Saturday, March 5, 2011

تجمّع ..الشعب راهو فاق

والله كارو هاك المثل متاع إن لم تستحي فافعل ما شئت نبدلوه في تونس ونردّوه إذا كنت رقعة فاقلب الفيسته و سنكشف تاريخك مهما تلوّنت ..ذكّرني الغنّوشي في مهرجانو الخطابي الأخير وهاك الكو دو تياتر متاع الأغلبيّه الصّامته إلّي سارقها من كاين وطني كيف شارل ديغول بالمثل لولاني ..وقفو الضرب ، إي آنا مازّلت غادي في هاك التثمين المرير متاع هاك الراجل إلّي خرج ينعى في قتالو البطولي لبقاء الدوله والإعلام إلّي ما أنصفش حكومتو الوقتيّه و إنجازاتها ـ ما كفاهوش هاك التخميره البوسعاديّه متاع القنوات الثلاثه والتركيز المبالغ فيه على المطالب الفئويّه المستثاره من جهات معروفه والتشحين ضد القضاء للفت النظر عن أهم مصادر إنخرام الدوله والممثّل في مجلس النوّاب إلّي طيلة خمسه عقود خرّج قوانين مجحفة في حق المواطن والحقوق العامه وكرّس غلبة المصالح الخاصّه والفئويّه ـ عاد سي الحنين إلّي فجعة إنتبه لضرورة رجوع البلاد للهدوء باش تاقف البلاد إقتصاديّا من جرّاء القلّة إلّي قاعده تكرّس في مطالب فئويّه ـ حل مجلسي النوّاب و المستشارين إلغاء العمل بالدستور و انتخاب مجلس تأسيسي يعهد له إقرار النظام السياسي لتونس الحرّه وبيانسور التحضير لانتخابات تشريعيّه ورئاسيّه ـ للّي مهواش متبّع الغنّوشي إلي تعامل مع النظام القديم بالأساس في كل ما يتعلّق بثروة تونس لمدّة تفوق أكثر من 15 سنه ومدهالهم هناني بناني بدون أن يرفّ له جفن ، إعتمد على تهييج المطالب الفئويه وقعد يخدم على مرور العاصفه باش يحضّر لانتخابات رئاسيّه مبعّد ترقيع المجلّه الإنتخايّه ودستور 59 وهذاكه باش يحافضو على إستمرار نفس الطبقة السّياسيه في حكم تونس وهّاكه يضمنو زاده على الإبقاء على مصالح نفس الفئه المتنفّذه في البلاد إجتماعيّا من أصحاب رؤوس الأموال الكبيره في تونس .عاد رجال تونس إلّي حسب رايو عندهم آجندا وقفولو جدار صد .. من عندي ـ برّاو يجعلها خضره قدامكم ووراكم يا أحرار مجلس حماية الثوره الكل ونخص النقابيين الأحرار إلّي عملو تعبئه لإعتصام القصبه 2 ـ 
غنّوشي ! خرجولك هاك الأغلبيه الوا.. ! هاك عاونتنا باش نفهمو بفضل هاك الدّعوه البينكاويّه (نسبة للبنكي الفار من كرتون بنكي وبراين ) إلّي يلزمنا نردّو بالنا مليح من جيوب الردّه وفلول التجمّع إلّي وحده منّاس كنت نعتقد إنهم مغلوب على أمرهم وتربّاو من الطمع إمبعّد ما شافو السارق الأكبر و أعداء الشعب كيفاش كانت نهايتهم . طلعو رقع ومزّالو زايدين على قدّام ، عاد في إنتظار إنو تترفع من المحامين الشرفاء قضايا عدليّه ضدّك إنت زاده على معنى أحكام الفصل 95 ولّي بعدو من المجلّه الجزائيه وضد فريعه والقيادات الأمنيّة وكل من سيكشف عنه البحث من أجل جرائم قتل المدنيين ..نداء غيغوز للمدونين الأحرار بالكشف على مناضلي التجمّع ما بعد 14 جانفي 2011 لا بد من التشهير بيهم وكشفهم في المنابر الكل ومحاصرتهم حومه ،حومه ،نهج ،نهج ،زنقة ،زنقة جحر ،جحر ،دار دار ..(حقوق التأليف محفوظه للمدمّر القذّافي ، لا تباركلو ) يحيا الشعب ! يحيا مجلس حماية الثوره ! المجد لمعتصمي القصبه الثوّار .. غنّوشي الشعب راهو فاق !

6 comments:

  1. Dénoncez ces criminels et ne les laissez pas échappé, la cure de désaRCDisation de la Tunisie doit être mené sans répit pour ne pas commettre la même faute que nous algérien avions commise le 8 octobre 1988, nous avions chassé Chadli Benjedid et laissé le FLN et toutes ces tentacules , chassez les donc tous en ayant recours éventuellement à la Zingologie ( science qui traite des meilleurs procédés de traquer ces ennemis dans les petites ruelles )
    Post scriptum : tiens le mot de vérification est COCHON comme quoi ...........

    ReplyDelete
  2. غيغوز شكرا على هذه التدوينة النابعة من الأعماق
    فقط بربي (مناضلي التجمع) حطها بين قوسين
    منين جاهم النضال؟
    نضالهم ونضالنا مختلفين ما قريناش نفس الكتب
    وما تربيناش عند نفس المعلم
    شكرا لك مرّة أخرى

    ReplyDelete
  3. misanthrope :
    j'ai tj pensé que le pardon est une base solide pour annoté le futur de grâce, je croix qu en présent c un faut pas comme tu dis !oui nous devons aux générations futures d'extraire le rcd et ses partisans de la vie politique et je crois que déjà il y a bien des bon internautes qui ont pris cette charge comme devoir et en avant la guerre :/ loool

    ReplyDelete
  4. bacchus :
    يا سيدي مرحبا وفي الخدمه كلمة مناضلين شويه فيهم هذومه مرامديه كيف كتبتها حبّيت نأكّد على إستماتتهم في النّذاله أمّا ما دام نبّهتني عندك الحق الكلمه وسّخت النوبلاس متاعها كيف ربطها بالتجمّعيين وهاني باش نصلّحها : دعوه لعباقرة النات التوانسه باش يعملو فيزيوناج لوجوه "الفيران والقطط " متاع تونس ـ نقلا عن القذافي لا تباركلو ـ بالله يا باخوس فهمتهوش أعلاش لمّد القطاطس والفيران مع بعضهم لا يحب هاذم لا هاذوكمه ملّي سمعت خطابو وانا نخمم في ها الحكايه ههههه ..شكرا لك على الطلّه

    ReplyDelete
  5. لا يمكن إعتبار أن تحقيق بعض مطالبنا هي فقط مجهودات معتصمي القصبة يجب أن لا ننسى أن خطاب المبزع جاء مباشرة بعد الإضراب عن البيتزا الذي شنه معتصمي القبة

    ReplyDelete
  6. @oasis ha ha ha n3aref chkoun illi mch3e bahda il kobba w kalli r3ahi m3abiya tejammouiste w hedhouma maw fi belek yikhdmou bellouchi Ala khater après ywelliw kil minchar t3aline wekline habtine wekline wlezem nitlhew bihom daccourdou :)

    ReplyDelete