Sunday, February 27, 2011

غنّوشي .. يطوال ليلها وتعلف !

بيان الداخليّه : ثلاثة موتة  تم إستعمالهم كدروع بشريّه من طرف أطراف مشاغبه .. ووووووووه على جد بابا ورقدتو  . ياخي يا داخليّه  الأطراف المندسّه مسلحين بالكلاشنكوف جايينكم ملغمين عاد سيّبتو  عليهم الكرطوش الحي وفي عوض تقتلوهم قتلتو الصغيرات إلّي مروحين مالّقرايه .. بيان الدّاخليّه يندّب الخدّين بالطبيعه الماسونيّه قاعده تخدم على روحها في البلاد. وقتلان المدنيين العزّل إنّجموا نخرجو كيف نبداو بناي كلب ونقولو كسرو ونهبو وأحدثو الشغب وتلزّينا للحمايه باش نقتلوهم ..حتى شي ما يبرّر إستعمال الكرطوش كيف إنّو إستعمالكم لحكاية المليشيّات ولّات حكايه إتضحّك اللهم ولّاو يخدمو لحسابكم بدليل إنهم ما ينشطو إلّا ما يبدا فمّه تحرك شعبي سلمي للمطالبه بالحقوق السّياسية دونك مهواش بلّوشي يخرجو المجرمه تحت غطاء أمني باش يسرقو ويحطمو الأملاك ويبرروا الإعتداء بالأسلحه النّاريّه على المحتجّين السّلميين  ..الكل شفنا كيفاش الأعوان من فوق سطح الدّاخليّه بداو باستفزاز المتضاهرين ورماو عليهم الحجر إمبعّد جاو السرّاق والمجرمه ولاو يضربو بالحجر وكيف دخلت بعضها بداو يسرقوا في المحلّات وقد حاولو المتضاهرين منعهم رغم رشقات الرصاص المخيفة و قنابل الغاز الخانقه إلّي كان البولسيّه والجيش لاهين في إستهداف الجميع بيها . وينهم الجيش آش بيهم ما حماوش المؤسسات إلّي واقفين قدّامهم  حتى بمجرّد سد منافذه بآليّاتهم الكبيره لمنع المشاغبين من دخول محلات النّاس وسرقتها أو حرقها المصيبه إنّو أكثر من حداش ألف مدان تم إخراجهم من السجون إلى جانب الآلاف من عناصر المليشيات لحكومه وأجهزتها إمبعّد أكثر من شهر ونصف ما عطاطنا حتى أرقام على للّي تم القبض أعليهم أو إلّي سلموا رواحهم ..  المجلس الأعلى العسكري في مصر الوطني قام بالرغم من دقة الوضع في مصر وكونو عندو حدود مع الصهاينه بالقيام بحمله كبيره لإعادة المجرمين المدانين للسجن ومبعّد ما فرّق مضاهرات سلميّه ما غير وقوع حتى جريح قدّم إعتذاراتو للشعب على سوء المعامله .. ونحن الدّاخليّه قريب تحكيلنا بلوغة الملثّمين .. تي لا ! تحكي معانا بلوغة الدّروع البشريّه قولش أعلاهم أعوان الدّاخليّه الفاشيين والفاشلين ( فمّه زوز أصناف ) قاعدين يحاربو في مسلحين عملو هجوم بمدرّعات عليهم ؟ إلّي صار جرايم قتل بدم بارد ومرّه أخرى إلّي وراها الحكومه غير الشرعيّه التي نصبت روحها علينا باش تحتل منصب الجلّاد الجديد . بالعربي و ملّخّر دجاجة ممّاتي يرحمها عندها شرعيّه أكثر مالحكومه الغنّوشيّه ولا بد من محاسبة كل الوزراء بمن فيهم الغنّوشي على دورهم في الفساد المالي إلّي تعرّضلو  المال العام خلال إشرافهم على وزارات حكم بن علي وإحالتهم على القضاء مع مديري المؤسسات العموميّه والمشرفين على الصفقات العموميّه على معنى أحكام الفصل 95 و96 و 97 و 98 و 99 و 100 و 101 من المجلّه الجزائيّه وملّخّر بالكل غنّوشي يا براين دييييقااااااج ويطوال ليلها وتعلف الدّم ما يمشيش بالسّاهل :/

11 comments:

  1. willi yezid yemrejj, yo4rej hal 4annouchi fi talveza we ya3mlinna fiha tha7iyya, we illi houwwa ye5dem 3la ro7ou, bgalb we rabb, willi echa3eb ye9alla9 fih, ti 7atta jma3et il communication illi jabehom min fransa, manef3ouh, wel i5raj 5raj the3if yaser, attefah min aflam claude le louche, barra 3ayyechek mou7ammad al3ab b3id rak challa9t, toul el fatra m3a ben ali ma3miltech syasa jay tawwa tal3abhanna mou7annak we mou5athram we bach tanta9il bina le eddimou9ratiyya

    ReplyDelete
  2. lim3allim jeyibha brain w ymethil amma norm3al rahou illi yèkhdim 15 a3m m3a ezzine mè ynejjem ykoun ken rok3a w moumethil

    ReplyDelete
  3. kallek hkan dimè eléléf alech illi kenou bèch yoktlouna hichmou minnou wella izzine lui a donné les noms de ceux qui sont impliquès fi guetlène etwensa :'(

    ReplyDelete
  4. yetha77akni kif ye7ki 3athawra, errajil rkebeha bethabet, tsan3et fi darehom, we wegaf 3liha nhar kamel we hiyya ta4li fog el gazz

    ReplyDelete
  5. ahhawka al3ech yitwel lilou w yi3lif lè tbèriklou willi m3ah

    ReplyDelete
  6. عسلامة غيغوز :)
    و اخيرا رجعتلكم (هاك ترى الناس في الشارع تغني و ترقص كيما يقول القذافي ههه) محلاه لرتيكل هذايا الكلام الصندي
    و الله تأزمت و عدت نستنى ماني فاهم شي
    على كل حال يااااسر عجبتني عبارة
    يطوال ليلها و تعلف
    ذكرتني بالوالد و الله توحشتو
    و كيما يقولولنا في المدرسة
    حسن جدا واصل :)

    ReplyDelete
  7. عيدودي عسلامه ياخي وين كنت ؟على كل لحمدوالله عسّلامه ليك ولتونسنا الغاليه وربّي يحفظها من كل سوء

    ReplyDelete
  8. Cette fois je ne partage pas ton avis, tu n'as pas tous les éléments de cette affaire,moi non plus, mais pour les boucliers, ce que l'intérieur a expliqué est vrai, je peux te confirmer que rien qu'à Nabeul et contre toute attente une vingtaine de bus a été remplie d'élèves de lycées qui n'avaient pas l'intention de manifester mais qui ont été incités par certains profs de les accompagner, c'était tard dans la matinée du vendredi, on sentait que quelque chose se préparait, mystère et boule de gommes sur la partie qui a organisé et financé, les profs ont été pris au dépourvu, partis travailler, ils ont trouvé que le lycée a vite été vidé (pareil à Ezzahra et dans d'autres lycées) ... Ensuite, les gens manifestants à la Kasbah ont noté l'affluence énorme et subite de nahdha après la prière du vendredi. Après,sans raisons,des voix ses sont élevées depuis la Kasbah pour se diriger vers MI, en même temps des casseurs étaient déjà présents autour du ministère et n'y sont pas allés par la Médina ou depuis la Kasbah, c'étaient des voitures qui les déposaient... donc oui il y a eu manipulation, provocation, piège et bouclier humain fait d'élèves de lycée,reste à trouver qui a commandité tout ça
    Pour la violence, les dépassements etc, la police ne doit pas tirer à balles réelle on est bien d'accord, mais pourquoi ne pas penser à toutes les pistes envisageables? Les raisons ne manquent pas pour essayer de faire tomber le MI il dérange...
    à propos de Ghannouchi, ce n'est qu'après son départ que ceux qui se sont aveuglés et n'ont rien cherché ni à savoir ni à écouter, ce qui s'était produit le 14 janvier...à méditer sur la manière dont il faudra s'y prendre après...

    ReplyDelete
  9. يا أوليف إلّي قلتو إنت وجهة نظر ،وانا نأكّدلك إلّي آنا راني تبّعت حقيقة مطلقة بالنسبه ليّ ما فيهاش نياش راهو إذا كانت المواجهه بين مدنيين و أعوان أمن موش من القانون حتى الإنساني إنّو قمع التخريب يكون بالرصاص الحي خصوصي وقتلي تكون قاعد ترجّع كأمن على تخريب سلاحو الحجر ياخي بالله قلّي شفتش مصر العسكر فرّق إعتصام مليوني يابوقلب ما ماتش فيه حتى عبد و سي البوليسيه يقتل على البلاصه بالرصاص ثلاثه متضاهرين موش حتى ملمخربين يا أوليف جمهوريات طاحت على خاطر روح وحده ونحن العايلات قاعده تتشوى على خاطر سي البوليسيه موش عارفين يعملو إنتشار أمني صحيح ولّا يشدّو عناصر المليشيات التجمعيه إلي قاعده تحرّض راهو موش معقول الأمن مسؤوليتو حماية أرواح النّاس و الأملاك وحاجه يخلصو عليها موش مزية يعني لا يزّي مونك كونبيطونس لا يزّي تجاوز سلطه وهذه وجهة نظر متاعي يا غاليه

    ReplyDelete
  10. comme je l'ai dit, les tirs à balles réelles c'est inacceptable, on est d'accord, les parents des victimes, je n'y peux malheureusement rien pour eux à part prier à ce que Dieu les arme de patience, tout ce que je peux faire c'est les conseiller de ne pas se laisser manipuler par certaines parties qui feraient de leur malheur une aubaine pour servir leurs propres intérêts...
    les parents, doivent bien encadrer leurs enfants...

    Pour avancer, il faut maintenant patienter pour pouvoir recomposer le puzzle avec objectivité et sans se hasarder à désigner des coupables...car des éléments apparaissent d'heure en heure : ce qui m'a attiré l'attention aujourd'hui, c'est l'annonce invitant la police à déclarer les armes disparues...la deuxième, c'est que deux des personnes arrêtées avaient sur eux, des plans pour forcer les locaux du 1er ministère et ceux de la télévision...
    Hier, Ghannouchi a enfin parlé d'un complot qui se trame...

    ReplyDelete
  11. Olive..est ce que on a eu un seul communique de ce gouvernement d après Ben ali qui ns a donne des information sur les milices et s ils sont un danger ecarte et le nombre des criminels évades qui St. Encore en liberté quand j insiste sur la défaillance du ministère de l intérieur ceci est bien Claire mon Dieu tu ne peux pas empêcher. Ton enfantde 22 ans de decendre manifester ...on a vu des enfant mourir par tire ds leur living ..quand tu acceptes un poste de responsabilité ou que tu travail comme officier publique tu dois assumer la continuité du service publique par devoir et patriotisme ..enfin comme toi je prie pour qu Allah allège la soufrance de ceux qui ont perdu un proche

    ReplyDelete