أون مود مار تيريزا : نقب تونس في تخميرة بقري التعويض ما عندوش مبرر

آنا نطلفح في البلوغسفير نقرا في لي تيتر أون دياغونال ونطيح على الراكاي رجا ندامة هاكة العاهة الفكرية إلي ناجحة بالفوسكة تحكي على المرتزقة .. لحقيقة آنا موش هوايتي نبشان الزبلة دونك ما دخلتش شفت شتحكي أما ملفراز دتاك باينة تحكي على إستحقاقات العدالة الإنتقالية علاش في الليل حطيت نتفرج في جهلبعل نلقاهم جايبين هاكة الفتى الألمعي ديلو وحطولو حذاه فشيكة بني بني من  اليساريين .. ديلو يقلو منين ليك وهو يقلو في الإعلام وسمير بالطيب .. فهمتهم يحكيو على 750 مليار .. طيشت تلكوموند وشديت ولد أختي عمرو خمسة سنين من خناقو قتلو : سمير بالطيب شنية ؟ قلي مونتور قتلو أحكي بالعربي .. قلي كذاب !  قتلو عبر بالتونسي قلي زفرات .. بالظبط كيف الرفيق حمة إلى لاعبها زوالي وعفيف وهو مدامتو سيرتو مع كلييونات ما بعد الثورة مداخيلها 
بالمشطة ..

المهم مرتزقة المجاري وبوخبزة كذبو الكذبة وطاحو يحاسبو في المظاليم عليها .. قلك لحكومة شتصب فلوس الدولة للنهضاوية وإللي هومة متنازلين عن أي تعويض لأنهم إلي عملوه لتونس وتوه لبلاد طايحة 
على ركايبها وهاك اللغة .. 


إي صحيح بابا وعندو بوه كيف تبراو من التخلف الذهني والأخلاقي إيجاو أحكيو في حاجات صعيب عليكم  شتفهموها .. لأن القانون الإنساني والمبادىء العامة للقانون الدولي تجبر الدولة على التعويض لضحايا الدكتاتورية عن الضررين المادي والمعنوي ماديا ومعنويا ولي موش عاجبو ما يكون كان رخيص وإلا جاهل مولود نهار الصولد وإلا مرتو محامية وادخل في الفلوس بالبالة دونك يضم فمو ويسكت ..

وقتلي طاحو يشعلو في النار ويوقفو في الإنتاج بالإعتصامات والإضرابات وتكتلو مع الكناطرية يهربو عندهم أكثر من عام في السلع المدعمة لليبيا تونس بوها كلب أما كيف عبد خمر في الحبس على خاطرو كان يصلي الصبح في الجامع يطلب حقو في قانون يا بوقلب يولي كاميكاز .. 
لعنة الله عليكم فرد فرد زنقة زنقة  دار دار .. الهم قداش رقع تقولو وجوهكم متسلفينهم وجوه دربوكة مزاودي يعرفو العلم ويزيدو فيه زيادة .. نعرف إلي البيعة كلها مزايدة سياسية أما سي طخو 

 

عند الحديث عن التعويض يجب على الجميع بمن فيهم ضحايا الانتهاكات ورموز السلطة الجديدة الأخذ بالحسبان أن الكثير من الانتهاكات التي حصلت في الماضي لا يمكن بالضرورة استرجاعها، وهذا يعني أن على الجميع إبداء الجاهزية للحديث عن طرق أخرى يمكن لها التعويض قدر الإمكان عن مظالم الماضي وهذا يستلزم التعويض بشقيه المادي والمعنوي. على السلطة الجديدة توفير الفرص اللازمة لتعويض الضحايا وعائلاتهم مثل برامج إعادة التأهيل لمن قضوا فترات طويلة في السجون، والمنح الدراسية ذوالرواتب الشهرية لمن فقد معيل أسرته على أيدي النظام البائد، وتوفير السكن لمن شرّد بغير وجه حق، وغيرها من التعويضات المادية كل حسب حالته.
وفي هذا المضمار فإن على السلطة الجديدة التفكير بحلول مبتكرة لتحديات صعبة خلقها النظام البائد. 
التعويض المعنوي ما يقلش أهمية عن المادي حيث يأتي بأشكال عدة من ضمنها إعادة التأهيل النفسي، والاعتذار الشفوي والمكتوب، والاعتراف بما جرى في الماضي وتوثيقه، 
وإيجاد رموز تعبر عن معاناة ضحايا النظام وعائلاتهم مثل بناء نصب تذكاري لضحايا النظام، 
وتسمية شوارع أو أماكن عامة بأسمائهم، وإقامة متحف تجمع فيه صور وأسماء الضحايا، وغير ذلك مما يمت لتلك الحقبة بصلة. 
وحتى بالتوثيق التاريخي و  إخراج أفلام تصف الحقبة الماضية وتظهر اضطهاد النظام ومعاناة 
الضحايا، وغيرها.
عاد توه لا يزي معدين خمجكم   وليتو تفتيو في  الوطنية .. تي لا عاد حدكم حد الكمية والآبرتيف ولا صحيتو يا مدام رجا بيرة يا لّي تبرتيف عندك رياضة يا هموم معادش تتغرعو علينا بذاءتكم قلّو مرتزقة مالة نتومة شنية" باغازيت " أيا تلمّو عاد 
قبل ما نكمل فمة حكاية سمعتها قلك هاك الماخور الإعلامي جريدة "المخرب " حاطة صونداج

 هاو جوابي لمولاها ولي يخدمو فيها
 الكل ما عدى 
   فنيي الطباعة


( صحابي من فضلكم ما تسمعوش )