القضاء التونسي في خدمة الوطن : إبداع إسمه حكم ..

اللادينيين في تونس قلال معروف ومايشبهلهم في قباحتهم كان هلكاين :

إلي  ينجم يكون بتأثيرات والت ديزناي كاين مهضوم ومحبوب كيف هكة :

أما ملاحدة تونس فهم الراكاي بدون منازع أو ما  يسمى بقاع الحضيض لأنهم وزيادة على الندابة الزرقة في أنهم موش مومنين ( وهذي أمورهم ) زادو على ملاحدة العالم السوقية و الإبتذال والبهامة :
السوقية في أنهم ما  يفكروش حتى لحظة في الإساءة لعموم الناس بالكلام البذيء و المؤذي للمشاعر يقول القايل ولو كان فيهم مروة كيف ما يطالبو باحترام حريتهم " الفكرية " فمن باب أولى ما دامهم أوفردوز إنسانية إنهم يعترفو بحق عموم التوانسة في احترام عقيدتهم لكن كيفاش هذه

يطلع منها خير
أية سيدي إسمعو هلعلم وهلأفكار السامية يلي المهاتما غاندي ينفخ شلبوق كيف يسمعها قلك :
" ما نعرفش آش كتبو الزوز مواطنين... أما مهما كان ما كتب إن لم يكن دعوة للقتل أو العنف فما هو إلا كلام ... وأي كلام ينجم يكون صحيح والا غالط...كان صحيح ما ثمة حتى مشكلة لأنو إفادة للجميع... وكانو غالط فالنقاش الحضاري والتبادل الثقافي والمقارعة بالحجج سيتكفل بتبيين الغلط "

ههههعععع لحقيقة الزوز مواطنين ما كتبوش برك وإنما عاودو نشرو كل الصور المسيئة للرسول .. بلاش خوض في قدسية الرسول صلى الله عليه وسلم إلي المولى سبحانو ربط تمام الإيمان بصدق محبتو أما هات تره هاك القوانين الإنسانية والّي سماه روسو بالعقد الإجتماعي لشنوة نظر نقولو للدولة المدنية إلي تبني على الأعراف الإجتماعية كل قوانينها الي تربط الناس ببعضهم .. حب يقول إنو الأغلبية إثنيا هي إلي تحدد القوانين العامة للدولة ويتم مراعات حقوق الأقليات في جوانب حياتية معينة كيف أحوالهم الشخصية لكن مع ظوابط الهوية الوطنية .. يعني كيف تبدا كافر أمورك ,أما موش تتعلط على مقدسات الآخر وتقول شبيهم عطاوني راس وإلا ايحبو يعفسوني تحت ساقيهم ..
وشكون يحدد المقدس في دولة مدنية ! ملا سؤال تاع شلاكة كملوط .. بيانسور الأعراف الأخلاقية سواءا منها الدينية وإلا المجتمعية!
 وفي هلحالة ، واحد كافر خارج مطرح شمدخلو في المقدس  .. يتلهى بروحو ، ياخي ربطوه في عمود وصلبوه خاطر كافر قايم يحكي على النبي وزيد آش  " من أفكار صحيحة تقنع وإلا غالطة يتحكى فيها " يا كاين هزوز مجرمة تعمدو الإساءة للي ربي أمر المؤمنين أن يخفضوا أصواتهم في  حضرته ودعاهم لدفع الصدقة قبل أن يستأذنوا للقائه ..
ياخي سبان الرسول أفكار ...
السافوار فيفغ إلي يحتم علإنسان باش ما يعملش ما يثير حفيظة الناس وإلا الغراطويتي متاع الميشونستي وإلا الكفر عمى قلوبكم فولى إذاء العامة ساهل .. 
أكيد إنو الكفر يطيح العبد في السوقية لأنو مكارم الأخلاق عندها ناسها وفي الوقت الحالي إلي تعاني فيه بلادنا من نعرات سياسية ضيقة أفضت إلى التشحين الإيديولوجي عن طريق الإعلام مما أدى إلى إستهداف المصلين وهم في المساجد وحتى إلى طعن ومحاولة قتلهم ..آنا نعتبر من هذا المنظور إنو الحكم إلي صدر على محكمة المهدية آن شي دوفغ ..
 لأنو بالنسبة لي الطعن في رسول الله يقتضي الإعدام لكن  الله غالب هذيكة شنجمو ننتظرو من قانون لا يحمي مقدسات 90 بالمائة من التوانسة ومليار ونصف مسلم !
متأكدة زادة إنو سيتم تخفيف الحكم إستئنافيا ونحذر القضاة إنهم يستهانو بمحاولات المساس بأمن الوطن عبر إثارة مختلف الحساسيات الدينية لأنو عنا توانسة الله ورسولو أعز عندهم من أنفسهم !
وكيف ما تم إستقطاب بياعة الشراب باش يعتديو على الملتحين فمن الثابت إنو فما محاولة لجر فئة من التوانسة لرد الفعل على الإساءة للدين .
ساعات نخمم هاك الآطي كيف يدخل على أمو تصلي يا ندرى يعمللها محاضرة في الكفر وإلا يدزها من فوق السجادة ويقوللها أعمل عقلك ..
 شنية الفكر القوي في سبان الرسول ياخي فمة طقوس إلحادية واحنا ما في بالناش ! 

الرسول أحب لقلبي ملعلم ومن تونس ومن بابا ومن أمي إلي جابتني وهل أحببناهم إلا باتباع رسالته بأبي هو وأمي . 
في لخر دينا يقول " من شاء فليؤمن ومن شاء فليكفر " يعني يا مخلوقات هذيكة حرية عطاها المولى وكل واحد يتحمل مسؤوليتو أما إهانة غالبية الشعب باسم حرية التعبير فهذا إسمو سوقية ونفاق ..
آنا ممشيتش لكنيسية وغطيت الصليب بصاشي وغالبية توانسة كيفي قابلت في حياتي برشة ملاحدة ومعظمهم بروفات وكيف نقابلهم نعيط موسيو إحتراما ولو آنا بيدي وليت عزوزة .. أما أصلا حسن المعاملة واجب ديني وسيدي النبي أمرني شنخالط الناس بخلق حسن . إلي عملوه الزوز ولاد خطير وجريمة تمس من السلم الأهلي والحكم كان فيه من الوجاهة وحسن تطبيق القانون ما نتمنى إنو ينسج على منوالو قضاة المحكمة الإبتدائية في تونس في قضية  ولد بوه الحنين القروي .. ولي موش عاجبو كلامي يدعي لربي و يزرد للولية يرجعو هاذم يحكمو تونس ..

وللساقطة فكريا في جراب الغباء .. الشعب التونسي عندو تقاليد في شرب النبيذ والبيرة ؟ اللهم من أمثالكم وقتلي سليلة عايلة جابت التونس أجل علماها تبلعو غنوط وتسوق كرهبتها وتقتل بو عيلة في الخمسين خلينالكم الحداثة .. يا بنت أبو نواس غالبية الشعب يراو الشراب حرام وعيب . يزي إلتزمو بالقانون واعملو في روا حكم شتحبو وسيبونا للي تسميوه جهل !