عربدة الغوغاء : إرهاصات تجمعية

هز القفة ..
 مد يدو لجيبو إتطمن على السوارد .. حب يعيط لمرتو ما نجمش صوتو مشى : يحيا بورقيبة ! يحيا بورقيبة !

يحب يفسخ تبسيمة الذل من وجهو ما نجمش .. خلاها وحل باب الدار وخرج للشارع .. حط عينيه على اللاترال .. وقتاش يتلنصى ويخرج من هلحومة المقودة .. يلزم يسكن في مخ رييس الشعبة كيف البرد ياخي "**** " خير منو هام يسيبو في الأراضي الفلاحية في كرش الغابة شكنز .. غفلق قلبو مضيق ..


إخختفو .. ما خممهاش وين تمشي شعرة ولا جات في
 ساق سروال جارو ! هلكلب .. متعدي ملفت وجهو ..كليتلك من قصعت بوك يا ***** يطوال ليلها وتعلف
دخل للمرشي وقف عند الخضار .. خمسة سنين أخرين يا منور تجيك القضية للدار .. الولد يوزن تلفت على جنابو أووف موش مراة حمادي الخوانجي .. آبي واقفة على الجزار ! هاو دوسي يزغرد جايك يا منزه جايك !

حل الكلبان تاعو ،
إجتماع لمناقشة الإستعدادات للسابع من نوفمبر .. إفففف هاك المقص رئيس لجنة التنسيق باش يشكب عليه كيف العادة .. يا من يعملو ثنية لنانا .
شد قرا الرابور : الماجورات .. صور عملاقة ( توة يكبس مولى المطبعة ) إشهارات مناشدة وفرك يديه . ينجم يعمل روسات بخمسة باكوات .. جمعة ما دخلش للخدمة .. ضرب التليفون آه مدير المدرسة .. إينعم سيدي والله ماني لاقي النفس تعرف هنهارين تعبئة عامة للمؤتمر ومخنوق .. إي يبارك فيك خلي الزميل يكمل علي الجمعة الداخلة .. وي كل عام وإنت بخير شتحضر عاد .. بيانسور  كان فمة حاجة نعلمك ، تي شياكلو كف كبير .. نوصوم لي ماتخ .. إي بلاصتك قريب ملمنصة .. بون جورني !
سكر الباب ورجع خذا بقعتو على الطاولة تلفت لجنابو كل نايب حال مشروع القانون يقرا فيه .. منافسة و أسعار .. بففف ذكر قانون إنقاذ المؤسسات ملا مهفات هاو الضرب الصندي .. يلزم يمشي لصحيبو المقاول ويجبدلو علي ينجم يربحو من الدخول في تسوية قضائية توة يفهمو ويخلي خيوط  اللعبة بين يديه يا والله مهفات هذا قانون مطروز بالمليماتر .. تي تونس ماي بتاعهم .. تلفت للنايب إلي جنبو شي يعمل الكيف !
سيب الإجتماع تاع الوزرة وخرج يجري يديه يرعشو .. الباسبورات للسيد الرئيس ! حب يخمم ما نجمش رجعتلو الذكريات .. آش خدم واش تعب كل شي طاح في الماء ! حتى واحد ماهز عليه التلفون زعمة الدوسيات مأمنين في بيرووه يكلم مرتو ..لا البلاد خايضة .. أول طيارة لتونس الدوسيات يمنعهم وبعد يلقى الحل .. 

حط راسو بين يديه 
وقعد يثبت في جارو قواد الحزب ، عملّو آن صولد دو تو كونت : قفة بو بلاش ، علوش بو بلاش .. خدم لولادو ، للحبيبات  .. دار عن طريق لافهاش .. صفقة عمومية أرض دولية .. فيرمة في الشمال الغربي .. بريفاتيزاسيون للمؤسسة العمومية .. بو بلاش بو بلاش بو بلاش
تونس كلها بلوشي .. كم أنت باكو أومو يا محمد الغنوشي .. 

اليوم خرجولنا من جديد مبعد ما مشكاو الكارطة ووصفو رواحهم بدعاة الإنقاذ والتجديد هكة

 تتفهم

لحكاية

إلي عندو جار آكس تجمعيست نيو دستوريست وسطيست 

تقدميست يتقدم لأول مركز يبلغ عليه ! هذاكة راو عدو الشعب , إلي خمسين سنة ما خلا ما عمل فيه ,الثورة إلي ما تمعنش الدساترة يترشحو للرئاسة ومجلس النواب الجايين صلو عليها صلاة الجنازة ونحن مرتاحين 

في لخر هذه صبة للكريمينال :