تسقط حكومة العار وخراواتها الكل

جيناهاشي .. والله نحن  شعب يضحّك كيف ما قال هاك الرفيق متاع جامعة العلوم متاع بنزرت متوهمين عملنا ثوره ولي شادد الحكم ديناصور إمّسّخ من راسو لساسو . ديمه نفركسو على شكون يفسرلنا إلّي فاهمينو وديمه  مكذبين لحقيقة إنّا شعب  ناقص وطنيه على خاطر نصبرو علّي ميتسكتش عليه و مستقبل البلاد ما يهمناش نلعبوعلى درابو الذل وخطى مرمتي واقصف وين تحب .. كل مطلب يرفعوه لحرار تشدّو حكومة الذل وتبني عليه تحركات مافيوزيه . لبلاد  ما كانتش في حاجه للراجحي يحكي ،كيفاش أي بلاد تبدا تبني بسراق  و خدام النظام البايد ؟ مادامهم كبشو كارنا كبشنا في رحيلهم  .. لمبزع تعرفو تاريخو  بجاه ربّي كيفاش لبلاد تكمّل مع واحد كيفو .. لا وشوفو كل شي في يدّو تقول رئيس جمهوريه منتخب في حالة طوارىء والله نستاهلو إنهم يرجعولنا مسؤول أمني كيف الصيد ... 
شوفو  مصر إلّي فيها شعب يحب بلادو نظفو بلادهم من السياسيين الفاسدين والحكومه المؤقته  سيبت القضاة يخدمو على رواحهم  ودخلو جنود هامان للحبس أما عنّا فقتّالة لرواح يسرحو ويمرحو لا وزادو كونوا أحزاب ويعملوا في بروباغندا و عززوا صفوفهم بالصيد . ياخي حكومة الظل كنا مستحقين الراجحي باش يحكي عليها مع الصحافيين .. ومحسوب ياخي هروب المساجين مافسّرش للشعب إلّي قاعد يصير مستحقين سي الرّاجحي يقوللنا ..وينهم الكمشه إلّي شدوهم النّاس والجيش بالملاين يفرقوا في الفلوس باش يحرضو الناس على بعضهم موش قال الغنوشي إنهم كشفوا على الأطراف المموله ..إي وآش مدخّل حكومة تصريف الأعمال باش تصدّر مراسيم تهم القضاة وإلا تناقش قانون تنظيم مهنة المحاماة وهي فاقده للشرعيّه والمشروعيه ..والله شي يحمص السراق إستماتو في التكبيش في السلطه ونحنا كيف السرادك مدينالهم عناكشنا والروح حلوّه .. مبعّد أربعه أشهر حتى قاتل روح ما تحاكم ، على فكره سريّة التحقيقات ما عمرها ما تمنع الكشف عن هويّة المتهمين وما تمّتش محاكمة حتى رمز من رموز الفساد المالي لا بخصوص الأملاك ولا الصفقات العموميّه ووزراء الماليه وأملاك الدوله متاع العهد البايد شايخين يحوسوا وهذاكه بتغطيه من حكومة تصريف الأعمال خاصة إنو إلّي شادد وزارة العدل هو إلى يحكم في النيابة العموميه وسمّى قضاة في المراكز العليا باش يعاونوه على الإبقاء على يد العداله مغلوله .. ياخي النّاس إلّي عايشين في البلاد وقابلين بيّاعة الشراب وأزلام النظام البايد يحكموا فيهم في إنتظار إنتخاب المجلس التأسيسي تجيهم حكومه غير شرعيه وغير توافقيه تخرجلهم الحلالف متاع النظام السابق يشدّو الداخليه وتخرّج التجمعيين إلّي نهبونا وظلمونا واستعملوا الهيروين وعلى الزطله للحبوسات دخلونا يطالبو بالمساهمه في إعادة البناء والترشح للمجلس التأسيسي ياخي مستحقّين سي الراجحي يحكي على توقّعاتو والله يكفي إنّو نحاو راجل نظيف وحقوقي كيفو مالداخليه باش نفهمو . ويني المحاسبه ويني الحريّه وينو القضاء التونسي وينهم الأحرار إلّي إعتصموا في القصبة 2 أعلاش هاك الوزره بتاع تصريف العمال مكبشين في بلايصهم ..ياخي وزير العدل إلّي هربو في إدارتو للوزاره 800 سجين عدلي ما عندوش حياء يستقيل ..أعلاش السبسي مكبّش ، شكون إلّي يحب البلاد ؟ها الحكومه الحرفة ولّا رجل القضاء البريء الراجحي ؟ خارج كل شرعيّه أعلاش السبسي يناقش في وضعيّات قانونيّه تتعلّق بالمستقبل شكون صراواتو هو وإلّي يخدمو معاه ..سامبل كمال لطيّف والهادي البكوش وارهوط أخرين مستعبدينّا يا شعب العلا يحبّو يتعاملو معانا كيف الإقطاعيين وزعمه نحن سكان الفافيلّاس متاعهم أمّا دوّيييو! إلى الثوره ياناس الآمان لا  لقطّاع الطرق لا .
إلى المقاومه زنقة زنقه حومه حومه حومه فرد فرد براس الحنينه فيقوا على رواحكم فيقو وهاو قراري آنا باش نبدا المقاومه من موقعي والله المستعان .

ثمنيمياة مربوط وسبسي = تونس تهبط ديفيزيون كانز

توّه حكومة تصريف أعمال وتشبرش علينا بالهيبي متاع الدوله متفاهمين ... حتى هو برشه حثاله إستغلّو الفرصه باش يولّيو قطعيّه ويستبنداو قولش عليهم هوش وتسيبو على حقل خرشف ! أمّا دولة تصريف أعمال ما تنجّمش تستحفظ على مرابيط في الحبس هذه قالتلهم تيزي فو ..يا والله  بر أمان هزنا ليه عمّي فارش ومفلّتها هاكه إلّي قام يتريقص في ندوه صحفيّه باش يكنّز صحفيّه ومنتحل صفة رئيس حكومه مؤقّته وهو وذير أوّل غير شرعي وفي رواية أخرى .. وإلّا موش لازم .. أمّا زايد ها الآرسديست ماهم باش يسيبو البلاد إلّا ما يتركوها ! ويا سيّد يلّي عاملّي روحك وزير العدل تنجّمش تفركس في  الرّيبارتوار متاعك على شويّه حشمه و الدّيمسيوني يا خي 800 مرابيط يخلطو على هاك السبعمياه إلّي ما حبّوش يسلمو رواحهم وإنت مزّلت في الوزاره قولش اعليها الحبوسات تابعه وزارة التنميه .. أيّه يزّي عاد ! لا يزّي جنابك من ديكور المناشدين لسيادتو ولا يزّي بابورك زفّر وكارك تلعب في طرح مونوبوليس في دارك ولا يزّي يا شيخ فوق الثمانين يلزمك ترقد ملعشيّه ، صحتك لا تبلع وما تفيدك وزاره ولا غاريطه . فهموني راهو إلّي قاعد يصير شيء يدوّخ ياخي تونس ناقصه كفاءات باش يشدّوها ناس تنفخ عليهم يهربو ياخي مؤسسات سجنيّه مهياش قادره على حفظ النظام في وسطها ولا مؤسسه أمنيّه قادره على إنها تحافظ على أمن المواطنين كان كيف يبداو مالأغلبيّه الصامته وقدام القبّه يطالبو بحقهم في العلمانيّه.. أمّاله وينهم إلّي باش يستحفظوا على تونس للأجيال القادمه .. يا خساره يا تونس العزاوز دخلونا في حيط .. الزبابل خنقتّك والقطعيّه روعتّك والإنتهازيين الرقع فضحتك ..ولحكومه شادّه صحيح إنّك أمانه ولّي لبر الأمان هزّتّك وهانا عارفين .. موش ؟

السّبسي مضر بالوطن بامتياز

إذا كان مخوّلا لي أن أتمنّى على الله لرجوت على الله أن يقتلع كلّ المندسّين و الملثّمين والمنافقين من هذه الأرض وينزّل علينا من السماء بعض الوطنيّه .. أعتقد أنّ ما يعوز المتحكّمين في البلاد الآن بأمر التوافق فيما بينهم في أروقة الدّسائس القزورديّه شيء من الوطنيّه ولذلك فهؤلاء وأقصد بالتّحديد رئيس الجمهوريّه المؤقّت صاحب المراسيم العجائبيّه و ووزيره الأوّل المنصّب لغاية في نفس الذّيب و حكومتهما المؤقّته لتصريف الفساد لا غير وانظروا كيف افتعلوا لنا كثيرا من المصاعب بما فيها تكديس القمامة ليمنعونا من مواصلة النّهضة معوّلين في ذلك على فساد المنظومة الأمنيّة بالبلاد . لا يجد السّبسي غضاضة في الإعتقاد أنه الفاعل بأمر المبزّع و يظن وهو الحقوقي (لا لوم أعليه أوّلنا صغار وخّرنا زغار) أنّه رئيس لحكومه (فانا نظام ! ما تسألونيش ) والحال أنّه وزير أوّل منصّب من رئيس جمهوريّه غير شرعي بحكم إلغاء العمل بدستور 56 وبناءا على أن الثورة أرست شرعيّة جديدة ليس فيها للمبزّع وتاريخه أي مشروعيّه ..خرج علينا السبسي وحكومته في رداء إخوة يوسف قبل أن يمكّنه الله في الأرض وبث كالمخلوع كلام الله في غير محلّه ولم يزدنا ذلك منه إلّا نفورا ..خلاصة قوله أنّه رافع بغوغائيّة النّاس أولئك الذين حرقوا والثكالى اللّاتي طالبن بجثث  أبنائهن ومن إعتصموا أمام المسرح البلدي وتهكّم على طهارة من صلّوا بالشّارع ورماهم ضمنيّا بالنّفاق .. وأسأله يا شيخ ها قد أدركتك الموت فهل أحسنت في حياتك الوضوء يوما ! أو هل تبرّأت من تجارتكم العائليّة في الخمور إلى الآن وسيكبكب في نار جهنّم بائعها فاجزع لنفسك وقد بان نفاقك وقلّة ذوقك في الكلام لتلك السّيّدة في ندوتك الصّحفيّة بأقبح طرق التهكّم الذي لو إجترأ عليه مراهق في العاشرة وكنت أمّه لأنّبته لقلّة مروئته حتى ينبت رجلا لا مخنّثا .. اليوم أشتهي أن أجيب قومي على سؤال هل المؤسسة القضائية مستقلة وهل كلها فاسدون بمن فيهم أنا وهل هناك إرادة من القضاة للوقوف صفّا واحدا مع الشعب لبناء أوّل جمهورية أم هناك ما بين الأمور أمور ..
المشهد الأوّل : وزير العدل الاّشرعي حثّ الوكلاء العامّين على الإسراع في النّظر في كافة الشكايات على خلفيّة الأحداث الأخيرة .
ردّ الأمر للقضاة وكأنّهم متكاسلين ، في الأصل الوكلاء العامون هم الرؤساء المباشرون لوكلاء الجمهوريّه وهؤلاء رؤساء مباشرون لمساعدي وكلاء الجمهوريه الّذين عادة ما يحيلون بالأحوط : معنتها تمشي كمواطن تشكي ضد فريعة من أجل إستشهاد إبنك خلال الأحداث الأخيره بصفته كان وزيرا للداخليّه بحكم إنّو رئيس الإداره الأمنيّه إلّي من الثّابت أن الكثير من عناصرها بمن فيهم المليشيّات تورّطو في إرتكاب جرائم القتل ضدّ المدنيين ، فيقع فتح بحث تحقيقي ضد فريعه وكل من سيكشف عنه البحث (هنا كان من المفروض  إنّو يقع تقديم قايمه إسميّه لكل من قام بإطلاق أعيره ناريّه ) من أجل القتل العمد مع سابق الإضمار والترصّد عملا بأحكام الفصل  201 وما بعده مجلّه جزائيّه وأيضا من أجل إرتكابهم لجرائم : 
  
ﺍﻟﻔﺼل 101  
ﻜل ﻤﻭﻅﻑ ﻋﻤﻭﻤﻲ ﺃﻭ ﺸﺒﻬﻪ ﻴﺭﺘﻜﺏ ﺒﺩﻭﻥ ﻤﻭﺠﺏ ﺒﻨﻔﺴﻪ ﺃﻭ ﺒﻭﺍﺴﻁﺔ ﺠﺭﻴﻤﺔ ﺍﻟﺘﻌﺩﻱ ﺒﺎﻟﻌﻨﻑ ﻋﻠﻰ ﺍﻟﻨﺎﺱ
ﺤﺎل ﻤﺒﺎﺸﺭﺘﻪ ﻟﻭﻅﻴﻔﺘﻪ ﺃﻭ ﺒﻤﻨﺎﺴﺒﺔ ﻤﺒﺎﺸﺭﺘﻬﺎ ﻴﻌﺎﻗﺏ ﺒﺎﻟﺴﺠﻥ ﻤﺩﺓ ﺨﻤﺴﺔ ﺃﻋﻭﺍﻡ ﻭﺒﺨﻁﻴﺔ ﻗﺩﺭﻫﺎ ﺨﻤﺴﻤﺎﺌﺔ


ﺍﻟﻔﺼل 101 ﻤﻜﺭﺭ (ﺃﻀﻴﻑ ﺒﺎﻟﻘﺎﻨﻭﻥ ﻋﺩﺩ 89 ﻟﺴﻨﺔ 1999 ﺍﻟﻤﺅﺭﺥ ﻓﻲ 2 ﺃﻭﺕ 1999).  
ﻴﻌﺎﻗﺏ ﺒﺎﻟﺴﺠﻥ ﻤﺩﺓ ﺜﻤﺎﻨﻴﺔ ﺃﻋﻭﺍﻡ ﺍﻟﻤﻭﻅﻑ ﺍﻟﻌﻤﻭﻤﻲ ﺃﻭ ﺸﺒﻬﻪ ﺍﻟﺫﻱ ﻴﺨﻀﻊ ﺸﺨﺼﺎ ﻟﻠﺘﻌﺫﻴﺏ ﻭﺫﻟﻙ ﺤﺎل
ﻤﺒﺎﺸﺭﺘﻪ ﻟﻭﻅﻴﻔﻪ ﺃﻭ ﺒﻤﻨﺎﺴﺒﺔ ﻤﺒﺎﺸﺭﺘﻪ ﻟﻪ.  
ﻭﻴﻘﺼﺩ ﺒﺎﻟﺘﻌﺫﻴﺏ ﻜل ﻓﻌل ﻴﻨﺘﺞ ﻋﻨﻪ ﺃﻟﻡ ﺃﻭ ﻋﺫﺍﺏ ﺸﺩﻴﺩ ﺠﺴﺩﻴﺎ ﻜﺎﻥ ﺃﻭ ﻋﻘﻠﻴﺎ ﻴﻠﺤﻕ ﻋﻤﺩﺍ ﺒﺸﺨﺹ ﻤﺎ
ﺒﻘﺼﺩ ﺍﻟﺤﺼﻭل ﻤﻨﻪ ﺃﻭ ﻤﻥ ﻏﻴﺭﻩ ﻋﻠﻰ ﻤﻌﻠﻭﻤﺎﺕ ﺃﻭ ﻋﻠﻰ ﺍﻋﺘﺭﺍﻑ ﺃﻭ ﻤﻌﺎﻗﺒﺘﻪ ﻋﻠﻰ ﻓﻌل ﺍﺭﺘﻜﺒﻪ ﺃﻭ ﻴﺸﺘﺒﻪ
ﻓﻲ ﺃﻨﻪ ﺍﺭﺘﻜﺒﻪ ﻫﻭ ﺃﻭ ﻏﻴﺭﻩ ﺃﻭ ﺘﺨﻭﻴﻔﻪ ﻫﻭ ﺃﻭ ﻏﻴﺭﻩ ﺃﻭ ﻋﻨﺩﻤﺎ ﻴﻘﻊ ﺇﻟﺤﺎﻕ ﺍﻷﻟﻡ ﺃﻭ ﺍﻟﻌﺫﺍﺏ ﺍﻟﺸﺩﻴﺩ ﻷﻱ
ﺴﺒﺏ ﻤﻥ ﺍﻷﺴﺒﺎﺏ ﻴﻘﻭﻡ ﻋﻠﻰ ﺍﻟﺘﻤﻴﻴﺯ ﺃﻴﺎ ﻜﺎﻥ ﻨﻭﻋﻪ.  
ﺍﻟﻔﺼل 102  
ﻴﻌﺎﻗﺏ ﺒﺎﻟﺴﺠﻥ ﻤﺩﺓ ﻋﺎﻡ ﻭﺒﺨﻁﻴﺔ ﻗﺩﺭﻫﺎ ﺜﻼﺜﻤﺎﺌﺔ ﻓﺭﻨﻙ ﺍﻟﻤﻭﻅﻑ ﺍﻟﻌﻤﻭﻤﻲ ﺃﻭ ﺸﺒﻬﻪ ﺍﻟﺫﻱ ﺒﺩﻭﻥ ﻤﺭﺍﻋﺎﺓ
ﺍﻟﻤﻭﺠﺒﺎﺕ ﺍﻟﻘﺎﻨﻭﻨﻴﺔ ﺃﻭ ﺒﺩﻭﻥ ﻟﺯﻭﻡ ﺜﺎﺒﺕ ﻴﺩﺨل ﻤﺴﻜﻥ ﺇﻨﺴﺎﻥ ﺒﺩﻭﻥ ﺭﻀـﺎﻩ.  
ﺍﻟﻔﺼل 103  
ﻴﻌﺎﻗﺏ ﺒﺎﻟﺴﺠﻥ ﻤﺩﺓ ﺨﻤﺴﺔ ﺃﻋﻭﺍﻡ ﻭﺒﺨﻁﻴﺔ ﻗﺩﺭﻫﺎ ﺨﻤﺴﻤﺎﺌﺔ ﻓﺭﻨﻙ ﺍﻟﻤﻭﻅﻑ ﺍﻟﻌﻤﻭﻤﻲ ﺍﻟﺫﻱ ﻴﻌﺘﺩﻱ ﻋﻠﻰ
ﺤﺭﻴﺔ ﻏﻴﺭﻩ ﺍﻟﺫﺍﺘﻴﺔ ﺒﺩﻭﻥ ﻤﻭﺠﺏ ﻗﺎﻨﻭﻨﻲ ﺃﻭ ﻴﺒﺎﺸﺭ ﺒﻨﻔﺴﻪ ﺃﻭ ﺒﻭﺍﺴﻁﺔ ﻏﻴﺭﻩ ﻤﺎ ﻓﻴﻪ ﻋﻨﻑ ﺃﻭ ﺴﻭﺀ ﻤﻌﺎﻤﻠﺔ
ﻀﺩ ﻤﺘﻬﻡ ﺃﻭ ﺸﺎﻫﺩ ﺃﻭ ﻋﺭﻴﻑ ﻟﻠﺤﺼﻭل ﻤﻨﻬﻡ ﻋﻠﻰ ﺍﻹﻗﺭﺍﺭ ﺃﻭ ﺍﻟﺘﺼﺭﻴﺢ ﺃﻤﺎ ﺇﺫﺍ ﻟﻡ ﻴﻘﻊ ﺍﻟﺘﻬﺩﻴﺩ ﺒﺎﻟﻌﻨﻑ ﺃﻭ
ﺒﺴﻭﺀ ﺍﻟﻤﻌﺎﻤﻠﺔ ﻓﺎﻟﻌﻘﺎﺏ ﻴﻨﺤﻁ ﺇﻟﻰ ﺴﺘﺔ ﺃﺸﻬﺭ. 
.. من غير ما نشوف الإحاله إلّي تفضلوا بيها الزملاء آنا متأكده إنّو إحالاتهم على غير العاده كانت ضد كل من سيكشف عنه البحث فقط وهذيّه حاجه تضحّك وتحبّوا تفهموا علاش سامبل إلّي ذكرتهم لفوق الكل في عملهم القضائي يخدموا تحت إشراف مباشر من وزير العدل وأكيد التعليمات المباشره زادت الإرادات المستعمره أصلا للجهة التي تتولّى الإدّعاء (توجيه التّهم) قسورا , على خاطر إذا جبنا أي عبد وقلنالو في شكون تشك في جرائم القتل توّه يقلّك بالأساس وزيري الدّاخليه الحاج قاسم و فريعه والبعض منهم يقدّملك قايمه في أسامي  القتله من أعوان الأمن ورؤسائهم بالمشاهده لكن وقت يقعد فريعه يحوّس ويعمل في حزب كأنّ شيئا لم يكن : الديسفونكسيون متاع العدالة عندها أسبابها أهمها  الخائفين من القضاة في إطلاق العنان للمادّه الشخمه (مزّالو خايفين على الشّهريّه والبعّوّه ترجع تحكم باحكامها ) وزاده برشه قضاة ثبت أنهم مورطين في الفساد خايفين مالنّظافة تمحقهم في سيلها التّطهيري للبلاد .. وهذا (تطهير القضاء ) كان أول مطلب تقدّم بيه المكتب التنفيذي لجمعيّة القضاة التونسيين التّطهير = محاسبة القتلة والفاسدين من الوزراء مرورا لرئيس اللجنه التنسيقيّه و رئيس الشعبه والقضاة وأصحاب رؤوس الأموال ورؤساء البنوك و، و، وهو ما = تونس جديده ورجوع الحق لأصحابو  : 
الحل ، نحاربو المكتب التنفيذي ..القضاة إلّي فيه تم إتهامهم في الوسط بأنهم يبحثون عن مناصب واتهموا بالتهاون في الذّود عن سمعة القضاة ..تاريخهم شهدّلهم ..طاحو في تأليب النّاس ضد كافّة القضاة لتلهية الجمهور والحال إنّو في كل الأحوال الحقوق ماهي باش ترجع كان بواسطة القضاة وكان الحل في  التطهير الداخلي من القضاة الفاسدين والمرتبكين من ذوي الإرادة المغلوله ثمّ مباشرة المحاسبه الفعليّه ..لحكايه ماتعدّاتش ..
المشهد الثاني : بعض القضاة ممن تمّ الإستعانة ببعضهم في السّابق للإطاحة بالمكتب التنفيذي المنتخب على خلفيّة دعمه لمطالب إستقلال القضاء في  عهد المخلوع ،أسّسوا نقابة للقضاة كهيكل موازي لتمثيل القضاة ..الهدف المعلن الذود على هيبة الوسط القضائي ومصالح القضاة الإجتماعيه ..الهدف الفعلي  إرباك شرفاء السلطه القضائيه بخلق طرف مفاوض ثاني بلعربي عملو كيف ما صار بين حماس وفتح باش يهتكوا العدالة وكلما فاوضت الجمعيه على أساس تطهير القضاء واستقلاله وضيفيا (إلغاء رئاسة وزير العدل للنيابة العموميه وإلغاء تبعيّة أهم عناصر السلطه  القضائيّه للسلطه التنفيذيّه ) يخرج الآخرون بمطالب مضادّه أو يقبلون بالفتات إلّي باش يصير إنّو الجهة المفاوضه باش تطلب منهم يتفاهموا بيناتهم قبل ... النتيجه تواصل الفساد داخل الهيكل القضائي وإفلات المجرمين ملمحاسبه بتزكيه من لوزاره وهاو أعلاش تخلقت النقابة إلّي تبرّأ منها أغلب القضاة وأعلنوا تمسّكهم بالجمعيّه وأكبر دليل على أنّو النقابة هيكل الهدف منه تظليل بعض من القضاة إنّو حكومة السّبسي بدلت وحّدها الفصل الثّامن من مشروع المرسوم المحدث للهيئه إلّي باش تشرف على إنتخابات المجلس التأسيسي إلّي كان ينص على إقتراح المكتب التنفيذي لجمعيّة القضاة لستة قضاة ستختار الهيئه العليا لحماية الثوره ثلاثه منهم لعضوية الهيئة التي ستراقب لإنتخابات .. عاد إمبعّد السبسي بدّل الفصل جاب الهيّه التّأسيسيه متاع ما يسمّى بالنّقابة باش يقترحوا ثلاثة أسامي لو كان ها النقابه جات شريفه الصّنعه آش ملهّي السّبسي بيها ..دليل على أنّ النّقابة صنعتها الوزاره باش تضرب القضاة ببعضهم كيف العادة ويواصل المعصومون من العقاب تعذيب و نهب و قتل الشعب و الإفلات من المحاسبة ويظل القضاء سيفا للعدل بين الفقراء ولا يطال كبار المجرمين من الوجهاء والوزراء حتّى زمن الثوره ..
أفهم لما لم يقع القبض على الغنّوشي ولا غيره ممن باشروا فعليّا التفريط في الأموال العامه من أجل إرتكابهم للجرائم المقررة هنا :
ﺍﻟﺒﺎﺏ ﺍﻟﺜﺎﻟﺙ  
ﻓﻲ ﺍﻟﺠﺭﺍﺌﻡ ﺍﻟﻭﺍﻗﻌﺔ ﻤﻥ ﺍﻟﻤﻭﻅﻔﻴﻥ ﺍﻟﻌﻤﻭﻤﻴﻴﻥ  
ﺃﻭ ﺍﻟﻤﺸﺒﻬﻴﻥ ﺒﻬﻡ ﺤﺎل ﻤﺒﺎﺸﺭﺓ ﺃﻭ ﺒﻤﻨﺎﺴﺒﺔ ﻤﺒﺎﺸﺭﺓ ﻭﻅﺎﺌﻔﻬﻡ  
     
ﺍﻟﻔﺼل 82 (ﻨﻘﺢ ﺒﺎﻟﻘﺎﻨﻭﻥ ﻋﺩﺩ 33 ﻟﺴﻨﺔ 1998 ﺍﻟﻤﺅﺭﺥ ﻓﻲ 23 ﻤﺎﻱ 1998).  
ﻴﻌﺘﺒﺭ ﻤﻭﻅﻔﺎ ﻋﻤﻭﻤﻴﺎ ﺘﻨﻁﺒﻕ ﻋﻠﻴﻪ ﺃﺤﻜﺎﻡ ﻫﺫﺍ ﺍﻟﻘﺎﻨﻭﻥ ﻜل ﺸﺨﺹ ﺘﻌﻬﺩ ﺇﻟﻴﻪ ﺼﻼﺤﻴﺎﺕ ﺍﻟﺴﻠﻁﺔ ﺍﻟﻌﻤﻭﻤﻴﺔ
ﺃﻭ ﻴﻌﻤل ﻟﺩﻯ ﻤﺼﻠﺤﺔ ﻤﻥ ﻤﺼﺎﻟﺢ ﺍﻟﺩﻭﻟﺔ ﺃﻭ ﺠﻤﺎﻋﺔ ﻤﺤﻠﻴﺔ ﺃﻭ ﺩﻴﻭﺍﻥ ﺃﻭ ﻤﺅﺴﺴﺔ ﻋﻤﻭﻤﻴﺔ ﺃﻭ ﻤﻨﺸﺄﺓ
ﻋﻤﻭﻤﻴﺔ ﺃﻭ ﻏﻴﺭﻫﺎ ﻤﻥ ﺍﻟﺫﻭﺍﺕ ﺍﻟﺘﻲ ﺘﺴﺎﻫﻡ ﻓﻲ ﺘﺴﻴﻴﺭ ﻤﺭﻓﻕ ﻋﻤﻭﻤﻲ.  
ﻭﻴﺸﺒﻪ ﺒﺎﻟﻤﻭﻅﻑ ﺍﻟﻌﻤﻭﻤﻲ ﻜل ﻤﻥ ﻟﻪ ﺼﻔﺔ ﺍﻟﻤﺄﻤﻭﺭ ﺍﻟﻌﻤﻭﻤﻲ ﻭﻤﻥ ﺍﻨﺘﺨﺏ ﻟﻨﻴﺎﺒﺔ ﻤﺼﻠﺤﺔ ﻋﻤﻭﻤﻴﺔ ﺃﻭ ﻤﻥ
ﺘﻌﻴﻨﻪ ﺍﻟﻌﺩﺍﻟﺔ ﻟﻠﻘﻴﺎﻡ ﺒﻤﺄﻤﻭﺭﻴﺔ ﻗﻀﺎﺌﻴﺔ
ﺍﻟﻘﺴﻡ ﺍﻟﺜﺎﻨﻲ  
ﻓﻲ ﺍﻹﺭﺸــﺎﺀ ﻭﺍﻻﺭﺘﺸﺎﺀ  
  
ﺍﻟﻔﺼل 83 (ﻨﻘﺢ ﺒﺎﻟﻘﺎﻨﻭﻥ ﻋﺩﺩ 33 ﻟﺴﻨﺔ 1998 ﺍﻟﻤﺅﺭﺥ ﻓﻲ 23 ﻤﺎﻱ 1998).  
ﻜل ﺸﺨﺹ ﺍﻨﺴﺤﺒﺕ ﻋﻠﻴﻪ ﺼﻔﺔ ﺍﻟﻤﻭﻅﻑ ﺍﻟﻌﻤﻭﻤﻲ ﺃﻭ ﺸﺒﻬﻪ ﻭﻓﻘﺎ ﻷﺤﻜﺎﻡ ﻫﺫﺍ ﺍﻟﻘﺎﻨﻭﻥ ﻭﻴﻘﺒل ﻟﻨﻔﺴﻪ ﺃﻭ
ﻟﻐﻴﺭﻩ ﺒﺩﻭﻥ ﺤﻕ ﺴﻭﺍﺀ ﺒﺼﻔﺔ ﻤﺒﺎﺸﺭﺓ ﺃﻭ ﻏﻴﺭ ﻤﺒﺎﺸﺭﺓ ﻋﻁﺎﻴﺎ ﺃﻭ ﻭﻋﻭﺩﺍ ﺒﺎﻟﻌﻁﺎﻴﺎ ﺃﻭ ﻫﺩﺍﻴﺎ ﺃﻭ ﻤﻨﺎﻓﻊ ﻜﻴﻔﻤﺎ
ﻜﺎﻨﺕ ﻁﺒﻴﻌﺘﻬﺎ ﻟﻔﻌل ﺃﻤﺭ ﻤﻥ ﻋﻼﺌﻕ ﻭﻅﻴﻔﺘﻪ ﻭﻟﻭ ﻜﺎﻥ ﺤﻘﺎ ﻟﻜﻥ ﻻ ﻴﺴﺘﻭﺠﺏ ﻤﻘﺎﺒﻼ ﻋﻠﻴﻪ ﺃﻭ ﻟﺘﺴﻬﻴل ﺍﻨﺠﺎﺯ
ﺃﻤﺭ ﻤﺭﺘﺒﻁ ﺒﺨﺼﺎﺌﺹ ﻭﻅﻴﻔﺘﻪ ﺃﻭ ﻟﻼﻤﺘﻨﺎﻉ ﻋﻥ ﺇﻨﺠﺎﺯ ﺃﻤﺭ ﻜﺎﻥ ﻤﻥ ﺍﻟﻭﺍﺠﺏ ﺍﻟﻘﻴﺎﻡ ﺒﻪ ﻴﻌﺎﻗﺏ ﺒﺎﻟﺴﺠﻥ ﻟﻤﺩﺓ
ﻋﺸﺭﺓ ﺃﻋﻭﺍﻡ ﻭﺒﺨﻁﻴﺔ ﻗﺩﺭﻫﺎ ﻀﻌﻑ ﻗﻴﻤﺔ ﺍﻷﺸﻴﺎﺀ ﺍﻟﺘﻲ ﻗﺒﻠﻬﺎ ﺃﻭ ﻤﺎ ﺘﻡ ﺍﻟﻭﻋﺩ ﺒﻪ ﻋﻠﻰ ﺃﻥ ﻻ ﺘﻘل ﺍﻟﺨﻁﻴﺔ
ﻋﻥ ﻋﺸﺭﺓ ﺁﻻﻑ ﺩﻴﻨﺎﺭ.  
ﻭﺘﻘﻀﻲ ﺍﻟﻤﺤﻜﻤﺔ ﺒﻨﻔﺱ ﺍﻟﺤﻜﻡ ﺒﺤﺭﻤﺎﻥ ﺍﻟﻤﺤﻜﻭﻡ ﻋﻠﻴﻪ ﻤﻥ ﻤﺒﺎﺸﺭﺓ ﺍﻟﻭﻅﺎﺌﻑ ﺍﻟﻌﻤﻭﻤﻴﺔ ﻭﻤﻥ ﺘﺴﻴﻴﺭ
ﺍﻟﻤﺭﺍﻓﻕ ﺍﻟﻌﻤﻭﻤﻴﺔ ﻭﻨﻴﺎﺒﺔ ﺍﻟﻤﺼﺎﻟﺢ ﺍﻟﻌﻤﻭﻤﻴﺔ.  
ﺍﻟﻔﺼل 84 (ﻨﻘﺢ ﺒﺎﻟﻘﺎﻨﻭﻥ ﻋﺩﺩ 33 ﻟﺴﻨﺔ 1998 ﺍﻟﻤﺅﺭﺥ ﻓﻲ 23 ﻤﺎﻱ 1998).  
ﺇﺫﺍ ﻜﺎﻥ ﺍﻟﻤﻭﻅﻑ ﺍﻟﻌﻤﻭﻤﻲ ﺃﻭ ﺸﺒﻬﻪ ﻫﻭ ﺍﻟﺒﺎﻋﺙ ﻋﻠﻰ ﺍﻹﺭﺸﺎﺀ ﻓﺈﻥ ﺍﻟﻌﻘﺎﺏ ﺍﻟﻤﻨﺼﻭﺹ ﻋﻠﻴﻪ ﺒﺎﻟﻔﺼل 83
ﻤﻥ ﻫﺫﻩ ﺍﻟﻤﺠﻠﺔ ﻴﺭﻓﻊ ﺇﻟﻰ ﻀﻌﻔﻪ.  
ﺍﻟﻔﺼل 85 (ﻨﻘﺢ ﺒﺎﻟﻘﺎﻨﻭﻥ ﻋﺩﺩ 33 ﻟﺴﻨﺔ 1998 ﺍﻟﻤﺅﺭﺥ ﻓﻲ 23 ﻤﺎﻱ 1998).  
ﺇﺫﺍ ﻗﺒل ﺍﻟﻤﻭﻅﻑ ﺍﻟﻌﻤﻭﻤﻲ ﺃﻭ ﺸﺒﻬﻪ ﻋﻁﺎﻴﺎ ﺃﻭ ﻭﻋﻭﺩﺍ ﺒﺎﻟﻌﻁﺎﻴﺎ ﺃﻭ ﻫﺩﺍﻴﺎ ﺃﻭ ﻤﻨﺎﻓﻊ ﻜﻴﻔﻤﺎ ﻜﺎﻨﺕ ﻁﺒﻴﻌﺘﻬﺎ
ﺠﺯﺍﺀ ﻋﻤﺎ ﻓﻌﻠﻪ ﻤﻥ ﺃﻤﻭﺭ ﻤﻥ ﻋﻼﺌﻕ ﻭﻅﻴﻔﺘﻪ ﻟﻜﻥ ﻻ ﻴﺴﺘﻭﺠﺏ ﻤﻘﺎﺒﻼ ﻋﻠﻴﻬﺎ ﺃﻭ ﻋﻤﺎ ﺍﻤﺘﻨﻊ ﻋﻥ ﻓﻌﻠﻪ ﻭﻜﺎﻥ
ﻤﻥ ﺍﻟﻭﺍﺠﺏ ﻋﻠﻴﻪ ﻋﺩﻡ ﺍﻟﻘﻴﺎﻡ ﺒﻪ ﻴﻌﺎﻗﺏ ﺒﺎﻟﺴﺠﻥ ﻟﻤﺩﺓ ﺨﻤﺴﺔ ﺃﻋﻭﺍﻡ ﻭﺒﺨﻁﻴﺔ ﻗﺩﺭﻫﺎ ﺨﻤﺴﺔ ﺁﻻﻑ ﺩﻴﻨﺎﺭ.  
ﺍﻟﻔﺼل 86  
ﻴﺴﻭﻍ ﻓﻲ ﻜل ﺍﻟﺼﻭﺭ ﺍﻟﻤﻘﺭﺭﺓ ﺒﺎﻟﻔﺼﻭل ﺍﻟﺜﻼﺜﺔ ﺍﻟﻤﺘﻘﺩﻤﺔ ﺤﺭﻤﺎﻥ ﺍﻟﻤﺠﺭﻡ ﻤﻥ ﻜل ﺃﻭ ﺒﻌﺽ ﺍﻟﺤﻘﻭﻕ
ﺍﻟﻤﻘﺭﺭﺓ ﺒﺎﻟﻔﺼل 5.  
ﺍﻟﻔﺼل 87 (ﻨﻘﺢ ﺒﺎﻟﻘﺎﻨﻭﻥ ﻋﺩﺩ 33 ﻟﺴﻨﺔ 1998 ﺍﻟﻤﺅﺭﺥ ﻓﻲ 23 ﻤﺎﻱ 1998).  
ﻜل ﺸﺨﺹ ﺍﺴﺘﻐل ﻤﺎ ﻟﻪ ﻤﻥ ﻨﻔﻭﺫ ﺃﻭ ﺭﻭﺍﺒﻁ ﺤﻘﻴﻘﺔ ﺃﻭ ﻭﻫﻤﻴﺔ ﻟﺩﻯ ﻤﻭﻅﻑ ﻋﻤﻭﻤﻲ ﺃﻭ ﺸﺒﻬﻪ ﻭﻴﻘﺒل ﺒﻨﻔﺴﻪ
ﺃﻭ ﺒﻭﺍﺴﻁﺔ ﻏﻴﺭﻩ ﻋﻁﺎﻴﺎ ﺃﻭ ﻭﻋﻭﺩﺍ ﺒﺎﻟﻌﻁﺎﻴﺎ ﺃﻭ ﻫﺩﺍﻴﺎ ﺃﻭ ﻤﻨﺎﻓﻊ ﻜﻴﻔﻤﺎ ﻜﺎﻨﺕ ﻁﺒﻴﻌﺘﻬﺎ ﺒﺩﻋﻭﻯ ﺍﻟﺤﺼﻭل ﻋﻠﻰ
ﺤﻘﻭﻕ ﺃﻭ ﺍﻤﺘﻴﺎﺯﺍﺕ ﻟﻔﺎﺌﺩﺓ ﺍﻟﻐﻴﺭ ﻭﻟﻭ ﻜﺎﻨﺕ ﺤﻘﺎ ﻴﻌﺎﻗﺏ ﺒﺎﻟﺴﺠﻥ ﻟﻤﺩﺓ ﺜﻼﺜﺔ ﺃﻋﻭﺍﻡ ﻭﺒﺨﻁﻴﺔ ﻗﺩﺭﻫﺎ ﺜﻼﺜﺔ
ﺁﻻﻑ ﺩﻴﻨﺎﺭ ﻭﺍﻟﻤﺤﺎﻭﻟﺔ ﺘﺴﺘﻭﺠﺏ ﺍﻟﻌﻘﺎﺏ.  "ﺩﻋﻡ ﺤﻘﻭﻕ ﺍﻟﻤﺭﺃﺓ ﻭﺍﻟﻁﻔل ﻤﻥ ﺨﻼل ﺘﻜﻨﻭﻟﻭﺠﻴﺎ ﺍﻟﻤﻌﻠﻭﻤﺎﺕ"

ﻭﻴﺭﻓﻊ ﺍﻟﻌﻘﺎﺏ ﺇﻟﻰ ﻀﻌﻔﻪ ﺇﺫﺍ ﻜﺎﻥ ﻤﺭﺘﻜﺏ ﺍﻟﻔﻌل ﻤﻭﻅﻔﺎ ﻋﻤﻭﻤﻴﺎ ﺃﻭ ﺸﺒﻬﻪ.  
ﺍﻟﻔﺼل 87 ﻤﻜﺭﺭ (ﺃﻀﻴﻑ ﺒﺎﻟﻘﺎﻨﻭﻥ ﻋﺩﺩ 33 ﻟﺴﻨﺔ 1998 ﺍﻟﻤﺅﺭﺥ ﻓﻲ 23 ﻤﺎﻱ 1998).  
ﻴﻌﺎﻗﺏ ﺒﺎﻟﺴﺠﻥ ﻤﺩﺓ ﺨﻤﺴﺔ ﺃﻋﻭﺍﻡ ﻭﺒﺨﻁﻴﺔ ﻗﺩﺭﻫﺎ ﺨﻤﺴﺔ ﺁﻻﻑ ﺩﻴﻨﺎﺭ ﻜل ﻤﻭﻅﻑ ﻋﻤﻭﻤﻲ ﺃﻭ ﺸﺒﻬﻪ ﻴﻘﺒل
ﻟﻨﻔﺴﻪ ﺃﻭ ﻟﻐﻴﺭﻩ ﺒﺩﻭﻥ ﺤﻕ ﺴﻭﺍﺀ ﺒﺼﻔﺔ ﻤﺒﺎﺸﺭﺓ ﺃﻭ ﻏﻴﺭ ﻤﺒﺎﺸﺭﺓ ﻋﻁﺎﻴﺎ ﺃﻭ ﻭﻋﻭﺩﺍ ﺒﺎﻟﻌﻁﺎﻴﺎ ﺃﻭ ﻫﺩﺍﻴﺎ ﺃﻭ
ﻤﻨﺎﻓﻊ ﻜﻴﻔﻤﺎ ﻜﺎﻨﺕ ﻁﺒﻴﻌﺘﻬﺎ ﻟﻤﻨﺢ ﺍﻟﻐﻴﺭ ﺍﻤﺘﻴﺎﺯﺍ ﻻﺤﻕ ﻟﻪ ﻓﻴﻪ ﻭﺫﻟﻙ ﺒﻤﻘﺘﻀﻰ ﻋﻤل ﻤﺨﺎﻟﻑ ﻟﻸﺤﻜﺎﻡ
ﺍﻟﺘﺸﺭﻴﻌﻴﺔ ﻭﺍﻟﺘﺭﺘﻴﺒﻴﺔ ﺍﻟﻀﺎﻤﻨﺔ ﻟﺤﺭﻴﺔ ﺍﻟﻤﺸﺎﺭﻜﺔ ﻭﻟﺘﻜﺎﻓﺅ ﺍﻟﻔﺭﺹ ﻓﻲ ﺍﻟﺼﻔﻘﺎﺕ ﺍﻟﺘﻲ ﺘﺒﺭﻤﻬﺎ ﺍﻟﻤﺅﺴﺴﺎﺕ
ﺍﻟﻌﻤﻭﻤﻴﺔ ﻭﺍﻟﻤﻨﺸﺂﺕ ﺍﻟﻌﻤﻭﻤﻴﺔ ﻭﺍﻟﺩﻭﺍﻭﻴﻥ ﻭﺍﻟﺠﻤﺎﻋﺎﺕ ﺍﻟﻤﺤﻠﻴﺔ ﻭﺍﻟﺸﺭﻜﺎﺕ ﺍﻟﺘﻲ ﺘﺴﺎﻫﻡ ﺍﻟﺩﻭﻟﺔ ﺃﻭ ﺍﻟﺠﻤﺎﻋﺎﺕ
ﺍﻟﻤﺤﻠﻴﺔ ﻓﻲ ﺭﺃﺱ ﻤﺎﻟﻬﺎ ﺒﺼﻔﺔ ﻤﺒﺎﺸﺭﺓ ﺃﻭ ﻏﻴﺭ ﻤﺒﺎﺸﺭﺓ.   
ﺍﻟﻘﺴﻡ ﺍﻟﺜﺎﻟﺙ  
 ﻓي ﺍﻻﺨﺘﻼﺱ ﻤﻥ ﻁﺭﻑ ﺍﻟﻤﻭﻅﻔﻴﻥ ﻭﺃﺸﺒﺎﻫﻬم
  
ﺍﻟﻔﺼل 95 (ﻨﻘﺢ ﺒﺎﻟﻘﺎﻨﻭﻥ ﻋﺩﺩ 23 ﻟﺴﻨﺔ 1989 ﺍﻟﻤﺅﺭﺥ ﻓﻲ 27 ﻓﻴﻔﺭﻱ 1989).  
ﻴﻌﺎﻗﺏ ﺒﺎﻟﺴﺠﻥ ﻤﺩﺓ ﺨﻤﺴﺔ ﻋﺸﺭ ﻋﺎﻤﺎ ﻭﺒﺨﻁﻴﺔ ﺘﺴﺎﻭﻱ ﻤﺒﻠﻎ ﻤﺎ ﻴﺤﻜﻡ ﺒﺘﺭﺠﻴﻌﻪ ﺍﻟﻤﻭﻅﻔﻭﻥ ﺍﻟﻌﻤﻭﻤﻴﻭﻥ ﺃﻭ
ﺃﺸﺒﺎﻫﻬﻡ ﺍﻟﺫﻱ ﻴﺄﺨﺫﻭﻥ ﺃﻤﻭﺍﻻ ﺒﺎﻁﻼ ﻭﺫﻟﻙ ﺒﺄﻥ ﻴﺄﻤﺭﻭﺍ ﺒﺎﺴﺘﺨﻼﺹ ﺃﻭ ﻴﻘﺒﻀﻭﺍ ﺃﻭ ﻴﻘﺒﻠﻭﺍ ﻤﺎ ﻴﻌﺭﻓﻭﻥ ﻋﺩﻡ
ﻭﺠﻭﺒﻪ ﺃﻭ ﻴﺘﺠﺎﻭﺯﻭﺍ ﺍﻟﻤﻘﺩﺍﺭ ﺍﻟﻭﺍﺠﺏ ﻟﻺﺩﺍﺭﺍﺕ ﺍﻟﻤﻨﺘﺴﺒﻴﻥ ﺇﻟﻴﻬﺎ، ﻜﻤﺎ ﻴﻤﻜﻥ ﺯﻴﺎﺩﺓ ﻋﻠﻰ ﺫﻟﻙ ﺍﻟﺤﻜﻡ ﻋﻠﻴﻬﻡ
ﺒﺎﻟﻌﻘﻭﺒﺎﺕ ﺍﻟﺘﻜﻤﻴﻠﻴﺔ ﺍﻟﻤﻘﺭﺭﺓ ﺒﺎﻟﻔﺼل 5 ﻤﻥ ﻫﺎﺘﻪ ﺍﻟﻤﺠﻠﺔ.  
ﺍﻟﻔﺼل 96 (ﻨﻘﺢ ﺒﺎﻟﻘﺎﻨﻭﻥ ﻋﺩﺩ 85 ﻟﺴﻨﺔ 1985 ﺍﻟﻤﺅﺭﺥ ﻓﻲ 11 ﺃﻭﺕ 1985).  
ﻴﻌﺎﻗﺏ ﺒﺎﻟﺴﺠﻥ ﻤﺩﺓ ﻋﺸﺭﺓ ﺃﻋﻭﺍﻡ ﻭﺒﺨﻁﻴﺔ ﺘﺴﺎﻭﻱ ﻗﻴﻤﺔ ﺍﻟﻤﻨﻔﻌﺔ ﺍﻟﻤﺘﺤﺼل ﻋﻠﻴﻬﺎ ﺃﻭ ﺍﻟﻤﻀﺭﺓ ﺍﻟﺤﺎﺼﻠﺔ
ﻟﻺﺩﺍﺭﺓ، ﺍﻟﻤﻭﻅﻑ ﺍﻟﻌﻤﻭﻤﻲ ﺃﻭ ﺸﺒﻬﻪ ﻭﻜل ﻤﺩﻴﺭ ﺃﻭ ﻋﻀﻭ ﺃﻭ ﻤﺴﺘﺨﺩﻡ ﺒﺈﺤﺩﻯ ﺍﻟﺠﻤﺎﻋﺎﺕ ﺍﻟﻌﻤﻭﻤﻴﺔ ﺍﻟﻤﺤﻠﻴﺔ
ﺃﻭ ﺍﻟﺠﻤﻌﻴﺎﺕ ﺫﺍﺕ ﺍﻟﻤﺼﻠﺤﺔ ﺍﻟﻘﻭﻤﻴﺔ ﺃﻭ ﺒﺈﺤﺩﻯ ﺍﻟﻤﺅﺴﺴﺎﺕ ﺍﻟﻌﻤﻭﻤﻴﺔ ﺫﺍﺕ ﺍﻟﺼﺒﻐﺔ ﺍﻟﺼﻨﺎﻋﻴﺔ ﻭﺍﻟﺘﺠﺎﺭﻴﺔ ﺃﻭ
ﺍﻟﺸﺭﻜﺎﺕ ﺍﻟﺘﻲ ﺘﺴﺎﻫﻡ ﺍﻟﺩﻭﻟﺔ ﻓﻲ ﺭﺃﺱ ﻤﺎﻟﻬﺎ ﺒﺼﻔﺔ ﻤﺒﺎﺸﺭﺓ ﺃﻭ ﻏﻴﺭ ﻤﺒﺎﺸﺭﺓ ﺒﻨﺼﻴﺏ ﻤﺎ ﺃﻭ ﺍﻟﺸﺭﻜﺎﺕ
ﺍﻟﺘﺎﺒﻌﺔ ﺇﻟﻰ ﺍﻟﺠﻤﺎﻋﺎﺕ ﺍﻟﻌﻤﻭﻤﻴﺔ ﺍﻟﻤﺤﻠﻴﺔ ﻤﻜﻠﻑ ﺒﻤﻘﺘﻀﻰ ﻭﻅﻴﻔﻪ ﺒﺒﻴﻊ ﺃﻭ ﺼﻨﻊ ﺃﻭ ﺸﺭﺍﺀ ﺃﻭ ﺇﺩﺍﺭﺓ ﺃﻭ ﺤﻔﻅ


ﺃﻱ ﻤﻜﺎﺴﺏ ﺍﺴﺘﻐل ﺼﻔﺘﻪ ﻻﺴﺘﺨﻼﺹ ﻓﺎﺌﺩﺓ ﻻ ﻭﺠﻪ ﻟﻬﺎ ﻟﻨﻔﺴﻪ ﺃﻭ ﻟﻐﻴﺭﻩ ﺃﻭ ﻟﻺﻀﺭﺍﺭ ﺒﺎﻹﺩﺍﺭﺓ ﺃﻭ ﺨﺎﻟﻑ
ﺍﻟﺘﺭﺍﺘﻴﺏ ﺍﻟﻤﻨﻁﺒﻘﺔ ﻋﻠﻰ ﺘﻠﻙ ﺍﻟﻌﻤﻠﻴﺎﺕ ﻟﺘﺤﻘﻴﻕ ﺍﻟﻔﺎﺌﺩﺓ ﺃﻭ ﺇﻟﺤﺎﻕ ﺍﻟﻀﺭﺭ ﺍﻟﻤﺸﺎﺭ ﺇﻟﻴﻬﻤﺎ.  
ﺍﻟﻔﺼل 97 (ﻨﻘﺢ ﺒﺎﻟﻘﺎﻨﻭﻥ ﻋﺩﺩ 85 ﻟﺴﻨﺔ 1985 ﺍﻟﻤﺅﺭﺥ ﻓﻲ 11 ﺃﻭﺕ 1985).  
ﻴﻌﺎﻗﺏ ﺒﺎﻟﺴﺠﻥ ﻤﺩﺓ ﺨﻤﺴﺔ ﺃﻋﻭﺍﻡ ﻭﺒﺨﻁﻴﺔ ﺘﺴﺎﻭﻱ ﻗﻴﻤﺔ ﺍﻟﻔﺎﺌﺩﺓ ﺍﻟﻤﺘﺤﺼل ﻋﻠﻴﻬﺎ ﻜل ﺸﺨﺹ ﻤﻤﻥ ﺫﻜﺭ
ﺒﺎﻟﻔﺼل ﺍﻟﻤﺘﻘﺩﻡ ﺃﺨﺫ ﺃﻭ ﻗﺒل ﺃﻱ ﺭﺒﺢ ﻟﻨﻔﺴﻪ ﺃﻭ ﻟﻐﻴﺭﻩ ﺒﺄﻱ ﻜﻴﻔﻴﺔ ﻜﺎﻨﺕ ﻓﻲ ﺃﻤﺭ ﺘﻭﻟﻰ ﺇﺩﺍﺭﺘﻪ ﺃﻭ ﺍﻹﺸﺭﺍﻑ
ﻋﻠﻴﻪ ﺃﻭ ﺤﻔﻅﻪ ﻜﻠﻴﺎ ﺃﻭ ﺠﺯﺌﻴﺎ ﺃﻭ ﺃﺨﺫ ﺃﻱ ﻓﺎﺌﺩﺓ ﻜﺎﻨﺕ ﻓﻲ ﺃﻤﺭ ﻫﻭ ﻤﻜﻠﻑ ﺒﺎﻹﺫﻥ ﺒﺎﻟﺩﻓﻊ ﻓﻴﻪ ﺃﻭ ﺒﺘﺼﻔﻴﺘﻪ.  
ﺍﻟﻔﺼل 97 ﻤﻜﺭﺭ (ﺃﻀﻴﻑ ﺒﺎﻟﻘﺎﻨﻭﻥ ﻋﺩﺩ 33 ﻟﺴﻨﺔ 1998 ﺍﻟﻤﺅﺭﺥ ﻓﻲ 23 ﻤﺎﻱ 1998).  
ﻴﻌﺎﻗﺏ ﺒﺎﻟﺴﺠﻥ ﻤﺩﺓ ﺜﻼﺜﺔ ﺃﻋﻭﺍﻡ ﻭﺒﺨﻁﻴﺔ ﻗﺩﺭﻫﺎ ﺜﻼﺜﺔ ﺁﻻﻑ ﺩﻴﻨﺎﺭ ﻜل ﻤﻭﻅﻑ ﻋﻤﻭﻤﻲ ﻴﻌﻤﺩ ﻭﻫﻭ ﻓﻲ
ﺤﺎﻟﺔ ﺍﻟﻤﺒﺎﺸﺭﺓ ﺃﻭ ﻋﺩﻡ ﺍﻟﻤﺒﺎﺸﺭﺓ ﺃﻭ ﺍﻹﻟﺤﺎﻕ ﺇﻟﻰ ﺍﻟﻤﺴﺎﻫﻤﺔ ﺒﻨﻔﺴﻪ ﺃﻭ ﺒﻭﺍﺴﻁﺔ، ﺒﻌﻤل ﺃﻭ ﺒﺭﺃﺱ ﻤﺎل، ﻓﻲ
ﺴﻴﺭ ﻤﻨﺸﺄﺓ ﺨﺎﺼﺔ ﺨﺎﻀﻌﺔ ﺒﺤﻜﻡ ﻤﻬﺎﻤﻪ ﻟﺭﻗﺎﺒﺘﻪ ﺃﻭ ﻜﺎﻥ ﻤﻜﻠﻔﺎ ﺒﺈﺒﺭﺍﻡ ﺍﻟﻌﻘﻭﺩ ﻤﻌﻬﺎ ﺃﻭ ﻜﺎﻥ ﻋﻨﺼﺭﺍ ﻓﺎﻋﻼ
ﻓﻲ ﺇﺒﺭﺍﻡ ﺘﻠﻙ ﺍﻟﻌﻘﻭﺩ.  
ﻭﻴﺤﻁ ﺍﻟﻌﻘﺎﺏ ﺇﻟﻰ ﻋﺎﻤﻴﻥ ﻭﺍﻟﺨﻁﻴﺔ ﺇﻟﻰ ﺃﻟﻔﻲ ﺩﻴﻨﺎﺭ ﺒﺎﻟﻨﺴﺒﺔ ﺇﻟﻰ ﺍﻟﻤﻭﻅﻑ ﺍﻟﻌﻤﻭﻤﻲ ﺍﻟﺫﻱ ﺍﺴﺘﻐل ﺼﻔﺘﻪ
ﺍﻟﺴﺎﺒﻘﺔ ﻭﻋﻤﺩ ﺇﻟﻰ ﻫﺫﻩ ﺍﻟﻤﺴﺎﻫﻤﺔ ﻗﺒل ﺍﻨﻘﻀﺎﺀ ﺨﻤﺱ ﺴﻨﻭﺍﺕ ﻤﻥ ﺍﻨﻘﻁﺎﻋﻪ ﻨﻬﺎﺌﻴﺎ ﻋﻥ ﻤﻤﺎﺭﺴﺔ ﻤﻬﺎﻤﻪ ﻭﺫﻟﻙ
ﻟﺘﺤﻘﻴﻕ ﻓﺎﺌﺩﺓ ﻟﻨﻔﺴﻪ ﺃﻭ ﻟﻐﻴﺭﻩ ﺃﻭ ﻹﻟﺤﺎﻕ ﻀﺭﺭ ﺒﺎﻹﺩﺍﺭﺓ.  
ﺍﻟﻔﺼل 97 ﺜﺎﻟﺜﺎ (ﺃﻀﻴﻑ ﺒﺎﻟﻘﺎﻨﻭﻥ ﻋﺩﺩ 33 ﻟﺴﻨﺔ 1998 ﺍﻟﻤﺅﺭﺥ ﻓﻲ 23 ﻤﺎﻱ 1998).  
ﻴﻌﺎﻗﺏ ﺒﺎﻟﺴﺠﻥ ﻤﺩﺓ ﻋﺎﻤﻴﻥ ﺍﺜﻨﻴﻥ ﻭﺒﺨﻁﻴﺔ ﻗﺩﺭﻫﺎ ﺃﻟﻔﺎ ﺩﻴﻨﺎﺭ ﻜل ﻤﻭﻅﻑ ﻋﻤﻭﻤﻲ ﻴﻌﻤﺩ، ﻭﻫﻭ ﻓﻲ ﺤﺎﻟﺔ
ﺍﻟﻤﺒﺎﺸﺭﺓ ﺃﻭ ﻋﺩﻡ ﺍﻟﻤﺒﺎﺸﺭﺓ ﺃﻭ ﺍﻹﻟﺤﺎﻕ، ﺇﻟﻰ ﻤﻤﺎﺭﺴﺔ ﻨﺸﺎﻁ ﺨﺎﺹ ﺒﻤﻘﺎﺒل ﻟﻪ ﻋﻼﻗﺔ ﻤﺒﺎﺸﺭﺓ ﺒﻤﻬﺎﻤﻪ ﺩﻭﻥ
ﺃﻥ ﻴﻜﻭﻥ ﻟﻪ ﺘﺭﺨﻴﺹ ﻤﺴﺒﻕ ﻓﻲ ﺫﻟﻙ.  
ﻭﺘﻀﺒﻁ ﺸﺭﻭﻁ ﺍﻟﺤﺼﻭل ﻋﻠﻰ ﺘﺭﺨﻴﺹ ﻤﻥ ﻗﺒل ﺍﻹﺩﺍﺭﺓ ﻭﺇﺠﺭﺍﺀﺍﺘﻪ ﺒﺄﻤﺭ.  
ﻭﻴﺴﺘﻬﺩﻑ ﺇﻟﻰ ﻨﻔﺱ ﺍﻟﻌﻘﺎﺏ ﻜل ﻤﻭﻅﻑ ﻋﻤﻭﻤﻲ ﻴﻘﺘﺭﻑ ﻫﺫﺍ ﺍﻟﻔﻌل ﻗﺒل ﺍﻨﻘﻀﺎﺀ ﺨﻤﺱ ﺴﻨﻭﺍﺕ ﻤﻥ
ﺍﻨﻘﻁﺎﻋﻪ ﻨﻬﺎﺌﻴﺎ ﻋﻥ ﻤﻤﺎﺭﺴﺔ ﻤﻬﺎﻤﻪ ﻭﻟﻡ ﻴﻜﻥ ﻤﺭﺨﺼﺎ ﻟﻪ ﻗﺎﻨﻭﻨﺎ ﻓﻲ ﺫﻟﻙ.  
ﺍﻟﻔﺼل 98 (ﻨﻘﺢ ﺒﺎﻟﻘﺎﻨﻭﻥ ﻋﺩﺩ 85 ﻟﺴﻨﺔ 1985 ﺍﻟﻤﺅﺭﺥ ﻓﻲ 11 ﺃﻭﺕ 1985).  
ﻋﻠﻰ ﺍﻟﻤﺤﻜﻤﺔ ﻓﻲ ﺠﻤﻴﻊ ﺍﻟﺼﻭﺭ ﺍﻟﻤﻨﺼﻭﺹ ﻋﻠﻴﻬﺎ ﺒﺎﻟﻔﺼﻠﻴﻥ 96 ﻭ 97 ﺃﻥ ﺘﺤﻜﻡ ﻓﻀﻼ ﻋﻥ ﺍﻟﻌﻘﻭﺒﺎﺕ
ﺍﻟﻤﺒﻴﻨﺔ ﺒﻬﺫﻴﻥ ﺍﻟﻔﺼﻠﻴﻥ ﺒﺭﺩ ﻤﺎ ﻭﻗﻊ ﺍﻻﺴﺘﻴﻼﺀ ﻋﻠﻴﻪ ﺃﻭ ﺍﺨﺘﻼﺴﻪ ﺃﻭ ﻗﻴﻤﺔ ﻤﺎ ﺤﺼل ﻋﻠﻴﻪ ﻤﻥ ﻤﻨﻔﻌﺔ ﻭ ﺃ ﺭﺒﺢ
ﻭﻟﻭ ﺍﻨﺘﻘﻠﺕ ﺇﻟﻰ ﺃﺼﻭل ﺍﻟﻔﺎﻋل ﺃﻭ ﻓﺭﻭﻋﻪ ﺃﻭ ﺇﺨﻭﺘﻪ ﺃﻭ ﺯﻭﺠﻪ ﺃﻭ ﺃﺼﻬﺎﺭﻩ ﺴﻭﺍﺀ ﺒﻘﻴﺕ ﺘﻠﻙ ﺍﻷﻤﻭﺍل ﻋﻠﻰ
ﺤﺎﻟﻬﺎ ﺃﻭ ﻭﻗﻊ ﺘﺤﻭﻴﻠﻬﺎ ﺇﻟﻰ ﻤﻜﺎﺴﺏ ﺃﺨﺭﻯ.  
ﻭﻻ ﻴﺘﺤﺭﺭ ﻫﺅﻻﺀ ﻤﻥ ﻫﺫﺍ ﺍﻟﺤﻜﻡ ﺇﻻ ﺇﺫﺍ ﺃﺜﺒﺘﻭﺍ ﺃﻥ ﻤﺄﺘﻰ ﻫﺫﻩ ﺍﻷﻤﻭﺍل ﺃﻭ ﺍﻟﻤﻜﺎﺴﺏ ﻟﻡ ﻴﻜﻥ ﻤﻥ ﻤﺘﺤﺼل"ﺩﻋﻡ ﺤﻘﻭﻕ ﺍﻟﻤﺭﺃﺓ ﻭﺍﻟﻁﻔل ﻤﻥ ﺨﻼل ﺘﻜﻨﻭﻟﻭﺠﻴﺎ ﺍﻟﻤﻌﻠﻭﻤﺎﺕ"


ﺍﻟﺠﺭﻴﻤﺔ.  
ﻭﻟﻠﻤﺤﻜﻤﺔ ﻓﻲ ﺠﻤﻴﻊ ﺍﻟﺼﻭﺭ ﺍﻟﻭﺍﺭﺩﺓ ﺒﺎﻟﻔﺼﻠﻴﻥ ﺍﻟﻤﺫﻜﻭﺭﻴﻥ ﺃﻥ ﺘﺴﻠﻁ ﻜل ﺃﻭ ﺒﻌﺽ ﺍﻟﻌﻘﻭﺒﺎﺕ ﺍﻟﻤﻘﺭﺭﺓ
ﺒﺎﻟﻔﺼل ﺍﻟﺨﺎﻤﺱ ﻋﻠﻰ ﺃﻭﻟﺌﻙ ﺍﻟﻤﺠﺭﻤﻴﻥ.


ﺍﻟﻔﺼل 99 (ﻨﻘﺢ ﺒﺎﻟﻘﺎﻨﻭﻥ ﻋﺩﺩ 23 ﻟﺴﻨﺔ 1989 ﺍﻟﻤﺅﺭﺥ ﻓﻲ 27 ﻓﻴﻔﺭﻱ 1989).  
ﻴﻌﺎﻗﺏ ﺒﺎﻟﺴﺠﻥ ﻤﺩﺓ ﻋﺸﺭﻴﻥ ﻋﺎﻤﺎ ﻭﺒﺨﻁﻴﺔ ﺘﺴﺎﻭﻱ ﻗﻴﻤﺔ ﻤﺎ ﻭﻗﻊ ﺍﻻﺴﺘﻴﻼﺀ ﻋﻠﻴﻪ ﻜل ﻤﻭﻅﻑ ﻋﻤﻭﻤﻲ ﺃﻭ
ﺸﺒﻬﻪ ﻭﺍﻟﻤﺅﺘﻤﻥ ﺃﻭ ﺍﻟﻤﺤﺘﺴﺏ ﺍﻟﻌﻤﻭﻤﻲ، ﻭﻜل ﻤﺩﻴﺭ ﺃﻭ ﻋﻀﻭ ﺃﻭ ﻤﺴﺘﺨﺩﻡ ﺒﺈﺤﺩﻯ ﺍﻟﺠﻤﺎﻋﺎﺕ ﺍﻟﻌﻤﻭﻤﻴﺔ
ﺍﻟﻤﺤﻠﻴﺔ ﺃﻭ ﺍﻟﺠﻤﻌﻴﺎﺕ ﺫﺍﺕ ﺍﻟﻤﺼﻠﺤﺔ ﺍﻟﻘﻭﻤﻴﺔ ﺃﻭ ﺒﺈﺤﺩﻯ ﺍﻟﻤﺅﺴﺴﺎﺕ ﺍﻟﻌﻤﻭﻤﻴﺔ ﺫﺍﺕ ﺍﻟﺼﺒﻐﺔ ﺍﻟﺼﻨﺎﻋﻴﺔ
ﻭﺍﻟﺘﺠﺎﺭﻴﺔ ﺃﻭ ﺍﻟﺸﺭﻜﺎﺕ ﺍﻟﺘﻲ ﺘﺴﺎﻫﻡ ﺍﻟﺩﻭﻟﺔ ﻓﻲ ﺭﺃﺱ ﻤﺎﻟﻬﺎ ﻤﺒﺎﺸﺭﺓ ﺃﻭ ﺒﺼﻔﺔ ﻏﻴﺭ ﻤﺒﺎﺸﺭﺓ ﺒﻨﺼﻴﺏ ﻤﺎ ﺃﻭ
ﺍﻟﺸﺭﻜﺎﺕ ﺍﻟﺘﺎﺒﻌﺔ ﺇﻟﻰ ﺍﻟﺠﻤﺎﻋﺎﺕ ﺍﻟﻌﻤﻭﻤﻴﺔ ﺍﻟﻤﺤﻠﻴﺔ ﺍﻟﺫﻱ ﺘﺼﺭﻑ ﺒﺩﻭﻥ ﻭﺠﻪ ﻓﻲ ﺃﻤﻭﺍل ﻋﻤﻭﻤﻴﺔ ﺃﻭ ﺨﺎﺼﺔ
ﺃﻭ ﺍﺨﺘﻠﺴﻬﺎ ﺃﻭ ﺍﺨﺘﻠﺱ ﺤﺠﺠﺎ ﻗﺎﺌﻤﺔ ﻤﻘﺎﻤﻬﺎ ﺃﻭ ﺭﻗﺎﻋﺎ ﺃﻭ ﺭﺴﻭﻤﺎ ﺃﻭ ﻋﻘﻭﺩﺍ ﺃﻭ ﻤﻨﻘﻭﻻﺕ ﻜﺎﻨﺕ ﺒﻴﺩﻩ ﺒﻤﻘﺘﻀﻰ
ﻭﻅﻴﻔﻪ ﺃﻭ ﺤﻭﻟﻬﺎ ﺒﺄﻱ ﻜﻴﻔﻴﺔ ﻜﺎﻨﺕ.  ﻭﺘﻨﺴﺤﺏ ﻭﺠﻭﺒﺎ ﺃﺤﻜﺎﻡ ﺍﻟﻔﺼل 98 ﻋﻠﻰ ﺍﻟﺠﺭﺍﺌﻡ ﺍﻟﻤﻨﺼﻭﺹ ﻋﻠﻴﻬﺎ
ﺒﻬﺫﺍ ﺍﻟﻔﺼل.  
ﺍﻟﻔﺼل 100 (ﻨﻘﺢ ﺒﺎﻟﻘﺎﻨﻭﻥ ﻋﺩﺩ 23 ﻟﺴﻨﺔ 1989 ﺍﻟﻤﺅﺭﺥ ﻓﻲ 27 ﻓﻴﻔﺭﻱ 1989).  
ﻴﻌﺎﻗﺏ ﺒﺎﻟﺴﺠﻥ ﻤﺩﺓ ﻋﺸﺭﺓ ﺃﻋﻭﺍﻡ ﻭﺒﺨﻁﻴﺔ ﻗﺩﺭﻫﺎ ﺃﻟﻑ ﺩﻴﻨﺎﺭ ﻜل ﻤﻭﻅﻑ ﻋﻤﻭﻤﻲ ﺃﻭ ﺸﺒﻬﻪ ﻴﺴﺭﻕ ﺃﻭ
ﻴﺨﺘﻠﺱ ﺃﻭ ﻴﺯﻴل ﺍﻟﻌﻘﻭﺩ ﺃﻭ ﺍﻟﺭﺴﻭﻡ ﺍﻟﻤﺅﺘﻤﻥ ﻋﻠﻴﻬﺎ ﺒﻤﻘﺘﻀﻰ ﻭﻅﻴﻔﻪ ﻭﻴﻤﻜﻥ ﺍﻟﺤﻜﻡ ﻋﻠﻴﻪ ﺯﻴﺎﺩﺓ ﻋﻠﻰ ﺫﻟﻙ
ﺒﺎﻟﻌﻘﻭﺒﺎﺕ ﺍﻟﺘﻜﻤﻴﻠﻴﺔ ﺍﻟﻤﻘﺭﺭﺓ ﺒﺎﻟﻔﺼل 5 ﻤﻥ ﻫﺎﺘﻪ ﺍﻟﻤﺠﻠــﺔ. 
على فكره هذيّه قطره من فيض ولكن المقاومه  لفلول الدّكتاتوريّه لا بد أن تتواصل بدءا بالإستبسال لاستقلال القضاء وتطهيره نهاية ببناء دولة وطنيّه لخدمة الشعب وليس خدمة فئة رأسماليّه من الحكّام والشعب بأكمله .

مواهب الدستوري : بيّاع شراب و ماتّور أون سان زكيم

ساعات تكثر همومي ولا عاد نتسوّق ولا نهز البردعه ،نولّي كيف الزّير المتّكّي  زوز أفكار ورا بعضهم يخلّيوني إنلهّج ونتنفّس بالباي . الله يرحمك يمّيمتي ياحسره كيف كنت تصلّحلي لمثله التونسيّه كيف ندخّلها بعضها وما نعاود منها شي بالصحيح ، اليوم قريب نولّي كيف أي ديناصور عربي نغنّي وجناحي يرد عليّ . يامّي قلّك عملو ( ما تسهلنيش شكون ) ميثاق موواطنه آآآآعععع مزّلت نسمع ونشوف ناقص كان باش يعملونا الأديان ( التحليل الجيني ) ويعملو تطهير للعناصر الدّخيله عليهم يمّيمتي وين باش نشب ؟! قلّك يلزم النّأي بالإسلام عن كل الصّراعات العقايديه والإيديولوجيّه .. إي أمّاله في ها البلاد وين يكوّر الإسلام فانا ديفيزيون خلّيني نقلب الفيسته آنا والمسلمين في ها البلاد ونعرفو وين نوظفوا دينّا . بالله قدّاش من ملحد في ها البلاد وقدّاش من يهودي وقدّاش من متورن وقداش من لاديني على خلفية الشذوذ الجنسي و التزبريط وما لفّ لفّه باش نشوفو رواحنا إلّي نشهدو لا إلاه إلّا الله قدّاش نحن و نرميو المنديل ونخلّيهم يقاودونه كيف المعيز كانهم  بالرّسمي كيف ما قال زميمهم الكلين الأغلبيّه الصامته..عندي مدّه وانا نتقلّى ومكشكشه كيف الحوته نخدم بفيزيبل واحد الله غالب ها البلاد مصيبه عظمى مليانه بالرقع مليانه بالفشلامه والشلايك النّاطقة قلّك التجمّعيين السرّاقين الضبوعه خرجو يعلنو دستوريّتهم ورفضهم القاطع للإقصاء ووووي ييييااااامزمّر ،تي كارو يتعمل محاكم تفتيش لكل منخرط في حزبكم ملإستقلال لتوّه ونبداو بجرايم الهرسله والصبّان والإثراء على حساب المجموعه الوطنيّه بداية من إلّي يخدم في الشعبه ناشط حتّاش للوزير ونشوفو مكتسباتكم من إمتصاص أموال الشعب ومبعّد نتبعو القوانين الجايره إلّي مرّرتوهم بالأغلبيّه متاعكم في مجلس الدّواب ومصادقاتكم على الأوامر المافيوزيّه إلّي ذهبتلنا شيرتنا .. تي قداش كل واحد منكم من موقعو لعب على درابّوه وستغل النفوذ إنّو تجمّعي خامج باش إنتهك أعراض النّاس ولهف أموالهم وبالصّبّه قدّاش بعثتو من بريء للحبس . قلّو هاك السّبسي عمر الفرططّو (هذيّه إستعرتها من زميل ملباهين )  ينبّه إنّو حرمان منخرطي التجمّع البايد مالترشّح للمجلس التأسيسي يهدّد السّلم لجتماعي هههعععع  الله يرحمك يا مّيمتي خلّيتني نعاني وحدي بعدك (قبلت كنت نحطها قدّامي ونخطبلها ساعتين على فساد مؤسسات الدوله ) يا سليل الدّساتره ياخي كيف 99 بالمياه متوانسه ما مارسوش السياسه مالإستقلال لتوّه نصبنالكم المشانق ..إي يا حاج ولّا قيلني بالك متحبهاش يا مسيو فارش ومعدّيها وما في بالكش ياخي ما حكاتلكش لحنينه متاعك على حاجه إسمها الأخلاق ..ترّكتو لبلاد بالمحسوبيّه والرّشاوي والكتاف والقواده ومحاصرة النّاس في أرزاقهم وانزلتو علينا بالفيسك حتّاش قطّعتونا وبهذلتونا وخلّيتونا نشهقو ما نلحقو إمبعّد ما بان حجم الفساد في مؤسسات الدّوله إلّي كانت تحت إدارتكم وضيّعتو عايلات بالآلاف تمارسو علينا الإرهاب الفكري والسياسي وتزييف الإنتخابات بتسعه وتسعين بالمياه وتحبّو تساهمو في إعادة البناء ! آآآآآآععع .الله غالب إمّيمتي حكاتلي على الأخلاق هذاكه أعلاش ما نيش باش نسب ونقول ما فمّاش حتى تجمّعي ولا دستوري مهواش مورّط فلّي وصلنالو ..شكون إلّي عملّنّا ملّيشيّات ؟ أهّوكه الصيّاح مستعرف . وشكون في 23 سنه ما فهمش إلّي أعلى هرم السّلطه سرّاقة؟ آش خلّاه ينشط ويخدم في الحزب ويشد وزاره ويعاون بن علي باش يتحوّل لقارون ويعاونو بالتصحاح على إنتقال الملك العمومي لملكو الخاص وفي لخّر يطلع هو بيدو شاري ملك الدوله إلّي تباعلهم مبعّد ما حولوه لملك خاص برخص التراب .. يا رقع كان تستخايلو باش تخوفونا بالفوضى الخلّاقة وتحكّمكم في الإقتصاد بروس لموال الفاسده والتخويف ماللإسلاميين وتخوفو السّوكارجيّة على الدبّوزه متاعهم ( نعرف إلّي أغلب سياسيّي التجمّع بيّاعة شراب تي موش في النوار بالرّخصه ،ماهم واااصلين عندهم الحق كيف يخافو على مواردهم الماليّه تصوروا الزّبراطه يتوبو عمّي الفرططّو ما يموت بالقهر) تخوفو بإنّو لبلاد باش تترّك ملإعتصامات هاو مافلستوش سيادتكم مالتجاره الموازيه إي البركه فيكم إستغناو إنتم يزّي مااعينّاش . وتخوفو من الإسلام ، بهيمه ليوم في قناة تونس طبعه سألة هاك لمريكانيّه قالتلها شقولك في نمو التيّارات المطّرفه في تونس هههههعععع ،ياخي في بالكم لمريكان راقدين على وذناهم برّاو أقراو وثايق ويكيليكس تي سيادكم فاقو باللعبه ومعّادش تنجمو تجلدونا بمحاربة الإرهاب راكم غالطين لعبكم مكشوف ياخي مبعّد  ما بانت فضيحة مجموعة سليمان وإنّو كو مونطي مالدّوله باش يتحصّل علي بابا على فلوس دعم لمريكان لمحاربة القاعدة يحطهم في جيبو مزّلتو مبعّد ما فضحكم ربّي باش تخوفونا ملاإسلاميين لاه قالولكم أعلينا ناكلو في الحشيش آش كون فيكم يا تواانسه يصدّق إنّو في تونس فمّه إرهابيين ..مانحكيش على وزارة الدّاخليّة :/ ... إلّي مزّال مصدّق برجوليّه يمشي لطبيب يا بوقلب تي نهارت إلّي فقت إلي المورطين في أحداث سليمان خاطيهم دخت وطلعلي السكّر حسّيت إنّو تلفيق جرايم القتل للأبرياء وقتلان الناس في ها البلاد كان عامل مسد ومجرّد التصديق لهاك الكذبه متاع نظام كنت نجزم إنّو فاسد ، توريطه  .. عمّي الفرططّو كل مرّه عامل كيف المخلوع تحط في كلام ربّي في كلامك يمكن تحب تأكّد على إستقامتك (ساعات تبلبز ) وناسي إنّو المولى يقول "كبر مقتا عند الله أن تقولوا ما لا تفعلون " (سكّر محل بيعان الشراب فمّاشي تترحم ) تنجّمشي تفسّر أعلاش لمّات القبّه ما يقلقوكش و ويني الماطراك والّاكريموجان في ساحة حقوق الإنسان ..كان عملتوها رانا ما ربطناش لخيوط مع كلامك إلّي قلتو في الليل برجوليّه تاعبيين في الإخراج راانا فايقيين . والصحيح يا عاقلين إنّو النّظام السّياسي الجاي ما يتعدى كان باستفتاء ونردّو بالنا من رياض بن عاشور ما حاشتناش بوصايه من حتّى حد ومن ها المدونه نأكّد الثّوره مزّالت ولازم ناقفو لأذيال الدكتاتوريّه وخاصة نردّو بالنا من أعوانهم الأمنيين وروس لموال الفاسده إلّي تدعم فيهم ولنا عوده ضاهرلي لازم إعتصام مليوني جديد باش ما يتّممسحوش أعلينا من إجديد!

كان عمرك ثمانين شد دارك واعمل ركعتين

ساعات ما نلقى ما نقول كل شي يبدا واضح لوحدو يحكي على روحو موش مستحق تفسير والتوانسه الكل فاهمين حتى أصحاب العمايل في بالهم إلّي هومه مكشوفين أمّا ماهم سانتير نوار في الرّقعه وعندهم بوط في عوض وجوههم وهذاكه أعلاش ماعلابلهمش بالطرح على خاطرهم .. إي هذيكه هي ،عيب نكتبها .. أيّ سيدي ماهو اليوم عيد الشهداء ، موش باهية  المناسبتيّه بيناتنا بلاد تحترم نفسها تكرّم شهداءها كل يوم على دورة العام موش ملعام للعام والتكريم يكون بالعمل على احترام الحريه الفرديّة للمواطن وإرادتو الحرّه ..أمّا مادامنا من 56 لتوّه محكومين بالكامورّا فيا خيبة المسعى ! ستنّاو موش علينا  وإنّما  عليهم  حكيت  توّه  نهارين  على  هيّابة الدوله وفي الحقيقة كارني نجبد عليهم بحقيقتهم رقع تونس ماكم تذّكرو مرجان وسسمو فريعه ..تي هذاكه إلّي خرج عاقد حواجبو إمبعّد نهار  14 وقال إلّي لبلاد صار فيها آش وسبعين قتيل الله يطوّلّو في عمرو ويقتلو عرق بعد عرق حتّاش يفهم إنّو الله حق . لوحيّد كيف شد الدّاخليّه أعلن الطوارىء ومبعّد سيدو ما قلّو موش معقول ، الكرطوش لا !.. إستشهدو وهو شادد الدّاخليه آش ومياة راجل ومرا من بنزرت لبنقردان وسي وخينا موقوف على ذمّة الّي صار في عهدو ؟ لا : مزّال مسيّب لأنّو آكس حزب رقع .. ما كلّفش روحو الكو دو تياتر متاع الغنّوشي وما انسحبش من حياة الرّذيله عفوا الخطأ في الطّبع ، ملحياة السّياسيّه وإنّما عمل حزب سمّاه وقيله "الوطن " والوحيّد مزّال ناشط .. أيواش الوزف تي مرجان العيب على ذاكرتي ما تشدّش أسامي المسهولين مبعّد إستماتّو البطوليّه في الدّفاع على الزّين حتى آخر رمق وخدمتو لمدّه طويله في تدعيم النّظام متاع معلمو ومبعّد ما وضاح حجم النهب والخمج متاع النّظام الكلّو مزّال ما عافش السياسه و كرشو ما ضربتهاش التخمه مالإعتداء السّافر على حرّيات الشعب وعمل هو زاده هزب .. لمبزّع  ، توّه صحيح هو راجل كبير أمّا بالله حتى حد ما نصحو وهو مكهّب على الثمانين ينحّي هاك الشوفاليي الذهب من صبعو .. باهي آش يهمني فيه بينو وبين مولاه ،السّيّد عامل روحو خاطيه  كل مرّه يقدّم ويوخّر ويعيّن وزير أوّل على كيف لخرين السيد  غالط  يستخايل روحو بالرّسمي عندو شرعيّه ،يفصّل ويخيّط مع نشطاء التجمّع،لأنّو ما نتصوّرش أي فرد في هذا الشعب يقبل إنّو يتحط آكس آرسديست وثمنّيني فوق مالكل باش يقود مرحله مهمّه من تاريخ بلادنا ما بعد سقوط الدّكتاتوريّه والأكثر وما نيش باش نتدخّل في السّبسي ومعطياتو الشخصيه والبزنس متاع عايلتو الصغيره :/ لأنها ما عندهاش علاقة مباشره بتسميتو لكن أكيد إنّو هذا الشيخ إلّي كيف ولد بنادم الكل إلّي في عمرو ، فارش ومعدّيها .. تذّكروشي وقتاش بورقيبه فد منّو الجمهور ؟ إي ، وقت إلّي كهّب عثمانين ولّاو الوزره معدّينها عليه ويتناحرو ما بيناتهم قولش علاها البلاد تركة بوهم وكل واحد يجبد ليه . نكذب ! برّاو تفرجوا في شهادة مزالي في المستقلّه توّه تشوفو الخنّار. آشنوّه الخير إلّي باش يجي من آكس آرسديست والله راهم الشهداء المغدورين تقلبو في قبوراتهم ! آبان السيّد صدّق روحو إلّي هو في هرم سلطه  ، سمّى روحو رئيس حكومه والكلام هذا موش الصحيح هو شبه وزير أوّل باعتبار غياب الشّرعيّه الإنتخابيّه  عليه  . بابا عزيزي  ، أقال سيّد قانونجي يتعامل مع الكل في البلاد بالتشريع الجاري بيه العمل  وبالقوانين الدوليّه سي الرّاجحي يرحم والديه إلّي بدا ينظّف فيها عاري ولابس ، وجابلنا آكس آرسديست ، أوّل حاجه عملها ضو أخضر لعربدة الشرطه وارتكابهم  لجريمة تجاوز السلطه وماهو شفنا الفيديو متاع إلّي صار بفضل راديو كلمه البوليسي شاهر سلاحو  على مواطن أعزل ويرهب فيه وقيّد على هيبة الدوله متاع السّبسي .. في أخّر الحلقة يتشدّو وليدات جامعيّين بدعوى مخالفة قانون الطوارىء ومتأكدة بالرّغم إنّي مالطّلعتش على نصوص الإحاله إنّو تم إتّهامهم بالإضرار  بملك الغير ويمكنشي حمل ومسك سلاح أبيض لتكتمل الصوره لإرهاب الدوله إمبعّد ما ظهر فضايع النظام السّابق واعتداءوا السّافر على أرواح وأعراض وأموال وحقوق الشّعب كان من المنتظر إنّو تسير محاكمات تاريخيّه لرموز النّظام السّابق وللّي خدموا في  الدّواير الحكوميّه متاع بن علي تقطع فيها تونس مع جرذان وقطاطس الخمسينيّه الأخيره من حياتها ولكن يظهر إنّو ها القطاطس أشرس من ميغالو و أسقط من شرشبيل .. في هذا اليوم العظيم من تاريخ تونس آنا متفائله بلّي جاي قد ما يخلبزو لعزايز وبيّاعة الشراب قد ما يطلع سقف المطالب متاع شباب تونس وقد ما يكبشو في تصحيح مسار البلاد ..أهّوكه في بالكم ، أوّل حاجه تطهير القضاء وضمانات إستقلاليّة القضاء باش حتّى منظر ما يمنع بجرايمو وحتى واحد ما يكسكي من أجل آراءوا . ثانيا التشديد على حياديّة أعوان الدّاخليّه والدّفاع و قطع إرتباطاتهم بالحكومه بتدعيم المؤسساتيّه وإنهاء كل دور سياسي داخل أروقة وزارة الدّاخليّه وهذا ما يكون كان بالعسّه ، كيفاش ؟ يلزم نثبتو من كل المترشحين للمجلس التأسيسي فرد فرد ونجبدو تاريخهم وتاريخ عايلاتهم ونثبتو في الشقيقة والرقيقه ومبعّد إلى الزّحف إلى الأمام إنّخبوا الشرفاء و الأذكياء ..أزلام النّظام البايد نفوشكوهم  إنطهرومنهم مستقبل بلادنا وامبعّد نرجعوا  للمنزل فرحين مسرورين مع الضمانات القانونيّه إلّي يحطهالنا المجلس النّاس لكل توّه تولّي كيف كيف  .. صحّه لينا وربّي يرحم الشّهداء ومّيمتي ..أم قيقوز سلام !

هيبة الدّوله ما بين الهيّابه وفساد الحكم الستّيني

توّه مدّه على خاطر لحنينه توفّات معّادش نتبّع في الأخبار دونك معّادش إنّجّم نعلّق علّي قاعد يصير على خاطر مافي باليش بيه ..أيّا هنهارين دخلت علباج متاعي وعملت طلّه علأصحاب وياهول ما رأيت  قلّك السّبسي ينكّت ، شنيّه آخر ، إم ،جاب وزير داخليّه ملّي كانو في النّظام البايد تقلدو مناصب هامّه أمّا بالأساس في الفلاحه ،علاش لا تي حتى نحن كشعب ما نستحقّوش قانونجي يقرا القانون ويطبّق علينا آش يقول القانون كيف سي الرّاجحي يرحم والديه ..الدّاخليّه يلزمها تكون مِذرع ومن تحت إيديهم إي علاش لا موش جديد هذيّه إسمها طيحه بتكربيسه متاع لخرين  : الأغلبيّه الغاوغائيّه بقله تهزهم فرد إنهار.  هاك السرّاق ، القوّاده ،الشلايك ،الضبوعه ،الشّعبيسة ،الّاوطنيين وسطرين على ها الوصف لإنهم ما يلعبو كان على درابوهم وذاتهم لعزيزه . حشمونا حتى كيف فقنا بحجم نهبانهم لموال ..البيليك .. وحده منّاس دخت يا بوقلب لا خلّاو حتى مؤسسه عموميّه إلّا ما لعبو عليها الملك العمومي ، التهرّب الضّريبي ،الدّيوانه ،البريد ،الكملوط ،حرابش الهلوسه بيعان الشراب ، إحتكار بيعان الدجاج ، ،التيليكوم .. ليسته طويله يا العايش ! عجايب من عجايب و 2626 و 2121 .. والفساد الأخلاقي والتربوي شي يحشّم ، في نهار طاحت لقنعه بالسّيف عليهم طلعت الدّوله سوق عبد السلام منظّم أعليها سيبو المجرمه آلاف وهتكو لعباد ما بين شهداء مغدورين وهتكو لعراض وفي نهار رجعو يغنّيو  بهيبة الدوله يا معلّم شكون فضحنا مابين الأمم ياخي الشّعب هو إلّي كان يصحّح على إنتقال الملك العمومي لملك خاص وعلى خوصصة المؤسسات العموميّه ،ياخي الشّعب هو إلّي أشرف على مساعدة المؤسسات الخاصّه على التّهرّب الضّريبي .الشّعب إلّي غرّق لبلاد بالتجاره الموازيه .. الشعب هو إلّي ترّك الدّوله ؟ سوء السمعه جابوها حكّام لبلاد من لاستقلال التوّه ويلّي تفشلمو علينا بهيبة الدوله كان جات عندكم ذرّة إنسانيّه موش أخلاق لَمدو رواحكم والتخبّاو بالله الكريم ما ضيّع لبلاد كان إنتم ! في مصر كل  مجرم شد ببّوشتو والحاكم العسكري إمبعّد ثلاثه أيّام أعلن القبض على آلاف المساجين الفارّين وشد أهم رموز النظام البايد سواءا من الوزراء أو من إلّي شادّين مناصب هامّه وثبت تورّطهم في الإعتداء الجنائي على الشعب والفساد المالي .. وفي تونس يلقيو في القبض على المعتصمين و علّى ينسبولهم في تهم ذات صبغه جناحيّه ربّي أعلم بمدى مصداقيّتها .. ويأججو في الفتن ويحجّو للضريح إلّي لامم الدّكتاتور السّابق إلّي خلق عقليّة السّياسيين السّارفيتور بالعربي هاك إلّي إرادتهم مغلوله ومخاخهم متاع عبيد كان ما عندهمش سيّد يخلقوه ، ويفرعنوه ويدورو على الشّعب باش يركعوه  ..السّبسي الثمانيني والشّابّي كيفو ، الأوّل  ماهو وزير أوّل في حكومة تصريف أعمال والثاني للعدل بايعينها بلفته أهم إنجازات السّبسي لهذا التاريخ : التنكيت ..وأهم مواهب الثاني حتاش لتوّه السراح الشرطي لمساجين الحق العام ( ردّو بالكم ما عندوش دخل بالعفو التشريعي العام على سجناء الرّاي هاذوكمه سيبوهم الثوار ). واعجبي والمبزّع كيفهم  ..
هذا الوطن عجائبي الصّنعه لم تتحمّل أمّي رحمها اللّه وهي الستينيّة أوزار معاضدة أهل السّياسة وخاصّة التّجمّعيين بلا ريب ، فلم تنخرط ولم تنتخب في حياتها قط وبعض أولئك لا يتبرّئون من تجارة الكحول ولا من الإغترار بالكرسي وكأنّ لسان حالهم يقول : تصل متأخّرا خيرا من ألّا تصل أبدا للجلوس على الكرسي ..لا يهم إن كانت بعض الدّماء المسفوحة تتعلّق بالرّقبة  الهرمة أصلا ولا خوف فالماضي يبدو حافلا بكلّ شيء ما عدى بمحبّة ما يسمّى في لسان العرب بالوطن اليوم نتصالح مع فكرة تعثّر الإقتصاد لاعتصام شريف ضرب هناك بجوار ميدان القصبة . ويصيح المنادي "الهيّاب "بهيبة الدّوله وفجأة تترائى للنّاس الشرطه !
 جمعت أطراف ثوبي ولممت جناحيّ لجنبي أخاف أن يتّهمني جنود هامان الّذين ظلّو بعده بحمل ومسك السلاح الأبيض وحتى بالمسك بنيّة الإستهلاك لمخدّر الزّطلة .
 هيبة ..أشرقتموني بالضحكه ،إجمعوا أنفسكم يا هيّاب تونس بمنطقة القبّة في المنزه ورصّوا صفوفكم أولى لنا أن نعرفكم فنضرب دونكم قلعه نمسمرها فلا تقدرون على الخروج أبدا فأهل يأجوج مثلكم لا تهمّهم الفضيحة أبدا . ولكن تذكّروا إنعدتم يا أيّها الحمقى عدنا وليحيى الوطن النّاشىء في رحم الثّوره 

وقد ابتليت بفقدك

 اليوم الأوّل :
 كنت أطارد الشجاعة لأطرد النوم لكي لا أفجع فيك مرّة أخرى 
اليوم الثاني :
كنت أبذل جهدا للتملّص من ألم إنتظار إستفاقة منك لن تأتي وبعد العسر كان خروجك لحظة النوم بلاءا فارقا 
اليوم الثالث :
بعد غفوة أحسست بالذنب وقد لطم الحزن وجهي و انتبهت وقد شرقت بدمعي ، كانت  حبيبتي قد ظلّت طريقها لعيني .. لأوّل يوم يا غاليه ترقدين بعيدا عنّي 
 اليوم الرابع :
راوحت الإستعصام بما يسمّى الفاجعة كان اليوم مشرذما بين النّظر للتراب والظن بأنّه ليس من المعقول أن يكون غيري قد دثّرك وقبضت  يدي لن أرى روْح نظرتك بعد الآن ..الصباح مابعد الألم شرقت بالأسى وأجهدني السّأم ،لا أزال أفكّر يا ديوان شوقي لماذا عليّ أن أعتقل داخل إنسانيّتي ..صار الأكل عذابا والنوم عذابا والنفس الدّاخل لرئتي عذابا وصلاة المغرب بدون جوارك عذابا  والعيش كذلك صار عذابا 
اليوم الخامس :
كنت أهذي بسخف ..  ما هذه الوجوه الكثيرة ! طالعت بعضها وغبت عن الوعي أتذكّر إستغراقك في التفكير وأندب معاكسة أنفك لمرّة! يا مهجتي هذا الغياب وحتميّة الصمت دبّرا لي مزيدا من الألم 
اليوم السادس :
لما تتسارع الأيّام لتطفئ وهج وجدي وتتلف ألق ألمي ؟ لا أقدر على الإنكفاء على الذكرى لأسلو ..وجهك الغائب عني يرهقني . كيف يكون الأمس عنوانا لغيابك واليوم يؤسّس ليوم آخر من الفوضى
اليوم السابع :
أجبر على الكلام فأقول ما  لا أرضى ، وأقول غريب القول عنّا ..بعد طلوع النّهار أفكّر أنّي أحترق لتلحّفك السّماء ..الصبر ضرب إسفينه بقلبي وبلغ منه ما لا يرضى .. ولم تري ولم تسمعي عن هذه الصفحة الغريبة عن كلتينا .. ولم يستتبّ الأمر لي بعد كثير القبل لك والتحاف حجرك لم يظلّ منك سوى الذّكرى 
اليوم الثامن :
لا يكاد رأسي يستقرّ على حبك الدّهشة يقينا ببذاءة الدنيا بدونك يا وجهي المكلوم ، ضاع الصوت ..حين أقررتك على الحب واللّهفة والعودة كلّ يوم .. كان صمتك المطبق آخر هزائمي وبعدها لم أعد أدري كيف أتعاطى مع الجمود وأنسى ..
اليوم التاسع :
لم أعد أذكر فاللألحاظ صارت باهتة ولعلّي بحثت عن خطوك داخل المكان .. ولم أعد أذكر . الحزن أجهد عيني زاغ سمعي وكلّي .. حبيبة قلبي أفتقد الرّأفة في عينيك 
اليوم العاشر :
هو اليوم ما بعد الصّعوبة الأولى ورجاء اللّطف من ربّ العالمين بحياتينا كنت قد نسيت العد واختلطت   أفكار الآخرين بحزني فطعمت وشربت واشتقت العزوف عن الدّنيا ..كنت قد اقتربت من أنفك فلم يكن النفس خارجا وطُلب منّي أن أفسح المكان وكنت أمرّغ وجهي بين قدميك وأدعو
اليوم الحادي عشر :
لا أبذل أيّ جهد للنّسيان أجمل أفكاري وحتى مخاوفي كلّها عنك أحادث نفسي بحبك ثم أنسى حين يراجعني الذّهول 
اليوم الثاني عشر :
كان قلبي يخفق بقوّة .. كان ذلك الصباح وفتحت عينيّ على ذكرى الحلم كنت أمشي معك وأسأل وأنت في دأب صمتك تمشين معي ولا تتكلّمين قد لا أفهم ولكنّي دعوت ربّي أن أراك فاستجاب وأحمده على المن 
اليوم الثالث عشر :
كان القبر لافتا كجمال وجهك و أثيل لطفك وشخصت ببصري ..هنا ترقد أمّي ، باكرا ..

يا ناس يلي سرقوكم ياناس يلّي نهبوكم إمشيو للقضاء خيرلكم

اليوم ولأوّل مرّه باش نستغل نفوذي ونكتب في ها البلوغ آش نحب من غير محاذير قانونية على خاطر النفاق إلّي صبغ البلاد وبرشه عباد ينطق مالأجناب والكل ولّاو خدّام للدوله والكل ولّاو شرفاء ونزهاء وباش يحميو الدّوله مالفراغ وهومه إلّي ثبت  شرفهم على خاطر في عوض ما يبندرو للرئيس السّابق 24 ساعه في النهار يبندرولو  12 برك على خاطر بقيّة الوقت يا يعدّيوها في الطواليت يا ياكلو يا راقدين دونك بسبب القوّه القاهره موش نقص في الولاء ..هيّا  يا سيدي شنيّه خرافة لجنة المفسدين ..تي نقصد هذيكه درا شسمها إلّي دخلت لقصر سيدي بوسعيد .. قلّك يا سيدي عَرْفهم على صفحة إحدى الجرايد قال ، زوز أسئلة متاع وليه :
لفائدة من كل هذا (على الحكم إلّي صدر بتجميد أعمالها ) 
والسّؤال الثاني ياخي الزين نوب عليه شكون ؟ (هههههه  اللهم إنت يا معلّم )
باهي إنجّم نجاوب ، الحكايه إنّو محامين أجلّاء  رفعوا  قضيه إستعجاليه قدّام محكمة تونس طلبوا  فيها آش طلبوا  (ما نعرفش ما شفتش العريضه أمانعرف منطوق الحكم ) المهم القاضي جمّد أعمال اللجنه إلى حين إستفائها  لإجراءات تكوينها . عبد الفتاح عمر إلّي تم تكليفو من طرف الغنوشي مبعد 14 جانفي بشويه شاد في بحثو قلّك نخدمو وفق القانون ..آناهو ؟ إلي صدر في 18 فيفري بمرسوم ..إي وقتاش ها المرسوم  ديبوزاوه في الولايه : نهار 2 مارس 2011 أمّاله وقتاش يدخل حيّز النفاذ ؟ مبعد 24 ساعه المعروف إلّي القاضي الإستعجالي وقت حجز القضيّه للتأمّل المرسوم ما كانش نافذ وسي عبد الفتاح عمر  يعرف إلّي المرسوم ما يكونش نافذ من تاريخ إمضائو من طرف رئيس الجمهوريّه المؤقّت وإنّما من تاريخ نشروا بالرايد الرسمي والقاضي إلّي كيف يحكم راهو يحكم قبل نهار 5 مارس إلّي تعدّى باش يلقاو أطراف التداعي حكمهم في الكتابه نهارتها .إي الحكايه شنوّه ؟ يحكمو فينا الكوبايات وما في بالناش ! وين قعد المرسوم من نهار 18 فيفري لنهار 2 مارس 2011 . ومبعّد يرَكبو زوز جوانح ويقلّك القاضي ما في بالوش ! إي كيف يبدا عامل رونفوا على الرئيس الموقّت وحكومتو وتواريخهم الزئبقيّه وقتها نحكيو ! أهّوكه بالأماره المرسوم إلّي ينظم لجنة الفساد ما دخل حيّز النفاذ كان نهار 3 مارس موش 18 فيفري .. باهي القضاء التونسي ملّي هرب رئيس حزب التجمّع اللاديموقراطي (إلّي معظم أعضائو ملبروطاغونيست متاع الفساد المؤسّساتي والمالي والقانوني وو) وهومه داخلين في القضاء فرندسي كلّي الزّين إلّي فلوس البنك المركزي تمشيلو لقصرو رزم رزم كان في حاجه للقضاء باش يسرق ولّا أملاك الدوله والصفقات العموميّه كانت تحت إشراف القضاء موش وزارة الماليه و أملاك الدوله و حتى العدل (على خاطر القاضي ما يسيّرش لوزاره )حتى إنّو الضابطه العدليّه المتمثله في البوليسيه كيف ما تعاين الجرايم وتخدم في التيران ماتجيش تعلم النيابه العموميه وتقلها هاني باش نلفّق ..ولّي أدهى و أمر إنّو برشه قوانين جايره خرجت من مجلس النوّاب كان من المفروض على القاضي تطبيقها ولّا يولّي مرتكب لجريمة إنكار العداله .ناخذو مثال مجلّة التأمين تشكّاو شركات التأمين إنّو القضاء إلّي كانت عندو سلطة تقديريه في التعويض عن الأضرار البدنيه والمعنويّه بمناسبة حوادث المرور يشحط فيهم  (أصلا شركات التأمين لاباس عليهم أمّا إلّي وراهم ما يرضاو كان بالرّبح أضعاف مضاعفة ) خرج مجلس النوّاب بقانون مضروب بالسفّوت نحّى بيه سلطة القاضي التقديريه وهان بنادم في ها البلاد بحيث إذا مات عبد كان القضاء يعطي الكل واحد من والديه  10 ملاين و المرتو 15 على الأقل  وأخوتو من 5 للسبعه وولادو كيف كيف عن ضررهم المعنوي توّه القانون إستثنى الأخوه مالتعويض وشدو عندكم الوالدين ما ياخذو كان مرتين السميغ السنوي معنتها في حدود 6 ملاين ..بغاف القاضي  يطبّق قوانين موجوده وكيف يحكم في أي ملف يكون حسب آش فيه ، وما يسمّى بالعايله المالكه ما كانوش يوصلولو أصلا إلّا في بعض الحالات القليلة إلي يمكن يكونو حاولو فيها التنكيل بغريم ..أمّاله علاش السلطه التنفيذيّه  تعمل في لجان تحقيق في جرائم إستيلاء على أموال عموميّه المورطين فيها الكثير من وزراء النّظام وحكومة عهد التغيير وعلاش تعطي لجنه أفرادها ما عندهمش خبره في إجراء الأعمال الإستقرائيه وقتلّي مائات قضاة التحقيق المهنيين و المستقلّين ولّي ما عندهم حتى إنتماء حزبي موجودين وهومه برك إلّي قادرين على كشف الحقايق والسرعه في الإنجاز باعتبار الآجال إلّي جات في مجلّة الإجراءات الجزائيه ..حسب رايي خايفين من مهنيّة القضاة على خاطر يعرفوه إذا ثنى الرّكبة باش يجيبها عاري ولابس ..
نذّكّر وقت إلّي سأل المحامي فوزي بن مراد زميلو إلّي إسمو عماد بلخامسه قلّو بانا صيفة دخلتو للقصر في سيدي الظريف قلّو بقانون الطوارىء وشاورنا رئيس الجمهوريّه المؤقّت (أصلا علاش من آلاف المحامين في تونس يسميو بلخامسه وشنيّه المعايير إلّ إعتمدها عبد لفتاح عمر ، جهابذة المحاماة بلخامسه مهواش منهم ) ! تمكميك ! ..المحكمة الإداريه إلّي عندها  راي إستشاري مانعت المرسوم المتعلّق بلجنة الفسّاد ومع ذلك صدْروه .. إلّي قعد ، حرب ضروس لا بدّ أن تخوضها الأقلّيّة الشريفه في البلاد للفوز بمقاعد المجلس التّأسيسي وقطع الطريق على الأغلبيّة المغالطه إلّي تحب تغش في عمليّة البناء وتفسّد أعلينا الفرحه باش يحافظو على الإنفلات من المحاسبه ثمّ حل اللجان الثلاث وإعادة البناء على ساس صحيح . سؤال بريء : على ناهو أساس عينو عبد الفتاح عمر إلّي كان ممثل الدولة التونسية لحقوق الإنسان في منظمة الأمم المتحدة ؟ وهاو كلام الأستاذ الأجهوري المحامي بهذا الخصوص نقلا عن جريدة الصريح " من هذه الوقائع أن رئيس لجنة مكافحة الفساد حاليا "عبد الفتاح عمر" نظم ندوة كبرى يوم 14 نوفمبر 1987 يضفي فيها الشرعية الدستورية على انقلاب بن علي؟




_ هذه واقعة ثابتة مدونة في الصحف التونسية في تلك اللحظة التاريخية ولا أعرف كيف يمكن إضفاء شرعية دستورية على انقلاب على الدستور من طرف من  رجل قانون وتحت غطاءجمعية القانون الدستوري؟؟ وعموما فقد تغيرت اللهجة اليوم وصار الكل يقول إن ما حدث في 7 نوفمبر 1987 كان انقلابا... 




_ ولكن الجنرال المخلوع احترم الدستور واستلم الحكم وفق فصل دستوري يسمح للوزير الأول بذلك؟




_ وقع تبرير ذلك، بشيء من التلاعب والإخراج ولكن ما حصل لم يكن محل إجماع السياسيين لأن ما حدث كان انقلابا أعطي له غطاء دستوري... 




_ لماذا لم يتكلم المعارضون في تلك الفترة؟




_ في اعتقادي محاولة وضع حد للأزمة في تونس في تلك الفترة بررت هذا التغاضي عن طريقة  الاستيلاء على السلطة...


_ على عبد الفتاح عمر أن يعتذر للشعب التونسي..."
وأيضا " تحدثت عن عبد الفتاح عمر وكأنك تناسيت أنه كان مقرر اللجنة التي ترأسها محمد مواعدة مطلع التسعينات للتحقيق في ما قد يكون تعرض له الطلبة من تجاوزات من طرف البوليس ، أي أن الرجل شخصية مستقلة؟




_ نعم... ولمعت صورة النظام، "فيك الخصام وأنت الخصم والحكم"... عبد الفتاح عمر وغيره كانوا يمارسون في تلك الفترة دور الإرشاء السياسي لبن علي، انتظارا لمكافأة في شكل وزارة مثلا...


نحن نتحدث عن الرشوة بصفتها رشوة مالية ولكن هؤلاء كانوا يمارسون الإرشاء السياسي بتقديم خدمات مجانية في انتظار مكافأتهم وهو فعله "محمد مواعدة"ّ و"عبد الفتاح عمر"...


أما إستنتاجاتكم فتلزمكم لوحدكم ....




_ كوفىء "عبد الفتاح عمر" بعد سقوط النظام بتعيينه رئيسا للجنة مكافحة الفساد؟




_ وكوفىء قبل ذلك عندما عينه "بن علي" ممثل الدولة التونسية لحقوق الإنسان في منظمة الأمم المتحدة، معبرا عن صوت الرئيس السابق أيام القمع واضطهاد الحريات...  




_ اليوم وهذا الرجل على رأس لجنة مكافحة الفساد، عن أي صوت سيعبر في تقديرك الخاص؟




_ المفروض أن رجلا مثله متورط مع بن علي بهذه الكيفية وكان يدافع عن انتهاك الحريات وحقوق الإنسان،  عليه أن يعتذر للشعب التونسي، فمن غير المقبول أن يكون رجل نظام قمعي ثم يأتي ليصفي تركته السيئة... " 
يوفى الحديث سلام 

تجمّع ..الشعب راهو فاق

والله كارو هاك المثل متاع إن لم تستحي فافعل ما شئت نبدلوه في تونس ونردّوه إذا كنت رقعة فاقلب الفيسته و سنكشف تاريخك مهما تلوّنت ..ذكّرني الغنّوشي في مهرجانو الخطابي الأخير وهاك الكو دو تياتر متاع الأغلبيّه الصّامته إلّي سارقها من كاين وطني كيف شارل ديغول بالمثل لولاني ..وقفو الضرب ، إي آنا مازّلت غادي في هاك التثمين المرير متاع هاك الراجل إلّي خرج ينعى في قتالو البطولي لبقاء الدوله والإعلام إلّي ما أنصفش حكومتو الوقتيّه و إنجازاتها ـ ما كفاهوش هاك التخميره البوسعاديّه متاع القنوات الثلاثه والتركيز المبالغ فيه على المطالب الفئويّه المستثاره من جهات معروفه والتشحين ضد القضاء للفت النظر عن أهم مصادر إنخرام الدوله والممثّل في مجلس النوّاب إلّي طيلة خمسه عقود خرّج قوانين مجحفة في حق المواطن والحقوق العامه وكرّس غلبة المصالح الخاصّه والفئويّه ـ عاد سي الحنين إلّي فجعة إنتبه لضرورة رجوع البلاد للهدوء باش تاقف البلاد إقتصاديّا من جرّاء القلّة إلّي قاعده تكرّس في مطالب فئويّه ـ حل مجلسي النوّاب و المستشارين إلغاء العمل بالدستور و انتخاب مجلس تأسيسي يعهد له إقرار النظام السياسي لتونس الحرّه وبيانسور التحضير لانتخابات تشريعيّه ورئاسيّه ـ للّي مهواش متبّع الغنّوشي إلي تعامل مع النظام القديم بالأساس في كل ما يتعلّق بثروة تونس لمدّة تفوق أكثر من 15 سنه ومدهالهم هناني بناني بدون أن يرفّ له جفن ، إعتمد على تهييج المطالب الفئويه وقعد يخدم على مرور العاصفه باش يحضّر لانتخابات رئاسيّه مبعّد ترقيع المجلّه الإنتخايّه ودستور 59 وهذاكه باش يحافضو على إستمرار نفس الطبقة السّياسيه في حكم تونس وهّاكه يضمنو زاده على الإبقاء على مصالح نفس الفئه المتنفّذه في البلاد إجتماعيّا من أصحاب رؤوس الأموال الكبيره في تونس .عاد رجال تونس إلّي حسب رايو عندهم آجندا وقفولو جدار صد .. من عندي ـ برّاو يجعلها خضره قدامكم ووراكم يا أحرار مجلس حماية الثوره الكل ونخص النقابيين الأحرار إلّي عملو تعبئه لإعتصام القصبه 2 ـ 
غنّوشي ! خرجولك هاك الأغلبيه الوا.. ! هاك عاونتنا باش نفهمو بفضل هاك الدّعوه البينكاويّه (نسبة للبنكي الفار من كرتون بنكي وبراين ) إلّي يلزمنا نردّو بالنا مليح من جيوب الردّه وفلول التجمّع إلّي وحده منّاس كنت نعتقد إنهم مغلوب على أمرهم وتربّاو من الطمع إمبعّد ما شافو السارق الأكبر و أعداء الشعب كيفاش كانت نهايتهم . طلعو رقع ومزّالو زايدين على قدّام ، عاد في إنتظار إنو تترفع من المحامين الشرفاء قضايا عدليّه ضدّك إنت زاده على معنى أحكام الفصل 95 ولّي بعدو من المجلّه الجزائيه وضد فريعه والقيادات الأمنيّة وكل من سيكشف عنه البحث من أجل جرائم قتل المدنيين ..نداء غيغوز للمدونين الأحرار بالكشف على مناضلي التجمّع ما بعد 14 جانفي 2011 لا بد من التشهير بيهم وكشفهم في المنابر الكل ومحاصرتهم حومه ،حومه ،نهج ،نهج ،زنقة ،زنقة جحر ،جحر ،دار دار ..(حقوق التأليف محفوظه للمدمّر القذّافي ، لا تباركلو ) يحيا الشعب ! يحيا مجلس حماية الثوره ! المجد لمعتصمي القصبه الثوّار .. غنّوشي الشعب راهو فاق !