لحقيقة آنا عتبة إي بالظبط منحسة بالمفهوم المتداول أي شخص وإلا فريق ولّا فيّة نتعاطف معاها مالوطني الطيح تكوّر في الديفزيون كانز حاصيلو كلوبيستية وحلل وناقش .. هوكة علاش عاملة مجهود ما نحبش برشة باش ما تتهردش لبلاد أما الله غالب السالف كونترول يجي عند مخي ويطيحلو لهوا .. موش ذنبي ياشباب العلا المافيا إلّي عنّا في البلاد خلات النظاف كعبتين ومخي يجي عند مافيا السياسة ويشدلهم حارس مرمى لحاسة التجمع ، قوّادة الشعب ، قوّادي المواخير السياسية ، ولاد لجان التنسيق ومؤتمرات التجمع الوطنية ، كبابل زعبع .. أصحاب الكشكول لحمر : يقطعكم .. إنقرضوا زح .. حبيت نهضمكم فمّاش نعتّب عليكم ما لقيتش باش ياسر حقيرين قولش عليه المتنبي يشعر عليكم كيف قال إلّي
"ما يقبض الموت نفساً من نفوسهم إلا وفي يده من نتنها عود
سيدي الرئيس المنصف المرزوقي موش إنت طيرت الكنالو لصفر تاع هاك السجين إلي في الحبس .. ضربت شهرين نبّر عليك خاطر سيبت عصفور ما يعيش كان في الأسر .. سيدي الرئيس موش إنت طلعت ما تعرش تقرا إسمك وتستخايل بوك يرحمو سمّاك الطيب ضربت عامين نسب فيك تالمون حمصني إدرابو لبيض إلي هازو مع سلحفجيي تونس .. آنا كان جا عندي قدرة راني حطيت ثلاثة أرباعهم في الحبس .. ومع شطحات النهضة إلي صوتّلها مرتين ، خاطر ثوابتي الإيديولوجية ، عندي يتحطّو كلهم مع شيخهم في كفة وإنت كفة في ميزان حماية الوطن إنت سيدهم .. هكّة قلّي مخي آنا باك + 6 ومانيش ناجحة بالفوسكة كي رجاء بن سلامة هذاكة علاش ذكايا مرهون بالتاريخ موش بتلافز رقاصة بن علي وليلى الحجامة والمافيا إلي تتمعش منهم ومن أنسابهم كيف البغايا وتوه ولاوولنا عباد يحكيو بالوطنية في بلاد من جرّة فسادهم تجي كل شي كان وطن !
سدي الرئيس .. إنت خياري للأسف الشديد رغم مخاطر إني نعتّب عليك لأنك إنسان مستقيم وفت غاندي في ظبط النفس أثبت الندية في التعامل مع الفرنسيس موش كيف كبابل فرانسا . قدمت لتونس أرقى المواقف دوليا في الأمم المتحدة وأثبت إنك من طينة العضماء موقفك من النزاع في ليبيا ،الحرب على غزة ،الإنقلاب في مصر ، النظام الدموي في سوريا .. وقفتك البطولية ضد محاولات الإنقلاب في بلادنا إلي تدعم فيها مخابرات دولية بمجرمين محلّيين .. دونيّة منافسيك بدون إستثناء وتاريخهم الّي نابو أزرق للأسف ، للأسف ، للأسف .. تخليك مرشحي الأوحد ولّي شيغيضو إنو عتبة كيفي شتصوت للمرزوقي .. ننصحكم تتنبأوا بسقوط الدكتاتورية قبل 6 أشهر ، إطيرو كنالو ، تساندو الشعب السوري .. تحبو الزواولة في تونس وتعنقوهم .. تعاودو السلام ثلاثة مرات كي تبداو متحمسين .. أعملو هذا الكل ومبعد إلي عندو بونيا يجي يقابلني 24 هو خياري .. لحاسة التجمع .. ولاد لمعمّر الفرنساوي و رئيس الشعبة والتنسيقية ودرا شنوّة كعبة البيرّا إلّي بايع بيها إنسانيتك مهياش شتوكّل ولادك خبز إذّكر التاريخ يخدمو بيك ومبعد ترصيلك مدوّرها آلكول . . كلاب العسّة الآدميّة وليسامحني كلبي آشيل، بحكم الخدمة تاعي آنا نعرف برشة من جرايمكم وقضايا الفساد إلي مورطين فيها ونعرف على الأرجح قداش إنكبتو الدولة ومؤسساتها ومبعد الثورة زدت عرفت إلي تنجموا تنافسو البغايا في الرقعة وقلّة المعروف وتغلبوهم لذا يا شيقول فمّي ، يقطعكم والله ما عندكم وين توصلو إذا هذا الشعب باش يوخر لتالي لمليون ونصف مرتزق فنتقابلو في ساحة الثورة لن تقدروا على النفس المقاوم مهما فعلتم .. شعب تونس الموش عظيم والعادي جدا الحرية ثمينة برشة وتمنعك من مصروف الدواء لظغط الدم والسكر و مصروف القفة إلي تهزها لولدك في بلاد مجرموها الأحرار باش تكون عندهم رياسة لحكومة ووزارات السيادة وفاصل الدولة كان تحب "باي" تتنفس بيها باش ما تموتش آسفكسيي نخب المرزوقي نخب 24
