأولى و ليكون للناس حياة وعقول وتخلع الدولة وجه الخمارة ولكي يبلع ذلك المذيع التافه تساؤله الخبيث و يمرر من الأغاني ما يتلائم والأخلاق العامة لا ما يجد تلائما مع وضاعته !
- شماتة في التجارة العايلية للسبسي وأمثاله من بياعة الشراب -

ولن نعترف بإسرائيل

أحيانا يكون الوهم لحظة عزة تسرق من موازين الدنيا ألف من الرجال و سبعة وعشرون إمرأة جلهم عانقوا الحرية يوم وقعوا في الأسر .. يا أيها الليل هل لثمت وجه الصوارم البارحة هل فهمت أن من إرتحلوا بالشهادة من غزة باتوا مثلك سهارى يحتفون بالحرية وبكسر الإرادة .. لو يدمي كيد العدو أنه فاصل الحرية مع سيدها المصر على الكفاح حتى يعانق الحرية كل تراب الوطن الفلسطيني فليدميه أيضا ألا يفهم لماذا يقدم نحو ألف وخمسمائة من النساء والرجال والبنين حياتهم مهرا ليعانق أهل الكفاح الحرية .. إقرأ الوجوه يا أيها اليوم المفاوض للسعادة فقد رأيت على وجوه الأسرى دهشة ، لم يكن السجن سوى أرضا للوطن أحاطها المستعمر بأسوار وكل يوم من أعوام الأسر يربت عليها الحر فتدعوه للإضطجاع فيعانق أمه وأبوه وكل أهله الذين منعهم المحتل عن لقائه . 

لا شيء تغير سوى العودة لصفوف المقاومة والغنيمة ورفقة السلاح ، تجملت غزة بعنوان الموت لإسرائيل فليسقط المفاوض وليهلك المطبع وليتكشّف الذيب المقنع .. لن نعترف بإسرئيل وغدا نسلخ الإحتلال وليكن الثمن آيات عرفاننا لربنا بأن نكون جنوده ويكونوا من غضب عليهم أو من ظلوا .. فادفعوا للشهداء آيات إستبشارهم يا أيها المحررون من الوطن إلى الوطن .

نقمة ت ف والفوضى الخلاقة

توه فمه نهارين حذرت صفحة كوره تونس  من سناريووات ممكننه لبث البلبلة في البلاد لأنو  الأقليه المافيوزية في البلاد تعرف روحها ما عندها شتعمل بكراضن التاي والطماطم ولا بكسكروتات التن ولا بالدخان المذرح هكاكا وخرج علينا هوديني متاع وزارة خارجية أمريكا يحذر  مالسفر لتونس والتبسي عندهم وقتها وضاحة الصوره ردو بالكم أمريكا  السحاره تشم على ظهر إيدها ما حذرتش رعاياها وقت كتايب القذافي تقصف في الذهيبه وراس جدير وتحوس عتريتوار متاعنا والجيش  يرجع فيهم للقرذافي ما نبهتهمش وقت كلات بعضها في المتلوي ثلاثه ايام ولا وقت عدات مدينة جبنيانه وبعض قرى الساحل مشاحنات كبيره مع أعوان الأمن ولا وقت إنتفضت القصرين على إستهداف العسكر لبنيه وقتلها ومانبهتش أعليهم وقت عصابات السرقة عملت في خلاها ما والاها .. توه تحذرهم وما يجيوش ملا راحه أما معشر الفايسبوكيين ( باجات بعينها ) قعدو خممو لولاد وبيناتنا خممت كيفهم : أكيد إنو المقصود بالفيلم الهوليودي الجمهور التونسي  !
يخوفونا كيف ما عمل باعث القناة مبعد 14 جانفي نكلم بابا نقلو  يا معلم  رد بالك هاو بحذاك مطارده هو يقلي  موش صحيح وانا نكبشلو رد بالك تخرج ..
التحذير يلزم يخلينا نخمموا في شنيه ممكن يصير إستهداف بالمتفجرات لمؤسسات خاصه وإلاعامة ولا لمراكز الإقتراع إممم ديما يقعد تأمين البلاد واجب وزارة الداخليه وتوه مع الطوارىء ولات زادة عند الدفاع وأي تقصير هاو إنبهو المواطنين الوزره أي حاجه في رقبتكم والقيادات إلى تخدمو معاهم بما فيها قايد الجيوش الثلاثه لبلاد تسعة شهر في  يدكم و مسؤوليتكم إلى ينجم يصير .. 
وهنا لازم نحمل الداخلية مسؤولية تغاضيها على تعمد قناة نسمه الإخلال بأمن الدوله من خلال تعمدها عرض فيلم  يمس من عقيدة التوانسه وفيه تجسيد للذات الإلاهيه والتعريض بيه
وإنو أي إدعاء باستهداف هذه القناة المتصهينه  باش يقع إعتبارو آن كو مونتي لأنو هلقناة تبث في البلبله وتشوش على الإنتخابات وقاعدة تشحن في الراي العام إلي فد من تغاضي وزارة الداخلية على الإستهداف الممنهج للنظام العام باستهداف عقيدة الناس والتحريض على طيف سياسي بعينو !
الحاجة لخرى تذكرو غناية السلاح إلى تسرق من بعض مراكز الأمن ولا إلى أكدو مخابرات  نسمه على دخولو من  ليبيا تذكروش في هاك البلاطو شصار وشنيه تقال سفيان بن  حميده كبش وقتها في إنو البلاد تسيب فيها السلاح و مبعد  حين ونصف عاودولنا هاك المقابله متاع القرذافي يمكن باش يقنعونا بسيناريو إنتقامي كلي هو ما عندو ما يصنع .. براف كل شيء يذكرنا بنظرية الفوضى الخلاقة متاع الخارجية الأمريكية هاو طلع عندهم دي بارطيزون في تونس !
دونك ، ساو ،دونكوي ،إذن يا شعب تونس : التوثيق !  إناس الكل نتسلحو بمصوره المره  هذه يلزم يكون عنا تصاور للمجرمه و ضبط للجرايم المتلبس بيها يلزم لجان حماية الثوره يروكريتيو دي زنديكاتور في كل زنقة ملحومه  كل غريب شيشرب وشنيه يعمل في الحومه وشنيه يحكي ومراقبة لصيقة لولاد الشعب وأعضاء أحزاب التجمع الجديدة نحميو رواحنا ونحميو بلادنا من الحثاله إلي يحبو يرجعولنا  النظام الشمولي ويأبدولنا الدوله البوليسيه إلي نتعاملو فيها كإنا مواطنين ديفزيون كانز وفي صورة الكشف على أي جريمة نحملو  الداخليه مسؤولية  ضبط المجرمين ونتمنى على الأحزاب الشعبيه في تونس وهي النهضة والمؤتمر من أجل الجمهورية وحزب العمال ياخذو تدابير أمنيه لحماية قياداتهم و خصوصي ضبط قواعدهم باش يحميو بلادنا وفي إنتظار إنو المولى يحمي تونس البيه تذكروشي هاك الكلمة التونسيه كلب ينبح على طياره هذيه العقليه إلي يلزم نتعاملو بيها مع قناة مشبوهة كيف نسمة ولا حنبعل إلي قاعدين يخدمو في أجندات معينة ومبعد يطوال ليلها وتعلف يا حلالف .. آه وقبل ما ننسى بالله يا ولاد الحومه أمنولنا السطوحة