آكهو سي فيني قررت باش نتوب على التنبير ونرجع الحجمي الطبيعي .. يزي ملإنفلات الثوري ، الإنفلات ما عندوش مبرر .. تونس يا تونس مبرك ترابك يا حنينة ماكش طافيرن تاع علي بابا حتى طرف .. ينجيك مالمقاولين والسماسرة يا غالية ..مهمشوها بالنفاق الرياضة الشعبية الأولى قبل كورة القدم بعد 14 جانفي ..
قلك الإحتفال بيوم العمال :') أوووف وعمناول ما تعداش 1 ماي .. آااه لا عاد آش جاب حكومة السبسي لحكومة الترويكا .. هاك علاش نتصور إلي غدوة باش يكون اليوم الوطني للنفاق .. موش في السياق هذا
أما أكيد ما دام لومور مربوطة بالصفقة العمومية لإدارة مغارة علي بابا وفي رواية أخرى تونس نجمو نستعملو كل المناسبات بما فيها عيد الشجرة على راي صاحبة مقربة إلي غايضني موش هركوب على
العمال إلى كتافهم طايحين من الإسترقاق المقنع
إلي قاهرني ( أبار صوابعي من تقشير السلاطة
المشوية ) إنو مهواش شتتعمل أولمبياد للمنافق الأعظم ..
توة بالله هلإتحاد بتاريخو الأظلم ( حاشى حشاد ) ما نفع العمال في شيء إلى يجيبلي منكم ممثل وحيد للإتحاد العام التونسي للشغل يحضر في مجالس العرف يجيبهولي ننفخلو شلبوق .. مجالس العرف يا شعب هي إلي تنظر في الدعاوى تاع العمال ضد أعرافهم .. لليوم العامل يطردو عرفو يروح للمنزل فرحا مسرورا يمشي يشكي للتفقدية يعديولو قضيتو ، القانون يقول إلي يلزمو يثبت الطرد (هذه من قوة مجلس الدواب لقديم إلي ما يحطش قرينة لفايدة العامل في أنو طون كو مقمل وما عندوش منين يعيش راهو ما يفلتش خدمتو وعلى العرف إثبات العكس ) يجي العامل يتبهذل بعد عرفو ينكر الطرد ويدعي إنو بطل وحدو شفتو ماو قداش الإتحاد يأطر في العمال ويحمي فيهم قاتلين رواحهم .. بالكشي بنات لمعامل وخدامات الديار تعذبوا بالمستحيل حياتهم معبيه هناء بالمشطة .. آه البناية .... الله يهلك أصحاب الشر ر.. يا معلم حتى قانون المنافسة والأسعار خذا في عمال تونس باي : مقاول كبير يعمل روحو في صعوبة إقتصادية يطرد الخدامة مبعد ما كلا صحتهم و عمارهم يتحكم عليه بالتعويض يدخل روحو في تسوية تتنحالو فوايض القروض البنكية وحتى مستحقات العملة .. وبرة إشكي بيه ! وينو الإتحاد وقت مجلس الدواب مالتجمعيين يسن في قوانين جايرة ضد العامل وينو شنية قاعد يعمل توة أكثر من عام ؟ عمل ليستة في القوانين الجايرة إلي مزالت سارية ؟ وشد محن المجلس التأسيسي باش يريفورميها ..
عمل خلية أزمات لتأطير العمال في الظرف الصعيب باش ما يضيعش شقا السنين بالعكس ضربة ضربتين وهو مهيجهم ومخسرهم في المؤسسة جملة ..
دوماج تمنيت إنو غدوة هاك الراكبين على صفحة شقاء العامل يولي النفاق في قلوبهم ديارّي يجريلهم كروشهم خلي يولي عنا عيدين : عيد العامل والخرا النخبوي . تبا
يلعن بو فرانسا على ليبارتيزون تاعها في تونس
No comments:
Post a Comment