الباجي شد دارك

توه عندي مديده وانا ضاربتني الفشله نغزر للوضع في البلاد وإعادة الإنتشار متاع الجراثيم في تونس البيّه وآنا نخمم في أحسن السبل باش تبدا عمليّة الفيدونج ونبحر في الفايسبوك .. رجّعت غاميت طرحت ت ك ر ي ز إممم ملوّل بانولي إكستريميست في أفكارهم وبرشه كلام موحش في الباج متاعهم لقيتهم هومه الصحاح والفاهمين ومواقفهم أكثر المواقف إحتراما لأرواح الشهداء فاس للرقع - عفوا الكلمه لا تليق بشهر  رمضان دونك هاني اسحبتها - فاس لأكثر المخاليق تزفريت الزباله إلّي تبلينا بيهم إلّي إنجمو نتأكدوا إنهم مبدعي النفاق .. نصيحة ملوّل إلّي ربّي نايب أعليه بفيزا يهج يخلّيهالهم واسعه وعريضه خلّي يقيموا فيها الآذان مع أوبسيون نصيحه متّبّعش خبار لبلاد ..
أيّا أوّل حاجة ينجّمش زفروت يقول إنّو من الإستقلال لتوّه فمّا شكون حكم مع الدساتره .. ثاني حاجه فماش شكون ينجّم يقول إنهم خلّاو شكون يحكم معاهم في ستين سنة ! وفي هلمدّه قدّاش عبّاو لحبوسات ملمساجين السياسيين لدرجة إنو تمشي تصلّي الصبح تلقى روحك في قلبو .. المناهج العلميه حقل تجارب لمخططاتهم المافيوزيه إخّرها تمزويد الذوق العام وأشباه الرجال إلّي ملاو بحضورهم القنوات من جهلبغل لنقمه تي في وهومه حازقين رواحهم ويميلو كيف الرقاصات وحاطين على وجوهم خزرت هيفاء وهبي ..
باهي سمعتوش يا مومنين بصوت من الدساتره الديناصورات ولّا جدد خرج وقال يزّي راهي لبلاد مشات في هاويه ؟ نيانتي .. ذراعك يا علاف داخلين في لبلاد فرندسي كيف المنشار بكلهم من عساس الشعبه لرئيس الحزب لفوفو رئيس مجلس الدواب طالعين واكلين هابطين واكلين .. مخلّاو شيء من بيعان الشراب للمنوبول متاع توزيع الدخان والدجاج والتوريد و التصديرلكل منتوجات البلاد ..خرج لمعمر الفرنساوي تكلفتو علفيرمووات ولّي جاو من بعدهم تكلفتو عسّياحه والمقاولات واستثمروا في صحّة الناس ورزق البليك باش عملو الملياردوات وكثفوا نشاطهم في إحتكار خيرات البلاد وكل ما يحيرو يمشيو لمجلس الدواب يخرجلهم قانون وبرّاو شوفو مجلّة التشجيع على الإستثمارات قوانين منافسه وأسعار يزكّي الغنيه ويخرجهم صابونهم نظيف مالطاكسوات والشعب مندبه أيامو بالتيفيا وقته تولّي لحقوق تقابلها واجبات .. الملك لعمومي الخاص تباع للدساتره بالرخص والخزعبلات ومكفاهمش عملو لتسهيل السرقة صناديق وبنوك وصفقات وهاتولنا نشوفو بنك التضامن لشكون كان يمد القروض كان مانلقاوش بينه أصحاب المليارات .. سيبفونسيونات تمدهم وزارة الثقافه لمبدعي اللوطيه والسحاقيات باش في لخّر يوريونا كسرونه في حمّام و أزمة لوطي يخبي في حقيقتو بالزواج من إحدى لبنيّات ..ثلاثه وعشرين سنه وقبلهم ثلاثين ما لقينا في الدساتره كان الطمع والباسّاس وتخديم المخ والسرقة و تدمير البلاد والماده الشخمه حاطينها في خدمة رواحهم العزيزه والتلهويث على رزق البليك .. الكلام هذا السبب متاعو كلمه قالها شسمو إممم السبسي قالها إمبعد ما حمّر عينيه على رئيس الحزب إلّي قص عليه وهو يعرّض بالشعب ويذكّر بمناقب حكومتو الممقوته وقاللنا عيب تتعرضو لرجالات تونس ههههههههععععععع
آشنيه لاماره متاع الرجالات متّو ولقينا فلكونط متاعكم ميتين دينار كيف عبد الناصر يا سبسي مشيت للقصر لزعبع وطحت على غلاغلك وقلتلو سيّب ليزيتيديون إلّي يقولو ربي الله راهم مستقبل تونس عاد رماك في قلبو .. صفّيت راسمالك من التجاره العايليه في بيع المشروبات الكحوليه ومولت بالفلوس قرى الأطفال فاقدي السند التونسيه ..بعثت خطاب شديد اللهجه عن طريق وسايل الإعلام لزعبع تحذروا من مغبّة التمادي في قنص الشعب في ديسمبر ؟
وكان على عرفك الصوري رئيس جمهوريتنا الممقوت اللاشرعي للتسعين دقيقة يلعب مع زعبع كيفو كيفك ملّعيان ، آش نوّه آمارت الرجالات الوطنيّه آش قدّمتو للبلاد حتّى التسميات في لوزارات تكشف مدى إستخفافكم بمستقبل لبلاد لو كان جيتو كيف ما قلت رجالات راكم وخّرتو لتالي وخليتو لبلاد يحكموها إلي يحبوها بالرسمي موش إلّي مورطين في تعذيب التوانسه ولّي ثابت إنهم كانو يتقاضاو في 250 دينار من زعبع شهرية باش يلمعو صورة حزبكم في الأوساط القانونيّة شدّيت لوزاره وكذبتو بزعم حماية الحرّيات جبتو الصيد بالرغم تاريخو ، فقط لقمع المضاهرات و الإعتصامات أحداث المتلوّي والروحيه تغيب أعليه واعليكم المعلومة الأمنيّه أمّا التحركات الشعبيه قادرين على قمعها بكامل تراب الجمهوريه ..
ريس الجمهوريه المؤقت المناشد الأكبر عيا ما حفل في محافل المناشده وقريب يولي باك غراوند قار للمعلم السابق و اختيارو لثمانيني معين موش  تمكميكه  متاع كوبان دو كلاس و لا ولاد شعبة وحده أهوكه بانت الفوله من التعيينات للإجراءات القمعيه داخل جامع القصبة للإعتداء الوحشي على الصايمين في مسيرة  المطالبة بالستقلال القضاء ومحاسبة قتلة الشهداء .. شوفو المطالب وشفنا على عينينا ردود الفعل القمعيه لزبانية الداخليه والمخالفة لحقوق الإنسان وشبهة إعدام المواطن أنيس بوعمراني أوون كونتر بارتي رينا مظاهرات النقب الفكريه لحماية الحداثه قريب علوج الداخليه يفرقوا اعليهم الشروبو والرزاطة تصوروا إنو أحد عناوين هاك الفضايح : الحرية الفكريه لملحدة تطاولت على عقيدة الناس ...
الكمبارريزون توضحلكم الصندي ومعجزات الصادق في تخلبيز البلاد والتسرديك في شبه العمل ! 
اسبسي قايد الباجي بزز عويناتو وقلك هذه أعز حكومه .. إي بمارة إلى هوما كملو العام الدراسي ! ردو بالكم يا رجاال التعليم تكونوشي إنتوما إلي حنيتو الركبه وقريتو ولاد تونس ! ألف و أعوذ بالله هذيكهه إنجازات لحكومه .... إممم ولحكومه وفرتلنا الماكله إي عاد هذه غلبتكم فيها الخضرا مطمور  روما وعبيتو عاد مزياده في الأسعار وكان لقيتو جهد راكم دفنتوها خيرات بلادنا في البحر باش تلهيونا!
رجالات البلاد يا سبسي ؟ فما بوليتسيان خدم في النظام ملي مشى المعمرلتوه عندو دليل على خدمة البلاد وفمه شكون منهم ما دغبرش على فيرمه وإلا دبر رخصة بيعان شراب وإلا تحصل هناني بناني على الصفقات العموميه !
ياض بن عاشور سخصيه وطنيه بمارة شنوه ؟ قرا على روحو في القانون عنا في لبلاد أسيادو، أكاديميا و أخلاقيا إي تقلبت الدنيا على إنو غير محايد آش بيه مكبش في الهيئه  بلوشي يا ولد عاشور قبل يا أكاديمي يا سخصيه وجهت رساله لزعبع كيف ما عمل سيدك اليحياوي قتلو فيها عف على الشعب إستوقر اللمولاك يا لا مي دو ديو !
كلكم تبعتو مدرسة محمد الغنوشي الشعب يقوللكم ديغاج ونتوما في أخر عمركم وليتو وطنيين ؟
سسمها بلحاج حميده مينه ؟ مو ش هي إلي خرجت  نهار 13 جانفي وطمانت على مستقبل تونس مع صانع التغيير المنافقة لكبيرة المعروفة باستعداءها للهويه الوطنيه آش تعمل في الهيئه ؟
هيئه مليانه بالمشبوهين إلا من رحم ربي تناقش في القوانين آش مدخلها شنيه شرعيتها باش تفوتي على قانون فيه فصول تجرم أيمة الجوامع كيف يلقيو  الخطب متاعهم يطلعش هذا مربط الفرس ؟ وشنوه تمثيليتها للشعب ؟
زعمه مبعد ما ثبت إنو لحكومه كذابة ،، وإنو القبضة الأمنيه لتطويع أهداف سياسيه لبارونات النهب لفتات تونس مزالت هي هي . زعمه كيف الشعب يهد على مركز شنيه التقارير الأمنيه إلي يلقاها .. تذكروا هاك التقرير الفضيحه على مسألة ترويج الدميه فلة بالسوق المحليه ..
تبكييو يا سبسي ملوطنيه رجعتولنا النظام البايد ورجعتو عبيتو لحبوسات بسجناء الراي ودعاة الوطنيه  آداءكم زبلة ودو جيستاس تحكم يا سبسي في تجارتك العايليه آش مجيبك باش تحكم تونسنا البيه  وهاني نقولها يا شعب تونس لازم نكملو ثورتنا على فلول الدكتاتوريه و أعداء الوطن من الدساتره وأحزابهم إلي بعثوها باش يلتفوا على ثورتنا ويلبسو ثوب الإنسانيه والصندي لا خوف لا رعب السلطة بيد الشعب