برّة قيّد وخمم نهارة الإنتخابات تمشي ولّ لا

ساعات نتمنى كان نشد روحي إنمنتيها مشطة وبونيه حتاش تعرف إنو الله حق ..وتغادر لبلاد على عجل .. إي نعرف هكّاكه نولّي مازو ، أما خير ! ولّا مكهب على لربعين ومزّلت خاضع  لوصاية الداخليه في بلاد التسعه وتسعين بوهالي يمرجلي كبدتي بياع شراب ويفيّس علي خنفوس كان بورقيبه يضرب فيه بلباكيتة .. واش موحّلني في الخضراء نهج نحرق نخلي لغود فاذرس متاع تحطيم لبلاد يحرقوني كيف هاكه 22 ألف .. يتكلم الحر يولّي ملثّم ويهدد في أمن البلاد لا علاش وقتاش بنادم كان مأمّن على روحو يا بوقلب رزق البليك فرّقتوه على بعضكم وفضحتونا في وسط الدنيا تتناطحو مع الصين في الفساد المالي وتحكيوا على سمعة البلاد ..ترميو الحجر من فوق سطح الداخليه على المتضاهرين السلميين ومبعد تقولو هاجو وحّدهم .. عمليّات قنص منظمه و مبعّد تولّيو إدّافعو على رواحكم .. فريعه إمبعد 14 جانفي يبرر أسباب الإعتداء على المعتصمين قدام وزارة الداخليه بأنهم حبو ينكسوا العلم عاد لعوان سخنو عليهم وفسد المحفل .. تذكروه وهو هاز حاجب ومهبط لاخر ويحكيلنا على إحصائيات الداخليه والسبعين ميّت ... تعملتلو محاكمه شعبيه ..  مام با  ! لوحيّد حللنا حزب وأشرولو في الداخليّه وقاعد ينشط .. قرابات 80 حزب تجمّعي من كامورّا السياسه والمجرمين ذوي الياقة البيضاء ورؤوس الأموال الفاسده جايبه علينا الماء ملعين إي تفجعناش حتى كيف ما طالبناش بإقصاءهم ؟ جمله .. بايعين غدوه بلفته .. إي ، أحسن مكاسبنا إنهم ما قنصوناش أيام الإنقلاب لخّر إلّي عرفتّو بلادنا أنا مشيت قيّدت باش إنّخب ما نيش مثيّق حد أمّا زاده خمّمت كان نطفي الضو نسهلها عليهم ..لازم ندرعلهم خواطرهم أصلا قاعدين يدرعولنا في خواطرنا بانعدام الأمن والذي منو باش ناسهم ينقضوا على مراكز الإقتراع في آخر وقت ويربحو يرجعو عاد يفصلو ويخيطو في لبلاد كيف ما يحبو ..غلاو أعلينا العيشه وشدوا البوليسيه لحرار وعملو مضاهره ضد إرهاب الدوله ياربي .. ضد إلّي دافعو على إنسانيتنا .. آنا قيّدت وباش نمشي إنخب إلى نحب ، أي حزب مهواش دستوري ولا تجمعي سابق وحزب الشابي وميه وأحمد إبراهيم والأحزاب إلّي متحالفين مع سياد إمبارح نشكّب عليهم .. نحكي على روحي باش نمشي إنّخب بالك ندرعلهم خواطرهم وفي لخر هذيه إنتخابات مجلس باش يحدد مصير بلادنا من شكل النظام السياسي إلى غربلة القوانين وبالأساس باش يحط دستور تتحدد فيه الحريات والفصل بين السلط بلعربي مهواش طرح بيلوط ينجم العبد يراتيه ويخلّي أشباه النقب الفكريه إلّي أقصى مطامحها إنّو الطبرنات والمواخير يقعدو محلولين يتحكموا فيه .. برشه مناس نسمع فيهم متشائمين ومتخوفين متّدليس يقلّك أعلاش نمشي والنتيجه معروفه .. المره هذه التدليس في صنادق الإقتراع صعيب و أي تجاوز ما ينجم يكون كان في شراء الأصوات حاجه أكيده الهمج حضرولها رواحهم وهنا دورنا في التوثيق بلعربي يلزم نمارسو القواده الإيجابيّه ونخدمو مخبرين لرواحنا (مثلا يقع التنسيق مع مجالس حماية الثوره ) وإلا حلهم لاخر يستراسيونا يكرهونا في رواحنا .. يغليوا علينا العيشه ، يفتعلولنا  الأزمات يضعفو الأمن باش يحسسونا بضعفنا من غير المؤسسه الأمنيه (إلّي مزالت طوع إيدهم ) النتيجه ننهزموا برمي المنديل ويهبطوا هومه بالكعبتين إلّي تابعينهم لصناديق الإقتراع وتنهزم إرادة الشعب بالغياب ويقيموا فيها لاذان ..وين تمشي تسمع كان 100 حزب منين نعرف شكون نختار ! 
شنوه ..وشيه .. شنهو .. واااااااشي ؟ يا شومي ( هذه ماتطلعش علي ) إلّي قتلونا وسرقونا وحطمونا وذلونا وهردونا وحمصونا وعفسونا وردسونا وفضحونا و عملو وزراء علينا والطاغيه في السعوديه  شمتوه فينا أحزاب التجمع المبعوث من جديد ماهمش معروفين وأحزاب المعارضه الكرتونيه إلّي كانو آش يقعد حزب العمال ، حزب النهضه ، حزب المؤتمر من أجل الجمهوريه ما يكفيوش إنهم يعطيوا من النخب متاعهم شكون نستأمنوه على وضع دستور وتطهير مؤسسات الدوله من  خدّام رؤوس الأموال الجشعه .. ما ينجموش يعملوا التوازن الإيديولوجي متاع الشعب إلّي 99 بالمياه منّو خبزيست ؟ حايرين تخممو تقيدو ولّ لا ؟ تنخبو ولّ لا .. راهي مهياش إنتخابات رئاسيه ولّا برلمانيه باش تخمموا علّي ميتين ملكراسي يا ولادي هذا مجلس باش يضمحل مبعد ما يحط أهم نصوص قانونيه باش تحكمنا .. يا شعب  العلا تذكروا السبسي وقتلّي حكى عى سيادو إلّي خرجو لمحاولة إعتصام القصبه ثلاثه قلك المتطرفين اليمينيين واليساريين متخوفين من إنتخابات التأسيسي يحبو يخلبزو لبلاد الله يهلك إلّي مايحشمش توه حزب العمال وحدو أتباعو 10 أضعاف أحزاب التجمع والب د ب و شركاءهما . عاد زعمه علاش بيّع الشراب المتخلق السبسي رمى هاك الكلمتين تجيش تتمه لكذبة الأربعين بلمياه متاع جغام ! أصلا وكان جا ليدي رانا كونّاه المجلس من رجال قانون وعلماء إجتماع مستقلّين ورتحنا ومادام رصّات في إتخابات .. الإختيار موش صعيب عنا ثلاثة حزاب آكهو ونثبتوا في قايمات المستقلّين مبدئيا باش يكونوا فيها ناس نضاف كيف سي مختار اليحياوي وغيرو من الأكادميين القانونيين .. لحكايه مهياش فوبيا التجمّع ولاّ الإستئناس بالعلالش في نظام المعيشه ، لحكايه نرحمو رواحنا من التبهذيل ووضع الدجاجه ولرزاق إلّي تنهبت لحكايه تتعلق بالإنسانيه نجربو نحسو الكرامه ومع أذناب التجمّع إلي خمسين سنه حطمو لبلاد على روسنا ولتوّه بالمبزع متاعهم عاملين جدار صد يحميو في قتالة لرواح والمفسدين و السياسيين الفاسدين والمتورطين في إهلاك وإنهاك الدوله الكرامه ننساوها .. معاكم إلّي طريقة الإقتراع مافيوزيه وفيها سعي باش يتحكموا في إرادة الشعب أمّا يزيينا ما وخرنا لتالي  وخلّيناهالهم خاليه قولش علينا شعب الإنكا كل مره ينقّص منهم السحار كعبات يذبحم للآلهة ولخرين معلابلهمش على خاطر نهارتها منعو ..شوفو كيف خلينا الهيّه يرتعو فيها القطعيه خذاو بيها إلّي يحبو عليه ..  المقاطعة ماعندها ما تعطينا ..إمشي قيّد وناس قبل قالو فجعان الذيب ولا قتلانو ! إنّاورو شعبيّا كيف ماهم قاعدين يناورو فينا وياخذو فينا على قد عقلنا ..
يا ولدي تموت وتخلّي ولادك ما تعرفش يتطرفو بيه الهوكش شيعملولو تذكرو هاك الوليد إلّي قاعد في صالة دارهم وسنايباوه السبسي خرج قلك القناصه إشاعه ،الصيد ما يحبش يتعاون مع هيئة تقصي الحقايق .. القناص عايش ما علابالوش والتونسي العيّاش الحر يدخل للحبس ويتعدّى على القضاء العسكري على خاطر كلمة حق قالها في أفريل وماي وحتاش جويليه أنظف ناس في بر تونس  تتعدى للحبوسات والتجنيد الإجباري .. نقاطعوا لنتخابات علاش ؟ باش يحشموا منا ؟ يهبطو وحدهم ؟ ناس ما حشمتش تقول القناصه ما فماش وحتى شهيد ما خذا حقو في القصاص ، سبعة شهر حتى واحد ما تحاكم من أجل الفساد المالي والإستغلال السياسي والقروض البنكيه المريبه إلى إدّفعت .. إدارة الجبايه عامله دودو واللاك 2 إلى في الأصل ملك دوله خاص قاعد يتبنى ليل ونهار تصورو  درا شكون من االجماعه إياهم درا شنوه طلعلو في مخو جا سكّر ثنيه بسواتر ترابيه تقول يحفز في كريار حجر .. الثنيه فيها كياس يهز ويجيب وفيه فوانيس ونخلات زينه ما يعيّش ألف عايله تونسيه شهر رمضان .. نقاطعو باش يحشموا ما عملوش قبل نتايج بتسعة وتسعين بالميه حشمو
نمشيو نقيدو وانخبو وكيف تطلع ريحة المؤامره  نحضرو رواحنا نعملو آش علينا ندخلو في عصيان مدني ولّا أي حل آخر ! سطوب تركريك التاي و عقليّة الخبزيزت برّه قيّد !

إنتظارات الوطن و إعتصام المصير

حين أعتقد أنّ النفس الطالع مني لا يكاد يفسح المجال لغيره لدخول رئتي ويغطس قلبي إثر نبضة ماجنة تنبئه باليأس حينها أكون بصدد التفكير فيك .. أنت الذي يتشفّى بي ولا يغيّر شيئا من وجهه ولا يرحّب حتى بصدى صوتي .. ويملي علي المحبّة يوما بعد يوم حتى وقد شاب رأسي .. منتهكا كل قواعد الإنسانية لما يمكن أن تكون عليه المحبّة ليظل متطلّبا بدون وجه يمكن فرزه للإستدلال عليه آخذا ثمن عناق أبدي سوف يأتي دون أن يعطي ..وكل كلماتي الماجنة عنه لا تكاد توصّف قبح الهم في إنتظار جمال فيه لا يأتي ويأس منه يطالني ..
اليوم كان الطريق من حلق الوادي و العودة إليه رتيبا جماله المثقل بالهم كان مؤلما ، كنت سائرة للمصير  وقد رأيت الشعب يؤثث الشواطيء لا بد أن البقيه إحتموا داخل الدور المكيّفة بما أمكن مكيّف كهربائي أو مروحة من سعف النخلة وتبا تذكّرت المرارة التي حاججني بها قلبي من قبح وجه الحبيب  و فكرت سأواصل المسير كان بعض عوائل الشهداء لوحدهم يرشقون صور أحبّائهم حيث ينظر بعض الفضوليين  ..
وانتبهت ليس أنت القبيح يا وطني بل نحن من أفسد نظارة وجهك وصنعنا تاريخا بذيئا ننسبه إليك ثم تآمرنا على الشهداء فلم نهتم للقصاص لهم ومن صار معاقا برصاص الداخليّة الغادر صار يتسوّل العلاج أيّ البهائم نحن فحتى الجحش قد يكون لديه من الوفاء ليحمل أعباء صاحبه وقد يرفس لأجله أما نحن فلا نهتم لنعتصم للمطالبة بالكرامة ..
كنت في طريقي أكرر أغنية أستلهم منها النقاء من خارج الحدود "إني إخترتك يا وطني حبا وطواعيه " وندبت حظنا من الكلمات "معزة دخلت البرلمان وقالت ماع فجاءها الجواب نعم بالإجماع "
هو تغييب الذاكرة حتما بإظمار ما يجعلنا غافلين عن حقيقة كوننا شعب في أغلبه مجبول على الجبن عن إعتمار قلاع الفضيله .. لا يهم إذا صرع أعوان الداخليه وغيرهم الفتى على إسفلت شارع باريس فمرت دماءه لتسقي الشجرة النابتة هناك ولا يهم إذا سرنا حيث أسلم الروح ونحن نوشوش كلمات الحياة لبعضنا لا يهم فقد مات ورحل ..لم يعد هناك ما نخشى عليه فليس لدينا في الأصل كرامه لنخاف لفقدانها وقد عرفت الضباع  ذلك فينا فأشّر لجلادي البارحة حفظ نظام اليوم وليتطلّعوا لحكمنا مجدّدا ليعود بعضنا للسجون والآخرون للباس عبائة العبوديّه لقذارة تونس ..
لايهم أن تتخذ حكومة تصريف الأعمال لنفسها كل مهام تدمير البلاد بداية من الإقتراض من الأجنبي مرورا بكراء آلاف أراضينا الفلاحية لهم والتضييق على الناس ومطاردة الشعب ولا خبر على محاكمة من دمّروا سمعة البلاد بسرقاتهم المذهلة وتواطئهم ويقتل السجناء داخل أسوار السجون مرة بعد مرة وداخل أسوار الوطن وتضيّق علينا الحكومة في الأسعار ويظل صوت المذيعة حياديا ولا حتى شبهة للتعاطف .. وتظل العدالة رهينة لأيدي لطالما مارست إرهاب الدولة من يجري محاكمة شعبيّة لهؤلاء والشعب يصطاف ويشرب علب البيرّه ويتنعّم بالمغازلة .. 
أسبوعان مرّا ولم يرتئي الشعب أن الوقت قد حان للمطالبة بتفسير ماحصل منذ أواخر شهر ديسمبر إلى هذا التاريخ ولتقديم أسماء المشتبه فيهم في جرائم القتل والفساد والإلتحاق باعتصام المصير .. يسمحون لمن  دمّروا بلادنا بممارسة الحياة السياسية ولا نعتصم ، يكذّبون وجود قناصة ولا نعتصم ، يفر الآلاف من السجون ولا نعتصم ، تقوم أحداث فتنة عروشية ولايتم إنجاد الناس من الأجهزة الأمنية ولا نعتصم ، يموت الناس داخل السجون وقد أوهمونا  بأنهم إتخذوا التدابير اللازمة لحفظ النظام وحفظ حياة النزلاء ولا نعتصم ..  وقبل هذا تهدر كرامتنا بمنع المحاسبة لقتلة الشهداء و التواطىء الثابت الخطوة علينا فمتى نعتصم . يعينون أنفسهم أوصياء علينا وهم شذّاذ الآفاق ولا نعتصم يتحايلون علينا ويستميتون لإجهاض التأسيس لجمهورية ديموقراطية حتى في طريقة الإقتراع (على القوايم وليس  على الأفراد ) ولا نعتصم .. المصير ليس في حاجة لدماء تزكّيه وقد سالت فهل نعتبر هل نذكر  لننزل للإعتصام الواقف يتيما مع أم حلمي هناك في ساحة حقوق ما اصطلح على أنها للإنسان هل من مكان بالقلوب للوطنية 

حبّك يا لهفي تضحية

هو الشتات حتما والتأخر في ظبط الثوابت والنعيق بما لا نعلم .. ليس من الممكن أن يسقط الإنسان في بلادنا في أزمة قيم أكثر مما نحن فيه ..
لا يمكن أن ننفي أبدا تورطنا جميعا بكلّيّتنا في انتهاك ذاتية الفرد وهتك إنسانيته بأكثر مما هو حاصل اليوم .. حين أحوصل آداء حكومة تصريف الأعمال لخمسة أشهر من تاريخ الوطن فيما يتعلق بكرامة الإنسان أجد أنهم إستعانوا بآليات قروسطيه في التنفّذ . أما الكرامة التي مات لأجلها فلذات أكباد البعض منا وقرّة عين من تجرّعوا مرارة الفراق فهي هدف للنسف و التآمر لا شيء غير ذلك وأرى ..
مئات الشهداء ينصرفون عنا مشدوهين .. نحو السماء يشيرون لقبحنا في التصامم عن القصاص لهم ..
ما أقبحنا حين يعوي دعاة الحداثه بالوجيعة .. لما لا يؤذن لهم في أذيّة مشاعرنا وسب من نحب : الله ورسوله .. ولما لا يترك لهم العنان لمعالجة تكدّر المثليين في هذا المجتمع من إنتهاج العلنية للتنفيس عن كبت حقيقتهم الآن وليس غدا ما دخلنا نحن في التحفظ على إنشاء علاقة غير متكافئة مع كيان صهيوني ثبت خطره على حلفائه ..
يعملون بكدّ لتكريس تمثّلهم الإقصائي لكل من لا يشاطرهم العداء للعقيدة ومن لم يذنب مثلهم بالإستيلاء على المال العام فهم لا يعرفون الحياء وهذا أمر مفهوم لقد أخبرني رسول الله  أنه  شعبة من شعب الإيمان .
ضج الشهداء بالبكاء شربت الأرض دماءهم و بسطت الريح آثارها فلم يعد يراها من التونسيين سوى من إكتووا بنار الغدر وقلّة غيرهم تذكّروا حاجة الفتية الراحلين لمن يذكرهم ..
نحن في دولة قضى حكامها على سمعتها فلم يعبئوا بالبناء بل تكرّشوا وأحالوا الجمهوريّة لزير خلّ نتن يتمايلون حوله وعائلاتهم وبطانتهم فقضوا على المناهج التعليمية ومنهجوا إعتداءاتهم على الأفراد قتلوا الكثرين وسجنوا الآلاف وفبركوا الحجّة على الإرهاب لينالوا الأموال الأجنبية .. لذلك ألفنا أذيتهم ..حكامنا أرسلوا تونس للمراتب المتقدمه للدول التي إنغمس متنفّذوها في الفساد المالي و السياسي و الحط من قدر الإنسان ضيقوا علينا في عقيدتنا حتى صار صوت الآذان يكدّرهم واليوم كما البارحة يدفعون بأفضل أراضينا الفلاحيه للأجنبي ليتريّض فيها بالصيد وما ظل سوى تهديدهم لنا بأمننا الغذائي ليجوّعونا كما أفتى بذلك زميمهم الذي فتح للفاشيين سبل التعشيش داخل أوصال الدولة 
نحن شعب غريب لا نتألّم لعدم تحقيق العدالة لمن صرعوا على الإسفلت .. وإذا تحرك الشرفاء  للمطالبة بذلك قال السفهاء عليهم بأنهم متواطئون على أمن الدولة و اقتصادها .
تتلهّى الهيئة بميثاق الجمهوريّة !  أيّها القاصرون .. أستعير لحظة التاريخ للقذّافي من أنتم .. من  أنتم ! إذا كان هذا الوطن خلا لخمسين عاما من فعل البناء فمن أنتم لتعقدوا أولوياتنا وتخالفوا المبادىء الدوليّه وتظنوا أن الشان العام يقدّره القلّة للأغلبية ومن أين أتيتم بشخوصكم الوطنيه ومن منحكم صكا في ذلك كل أخباركم تنعق بالفضيحة والتواطىء على تونس وقبلها علينا ..
تحسبون أن لكم القدرة على تأبيد الفساد و الإسهام في حفظ جنوده ومادام الشارع لا يتحرك بكليته لهدم منازل الطغيان والقصاص للشهداء فامرحوا لوقت لأن بعضنا سيخلقون ربيع الإنسان داخل تونس وسيخرجون من ساحات إعتصام المصير ليضربوا مكركم وصفاقتكم وقبل ذلك سيجلبون للشهداء أسماء قتلتهم ليقرّوا عينا ويخلصوا من فجيعهتم بنا ولن تتمكّنوا من  الدعارة بعد اليوم ولا أن تتقدّموا حكّاما علينا بل سنتدبّر الإستمرار في الثوره حتى نستيقن تطهير تونس منكم وسنعالج أنفسنا من حكم العادة ونعود فننتصر لكرامتنا وليظل شيء في الوطن بعدكم  لمن سيأتون  بعدنا 

حزب التحرير العظيم : أصوّت لعقيدتنا

أصدقكم القول بأنني عصبي الطباع و أنني أغلب الأحيان أقول رأيي مباشرة و لا أفاوض عليه وأن لي ميلا للإكتئاب وأعاني من حالة أرق زادت في درجة الوضوح وقوضت قليل الرقة لدي مع ما يصير بتونس من فضائح يجترحها من يعتقدون لأنفسهم قيمه ويصح قول رب العالمين فيهم أنهم كالأنعام بل أظل وأقول لكم أنني متى استيقنت الحقيقة فأنا لا أفاوض عليها حتى مع أحبائي لأنّي ببساطة  راديكاليّ عند لحظات اليقين الطيبة التي يمنحها عادة الفهم وبدون إلتباس أقول أني أبارك للمؤمنين ممن تداخلوا لمنع عرض فلم " لا ربّي لاشيء " لمخرجته الملحده الفانيه طالما أن السلطه العموميه  في البلاد لا تجد حائطا للمبكى لتمارس فيه طقوس العهر والهيبه إلا عضد الشعب في مطاردة الشباب بتهم إستهلاكهم لمخدر الزطله وخرقهم لمقتضيات قانون الطوارىء وتقويضهم النظام العام بإحداث الهرج والتشويش وتلبسهم بحمل ومسك سلاح أبيض .. أنا أبارك للحالمين غيرتهم على عقيدتنا وأسميهم بالحالمين لأن من أراد نهج السلف الصالح من صحابة رسول الله و الرسول صلوات ربي وسلامه عليه وعليهم أجمعين فيما حفظه لهم التاريخ من جمال الخلق ونقاء السريره ليس سوى حالما بمعانقة المجد .. ونحن في هذه البلاد التي يتداعى فيها الشواذ والسرّاق والزناة علينا تداعي الجياع على القصعة ولعلّي لولا الحياء أستعير من مظفّر النواب ما يوفيهم الوصف ولكني للأسف تمسكا بخلق الإسلام أمسك لساني وأقول أن من سولت له نفسه السماح بعرض الفلم ليغنم منه حالة فوضى خلاقة على النهج الماسوني مخلا بواجب الوظيف في حفظ النظام العام واحترام عقائد الناس وغالبيتهم وبالأساس وزارة الداخلية ووزارة الشؤون الدينية مورّط مع مخرجة الفلم الشاذة والغبية والتي ظنّت أنها بغبائها إذ تنال من عقيدتنا والصواب أنّها نالت من نفسها إذ تكشّفت بقبحها لمريديها ممن لا يقلّون عنها قباحة .. وإذ قابل القبيح قبحا يماثله فليخرقوا الأرض أو ليتخذوا لرب السماء إذا استطاعوا سبيلا ..
وتتواطىء التلفزة في عرض الخبر بشكل يوحي برد فعل أرعن على الحريّة الفكريّة فإن ذلك يدل على أن من يريدون إنقاذ الهيئة العليا لتحقيق أهداف الثورة من السقوط شعبيا لكونها الوهم الكبير الذي سوّقت له حكومة تصريف الأعمال كإنجاز لمطلب الشعب في الرقابة عليها ولذلك يتعمّدون  تهييج النّاس ليصرفوا إلتفات الشعب لحقيقتهم الواضحة كونهم قوى الردة التي تحاوله سرقة حلم ناس هذه بالبلاد بالكرامه وإلا فما الذي يبرر  أن لا يتم  مساءلة من أشّر لهتك الدين والمساس بعقيدة المسلمين في هذه البلاد ولا يتصدى لذلك باعتبار وجود نص قانوني يجرّم ذلك وهنا النص:


ﺍﻟﻔﺼل 226  
ﺍﻟﺘﺠﺎﻫﺭ ﻋﻤﺩﺍ ﺒﻔﺤﺵ ﻴﻌﺎﻗﺏ ﻤﺭﺘﻜﺒﻪ ﺒﺎﻟﺴﺠﻥ ﻤﺩﺓ ﺴﺘﺔ ﺃﺸﻬﺭ ﻭﺒﺨﻁﻴﺔ ﻗﺩﺭﻫﺎ ﻤﺎﺌﺘﺎ ﻓﺭﻨﻙ.  
ﺍﻟﻔﺼل 226 ﻤﻜﺭﺭ (ﺃﻀﻴﻑ ﺒﺎﻟﻘﺎﻨﻭﻥ ﻋﺩﺩ 73 ﻟﺴﻨﺔ 2004 ﺍﻟﻤﺅﺭﺥ ﻓﻲ 2 ﺃﻭﺕ 2004).  
ﻴﻌﺎﻗﺏ ﺒﺎﻟﺴﺠﻥ ﻤﺩﺓ ﺴﺘﺔ ﺃﺸﻬﺭ ﻭﺒﺨﻁﻴﺔ ﻗﺩﺭﻫﺎ ﺃﻟﻑ ﺩﻴﻨﺎﺭ ﻜل ﻤﻥ ﻴﻌﺘﺩﻱ ﻋﻠﻨﺎ ﻋﻠﻰ ﺍﻷﺨﻼﻕ ﺍﻟﺤﻤﻴﺩﺓ ﺃﻭ
ﺍﻵﺩﺍﺏ ﺍﻟﻌﺎﻤﺔ ﺒﺎﻹﺸﺎﺭﺓ ﺃﻭ ﺍﻟﻘﻭل ﺃﻭ ﻴﻌﻤﺩ ﻋﻠﻨﺎ ﺇﻟﻰ ﻤﻀﺎﻴﻘﺔ ﺍﻟﻐﻴﺭ ﺒﻭﺠﻪ ﻴﺨل ﺒﺎﻟﺤﻴﺎﺀ.  
ﻭﻴﺴﺘﻭﺠﺏ ﻨﻔﺱ ﺍﻟﻌﻘﻭﺒﺎﺕ ﺍﻟﻤﺫﻜﻭﺭﺓ ﺒﺎﻟﻔﻘﺭﺓ ﺍﻟﻤﺘﻘﺩﻤﺔ ﻜل ﻤﻥ ﻴﻠﻔﺕ ﺍﻟﻨﻅﺭ ﻋﻠﻨﺎ ﺇﻟﻰ ﻭﺠﻭﺩ ﻓﺭﺼﺔ ﻻﺭﺘﻜﺎﺏ
ﻓﺠﻭﺭ ﻭﺫﻟﻙ ﺒﻜﺘﺎﺒﺎﺕ ﺃﻭ ﺘﺴﺠﻴﻼﺕ ﺃﻭ ﺇﺭﺴﺎﻟﻴﺎﺕ ﺴﻤﻌﻴﺔ ﺃﻭ ﺒﺼﺭﻴﺔ ﺃﻭ ﺇﻟﻜﺘﺭﻭﻨﻴﺔ ﺃﻭ ﻀﻭﺌﻴﺔ. 
طبعا قد يذهب البعض للقول أن المخرجة لا تقرّ ببذائتها وهي تعرض تصوّرا فنيا لفكرها ونقول لا تختبروا صبرنا فليس معنى أن تكون ملحدا شاذا (أقصد الكم باعتبار الأغلبيه في هذه البلاد مسلمون وكثير منهم يحبون الله ) أن تمس من الأخلاق العامة و النظام العام بإثارة النعرة الدينية لأن الفعل يتطلب رد فعل ولذلك مع إكباري للشباب المسلم غيرته على الله فأنا أرى ضرورة تتبّع المخرجة ومن منحها تأشيرة العرض وصاحب دار السنما من أجل إرتكابهم لجريمة الإعتداء على الأخلاق الحميدة بالتعريض بالدين وتجاهرهم بالفحش والمشاركة في ذلك بعرض الفلم وترك سبيل من إظطروا لحماية النظام العام بما تيسّر لهم بعد أن ثبت تواطىء السلط العمومية في بث البلبلة ببلانا بالسماح بالعرض ..
وختاما أقول لطالما وجد الملاحدة واللادينيون في كل المجتمعات المسلمة  ولكن في كل المجتمعات ماعدى ببلادنا نجد لهم منطقا في تفهّم شذوذهم والالتزام بتمظهر الأغلبية والنّأي بمفاهيمهم عن التعرض لعقائد الناس ولكنهم بتونس يفتقرون لأي ضابط قيمي ويعجبهم الإسفاف ويظنون أن حراثة البحر قد تمس من  وجهه وتأصّل لصناعة ممكنة لهم وأقلّها أن يزج بهم في السجن على معنى قانوننا الوضعي طالما أنّه لا يجوز بهذه البلاد جلدهم .. أنا راديكاليّة ترى أنّها ستحترم بقرة البوذي في الهند ولن تضحك لتدليلها منهم كما أنّي لن أناقش السيخي في اعتماره العمامة العالية حيثما ولّى وجهه ولن أهتم لإلحاد أي كان مادام يمسك لسانه في التعريض بالدين تقيّدا مني بقوله تعالى لرسوله بأن يقول للكفار : لكم دينكم ولي دين . أما إذا  صرتم أغلبيّة فيمكنكم حينها أن تتلبّسوا بفعل المسيح الدجّال وتهجّرونا من  تونس إذا شئتم أمّا اليوم فالحكم للأغلبيه ولن ننسى رغم محاولاتكم تشتيت جهودنا مطالبنا الأساسية بحل الهيئة العليا لحماية الثورة وأيضا المطالبة بمحاكمة قاتلي شهداء الثوره ومحاسبة المتسببين في الإستيلاء على المال العام والمستفيدين من ذلك طيلة العقدين ومطالبتنا بتنقيح القانون المتعلق بانتخابات المجلس التأسيسي ليكون الإقتراع على الأفراد حتى يتسنى لشرفاء تونس من المستقلّين من إعادة بناء الدولة ولن تتمكنوا من تأخير الصبح من القدوم إنّ موعدكم الصبح أليس الصبح بقريب .

سوريا دون غيرها

لعلك عند بداية التاريخ قد ظننت جمال ما فيّ من عروبة صكّا للوصاية كتبته لنفسك علي ولعلّك حين تأبّدت بعثيّا أبقيت غباءك للعالمين آيه ولعلّي أنا يا أيّها المسخ الذي ظن بنتن ريحه وجبنه وتماثله للضباع أنّه قائدا عليّ..  تبّت يداك ! هاك إرصف بجمجمتي للسوريّا من قبح فعلك أوّل كلمات التأريخ الصحيح حتى أزيل بيدي العاريتين عن وجهك القبيح القناع فنرى وإيّاك كيدك الضعيف . يا أيّها الشيطان ، يا أيها الحزب الباعث على القيء ..  حين تمدّون اليد بجسارة لجثتي تقطعون ما ترهبون به من كان خلفي تذكّروا قول الشاعر أنه لطالما رقصت على جثث الأسود كلاب . حسن ما دمت أعبّد للحريّة موطئا ليلملم الخنثى وجوههم ويعبروا و يرجع حكم بلاد الشام للرجال دون غيرهم فاقتلوا وشرّدوا بقدر ما تهوى أنفسكم العفنة فغدا ستتجمّل الشام بأسمائنا وتخلع عن وجهها ما علق بها من إسفاف وجودكم على أرضها ولتغفر لنا تأخّرنا في تطهيرها من بشاعة التطاول على تاريخها . نحن رعاة البلاد ليس غيرنا سنسقط نظامكم وندك بجسارتنا تأبّدكم وجبنكم لتحيا سوريا للأحرار وليس لغيرهم .

قاضي متسيس = قاضي عندو قابليّه للإستقلاليّه

أكثر ما آلمني عندما استيقنت رحيلك عدى الذهول ..أنك لم تعيشي فعلا الحياة في هذا الوطن الذي يسحق  السكينة داخل القلوب . وهذا أمر آخر يدفعني للغضب . 
نذكّر قبل ما ندخل للفاك باش نقرا القانون كنت نظن إنّو من الممكن نختارو آش نعملو بحياتنا وبيانسور كيف تقرا القانون طغزر للصوسيتي من جانبها القيمي ويا لهفي لحكايه طلعت حوله , برشه قوانين في بلادنا تنجّم تشد لام وتفطق مواهبك في روحك .. دونك قبل مانقرا القانون كنت نستخايل إنّو العرك ولّا لخصومه مربوطه بالمصالح ويكفي إنّك تدع الخلق للخالق واطّيّح لحسابات مع الناس آناثي وذكوره باش تولّي أقرع وعندك مرايات مدورين وتكركر في معزه  وراك لكن في لخّر تعلّمت إلّي المعادله هذه تشبّه لهاك المثل إلّي نختزلو في حاجه يقولوها التوانسه لعنب في اليالي ..تنجّم تكون واحل مع روحك في حسابات سخصيّة  بزّاف وتركرك في كاس تاي احمر وتلقى روح لاحم في عركه وشادد غارد ما تعرفش منين جاك الكروشي ووحده ثنين مسبول على ظهرك كالفكرون والجموع عينيها خارجه زوز ميترو القدّام ..
يلّي ما تحشمش يا مسيّس ! 
هيّا برك نعرف إلّي تستخايلوني نفلّم لا بالرّسمي يحصل في تونس إنّو صار فهم السياسه تهمة تلصق بالقاضي وانجّم ندّعي إنّو أغلب إلّي تلمدو ورا الهيكل الجديد إلّي إسمو نقابة القضاة إدّعاو إنهم يرفضو تسيّس القاضي وخروج الجمعيّه الهيكل إلّي لنهارين لتالي كان ملمّد كافة القضاة  عن المسار المحايد لدور القاضي ودوحي يا مباركه بحمد حتّاش يرقد .
تونس هرم مسطّح من القمّه حتاش السّاس .. نعطيكم لبرايف رئيس الجمهوريّه متاعنا آش كان : سرّاق وزاني وقتّال أرواح ويسنيفي وفي روايه للوطنيّه طبعه عميل للموسّاد ومعظم الوزراء سرّاق ولّا مرتشين ولّا شياطين خرس وفي روايه أخرى شياطين خرس أمّا يديهم انضاف ..اللوطه شنلقاو براسك كوبي كونفورم وبلادنا كيف كيف هي وبقرة حاحا النطاحه متاع الشيخ ليمام ..
إي وكيف نفركو رمّانة القاضي المسيّس عندو كارطه متاع حزب ؟ لا ! أما يفهم خزعبلات الحياة السياسيه في بلادنا ويتعامل في فهم الإجتماعي والقضايا إلّي تترفع قدّامو على أساس وضع المعطى  السياسي بعين الإعتبار مع الإعتماد على القاعده القانونيه إلّي يلزمو يطبّقها أمّا باش يثبّت في الوقايع يلزم يكون قادر على تكييف الشي المعروض عليه وكيفاش  القاضي يكون عادل بلاش فهم للسياسه أو أن يكون مسيّسا من غير إنتماء حزبي ؟
مبعّد 14 جانفي رجعو لتمثيل جمعية القضاة التونسيين فرسان كانو يمثلو المكتب التنفيذي إلّي تخمّر عليه الوذير الساابق البشير التكاري وقام بتنظيم تحرّك إنقلابي عليهم لأنهم طالبو باستقلال القضاء إلّي ما ينجّم يقابل إلّا مساواة الكل أمام القانون .. وقتلّي رجعو إنحازو للشعب وعلى خلاف أي  هيكل آخر طالبو بتطهير القضاء كمطلب أساسي تحط في فيفري قدام لزهر الشابي باش يمكن إرساء عداله متوازنه في انتظار إعادة هيكلة البلاد من خلال إعادة صياغة الدستور وتنقيح جمله من القوانين الجايره إلّي ما يمكنش للقاضي إغفالها بحكم إنّو يطبّق القانون موش يصيغو ..عاد قامت الحرب الضروس و شعلت يا رجال كيفاش رئيس الجمعيّه باسم الهيكل دخل في الحياة السياسيّة ..
عمل حزب ؟ 
لا ! إنظم لمجلس حماية الثوره وطالب بإشراك القضاة في إستحقاقات الإنتقال الديموقراطي .. إي أمّالة شنيّه دور القاضي يقعد في تركينه ( البرج العاجي هذيّه كيف خرافة أمّي السيسي ) وقام المكتب بحمله توعويه للشعب حول مبدئية المطالبه باستقلال القضاء وكلاهم الهاش خرجو جماعه قالو ما يساعدناش أحنا يلزم نقعدو على نفس المسافة منّاس الكل إي علاش لا إنّجموا زاده نبنكو ونعملو شيشه وكاس سيتروناد بلّوز لخضر ونغنّيوغنّاية الفيراج آه يازين آه يازين ونخلّيو الشعب يقدّم تضحياتو وشهداه وجوعو وذهولو ويكمّل مقاومتو لفلول الدكتاتور كان غلب هانا معاه يجيبلنا الإستقلاليه عاد والزياده في الشهريّه وكان تغلب أرجع لدودك يا بن دود وموش لازم نحكي إلّي فمّه تعرفوه ..
 خرجو نقابة ! ردّو بالكم النّاس تطمح إنّو القضاء يولّي سلطه باش تحد سلطة التنفيذي والتشريعي كيف ما كان يغنّي روسّو في نظريتو للعقد الإجتماعي في تونس مابعد 14 جانفي فمّه جماعه ملقضاة على نيّتهم خمموا إنّو النزول بالقضاء لمصاف القوّه الشغليّه لرعاية المشاغل المطلبيّه للقضاة من الشهاري للمنافع العينيه وبنوات ليسونص والترقيه والّزي منّو بعيد عالتسيس يا بوقلب مطمح للنأي بالقضاء من التجاذبات السّياسيه هههههههععععع !
وخياني النقابيين إلّي يمثلو القطاعات الشغليه في البلاد يسامحوني راني نقر بكونهم الهيكل الوحيد إلّي يصح فيهم قصيد أولاد أحمد بأنهم كهيكل يحبّون البلاد كما لم يحب البلاد أحد أمّا في دوله لازم يتهيكل القضاء كسلطه موش كقوه شغليه باش يمارس هاك المعادله بأنّوالسلطه تحد السلطه ولو كان جا القضاء في تونس سلطه مستقلة لأمكن للقاضي إعمال قاعدة الدّفع بعدم دستوريه القوانين فإذا ألزم بتطبيق قانون مخالف لقواعد الدستور إستبعد تطبيقها وهذا من شأنو إنّو يساهم في تعديل القوانين الصادره عن مجلس النوّاب ويحد من إمكانيّة مخالفة القواعد القانونيه للدستور ومن شانو حماية المتقاضي من القوانين الجايره إلّي يمكن تتسلّط أعليه وتكون مجحفة في حقّو مشّيره لخره القضاء ينجّم يحمي الناس من أمثال بعلول وما تعرفنيش شكون آنا ويخضع القاضي مهما كانت رتبتو لمعيار الشفافيه ومن أين لك هذا .
زوز هياكل لتمثيل 2300 قاضي وجهة مفاوضه في المقابل واحده .. إي كيف يتفاوضو هزّوز هياكل مع لوزاره على نفس المطالب وإذا كان سقف التطلّعات مختلف ,  لوزاره عندهاش الحق تقوللهم برّاو عدلو أوتاركم وهاتوّه نحكيو ! وقتها يتعملشي تورنوا والرابح يتقدّم هو للمفاوضه ..
قلّك السبسي القضاة آش لزهم ما يكونوش مستقلّين إي واش لز حمّه يغنّي واش لز بعلول يدخّل في البلاد في حيط ولّي جاو إمبعّد ليقو وراه ! آشنوّه إلّي معطّل عمليّة التطهير إلّي طالبت بيها الجمعيه من أوّل نهار وأعلاش مبعد خمسه أشهر ما توفرتش الحمايه الأمنيه للقضاة وأعلاش البطاقات القضائيه إلّي يصدرو فيها بعض قضاة التحقيق موش قاعده تتنفّذ والأهم أعلاش ما صدرش مرسوم بتشكيل مجلس أعلى للقضاء المنحل يكون منتخب من عموم القضاة ويكون انتقالي في إنتظار إعادة صياغة الدستور ... المطالبه بالضمانات : آش يأكد إنّو أي إجتهاد لقاضي مستقل ما يلقاش روحو محندر كيف السيد القاضي المختار اليحياوي مادام الظل والشمس مزّالو يلعبوا للشعب بخطّة 4 -4 - 2 والقنّاصه ما عندهمش وجود ! 
كل شي زايز أهّوكه أعلاش فمّه قضاة عندهم فوبيا فهم السياسه ردوا بالكم الفهم يا بوقلب أمّا التسيّس توّه يتوفّاو ما تنساوش ينجّم يكون العبد متسيّس ما غير أي إنتماء حزبي وهكاكه يحافظ القاضي على حيادو ما غير ما يولّي كيف هاك الهايشه إلّي كان الماهاتما غاندي يكركر فيها وراه الحكمه في راس المهاتما والتهمه في راس إلّي يحب يولّي معزه .. ذلك الكائن الغريب !
إمممم هذيه مطالب جمعيّة القضاة المسيسه .. فرسانها الذين تقاطع معهم دربي دون أي ظغط  كعنصر قاعدي بدون تعبويّه لا يزالون على رأي عضو من الهيئة الإداريّه رافعين للواء الكفاح وشابعين مقصّات ومشطه من كل حدب وصوب ويتلقون للأسف نيران صديقة من بني الجلده إي أعلاش لا ؟! ما يمنعش إنّو التسيّس حل عينين الشعب على ضرورة المطالبة باستقلاليّة القضاء أوّلا وتطهيره ثانيا ولاباس خشم وزوز ظلوع مكسرين ومزلت نتنفس إييييي يّه !

حديث في العمق بما أمكن

 قبل الرابع من جانفي وبعده لم تتحرك المسؤسسة العسكرية ببلادنا لحماية البلاد وعبادها من التنكيل الذي تعرض له البشر والحجر وتذكّروا الوقت الذي أخذته عمليّة القمع لاحتجاح الناس بتالة .. كان انتشار أبناءنا من الجنود محايدا الى حد مستفز ولن أبالغ  أننا كنا نتفهم ذلك في وقت لم تكن آلة القتل فيها معلومة ولم  نكن لنرضى أن تقع مواجهة شاملة مع أعوان الأمن الداخلي الذين ثبت براءة أغلبهم لأن القتلة الذين يريدون أن نعتقد أنهم كالعنقاء والغول ليس لهم وجود ضيقوا دائرة تحركهم تماما كما عملوا في السريّة ليحموا أنفسهم عند الفشل وليغيروا مخططاتهم متى  أرادوا . بعد أشهر وعلى مربع من قوّات الجيش وفي حالة طوارئ مستمرة بالبلاد يقتل الناس المدنيون من مدنيين مثلهم تحت الأرجل وبالطعنات ويصيح القاتل جوابا للعسكري الذي آذن بالموت "الطحان مزال يتنفس " مامن طلقة في الهواء لحماية جثتي القتيلين قد تكون أيها العسكري غير ملوم لأنك لم تلقى الدربة لحماية المواطنين من بعضهم ولكن أين فطرة النخوة لتخيفوا على الأقل الجبناء المتكتلين بإطلاق أعيرة في الهواء فلا يصرع هابيل مرة أخرى على يد قابيل !  قال رشيد عمار وقد كرّم ثالوث الحكم وجهه بادارة الجيوش الثلاثة سنحمي الثورة أو لعله قال سنكتفي بدور الملاحظ .. تذكرون مثلي  تبادل اطلاق النار الكثيف بعد 14 جانفي وكنا نعتقد أن تلك البطولة ينسج حكاياها الجنود وقد استشهد بعضهم يا لهفي وقد آذن السبسي بوهم القنّاصة وسكت قائد الجيوش الثلاثة وقد باشر أمن البلاد لخمسة أشهر كاملة فأسقط بيدي الشعب أي بطولة قاسية تلك لمؤسسة عسكرية لم تمنع قتل المئات في الشوارع وداخل بيوتهم وحتى بالسجون .. ولم تمنع حرق المعامل ولا المؤسسات التجارية بأكثر شوارع البلاد تدجينا "شارع الحبيب بورقيبة " فعلى من ألقيتم القبض  أيام حضر الجولان وتمشيطكم البلاد يومها على من قبضتم , إذن بغير تحامل  بطولتك يا جيش بلادي إقتصر على  العمل السلبي الإمتناع عن القتل ونحن نقدر لك  ذلك على كل حال ما دام السبسي يطلب منا أن نتفهم نعيم مروقنا من سناريو ليبيا واليمن حسن لعله يضيف لنا في حديثه القادم أن نصلي صلاة الشكر لنجاتنا من سناريو شبيه بما يحصل في سوريا ولعل هذا المدعو بالباجي يتلطف علينا بأن يعزّنا في الخطاب حتى ينصرف غير مأسوف عليه .أقول و أنا أتحدّث عن قيادات الجيش لأن أفراد الجيش لا دخل لهم في اتخاذ القرار أنا لا أفهمكم يوم اندلعت أحداث الشغب وسط العاصمة وكان محدثوا الشغب مسلحين بالحجارة والعصي لم تتحرك مجنزرة احدة لتسد منفذ أي مغازة وتركت المحلات لتنهب على مرمى حجر من قوات الجيش وأستقر على السؤال بالرغم من إيحاء بعضهم لي بأنه ليس للجيش تقاليد في ماية الأملاك وقد شاهدت ما يخالف ذلك من جندي قام يوم 14 جانفي من حماية عدة فرع بنوك بحينا ومغازة كبرى من النهب والحرق ببعض الكلمات قالها من خلال بوق لتسمعه عصابة من المئات ..لا أفهم لما يقع التوصل لحماية المقر الإجتماعي لبنك الزيتونة وليس لدي  إعتراض على فكرة ولا يقع في الآن نفسه احباط فرار ثمانية آلاف سجين من مؤسستين سجنيتين يسهل التحكم في منافذها رغم تأكيد وزارتي الدفاع والداخلية مضافرتهما للجهود , تبدأ المناوشات العروشية في المتلوي منذ أواسط شهر مارس كل يجاب عند التظلم بعدم وجود تعليمات لا تقارير أمنية للحفاظ على النظام العام فقد بان أن النظام العام لا يراد الا بوجود سادة للبلاد يحكمون في الناس بداية من رئيس الجمهورية نهاية لقوّاد الشعبة. أما اليوم فالتقارير معلّقة ولن تسقط حكومة اللاتوافق لا بهروب  آلاف مساجين الحق العام المدانين لجرائم خطيرة ولا لتمسكها بوزير داخلية ينتمي لديوان أسوأ وزراء الداخلية الذين عرفتهم البلاد . يلقى القبض على السيد سمير الفرياني لأجل موقف مبدئي بتهم خطيرة حسب ذكر زوجته ويفعّل القضاء العسكري الاستثنائي بشكل تعسفي وغامض والحال أن أشد ما يخشى على المدنيين أن يحرموا من ضمانات القضاء العدلي المدني والصفة المدنية للضابط المذكور تظل قائمة رغم صفته كعون بقوات الأمن الداخلي  ولا نفهم أيهما أخطر على أمن البلاد تصريحات الفرياني بتطهير الداخليّه التي يعلم الصغير قبل الكبير في بلادنا حجم الفساد فيها أو زعزعة استقرارها الأمني بحملات الاعتداء على الأملاك الخاصة و العامة والوهن الفاضح في تعقب الفساد المالي لتقديم الضمانات الكافية لرؤوس الأموال الأجنبية للحلول ببلادنا وانظروا مرتبة بلادنا في هذا المجال كم هو مخز أما القول بأن السيد الفرياني يهدد أمن البلاد فدعوني أدخل للحسينية ... قدموا لنا أجوبة عن أسباب الفراغ الأمني قبل وبعد  14 جانفي أين الأفراد المسلحون مهما كان تنظيمهم الذين ألقي عليهم القبض من وحدات الجيش والحرس الوطني وهو ما أقر به محمد الغنوشي صراحة ؟ كيف تم تهريب أحد عشر ألف مسجون ؟ وكيف هرب  ثمانية آلاف منهم مع وزير هيبة الدولة ؟ من قتل الشهداء ؟ من ينظم حملات الترويع المتواترة ؟ ومن يستهدف محبّي البلاد بسلاح القضاء الإستثنائي ؟ من جلب لنا السبسي ؟ ومن يبقي على المبزع ؟ ومن يعتقد بحمق أنه وبعد تكشف حجم الفساد والسرقة لأموال هذا الوطن ما علمه الصومالي قبل الأمريكي ممن باشروا الحكم لثلاثين عاما الماضية أنه ظل بالبلاد أمن وسمعة يخشى عليهما من الفرياني و أمثاله ؟ أيها الأعوان الذين ألقيتم القبض على القناصة نرجوكم أن تخرجوا عن صمتكم وتباشروا واجبكم الوطني بحماية البلاد بالشهادة . أيها  الأعوان الذين عملتم لحفظ النظام أيام الثورة ففوجئتم بزميل مباشر معكم يستهدف المواطنيين بأعيرة ناريّة بربكم قدّموا إفادتكم كونوا بناة لتونس الكرامة فأنتم نحن والا استعبدنا الطغاة بأسماء جديدة و منحنا تونس ليتبول على شرفها الصعاليك  مجدّدا أيّها الشهود لا تصمتوا على ما عاينتم أحيوا تونس أو ليكن الله حسبنا فيكم إذا لم  تفعلوا .

أحبّك وكفى

أطأطىء رأسي نحو ظهر يدي ..وأنظر للأرض لا أراها وأزفر النفس الداخل لرئتي كرها أو عادة لا أعلم .. أذكر وجهك الطيب وأقنع بانحسار الحب داخل عقلي في مرتبة الصفر .. أماطل في رفع رأسي وأستمرّ في شغل يدي بالكتابة عنك بوجهي المائل نحو الكلمات يحتضنها دون أن أدري مدى وفائها لكل شيء ..أكتب ولا أرى تطالني الظلال وأستكين لها لزمن ألم ..هل أترك الورق وأسارع الخطى حيث ترقدين أم أحملك داخلي كما الآن وأنظر في فسيفساء الذاكرة المؤلمة ما يدفعني نحو الجنون ..أمسك رأس البصل وأنحني بالبكاء حيث كنت تتميّزين أتعثّر ..أرفع رأسي وأنتظر جفاف الصفحة . ثم أعود لأفكاري النافرة عن إفتقاد السكينة ولا أسمع أفكاري التي تنزلق كالمياه الرّاكده في الهواء وتتبخّر . إدّخرتك لعمر لبعض القبل التي كنت أظن تافهة وبعض العناق وميل برأسي نحو حجرك ، هاك قد رحلت ولم أنه الكلام ولم يمض بي العمر .أذكر جمالك الآسر لقلبي وأذكر نظراتك كلّها وحاجبيك وأنفك المميّز ورتابة بقائك وعظيم نهوضك وأعمالك اليوميه وجدّك وقليل إبتسامك وكثير إهتمامك وجلوسك وأذكر ما آلفت من حبّك ما جاوز الفطره ..صار اليوم مؤلما لم أرغب في الكتابة عنك يوما فأنت لي وتمنّيت لو دمت لي لأشهد رتابة يومي معك وقد كانت الحياة قد أثقلت كلينا بعدم الإكتراث .أرغب في الإكتراث بحبّك  لصفحة من اليوم فأهجر إنصرافي عن القبل فألثم صفحة وجهك ألف مرّة ومرّة وبالكاد كنت أفعل ولأعانق جنبيك لمرّة وما كنت أفعل ولكي أسمعك حبيبتي كلاما جميلا كنت لغبائي أدّخره لك ولكي أعيد ترتيب حنوّي عليك ليصير لائقا بما كنت .. لأصيح مرّة أخرى : أمّي هاتي ما به أبقي حياتي وقد كنت أفعل .. ليتك هنا لأجتمع ونفسي وروحي على السكن إليك مرّة أخرى وأسألك أن تمنحيني إنذارا قبل الرحيل فأحبّك بلهفه وأتلو عليك محبّتي والإمكان ما بيدي حيله أفجع فيك كلّ مرّه .. لا أفهم .. أنظر للشّاهد المعلن لتاريخ رحيلك ولا أفهم .. إن كنت حجر  فأصبر أم أدنو وأعانق الحجر لأتماهى مع يأسي الصلب وقد أعدمت الصّبر ..أحبّك وكفى .

من هاك اللّاوي !

اليوم قمت الصباح شديت الثنيّه  للخدمه مبعّد حوار مقتضب مع قريبي في شؤون الجماعاااات الإسلاميّه ..لحقيقة ثقافتنا في تونس ياسر مخلبزه على الإسلاميين وكيف يسيّب العبد لحيتو باعتبارها سنّه مؤكده وإلّا محبّه في الرسول ولّا كان لبس قميص خلات .. يردّوه طالبان وناقص كان يمشيو يعلموا عليه الحاكم هههههههعععع موش صبّه أمّا في إطار ثقافة المواطن الرّقيب ..إي نبّهت على قريبي وقتلو رد بالك يا حبيبي ترسّيلكشي موزّر ثقافة الدّاخليّه راهي سنه أولى كتّاب تلقاشي روحك في فيلم أكشن ما يسلّكهالكش قاضي فاس ووميتلو براسي من بعيد وقصدت ربي للخدمة . آنا في ما عدا ثلاثة وعشرين ساعه وتسعه وخمسين دقيقة إنسانه مسالمه ونعطي ثيقة فلّي نراه والباقي الكل التيوري دو كومبلو ماكلتني ماكله بالأماره إذا مدّيت إيدي نسلّم نرجع نحسب صوابعي هذاكه أعلاش ،والله يخفّف على صحيّب عندي نسناس كل ما نتعدّى مبعّد السياج متاع بنك الزيتونه نبدا نضرب في أسداسي وفي أخماسي فلّي نرى فيه حتاش نوصل للخدمه كان نلقى نهبط مالكرهبه نسأل هاك الجحافل متاع البنّايه متاع الكلينيك إلّي قاعد يتبنى ليل  ونهار شكون إمّاليه وخصوصي نسأل علاش البلديّه قطعت بسواتر ترابيه طريق كامله تهز وتجيب فيها الضّو والنخلات والوسع زاده زعمه تحمي في الأراضي إلّي على الأجناب من البناء الفوضوي ولّا البلديّه غلطت في دورها ولّات تقطع في الكيّاسات لتحسيس المواطن بجودة الحياة في تونس البيّه وخمّمت وقتاش لحكومه باش تلغي هاك القانون إلّي  عدّاووه القطعيّه ولّي باعو بيه بالدينار الرّمزي تراب تونس بآلاف الهكتارات للخليجيه سما دبي ولّا بوخاطر ولا ولد طلال ..لا شبيه تركة ؟ في مصر إلّي معضمها صحراء حلّو ديجا الدوسي مع ولد روتانا وقالولو إلّي صرفتو في استصلاح الأرض نرجعوهولك ولاّ تخدم وتاخو  نسبه مرّبح تملك الأرض دوّيو .. ونحن مطفّين الضّو ما يجينيش عجب إنّو مادام لربعين حرامي وهومه مزالو حاطّين إيدهم على المغّاره يدخلو ولادهم يخدمو بأجور خياليّه عند بوخاطر ويمشي ترابك بلّوشي يا تونس ههههع .آنا سداسي ما عمرهم ما قابلو خماسي.. عايشين بالقدر ..نسمع في غنّايت مزود .. متوحّش يمّه صدرك إنضمّه ونشكيلك حالي ..وفات الغنّايه وصرصوت الكراهب هو بيدو ما نقصش موطور ، أيّه طفّيت روحي وقعدت إنثبّت في البوليس يعدّي في الكراهب ملكيّاس المقابل وحده كل درجين ونحن تبدّل ستة لاف ضو أخضر مطفّينا .. نسيت بوخاطر وولد روتانا وركحت مخّي على ولد الدّاخليّة ..ندهت جدودي والرقود السبعه وضربت راسي فلّقتو على الغيدون والمعلّم شاد في بحثو ..زعمه نستعين بأرماغيدون قلت لازم يعدّي في النّاس لخرين مبعّد أربعه دراج طلع ديناصور من ديناصورات لحكومه متعدّي كراهب سيفيل فوقهم الضّو وموطّارات .. رجعلي شاهد لعقل ،آش تبدّل في البلاد ؟ نجيبو عباد يخدمونا مؤقّتا عاد يوقفو السيركولاسيون ويمرضونا بالسكّر وفقر الدّم ويخلصو على الكاس نوار وفي لخّر مرّاو منهم شي .أعلاش آش فيهم طميعه باش ها الشعب يستقلد بذنوبهم ياخي السّيد مزّال مخرجش من طوالات دارو تاقف الدّنيا حتّاش يتعدّى ؟ ولّا سيادتو خبزه عربي تتاكل سخونه مع زيت الزّيتونه يلزم إنطيرو بيه ؟ يا أخي كفانا تعسّفا على الشّعب توقيف حركة المرور 20 دقيقة موش معقول الفيس ما عندوش مبرّر راك مؤقّت إذا كنت منتخب تنقّل بالهيليكوبتر وخلّيو الكيّاسات للشّعب سواتر ترابيّه في الكيّاسات الجديده موش معقول وفي لخّر كان دامت لزابا ما وصلتكم وقتاش نرجعوا المغّاره ؟!