Thursday, August 20, 2015

لها الدّرجه ..



بون عندي مدة ما كتبتش تمشيوش تستخايلوني خايفة من فرخ فريدوم هاوس محسن الموازي وإلا الفومبير إلي ستقلد بقصر قرطاج .. أبدا أخيرا عرفت طريق النجاة وسلّكتها ووليت مواطنة صالحة .. تمجد إسم الرّب .. تي لا ما تنصرتش أما دخلت حسينية وعطيت لروحي ما كلا الطبل نهار العيد .. تي لا ما تشيعتش أما ما لقيتش حتى حل للرفلكسيون على بهامتي لعوام لخرة كان الحسينية ديما خير من كونفاسيون لبباص ... شنية بهامة يا أبا قلب نستعرف للي دخلوا وقراولي إني مايد إن تشاينا ونكور ديفيزيون كانز وإلي زكيتهم في حديثي عن السياسة إنبطاحيين إلا 24 تي نقصد السيد المرزوقي أما غيرو فطلعو تاعبين و .. موش شنسبهم خاطر مازلت نحترم فكر الإخوان ربي يرحم الإمام البنا .. علاش رجعت للبلوغ هههههه حبيت نرتكب أمر موحش في حق الكراكوز والخماج إلي نخبوه ونعطي ضريبتين تسخسيخ لرئيس لحكومة الحلوف بففففففف ملّا كفاءات يا  معلم والله أي متهم بالنطرة في أتفه قضية شريف عليكم يا معلم سيب عليكم ملحكم بمؤهلاتكم ضريبات مع المافيا العالمية توه دخلو عشرة أضعاف مدخولكم من رزق البليك وترتاحو م ظغط الدم والسكر إلي بإذن الله شيضربكم من حملات وين البيترول وحل الدوسي وهو يسرق وإنت تخلص ومن تكبيشت سهام بن درين و ... تعبت مازلت في فترة نقاهة حبيب شيعي نصحني بسلسلة حديد لزوم الحسينية الله لا تباركلو عملت ضريبات بهاك اليد البلاستيك إلي تقتل الذبان عضيماتي تهسهسو .. روافض ولاد متعة ، قلك مازالو خمسطاش سنة لزوال الحضارة حسب دراسة مولتها النازا صحيح تنصلت منها أما قلك تركزت على تقنيات موضوعية لعلوم الأنثروبولوجيا وتناولت أسباب إندثار حضارات سابقة لمسة آلاف سنة لتالي الدراسة حكات عليها لوبسارفاتوار وشخصيا مصدقتها بدليل قرآني يقول ( فهل ينظرون إلا سنة الأولين فلن تجد لسنة الله تبديلا ولن تجد لسنة الله تحويلا ) يعني كان ظهرلكم يا ولاد بنادم شتفسدو في الأرض كيف لولين إلا ما نهلككم وهي سنة الله في الأقوام .. لفتة يوسف ما سمعتش بيها وبشغى بن حميدة تعبر بالفغونسي ما زال ما تعرفش القرآن .. إلي في الحكم ؟                                                    بون عملولنا 0,5 نمو نقصو في الآسيات de TVA لأصحاب الفنادق أذنو للبنوك العمومية وقاعدين يتقربو لربي بمسامحة السراق وعطاو تراحة لمعلمين .. شنوة عملولنا أحّيّا بفففففف شبيكم أوووفر هكّا تي كي نكويو تونسي بسيقارو ونعلقوه من يده وساقيه هذاكة إسمو معاملة قاسية راو حسب الكفاءة الفذ كرم الله وجهه_  دخلت للباج أوفيسيال تاع ندا تونس وردّيت مرتين وما لقيتش إسمو _ تي هاك المكلف بالعلاقة مع مجلس الدواب حاشا إلي ما يستاهلش .. ملّا مستوى منحط وصلتلو وزيد تعبت توة بشرى المقملة رئيسة لجنة الحقوق والحريات قلك بعض القضاة خطر على الأمن العام إي إيجا أحكم في عوضهم وشد الشعب التونسي الكل يا مطة وإلا نقلّك جيب بوليس ملي ضربو المعلمين يشدو قضايا الإرهاب... أيها الموتى الذين شاركوا في الإنتخابات الأخيرة أهديكم غناية المزود إرضى علينا يا لمّيمة 



ويلي نخبتم الكراكوز من السراق و الملاهط والشمسيين وقوّادة الشعب بيناتنا 15 سنة لزوال حضارة العربدة والغوغاء لن ينفعكم أن تأووا لجبل فلا عاصم حينئذ من أمر الله ..الموازي وبشغى خباث نتصورهم يخدمو غلمان عند شيخ مورو أكثر دار يستأمنو رواحهم فيها قلّك عامل رونفوا على مار تيريزا بون آكهو وقيّت نعمل ضريبة حسينية طحت مونك أيها اثوار سامحوني نصحتكم بحركة النهضة غلطوني

2 comments:

  1. ههههههه علاش اعتنقت المذهب الشيعي و تضرب في روحك بالحديد ، برا إعتنق المذهب الصوفي و إتخمر و اضرب روحك بضلفة هندي :D

    ReplyDelete
  2. حاجتين ما يخليونيش نتبع لحباش عندي جلد تمساح دونك الظّلف حكايتو فارغة ثانيا عندي مشكلة مع الزوي ما نعرش وقتاش يسقط عليها حمّة النصراوي

    ReplyDelete