حتى لا يغار الشيطان من باعث النقمة

هناك عبرة عبرت العبارة وظلّت في حضنها حتى صارت بينهم الوقيعة .. يحدثني التوصيف أن التداخل بين المعنى والشعور خلق لدى الكاتب حالة من الذهان والكثير من الإثارة وأنه تموقع لجهة اليسار حتى حين نفر الدمع منه ليستقر على صفحة الدنيا حيث الكتابة والفكرة العابرة ..
يُشهد الراوي الأحداث عما قيل حينها بأن كل ما نقله كان بمحض الصدفة وقد إقترب بأنامله من الصفحة  المبللة قبل أن تكفكف يد الريح ندى الكلمة كان الراوي محقا في أن يد القدر إمتدت لتزيل من صفحة يومنا مكر الأولين و تغفل آثار جهل من لحقهم وقد تركت لهم النهاية ليسطّروا ما شاءوا حتى تنطق بعد ذلك جلودهم وأيديهم ..
قال الراوي أنه أشهد من ظنهم خمسة سادسهم كلبهم ثم استطرد شارحا أنهم ستة وسابعهم كلب ثم أشهدني أنهم ثمانية مع كلبهم فاقتربت جيدا منه ووضعت يدي نحو شطر وجهه الأيمن وقلت نحو أذنه اليسرى بل الله أعلم بعدتهم هو ذاك .. تردد في سرد الخبر وقد أعياه ما رأى فيّ من علامات القوم ..
تململ الراوي حيث هو ، قال أنني عندما صعقت ببعض مشاهد برسوبوليس أو ذلك الذي إعتبرته رجسا من عمل الشيطان أنني كنت حينها أعاني من آثار نوبة ذهان بفعل ذلك العمل العاهر المسمى بالحداثة وقد خرج منادي قبل ذلك بتاريخ ، أن الحداثة لا تتأصل في هذا الجمع من الناس إلا بإبداع من الأرداف والنهود المخفية بملعقة داخل فلم تونسي للنوري بوزيد .. وكنت أردد على مسامع القاضي ولم يصرف القضية بعد للمفاوضة أنني تعرضت للإهانة والمهانة وحالة من الغربة المدبرة .. قلت وأنا التي رفضت جواز السفر لأظل حيث بني الجلدة أنه لم ينفعني رفض السير نحو سماء بوبرطلة و امتناعي عن مخالطة ثقافتهم بالتلفزة حيث شاء ولد القروي الذي لا أعرف إسمه أن أرى من ليس كمثله شيء وهو العلي يتحدث لهجة الوطن العامية وهو يدعو أحد خلقه لتتذوق شهوة المتعة الحرة حيث لم يحن وقت رحيلها ..
لا يحتاج الرب لإثبات قدسيته لي أو الراوي ولكني أتمسك بحقي بأن تخلعوا عنكم جبة عدالة الفقراء وقد ضقنا ضرعا بها و بتمطيطكم لآجال المحاسبة وإلا كان ولد الشيطان هذا قد عرف مزايا الراغو بسجن الناظور وأما وقد جنّحتم كل جرائمه وتغاضيتم عن تآمره على أمننا الوطني الداخلي واعتبرتم فتحه لقناة يأتي فيها بمن يشكك في قدسية القرآن ويقارنه بأعمال شكسبير وانتهيتم إلى أن بث قناته للبرسوبوليس الممول دبلجته أجنبيا ليس سوى إعتداءا على الأخلاق الحميدة في ظرف إستثنائي فانتبه أيها القاضي أن تخطىء في توفر الركن القصدي للجريمة فهذا الرجل تلقى تنبيها من سفارة إيران للإمتناع عن بث الفلم ولكنه فعل ثم إنه إعترف بأنه كان يشاهده لحظة بثه وهو مايدل على علمه ببرمجة البث كما أقر في تصريح لأخبار الثامنة أن الفلم خادش للحياء وفيه مس للدين والعقيدة وأعلن وأنقل عنه .. تقلقت آنا وبنتي و طلبتني أمي وحماتي وتقلقنا الكل  .. 
أما إذا دمغوك أيها القاضي بحرية التعبير والكلمة وكنت معرضا عن ذلك واستغفرت لذنبك فأجبهم بأن الحرية للكلمة لا للعهر واعلم أن ملايين ممن هم داخل الوطن ضحايا الإعتداء السافر الممنهج على عقيدتهم من الباعث وقاناته المحرضة على الفجور وعلى أمننا الوطني وقد كان  قبل هذا قد كشف على ملتّه وأنه إبن سفاح للمخلوع فإن كنتم ترسلون من يقول السّباب للسجن مدة أربعة أشهر وقد صغر الطالب والمطلوب فماذا وقد كان المستهدف بذلك رب العزة ولا يجرمنّك شنآن قومك أن تحكم بالعدل فتبعث إبن القروي للحبس ليتعلم التربية .. وتغلق القناة المتآمرة على الوطن لا لتشفي قلوب قوم مؤمنين ولكن لتحمي وطنا إسمه تونس لأنّ من يفلت من العقاب يعيد الكرّة وقد يشجعه ذلك على أن يحرق جيلا قادما فانظر ماذا تفعل ستجدنا بين يدي الله من الشاهدين وأنت تسأل عن أكثر من شق تمرة .. ولعلّي والراوي .. الذي أعلمك أنه شرق بالبكاء ، ندعوا ربنا أن يميتنا مائة عام فنرى إن كنت أيها القاضي قد وضعت لبنة الحق أم غير ذلك و ليقل الراوي ما يشاء عنك بعد ذلك

وعنّي

نظرت لصفحة تشددي .. و آلفت انصرافه لأناي يطبق علي بذراع قوية لا تتركني إلا لتعود إلي ، يدهشني الثبات على نوازعي الصبيانية جدا في التصميم على ذات الأفكار لزمن طويل .. نحو ثلاث عقود من التمييز بذات التصميم قد لا يفهم من غيّر تفاصيل حياته لأكثر من مرة ولبس وجها تلو آخر كيف يحافظ أحدهم على دقائق الأفكار والعقيدة .. يربكني الأمر وأحيانا أتمثل نظريات التطوّر الممكنة للأنا وأجدني في حضرة شعور مبهم بالرضا وقد توقف بي في عمر السابعة عشر .. 
لعل عدم التورط في أذى الآخر كان أيقونة التوازن في تفهم الإختلاف والإنصراف عنه وعن الإقناع .. لا تكون الملاسنة ممكنة ولا ممتعة إلا مع أفراد قبيلة عائلتي أفاوض راحة البال عندهم ببعض التعسف في مناقشة تفاصيلهم وليس الأمر مكلفا فاللهفة والحب يجمعان شمائلنا في التشبث في البقاء سوية وكأنها بداية الرحلة ..
يا ظل الصبر الصدىء .. إنتبه لرعونتي ولكل الشغف المرفوع على راحة يدي فهذه أنا أضع على الدنيا موضع قدم وأدوس الممكن منها لا أهتم .. أتباحث مع قهوتي ، هل أترشفها مرة واحدة أو على جرعات حتى فيها تتملكني العادة فأصرفها سريعا .. أخرج للمدينة لأخالط البشر ، أجالس الدنيا أفاصلها أوجاع الوطن من بنات آوى وأقول طالما ظل الإقليم لا تهتمي لوطني سنمضي جميعا ويظل بعدنا ..
يا أيها السأم ترجع إلى الممكن وتظل تختزل طريق العودة لتضطجع على مسافة من البارحة تصرف فكرة وتستحذر وجها و تقلب تجاويف التفاصيل المتنافرة .. تجتمع بالغرباء وتنادم الملهاة وتظن كدأبك أنك على حق .. إذ تجزم حبا للبلاد التي طالما ألبستها بنات آوى غير وجهها أنك إذا قضيت فستظل على دأب الحب ..
الليلة سأقتل نفسي .. أصرفها عن الإهتمام بك و بتفاصيل التواطىء عليك .. سأقتلع عيني قبل ذلك  حتى أصرفهما عن تعقب تحرك بنات آوى ولعلي أتمكن من إقتلاع قلبي لأشهد لحظة واحدة خالية من الهموم وأدوس شغفي نحوك يا أيها الوطن المسكين بأهله كم تناسبك قصائد مظفر النواب .. وأشنق ذاكرتي فأنسى تماثل الأنا بالبارحة وهذه آخر خاطرة مشفرة لظني فغدا لن يكون لي فوقك أهلية الوجوب ..

إكسبلوزيف عمل رونفوا على غيغوز

فمة مرضى في تونس ربي يرتحنا منهم .. يستخايلونا مرضى زهايمر وإلا شادين علينا السماء لا الطيح دونك داخلين علبلاد بماصة يحبوا يحطموها باش يبينوا إلى لحكومة  فاشلة وقتلي هي خذات تركة ثقيلة ملفساد الإداري والمالي والإجتماعي وأساسا السلطوي .. بلاد بلاش سمعة إلي حطموها واعوانهم معروفين لتوانسه الكل  وليوم ولاو خايفين على تونس وعلى مستقبلها ..
فساد حتى الرابطة تاع حقوق الإنسان مساهمة فيه وقاعدين يحيروا في التوانسه بإعلام العار البنفسجي إلى قاعدين من خلالوا يمنهجوا في الإنقلاب على عملية التطهير الشاملة إلى باشرتها أول حكومة شرعيه في التاريخ المعاصر لتونسنا البيه  . . فمه حاجة فاتتهم إنو الشعب طلع يغزستي وكيفما حط تحت كرعيه 60 عام من دولة الفساد ناوي بإذن الله يعفسهم ويردسهم تحت ساقيه ومبعد سحب أخر محاولاتهم الإنقلابية على إرادتو بموجب نظام البقايا الإنتخابي من  الأسواق التونسيه باش يمسح بيهم القاعة ويخليهم يفليو ..
صحيح إنهم تربحوا في هلعام ملإحتكار إلى أساسو قانون منافسه وأسعار كان عاملهولهم المخلوع ومجلس الدواب شيستغولو الشعب والوطن وعلى خاطر التبسي خدمهم خصوصي بنيابات بلديه متصهينة ما حررت حتى محضر جنحة في حقهم في غلاء الأسعار وقتلي الحاكم مسعر حارة العضم ب 480 مليم وهم يبيعوا فيها ب 700 وهذاية إسمو تواطىء على خاطر من مصايب بلادنا إنو عنا تشريع فاسد ولي تصوروا يشرعن للإحتكار مثال شركة المزرعة هي المحرار لأسعار الدجاج ومشتقاتو ولي ماخذة براسك المونوبول تاع التوزيع دونك إفهمو وقتلي في أشهرة تاع حكم بني غلمان وفلول النظام السابق يجلدو التونسي في القفة وناسين إلي كعبة الصبر عندو تعض.. وهذا علاش باش نوقفو ميزاب الفلوس إلى ماشي لولاد الحرام إلي إستغولو .. إنو الداخلية  تعمل رافل على مصالح المراقبة البلدية وتسعى إنو تحط عليهم أكفأ وأنظف الأعوان الإداريين باش يتحكم في البارزيط إلي يخدموا معاه وقاعدين راقدين في بيروواتهم وما همش يخدموا بسابقية إضمار وأساسا إنو وزير الداخليه يعمل إجتماع بالكتاب العامين للبلديات ويحطهم قدام مسؤوليتهم الإداريه بحكم إنهم موظفين عموميين ويشدد على إنو الأولويه لازم تكون لمقاومة الإحتكار على خاطرو أهم خطر قاعد يهدد في السلم الإجتماعي وسلاح يستعملو فيه القطعيه شيحطمو حلمنا بلحريه وسيرتو إنو المراقبة تشمل كل مسالك التوزيع موش الدطايون ..
الخدمة لخرى إلى يلزم تكون مهمة هي فك الإعتصامات إلى قاعدة توقف في الإنتاج جملة .. هوكة طبقوا المجلة الجزائية واعطيوا للأعوان الأولويات إلي يخدمو بيها في العام إلي تعدى الداخليه بيان سور وعلى أساس الأوامر عملت حملة بشهرة على إلي يتعطاو في الزطلة .. لا يا سيدي ما نيش من دعات حرية التعاطي , أما كيف يبداو الأمنيين مبيلين بستلاف ملف أمني منها الأحداث الخطيره متاع تشحين السلم الأهلي وتأليب الناس على بعضهم كيف إلى صار في المتلوي .. وتلقى بلبروفة كل الفرق إطلع في الشباب للباغة وأطوماتيكمون يتعدى على التحليل ومن بعد عام حبس على نسبة منخفضه من الإستهلاك تبين إلى المتهم مدك جرّب جونطه .. معنتها بإضمار ، الأولويات إلي تحطت ما كانش من جملتها حفظ السلم الأهلي والإجتماعي والأساس إنو لي بارازيط إلي يخلصوهم ولاد الحرام باش يستغلو كونهم ولاد حومة ويدورو بلغافلين يعتصمو ويوقفو مصلحة ستلاف عيلة هدفهم يغرقو السفينة .. هذاكة علاش يلزم يطبق القانون كل من يقطع الطريق ولا يمنع العمل ياخويا شدوه خلي في الحبس يصرفو عليه لفلوس قفة .. و بالله حطولنا كاميراوات باش تعملو فيزيوناج وتثبتو الجرايم ياخي مؤسسات عمومية قيمتها مليارات ولات كيف التكيه ما نخسروش عليهم كاميرات مراقبة تعاونكم في ظبط المجرمة وإثبات الجريمة وعلى الأقل إنو يتم عرض الإثبات في البنفسجيه باش ما يقولوش النهضة تمرمد في الشعب ..
وبالله ما ذابيه فرقة التدخل في المضاهرات تاع بنو غلمان إلي بداوها بديغاج لسيادهم وقاعدين يرتكبو خلالها في جنح الإعتداء على الموظفين العموميين أثناء قيامهم بوظيفهم تصوروا كيف كيف كل شي باش ما يوليولناش كيف ليهودي المتاخذ يخالفو في القانون ويخرجو كيف الفاع يسجلو بونطو بالغدره ويرجعو لجحورهم ..
باهي وبالنسبة لوزارة التعليم العالي يلزمها تعمل كستيونار للكزدغلي بانا حق جرد عميد يوقف الدروس في كليه في غياب أي تهديد أمني يهدد الطلبة ولا الأساتذة .. مؤسسة علمية عمومية إطارها الإداري والتعليمي تخلص فيه الدوله شحم زيونيست ( مانيش شنسحبها الكلمة ) يوقف نشاطها سخص تسمئز منو الإنسانية على حساب هكة نسكرو صراوتها بلاد كاملة على خاطرها كونطاميني بأمثالو .. هلكاين إلى ملقيتلوش كاليفيكاسيون هو ولمجلس العلمي يستخايلو الفاك تركة بوهم كلى الفاك ما تمشي فيها الدروس كان من قاعة العمليات إلى في بيروه .. أول حاجة يا وزير التعليم العالي هرّكاي الجهال إلى مخليهم وخلاو جامعات تونس في مرتبة أكاديميه مبعد موريطانيا يخمموا بساقيهم لأنو الحق في التعليم حق مطلق ما يجيش قرار مجلس علمي ما عندو حتى فورس بروبونت يجي ويحجمو كيف يقوم هولاكو من قبرو ويجيب  شهادة تخولو يدخل يقرا ويعدي الإمتحان ما عندوش الحق يقلو لا على خاطر أبري تو الحق في التعليم مطلق أما إنو هلكاين يتخمر على القانون وعلى واقع البلاد لخلفياتو السياسية المعروفة هاو وين تكون هيبة الدولة عيّطلو لبيروك وحطلو في يدو مفتاح ذكر دورو سبعه مرات و مبعد كبّر في وذنو ليسار سبعة مرات كيف يسيبو شيطانو شويه وقتها قلو إلي هو عمل العار للعلم في لحقيقة غيغوز ولات متأكدة إنو الفوسكة سلاح فتاك في الدولة ما وصلت كان الجهلوت وهذاكة علاش يا سيدي الوزير نطالبوك تعفيه من مهامو وتجيب كفاءة تونسيه تقدس الحق في التعليم وتقدر الحق في الإختلاف بلعربي كل واحد يلبس على زي راسو ماناش خير من كمبريدج إلي قاعدة تخرج في  دمادم تاع العالم .. وزيد الله غالب ماكش شتقرا  هالتدوينة يا وزير ما كانش إلا ما  نطلب منك فافور تقلو علساني يا مقمل يلي فيلمويك محروق .. 
هنهرين وانا حاطه راديو اللاوطنية الإذاعيه نسمع في المذيعة تحكي على ينتقدو في الإعلام وشدو عندكم البرنامج جايبه فيه سليل الحرية زياد كريشان لن تمروا قلّك للدكتاتوريين الجدد والتحرك العاجل في برنامج بساعتين باينلي  ( آنا سمعت منو دقيقتين ) على خاطر تصريح خطير لرئيس كتلة النهضة لسحافية قتلو آنا من  جريدة كذا قلها أعوذ بالله .. الزح ( كلمة عايليه ولازمة ) يا بوقلب يعطيكم سحقة وعملية تطهير عرقي يا إعلاميي العار .. تي إنتومه الشعب التونسي كيف يتعامل معاكم يلزمو يعمل الرقية الشرعيه للرسول إلي تبدا " بأعوذ بالله من نفخه وهمزه ورفثه .. " وفات خبارك يا تونس تحلت مشاكل الحارقين الجيعانين في شوارع بلاد الروامه والبردانين في الشمال الغربي والمافيا التونسية ، وتكشفت أخبار البارح وهبطلنا جبريل مسماء قال التعوذ بالله شتيمة يا توانسه أمر سماوي أخلاقي مايد إن تونيزيا معفيين منها بقية الناس في الكورة الأرضيه يلي مغلغل كيفي على الإسطبلات الإعلامية إلي تفرّخ في الدونية والغباء وتحطيم  الذوق العام موش أخلاقي تتعوذو للمولى بعد هذا التاريخ من جريدة ولا سخص إعلامي الوحي هبط على مذيعة اللاوطانية وستحاسبون لأنهم موش شيخليوكم تمروا وقال جبريل إلي المولى نزع على إعلاميي  تونس تاريخهم الأسود في التلحيس وخدمة الدكتاتورية وردهم كاينات نورانية ـ لا ينطقون عن الهواء ـ  شيعملو تحرك في القصبة نهار الثنين .. هجموا على بهو وزارة التعليم العالي مع الركاي إلي كانو واقفين قدامها دزوهم البوليسيه باليدين عاد قامت التلفزة اللاوطنيه عدات البلاغ متاعهم مع ثانتين دزان من التهجم على لوزارة ودرج تصاور من أرشيف التغطية الإعلامية لنهار  14 جانفي 2011 من غير مايبينوا  للمشاهد إنها من الأرشيف متاع التلفزة كيف ما يقتضي  ذلك العمل الإعلامي والسبب إنو جرعة النظافة إلي عطاهالهم المولى ما نفعتش معاهم خاطرهم مخنزرين ...
توه ما نعرفش إسمو إلى قال أعوذ بالله  كيف سمع إنها من جريدة المغرب الإلكترونية بالله لا يفهم أصلا أعوذ بالله هي درجة دنيا من الدعاء السلبي هاو غيغوز شتدعي فأمنوا يلي شتدعداو من هوني :
اللهم يا سامع الصوت طهر بلادنا من جراثيم الإعلام واجعلهم يشرقون في كأس البيره ويموتون على ذلك و اجعل سخيف كلامهم حجة لك عليهم يارب وكيف ما يحبو يشعلو بلادنا بالفتنة شعل في بدوناتهم السقم والقمل حتى تشغبهم بحالهم فيعرفون أنك حق وأن الإستعاذة بك هي أدب المتسامحين العارفين بما عندك .. اللهم واجعل ما ضاع من المال العام مصروفا على كيدهم الضعيف يحمى في نار جهنم فتكوى به ألسنتهم و .. فلا يقدرون جلوسا بعده خلف ميكروفون .. 
يا حكومة حل ملف الفساد الإعلامي واعمل ترفيلة على قوانين لمبزع إلى جات في 2011 باش تكرس الإنفلات الإعلامي راهم عملوها بلعاني يجيش تمد لإعلام متخلف وفاسد حرية ما تعطاش للأحرار ماو على الأقل نستناو يدخلو ولادنا البطالة ملكفاءات الإعلامية غمار الإعلام وانّحيوا لمسامر المصدده يا خي شتخدمولنا بعقلية يا سيد إيجا كولني .. قالو شنعملو إضراب على خلفية الهجوم على لوزارة ماو أعملو كومينيكي وقلولهم إلي لوزارة مهياش بطحاء عربي يدخللها من هب ودب شنوه يا ديلو إخدم على روحك عاد ! التكركير ما عندوش مبرر .. فيييييييييييق للخماج يا حكومة قلك شرفاء الأمس القريب يمشيوا لوزراء جمعة خدمة ويقولولهم ديييغاج ناسين إلي الخماج هوما .. يوفى لحديث

في حضرة الأنا وبعض الأنت

الألم ... ذلك الأسف الذي يخبرك بأنه كان عليك أن تعيد حساباتك ذات مرّة في أن تتّخذ ذلك الطّريق دون الآخر و أن تهدي أنفاسك لأحدهم دون آخر و أن تعانق ظلّ أحدهم دون الآخر و أن تملأ أحايين أحدهم دون الآخر و أن تجتهد في استرضاء أحدهم دون الآخر و أن تنعش ذاكرة أحدهم دون آخر و أن تحبّ يوما من أيام عمرك دون آخر و أن تقول كلاما دون آخر و يغضبك كلام أحدهم دون آخر و أن يضجّ قلبك لفقد أحدهم دون آخر و أن تدرك فيك سبيلا دون آخر و أن يصيبك الاعياء من أمر دون آخر ..الألم تلك الدهشة التي تحضرك و أنت تنظر لراحة يدك لا تفكّ رموزها .. و تستشرف أمسك لا تذكره ..و تذهل ذات مساء عن النّاس فلا تجد إلاّك ..بين الفينة و الدّهر تنقضي أنفاسك حين  ألم ...عالقا بين ذاتك و السّراب ..و تلعق من الجهد ذلك الخدر برأسك حيث لا يطالك الفهم الا بقدر .. و تنتبه فلا تحصي فرصة و لا  حادثة و لا أمرا يلتحى خطواتك السابقة.. لا تجد رصيفا ينتعلك حيث أنت بعيد المنال .. كفكرة ..تظلّ ام تبق.. تبادر أم تتحفّظ و تنسى.. كتلك الكلمات النّافرة تألفك فلا تنسى جهد المحاولة .. ..و تأبى .. الألم ذلك الشّرخ ما بين الفينة و الفينة في ألاّ تعبأ بؤولئك اللّذين حضروك و غيرهم ممّن لم تلق .. الألم حين بداهة يحضرك الغباء فتنس .. أن تحقّق النّظر من حولك لكي ترى ..  فأجريت العادة على الادراك فالتقمتك الملهاة ذات تصميم و ظللت شاردا دونك .. الألم .
تلك العدالة المبتورة ورد الفعل المجهد للتوقع .. ذلك الصلف في صرف النظر عن السيء بدعوى ملاحقة الأسوأ .. لا يتعلق الإمكان بي ولا بالراحلين عني هو الخطأ في تمثّل القوة و مراكمة الجهد دون حكمة .. حين نبالغ بالتفهم ونفتقر الحكمة في ردّ الفعل زمن مكر مضحك من الآخر ولا يكاد يلحقنا الألم بحكم العادة ..
الألم .. ذلك الضيق الذي يحشر النفس داخل صدرك بصعوبة فتخرج الزفير منه وتدرك أن الكلام ليس كافيا ولا لافتا وأنه ليس للمكن بد .. تخرج للدنيا وتنظر في وجوه الناس فتكون عابرا بميزة أو اثنتين و ترنو للسكينة  فتظل بعيدا حين يتجاوزنا الفهم ونقرّب شوارع البلد لمهجة قاحلة .. نحبه بعنف فيصير الألم لذيذا وممكنا .

إذا خالطت الإمكان .. ستعين

هل أدعم حزني لو ظللت الإمكان للتنفس وغرق قلبي .. بين الإجهاد والألم ولم يعد يعقل العيش .. حين تكون تلك الكلمات المتعثرة تافهة جدا وغير كافية ببساطة ، يختنق صدري لصوة الحياة خارج النافذة ويعتمر برأسي الإندفاع لتعقل الدنيا ويختنق النفس ..
تذرع الأرواح مشيئتها بين كر وكر .. أحب أن أفكّر .. تحن للألفة مع الأحياء الذين تعرف وتسفر عن المحبين .. تصفعهم اللهفة ذات حنين تعانقهم وتميل الرأس نحو أشدهم ضعفا تمليه آيات الصبر ..
حين يحضرني الله على شفى صمتك يذكرني بآيات عفوه وبفضله علي أن كنت ويدعمني باصطبار أجده داخل قلبي الخالي من بعد حبك ..
هل أجري يدي على جبينك وأتلقى الدعم منك ؟ أم أستحذر تفاصيل البارحة ؟ وكيف .. وقد صار الممكن نعمة طواها الأمس الراحل ولم يعد من الإمكان بد ..
حين تحتفظ الأرواح بألفة التكتّم ولا تدّعي وضوح الشرح وتأبى المجالسة هل أنتبه لكوني أبادل الفراغ كلاما لم أكن لأقوله البارحة ..
كلام نافر عن جلالة البسيط من ألحاظ الأمس بعد مضي كل الأحداث معك .. ما لي والدنيا .. حين أهتم ببعض ما فيها علّك تعلمين أنه أحيانا تخالط العادة ذلك الفضل الرباني بالصبر وأتساءل عنك ..
جاء البرد مجددا ولم أجد من الممكن التآلف مع صقيع قلبي ..ليس بدونك ممكنا .. أنظر وأراني أسترق النظر إليك بألفة .. وأتألم 
أقرب غطاء رأسك وكأسك وما كان من جمالك .. أقترب من المرآة لا أجد شبها بيننا وبسخف كهولتي أتألم ..
ينقضي هذا العام المتوحّش و يؤلمني رحيله وظننت أن تأبّده غير ممكن ، دفعني لأرصد لحظات رحيله تبّا .. تماما وقد أشهدني فجيعة رحيلك وأتألم ..
هي الكلمات المختنقة بصدري حين أرصدها و أحب أن أفكّر أنك على علم بها لأشاطرك ما تعلمين أيتها المتفضّلة علي دائما بإهداء السكينة ، لحظات الألم يا حبيبتي تتأبد معي ليس أقل من ذلك لأرضى حفاظا على مشاعري التي تصلني بك وأتألم ..
أتألم لأجلي وما كنت أفعل فإشفاقك علي كان عنوان قوّة تنسيني تفاصيل الأحداث ما عدى ما تعلق منها  بك .. حين أنسحب وأدع حضرتك وأشتهي الإقامة حيث أنت تأكدي أني أتألّم ..
يا أيتها المتفضلة لحظة وداع طيب منك وغير متفهّم مني أجتمع ودمعي لكي أحمل لهذا العام ما يطلبه مني حسبه أنه يطوي معه كلّي .. أيتها الطيبة أبدا لا تجزعي لضعفي فهو أقل الممكن لحظات إخفاء للألم .. 
أراجع  آخر لحظات زمانك معي .. وأتألم ، ليس رحيل هذا العام هيّنا أبدا ..

الصيد لا !

الشعب التونسي بيتشغلع يا جدع .. عام والهوكش بيبول مكورين بينا يتلمدوا ثلاثة لاف رقبة باش يطالبو بحقوق مشروعة محاكمة قتلة الشهداء ، إيقاف التداين الخارجي ، إرجاع ولاد تونس 22 ألف إلّي كان تحريقهم أكبر خدعة في تاريخ تونس ، العلاج المجاني لجرحى الثورة إلي مات منهم واحد بسبب الإهمال ،إغلاق قناة نسمة ، إسقاط لحكومة ..الداخلية تغسستي : ماطراك ولكريموجان إيقافات وأحكام بالسجن .. ما نحفظش إسمو هاك المتحدث باسم الداخلية إلي ولد البونليو ماو جبد على أربعين ألف مسجون  نتحداه ثلاثة أرباع تاعهم زطالة على جونتة مشاو في عام (  والله عملو عليهم كيف رافل الجيش الفرق كلها طلع للباغة وعدي على التحليل أوطوماتيك طيحو شطر شباب تونسي ) والربع الباقي شوية سراقة على متضاهرين ملي كنت نحكي عليهم الفوق على كلييونات العادة ..
الداخلية كانت فاشلة آخر أفريل ولا هي أول ماي هبطو عصابات منظمة قامو بالنهب في بقايع من تونس كيف لكرم وحي التضامن وحرقو ومبعد جات مأساة المتلوي و لي ماتو فيها 17 ومبعدها تقلبت القصرين و سيدي بوزيد تحرقت والمعلومة الأمنية للداخلية لاستباق الأحداث هي هي : قلك فول ديزاستروز يا معلم في الحالات هذيكه تمسكت الداخلية والصيد تاعها بضعف الموارد .. إلا مع وخيانا إلي جبدت عليهم الفوق ..
لحقيقة عوان الأمن موش هومة المشكل صحاب القرار وأولهم الصيد هومه المشكل ، لأنو رفضهم التعامل تماما مع الأحداث الجادة  أدى إلى حرق مؤسسات عمومية ولخساير بلمليارات . . وآنا تقديري إنو خيار ستراتيجي ومهواش إعتباطي ملي يحبو يبركو لبلاد الدليل إنو إعتصام يحرم الناس ملغاز إلي حتى رضعة للبيبي ولا فيّم محمصة لعبد كبير ما تتعمل كان بيه ..ولّى الشعب حاير فيه .. ما يتعاملش معاه المستسار "الأمني " .. تي يا سيدي لخليفة جيب بشرى بن حميده مستشاره خير ..
ميكانيزم فساد كبير قاعد يشخلع فينا يا ريس .. الإحتكار قاعدين يعبيوا منو المعبين و يتصهدو بيه الجيعانين تخرج مضاهرات المفلسين تعاطفا مع الممسوخين السنمائيين والشاذين ، يلقاو الحماية مالداخليه .. قريب العبد يفركس دي بارتيزون من طرحت عنقني شيعمل بيهم حماية مالتنكيل .. حتى شبكة من شبكات التحريض على الأمن العام من أيامات الثورة تفككت لا إلى تابعة للتجمع ولا لرجال الأعمال المتنفذين .. طلبة وعمال و ناس عاديين عملو جونتة زطله تتعمل على خاطرهم حملة بأشهرة ..  ولي حارمين الشعب من لقمة سخونه مزالو معتصمين كان عاطي ربي على ما عملو في ملاين  متوانسه راهم فلحبس محطوطين .
ياخي ماو عنا قيادات أمنية على التران يا رئيس الشعب ويا رئيس لحكومة الصيد لا ! جيبولنا أي واحد آخر ملأمنيين .. آكهو ياخي تستخايلو كيف شتخدموه معاكم شيعطيكم البحث الصحيح ويولي بو تانسة لحنين .. ملاّ !

القضاء على عصابة القضاء

كنت أمنّي نفسي بجمل بسيطة  تدفع عني إختلاط الأفكار المرتبكة حول الأمس الضائع وجنوني بشاعرية رئيس الجمهورية المنتخب وسخطي من شائعة بقاء الحبيب الصيد بتشكيلة الحكومة المرتقبة .. وأمنّي نفسي بالسكينة بالقفز على عاداتي السيئة في كره الإحتفاء بالمناسبات ومقتي المشاركة في الصياغة بالمناسبة .. أذكر أني كتبت بعد إحتفالات السابع من نوفمبر تدوينة عنونتها  "أنا أكره التجمع " حينها كان الإهتمام منصرفا لمقارعة عمار 404 وأملت عليّ العادة التغريد خارج السرب .. البارحة أيضا عاودني ذلك الشعور الغامر بمقت المناسبتية .. الإحتفال بدا لي إبتذالا للموتى والجرحى ولذلك الذي سفح دمه على الإسفلت .. بلعت الكلام فللأسف لي فم كبير .. وكلمات غير نظامية لا تهتم بأفكار البشر .
وقفت أسمع نائبة رئيسة جمعية القضاة وهي تقدم شرحا لموقف الجمعية من مسألة التنظيم المؤقت للسلط .. وانتبهت وأنا أحاول رصد إنطباع الصحفيين ، لمذيعة شمس آف آم وهي تلوك علكتها وكأنها تفكر داخل غرفتها في أخذ قرار حاسم حول ما سترتديه في الغد ! في الحقيقة لم يسعفها لون عدستي عينيها المتنافر مع  لون جلدتها إلا أن يعزز لدي فكرة مجانسة القالب والعلكة لتعليقها على مداخلة ممثل الجمعية بالمحكمة الإدارية حينما ذكّرته للتاريخ أن إحداث هيكل القضاة الإداريين المتحدين جاء كرد فعل لحماية المحكمة بعد إقالة رئيسها وتعويضه بأخرى نتيجة لحسابات معينة .. ما لفت إنتباهي أنها  علّقت على تأكيد الزميل على أن بعض قضاة المحكمة وبدون تشريك زملائهم عمدوا إلى الإجتماع كهيئة تأسيسية للهيكل المذكور على الساعة الواحدة بعد الزوال ليقرروا إحداث ذلك الهيكل وبعد ذلك بنصف ساعة أعلم باقي زملائهم بقرار إتخذته الأقلية وأنه تم التغاضي على ذلك إلا أن كثرة خروج أعضاء ذلك الهيكل للحديث باسم كافة قضاة المحكمة المائة دفع بنحو ستين منهم إلى نفي تمثيلهم من الهيكل المذكور وتأكيد إنضوائهم مع هيكلهم الموحد لعموم القضاة وهو جمعيتهم ..
ذلك التعليق العجائبي لصحفية ناشئة لا بد أن عهدها بالشروط الموضوعية للعمل الإعلامي بداية بالموضوعية والحياد حديث ، ذكرني بالأسلوب الفوضوي الذي صار ينتهجه الإعلاميون في بث لواعج غيضهم و طيفهم الإيديولوجي بأسلوب تقريري بداية من 23 أكتوبر الجاري .. يطرحون أسئلة إنكارية ويبادرون للإجابة عنها حتى قبل الضيف سعيا للتعمية على الحقيقة وتسويق الكذب متجاوزين كل الأخلاقيات المهنية وكأنهم بعدما كانوا بوقا للنظام آلوا على أنفسهم إلا أن يكون دعاة على أبوا ب الخراب ..
وحقيقة تمثيلية القضاة المطروحة على سبيل الإلتفاف على ملف المحاسبة ( ملخر ) من السهل فهمها  من العموم : أسباب خلق هياكل موازية ( النقابة أولا ثم الإداريون المتحدون ) جاء للتشويش على الخط الإستقلالي المنتهج من الجمعية وضرب وحدة القضاة و إسقاط سقف المطالب للحدود الدنيا وأحيانا للتشكيك في موضوعية المطلب  من الأصل .. هذا يذكركم حتما بالأسلوب المعتمد للتشويش على أعمال المجلس التأسيسي باستحداث هيكل مواز وأنا لا أستغرب تطابق الأساليب .. فمنذ عاد دعاة الإستقلالية لريادة الجمعية ومر السخط العارم على أهل القضاء واستعاد المتنفذون ثقتهم بأن الثمانيني الذي جيء به على رأس الوزارة سيتولى إدارتها على نحو يقع المحافظة فيه على منظومة الفساد حتى  ولدت من رحم المؤامرة فكرة ... قالوا أن القائمين على الجمعية قوضوا هيبة القضاء بالتحامهم بالجمهور ونزولهم الشارع وأن  دعوتهم للتطهير لوثة سياسية وأن أولئك من حبهم للظهور صاروا يتعمدون الإستئثار باتخاذ القرار يومها سألت بعضهم ما سبب إحتجاجكم على مطالب الجمعية ومافيه ينسجم واستحقاقات المرحلة كان الجواب نحن ضد أن يكون لفلان دور البطولة وهو لا ينفي نبأ الفساد عنا ..
السخف أن فكرة النقابة تتعارض مع موجبات السلطة التى تقتضي الإستمرارية و امتيازات معينة لخلق التوازن بين السلط الثلاث لا أن يتهيكل القضاة كقوة شغلية والأبشع أن إنطلاقها من مركز الدراسات الذي طوّع للنظام السابق طاقات قضائية لصياغة مشاريع قوانين ليس أخبثها قانون الإرهاب .. 
ولد الهيكل بدون حاجة ولا مراجعة فزكته وزارة الثمانيني وسهلت له المقر والمؤتمر التأسيسي وحضره كالعادة غالبية من النيابة العمومية المؤتمرة بأمر الوزارة ... واصلت الجمعية نضالها وصار القائمون على النقابة يحددون جدول أعمالهم على التضاد مع تلك المطالب أو التعليق عليها وأحيانا الأخذ من بعضها وبناءا على نداء المجلس الوطني بقفصة طالبت الجمعية بعزل الوزير الذي واصل الإبقاء على سيطرة كاملة على النيابة العمومية التي من أجلّ ما قامت به إصدار الأمر بملاحقة المتضاهرين داخل جامع القصبة وكان الإصرار على طلب التطهير بناء على شواهد تعطيل المحاسبة لما حصل أثناء الثورة بداية من غياب أي حكم إبتدائي جنائي في جرائم القتل رغم أنها في بعض الحالات واضحة وكان من الممكن أيضا الحكم في بعض قضايا الفساد على الأقل إبتدائيا نهاية إلى الإبقاء على الفسّاد الذين تورطوا في خدمة النظام البائد على رأس أهم الخطط القضائية سببا لخلق ذلك الكيان الثاني ليقال للقضاة أجروا تفاهما حول مطالبكم أولا ولعل مناقشة الفصل الذي تم داخل المجلس التأسيسي دليل آخر على الأسباب الحقيقية لخلق النقابة ضرورة أن الجمعية بادرت لطلب حل كل المجالس القضائية واتخاذ مجلس أعلى للقضاء على أساس الإنتخاب منذ شهر فيفري ولكن بقاء العديد من الفسّاد داخل إدارة القضاء والقانون الجاري به العمل الذي طالما سهّل التزوير دفع الجمعية لطلب تعيين هيئة من القضاة المشهود لهم بالنزاهة للإشراف على العملية الإنتخابية بداية بمنع ترشح من ثبت تورطه في خدمة النظام السابق أو إستغلاله للمسؤولية لتعطيل المحاسبة ( خايف علكرسي طفى الضو ) أو ممن تورطوا في أحكام سياسية إنتهاء بالإشراف على الإنتخاب نفسه على غرار الهيئة المستقلة للإنتخابات فعادت الممارسات القديمة المستحدثة ببوق الهيكل الموازي " لا وصاية على القضاة " المرور إلى الإنتخاب المباشر والإحتكام لعموم القضاة تقنية الديمقراطية في تحديد الممثلين .. إي نعم (  موتوا يا كبار الحومة ) عادت الأوراق لتجتاح المحاكم ليمضي القضاة على رغبتهم في إنتخاب ممثليهم في مجلسهم الإنتقالي ( وكأن الجمعية تطالب بالعكس ) غدا تقدّم القوايم على أنها صك المبايعة تصوروا للنقابة .. فعموم القضاة الطيبين لا يتابعون الشان العام وليس لهم باع في الدسيسة .. يذكر أن التزوير كانت ترفع فيه تقارير رسمية لوزير العدل وأن هناك ممن يتقلدون مناصب عليا وحتى صغرى في القضاء تجمعيون شرسون ومناشدون ومجبولون على الإنبطاح للحفاظ على إمتياز الخطة لا يزالون يحافظون على امتيازاتهم بل  جرى تدعيمهم بعناصر أخرى في الحركة الأخيرة للقضاة .. ولهم أقول ستجدون ما لا يسرّكم ما دمتم أوفياء للبارحة ستواصل جمعية القضاة نظالها وراقبوا كما اليوم نجاحها وللقراء الذين يهتمون بالعدالة الإنتقالية أتركهم مع صياغة جمعية القضاة لمتطلبات الإستقلالية وليعلموا أن ما يفعله المكتب التنفيذي غايته إيجاد سلطة قضائية تقضي بين عموم الناس باستقلالية ولتعلموا أن وضع قائمة الفاسدين ال154 كان مطلبا للمجلس الوطني لجمعية القضاة للألم الذي انتاب عموم القضاة من الآداء المخجل للقضاء العدلي بعد 14 جانفي والذي يتحمله أصحاب المسؤوليات والخطط دون غيرهم . إقرأوا :


 " يقوم اصلاح القضاء في المرحلة الانتقالية على ثلاثة محاور أساسية: أولا: رفع وصاية السلطة التنفيذية على القضاء . ثانيا: تطهير القضاء من رموز الفساد. ثالثا: توفير الضمانات اللازمة للقضاة.   أولا: رفع وصاية السلطة التنفيذية على القضاء: ويتم ذلك برفع وصايتها على القضاة ( أ ) وعن المحاكم (ب)   أ – رفع وصاية السلطة التنفيذية عن القضاة: ويقتضــي ذلـك:     1) إلغاء امتياز وزير العدل إزاء القضاة المتعلق بنقلتهم (بمذكرات عمل) وتأديبهم (الإنذار -الإحالة على مجلس التأديب) وسفرهم وعطلهم وإحالة مختلف اختصاصاته في هذا الصدد إلى مجلس أعلى للقضاء منتخب من قبلهم.     2) وضع التفقدية العامة وإدارة المصالح العدلية والمعهد الأعلى للقضاء ومركز الدراسات القانونية والقضائية وبقية المؤسسات المهتمة بشؤون القضاة تحت إشراف مجلس أعلى للقضاء بالشروط الآنفة.     3) تكريس استقلالية النيابة العمومية عن وزير العدل والتخلي عن قاعدة التسلسل الهرمي التي تحكم عمل ممثلي الحق العام وذلك بالتنقيح الفوري للفصول من 22 على 25 م إج والقانون الأساسي الحالي للقضاة والنصوص ذات الصلة.   ب – رفع وصاية السلطة التنفيذية عن المحاكم وذلك بـ :     1)  تمكين المحاكم العدلية من الإدارة الذاتية لشؤونها بمعزل عن وزارة العدل وتمتيعها بالاستقلال المالي والإداري.     2) السماح بمشاركة وكلاء رئيس المحكمة وبقية القضاة في تسيير المحكمة وإدارتها واتخاذ القرارات صلبها.     3) تدعيم استقلالية فروع المحكمة العقارية عن المركز الأصلي من حيث التسيير الإداري والمالي وتنظير رؤساء الفروع برؤساء المحاكم الابتدائية.     4) تكريس استقلالية مجلس الدولة وذلك بإلغاء كل أشكال التبعية العضوية والمالية للوزارة الأولى وإلغاء فوري للنصوص المكرسة للتبعية وإقرار آليات خاصة لإعداد ومناقشة الميزانية مباشرة أمام السلطة التشريعية.     5) رفع السرية عن تقارير دائرة المحاسبات والمحكمة الإدارية ونشرها بصفة دورية بمعزل عن تدخل السلطة التنفيذية وإرساء آليات لمتابعة تنفيذ المقترحات والتوصيات الصادرة عنهما.   ثانيـــــا: تطهير القضاء من رموز الفساد: وهو ما يقتضي تحديد معنى التطهير(أ) وصيغه (ب) وبيان آلياته (ج)   أ – معنـى التطهيـر: يعني التطهير استبعاد القضاة المتورطين في إضعاف المؤسسة القضائية سواء بتكريس تتبعيتها للسلطة التنفيذية وتسخيرها لفائدتها أو بالعمل على تعميم مظاهر الرشوة والفساد صلبها.   ب – صيغ التطهيــــر: عموما يمكن أن يتخذ التطهير الأشكال التالية: العقوبات التأديبية: والتي يمكن أن تبلغ أقصاها بعزل القضاة الثابت ارتكابهم أفعالا مجرمة قانونا ومخلف بشرف المهنة وأخلاقياتها.. العقوبات الجزائية: من أجل جرائم متصلة بالوظيفة القضائية كالارتشاء واستغلال النفوذ والاستيلاء على المال العام و... الاستبعاد من الوظائف والمسؤوليات واستبعاد كل من تخاذل في مقاومة الفساد وامتنع من ممارسة صلاحياته المخولة له قانونا تصدّيا للتجاوزات. كما يجب أن يترافق التطهير في كل الحالات مع المحاسبة وإظهار الحقائق والكشف عن الأطراف والشخصيات المشاركة والضالعة في الإساءة للمؤسسة القضائية وعدم التغاضي عن الجرائم المقترفة أو التغطية عليها وطمس ومعالمها وأدلتها كأن يقع الاكتفاء بنقلة القاضي المرمي بالفساد.   ج – آليـــــــــات التطهيـــــر: تطرح مسألة محاسبة القضاة المتورطين في الفساد الإداري والمالي مشكل إقامة الدلائل والإثباتات للجرائم المقترحة، ويمكن اللجوء في هذا الخصوص إلى تقنية فحص القضاة كإحدى آليات العدالة الانتقالية والتي تقتضي اخضاعهم إلى اختبارات نزاهة وكفاءة بإجراء كشف دقيق لأملاكهم ومكاسبهم ومداخيلهم ومعرفة مصادرها فضلا عن دراسة ملفاتهم الشخصية من قبل إدارة القضاء وتلقي الشكاوى وسماع الشهادات المقدمة ضدهم سواء من قبل الضحايا أو الشهود أو زملائهم القضاة والمتعاملين مع المؤسسة القضائية ..كل ذلك في إطار قانوني شفاف ومحايد يضمن حق الدفاع ومبدأ الواجهة. وعملية التطهير تستدعي توفير جملة من المقومات تتركز أساسا في : - التعبير الجاد والفعلي عن إرادة سياسية حقيقية في التطهير. - انجاز الدراسات المعمقة لمظاهر الفساد وأسبابها ودواعي وجودها ومواطنها والظروف الراعية لها. - خلق هياكل مراقبة خاصة بمظاهر الفساد القضائي خاضعة للمجالس العليا للقضاء المنتخبة. - صياغة مدونة سلوك للقضاة تشكل قواعد توجيهية تدعم نزاهة العمل القضائي واستقلاله. - تجريم كل تدخل والتأثير في سير القضايا أو التأثير على القضاة المتعهدين بها وقبول التعليمات في خصوصها.     ثالثــــا: توفير الضمانات اللازمة للقضاة: تتحقق الضمانات الأساسية للقضاة بتوفير الحماية القانونية لهم (أ) وبتدعيم إمكانات القضاء (ب)   أ‌- الحماية القانونية للقضاة: في انتظار وضع دستور جديد يكرس الضمانات الأساسية للقضاة كي يمارسوا مهامهم بكل استقلالية وحياد ودون هواجس التضييق والاستهداف والمعاقبة، وجب فورا تكريس المبادئ الكونية لاستقلال السلطة القضائية المنصوص عليها بالمواثيق والعهود الدولية سواء صلب قانون أساسي انتقالي للقضاة أو تكريسها واقعا وبصفة فعلية من قبل السلطة التنفيذية ليكون ذلك مؤشرا حاسما على جدية التوجه نحو اصلاح القضاء وتكريس استقلاله من عدمها. وهو ما يقتضي التعجيل بتركيز مجالس عليا للقضاء تقوم على مبدأ انتخاب أعضائها من قبل القضاة وتوسيع صلاحياتها على نحو يُغَطي كامل المجالات المرتبطة بالمسار الوظيفي للقضاة ويحقق الضمانات القانونية والفعلية اللازمة لهم، ومن أهم المبادئ الواجب تكريسها بصفة قانونية أو فعلية دون إبطاء هي:     مبدأ عدم قابلية القاضي للعزل والمبادئ المتفرعة عنه وأهمها مبدأ عدم نقلة القاضي إلا برضاه. مبدأ الترقية الآلية. النهوض بالأوضاع المادية للقضاة نأيًا بهم عن التأثيرات والاحترازات والشبهات. الحفاظ على الاستقرار الاجتماعي والأسري للقضاة وتجنيبهم النقل التعسفية والعقوبات المقنعة وعدم محاسبتهم إلا من أجل ما ينسب إليهم من أفعال تخل بنزاهتهم ومبادئهم.   ب – تدعيم إمكانات القضاء :     1) تعزيز الرصيد البشري للمحاكم بانتدابات جديدة لقضاة وإطار إداري وكتبة وذلك على مستوى مختلف فروع القضاء.     2) مضاعفة الاعتمادات المرصودة للمحاكم وتلبية حاجياتها المتزايدة وتطوير منظومتها المعلوماتية. 3) إيجاد الصيغ والآليات الملائمة لتسهيل الحصول على المعلومات المساعدة على كشف الحقائق بشأن جرائم وانتهاكات العهد البائد. 4) وضع الضابطة العدلية تحت سلطة وإمرة القضاء والمحاكم والإسراع في إصلاح المنظومة الأمنية. 5) تدعيم التخصص القضائي والتكوين في الميادين المعقدة والمستحدثة كالميدان المالي والصرفي والقمرقي والتجاري والبنكي والمعلوماتي والانتخابي وقضايا الرشوة والفساد والتعذيب.. وانتهاكات الماضي عموما. 6) صياغة تصور جديد للمعهد الأعلى للقضاء يكرس معاني الاستقلالية والنزاهة والحياد ومبادئ حقوق الإنسان. 7) إعادة الاعتبار لمركز الدراسات القانونية والقضائية وتفعيل دوره في إعداد التصورات للنهوض بأوضاع السلطة القضائية. 8) إحداث فروع للمحكمة الإدارية بمختلف الجهات تقريبا للقضاء الإداري من المواطن...وإعادة النظر في اجراءات نشر القضايا وتوزيعها بين الدوائر، كالعمل على تبسيط واختصار آجال التقاضي الإداري.. كإحداث مؤسسة قاضي تنفيذ الأحكام لمتابعة تنفيذ أحكام المحكمة الإدارية من قبل الإدارة. 9) إحداث دوائر استئنافية للمحكمة الإدارية لمجابهة ضغط المنازعات الانتخابية المرتقبة. 10) إحداث دائرة مختصة بالدراسات بالمحكمة الإدارية لتوفير بنك معلومات لقضاتها. 11) العمل على نشر ثقافة استقلال القضاء وآليات تكريسه على نطاق واسع .      " هذا تلخيص بقلم الزميل فوزي المعلاوي لرؤية جمعية القضاة لمتطلبات العدالة الإنتقالية وأزيد أنه في يوم تحرير القضاء الذي حضره ما يزيد عن ألف قاضي إستجابة لدعوة جمعية القضاة إرتفع صوت القضاة بشعار ثوري " القضاء ..القضاء على عصابة القضاء " وهذا أمر لم تستسغه العصابة بلا ريب .

كوبيات 00,00 وطوليرونس

برجولية ماينة باااااع شكبو عليّ وفكوني .. يا بوقلب تدخل إدارة تونسية قولش عليك داخل لتكيّة شتاخو قفة إعانات وكيف تبدا ظلامي كيف غيغوز وعامل شوليقة على طاسة مخّك بيناتنا لبستو خاطر شعري حكاكة قلت نوفر فلوس الحجامة ونستر ما ستر ربي .. إي ، آنا كيف كنت من طرحت عنقني ما كنتش طوليرونت مع الظلاميين في لحقيقة كنت نحشم منهم على خاطرهم متبعين شقال ربي ونبي وانا الطوليرونس إحساس مخليتو  لليهود التوانسه لأنو بالمفهوم الدياليكتيكي لكلمة الأقلية ما فمّة في  تونس أقلية كان هوما حسب التفرقة العقيدية لأنو إثنيا هتوانسه ما فيهمش حتى أقليات عرقية تغزستي وناويا على درابو خاص بيها .. أيا كيف نقول ظلامية إفهموني حسب القاموس اللغوي تاع بنو علمان ..
 دخلت للبوسطه ، نلقى فيها سيناريست ملعامة شادة موظفات البريد تحكيلهم في فيلم خلطت على اللحظة الدرامية فيه :
- فاقت بيهم لمرا فلبالكون .. جاب ربي طلبت البوليسيه شدوهم يلقاوهم مرا وراجل ( قلت في قلبي وانا نفركس على لامبريمي تاع المانده : تحكي علقناصه ) .. فركسو المنقبة يلقاو تحتها سكينه قد هكه ..
- وتلفتولي ، وغزرتلها الموظفة قاتلها : هذاكة شنّجمو نستناو والله كان تجيني وحدة منقبة لنخدملها ..
- جاوبتها السيناريست رد بالك تقلّكش دخلني لداخل نوريك وجهي راي السكينة قد هكه .. 
آنا فلكلوف سلكتيف دونك عمرت المانده وخرجت لفلوس من جيبي ، رجعتهالي الموظفه طلعت نسيت شنكتب كاتخوفان .. هههههه معنتها ثمانين ..  قبل الديس : ولاّ فمه فرق ما بين المبلغ بلسان القلم والأرقام .. أيّا عندي وين نكتب كملت الناقص ورجعتلها الورقة إلي ولات كونفورم وأمورها هانية ضحكتلي ضحكة صفراوية وطول فرواصّيتها ورماتها فلبوبال ومدّتلي سبيسيمان جديد قتلي عاودها خير بالكشي في مركز البريد لاخر يختلط عليهم الأمر ..
تذكرتوشي موقف الب د ب مبعّد الإنتخابات وقتلّي لعبوها جنتي وعطات ميّة هاك التصريح .. آنا حسيت نفس الإحساس قدام هاك الموظفة تاع الغيشي إلي شدًّت وحدة ظلاميّة كيفي شتفكسيها وتجيب عليها الماء ملبير  .. أيا بدون تردد قلتلها ما كاركش طيشت الأولى ، الفايدة آنا شنعطيك فلوس أما موش مشكلة هاني شنعاود نكتب .. 
حسبتلي لثمنية وقتلي كملتش ( تقولش عليّ في حصة تدارك عند معلم سوري ) .. طفيتها قامت هزت لفلوس إلي حطيتهم بحذة إيدي وقامت تحسب فيهم ما غير ما نمدهملها ، عاد وانا نكتب قلتلها رجعلي لربعين ألف الزايدة وسبعة دينارات وخمسميه مبعّد ما تاخو حق الماندة 
طفاتني مديتلها المانده وقعدت نستنى .. كملت تحسب ومنها قتلي أعلاش مديتلي لربعين زايدين ؟ .. 
قلتلها : ما مديتلك شي إنت هزيت فلوسي وحدك وهتشغشيب إلّي تشغشب فيه في روحك يا حرّة هاو لربعين فوقي وما فماش مشكله .. 
شفتوش خزره صفراويه ؟ خزرتهالي وقتلي لا إنت مشغشبة ههههععع جبتلها ملّخر : 
- سيادتك يا مدام فو مونكي دو طوليرونس .. دينا راو سمح .. بون جوغني ( فهمتوها ) توه برشه منكم شيعتقدو إني مجرابة حكوها مرافقها وهذوم أحرار شيخمموا إنو لوصتيليتي تاع هاك الموظفة واستغلالها للوظيف شتمرمدني على خاطر الحجاب إلي لابستو .. بتطييشها للامبريمي إلّي عمّرتو ومافيه  حتى تشطيبة شتشكب عليّ وتشّيف عليّ تصرف عادي وهي تعرف خدمتها دييور قالتهالي  .. 
قبلها بمدة واقفة في الصف ورا مادام أيا تلفتت تلقاني عملت روحها تفجعت وهزتني من فوق لوطة ..تبسمت في وجها على خاطر نهارتها لابسه كيف طالبان ( لبسه جابتهالي أختي من فرانسا شنصلي بيها التراويح وليت نخرج بيها وقتلي نمشي نزور أمي في الجبانة ) أنا عملت غريماس تاع تعب وهي كبشت قتلي :
- ظاهرلي اللبسه مرزنتك ! شخت بالضحك وجاوبتها بالحقيقة :
-قلتلها :  اللبسه حتطلي في صدري فرططو خفف على قلبي همومو .. أما التعب راو بجبج علي السّمن ! في لحقيقة آنا قلتلها لكلام بالسوري ماخذه راحتي كيف العادة شنحكي  ثلاثة لوغات فرد جملة باش نعبر على مقصودي ، عاد قربتلي شويه موش ياسر ،  وقتلي : حاسه روحك مرتاحه هكة ؟ قلتلها حسب سورة النور أختك هكه وليت نغزستي مبعّد ما كنت مارجيناليزي وإنت يا مومنة أعمل كيفي إذا ماكش طايعه ربي علقليلة ما تتفقهاش وتنجم تاخو ملفرنسيس قيمهم في الطوليرونس مع البوذيين واليهود نفرضو تطلعلنا ملّه كيف السيخ في تونس الراجل عندو لبسة تدين خاصه منها عمامة ما يلزموش ينحيها نهججوه ملبلاد على خاطر عمامة .. 
ميزافينتير تاع غيغوز ما تجي شيء قدام لاغسالمون متاع هاك المومنة إلي المجلس "العلمي " تاع الفاك حرمها متّعليم على خاطرها منقبة ..
أول هام الحق في التعليم حق دستوري ، مطلق وما عندوش حتى إستثناء وحتى إعتبارات بما فيهم الإرهاب ما ينجم يحدد الحق في التعليم أهوكة علاش برشه نجموا يتحصلوا على الدكتوراه وهوما في حبوسات الكيان الصهيوني ويسامحوني مناضلي الحرية في فلسطين لأنهم عندي مجاهدين أما سقت الكليفيكاسيون تاع الصهاينه شنقيم الحجة على صهاينة بلادي .. دونكوي هاك الدوايان تاع التطبيع كيف يجتمع شياخو قرار مع أساتذة الشُّعب وتونس جودة الحياة .. ما يلزموش ياخو قرار فيه جهل بالقانون وتعدّي علحريات سينون يولّي قرارو هدف لقضاء تجاوز السلطة و للإلغاء ملمحكمة الإدارية . أما قبل هات نفهم ياخي الجامعه ملك المجلس العلمي ولا ملك الدولة ؟ وتحكم فيها قوانين الدولة ولا عنتريّات المجلس ؟ حتاش توه ومادام لوزارة تاع التعليم العالي يحكمها لبوليميكور تاع صفر  فاصل صفر على راي مجاهدي الفايسبوك الكليه ملك الوالد تاع أعضاء المجلس العلمي ، أمّا هاي جاتنا فرصة  شيعرف الشعب باش نعملو كنسه للمجالس العلمية من الفسّاد زادة ، إلّي وقت كانو الطلبة يتخطفو ويدخلو الحبوسات على خاطر يصليو الصبح فلجامع ولا عملو مضاهره على المبيت الجامعي ما كانوش يهتموا ولا تتحركلهم شعرة وتوّه ولاو يعملولنا في الريل تي في قولش عليهم بناو الكليات من كاسة السيد الوالد ولّا متكرمين على الدولة يخدمو بلاش .
آخر حاجة شنحكي فيها بوليميك الدستور الصغير إلي جوهر ولد مبارك نبه من خطورتو وتجندتلو تونس البنفسجية و الإذاعات اللاوطنيه واحزاب الكسكروت والزيرو صفر ! نقلو يا ولد مبارك يا جمعياتي : إي هاو القايد السبسي سليل الدساتره إلي سرقو لبلاد وهمشوها ولي معاه خلق بورقيبة مليشيات شيحميوا حزب الدستور ولي عندو رخصة بيعان شراب ( معنتها عندو مصالح مادية تخوف منو ) وتاريخ أزرق!   ما قلقكمش عام كامل يحكم لبلاد بلوغة حب من حب وكرخ من كرخ جاب الصيد ووزروا عدّاخلية وماقلكمش إنهم خرجو مراسيم فضائحية تسقط جرايم التعذيب بالتقادم وتعطي المحامي حصانة قضائيه و صححوا على معاهدة تناهض الإعدام و بركوا لبلاد في المديونية توّه عام ما خرجتو كان باش تساندو حرية الفاني وقناة نسمة في التعبير ..
وقتلّي ياض ولد عاشور خرّج قانون إنتخابي علقوايم تعيس وفيه إلتفاف على الثورة  أموركم هانيه والبلاد داخلة في حيط توّة وليتو تحكيو على الوقوف ضد هيمنة الحزب الواحد في شخص رئيس الحكومة وتعملو في الإعتصامات اليوميه ؟ والله الأتلاف يتناقش ويتفاهم على تسيير الدولة هوما شيهزوها نشا الله لبر الأمان ونتوما أقعدو مبهذلين خايفين على مكاسبكم النوفمبريه .. 
وتعيش بلادي .. وتسقط الأفكار الشلايكية للي على شيخة مخهم و من خوفهم علي نهبوه من رزق البليك مشيخينا بوليميك وتونس هاو انبه عليك للدمار متاع السراق والصعاليك قالت يستحيل نخلي روحي ليك وقتلي نخلطو لانتخبات البرلمان ورئاسة الجمهورية معادش تبكيو من إكتساح الظلامية هّوكة قاعدين تعملولها في كومباني إلكتورال قوية شعب تونس ظهر بلمكشوف ما يفاوضش علهوية

لبلاد .. يا حكومة

هموم قلبي نسلم عليكم برشه ونقوللكم سايسو رواحكم وبراس لحنينة أنزعوني خليولي علقليلة فيزيبل نخدم بيه يا رسول الله قريب تردوني عبد غير درج و"هضايه" علاش حبيت قبل ما تعملوها فيّ نزرب روحي ونحكي مع لحكومة الجاية بالكشي رئيس الجمهورية المدون يدّعثرشي  في هتدوينة ..
أيا سيدي : يا حكومة كان ناوين تحنو على تونس وتخدمو البلاد أعملو إشاس ألوم معنتها شدّو الأيادي إلي من  15 جانفي تسميو فيهم بلخفيه وفلول التجمع إلي قاعدين يقتنصوا في الفرص باش يبثوا الفوضى في لبلاد ويضربو في الإقتصاد من خلال حرق المنشئات العمومية ونهب الممتلكات لعامة والخاصة وقاعدين يضعفو  في الدولة باش يستولاو علحكم .. إذّكرو أحداث مركز الحرس في الكاف وفيلم المرا إلي خذات كف وفيلم الأنطوكس متاع المتلوي إلي خلفت 17 ضحية و أحداث سيدي بوزيد كلها أحداث ثبت إنو وراها محرضين ومجرمه عدليين قاعدين يحمشو في شباب يتخمّر في الفول ..
الشاس ساهلة ، مبدئيا لزمكم تحطو كل الناشطين التجمعيين سابقا تحت المراقبة و تكون الأولوية الأمنية تحديد الجناة في تلك الأحداث وأساسا المحرضين وراهو مهواش صعيب إسهلو التوانسة ما فماش تونسي ما يعرفش الرّكاي متاع التجمع وزيد البوليس متاعنا كان يحط في بالو يطيحهم والله لا يمنعو أعطيوه إلفو فار شيخدم الدوسيات الصندي وبرّه 
ياحكومة حددوا الأولويات الأمنية وركزوا خطابكم على علوية القانون موش الهيبي متاع الدولة دو سو فات أي إضراب في القطاع العمومي يلزم تكون عقوبتو العزل على خاطر الموظف العمومي إلّي ما عندوش همّة  باش يلتزم بلقانون ويستضعف  الدولة باش يعمل إلّي في مخو نصيحة نعزلوه هاو البطّالة الكادر بلمشطة يا خويا خلي نجيبو شكون يحب تونس ويحب يخدمها موش يبرّكها ويليق عليها .. 
ثاني نصيحة باش تحققوا مطلب الشعب في المحاسبة وهذايا ما تنجموش تعملوه بلاش إبعاد البعض ملقضاة من مواقع القرار والمسؤولية وتحطو في عوضهم قضاة معروفين بطابعهم الإستقلالي ورغبتهم في تحقيق العدالة الإنتقالية و الحل في كليمتين تلقاووه عند جمعية القضاة إلي هوما أهل الداخل ومحضرين ليستة فيها 214 إسم بالحجة علّى يلزمهم يبعدو عن مواقع المسؤولية في مباشرة الأعمال القضائية يا سيدي إجتمعوا معاهم راهم عاملين خدمة صحيحة وعندهم تصور عملي للعدالة الإنتقالية بداية من تطهير القضاء إنتهاء بإرساء العدالة و إيقاف مسلسل المماطلة في المحاسبة وارتهان العمل القضائي من طرف وزارة العدل لصالح فئات بعينها وهو ما خلق نقمة شعبية و باش تخلطو لصبر جماعي على أزمة البلاد برهنو  إنكم جادين في المحاسبة !
 النصيحة الثالثة .. موش معقول والأزمة الإقتصادية بركة معاها بلدان كيف اليونان و إيطاليا هوما يعملو سياسة تقشف ونحن وزارة الثقافة تسيب قرابة المليار دعم ثقافي لأفلام برونوغرافيا هابطة فنيا ومضمونا موش معقول إنو الدول المتقدمة تتقشف ونحن إلّي بيلكونا السراق والناس مزالت تعيش تحت القزدير نعملو في الدعم الثقافي .. هات نمَنعو الناس ملموتان بلجوع وكيف يرحمنا ربي نشاورو الشعب كان حب يبقشش على النوري وأمثالو  وقتها  يعمل الله دليل !
الحاجة لخرى يا  حكومة تسريع مصادرة كل أملاك العايلة " المالكة  " و اعطيو إيطا بلأملاك للشعب باش تسحبو القوات الأمنية والعسكرية إلي قاعدين قدام هاك المؤسسات -مثال قدام مقر شمس آف آم ولا سياج بنك الزيتونة - كيف عسكر الكردونة والحال إنا حشتنا بيهم باش يخدمو البلاد  و أمنها !
النصيحة الرابعة  طيحو  شهاريكم ما تتقاضاوش نفس الشهاري إلي تقاضاوها سيئي الذكر قولش عليهم ردو البلاد سنغفورة  تقشفو وكونو شفافين فلمعلومة وتذكرو إنكم جيتو شتخدمو لبلاد موش شتستغناو ولا تتسيدو .
آه وأهم حاجة  بالنسبة للإعلام لحكومي ماذابية توجهو للناشطين في الإعلام العمومي  تحذير رسمي بالإنظباط ياخي نخلصو فيهم من ميزانية الدولة باش يمارسو التشحين السياسي والمس بالسلم الإجتماعي بإسم حرية الإعلام ؟ بالله وقتاش بنادرية بن علي ولّاو إعلاميين وماخذين لنيسياتيف في طرح المواضيع نهار كامل وهوما يتبكاو على الحريات كلي كانو غارقين فيها وتحرموا منها .. علوية حرية التعبير يلزمها وعي والناس هذوما بعاد برشة عليه دونك يستويو رواحهم .. تخلص فيهم الدولة باش يكون ولاءهم للوطن موش لفئات معينة ..
في لخر موش لازم التحليل رانا موتى .. أووف تضربو كابلووات مخي ! شمدخلني في غناية الترشي ..إمممم سي جعفر نشاالله تعملو خلية مساندة باش تقضيو على عمليات التشويش داخل المجلس بالله ردو الصاع صاعين والتسامح خليوه وقت يولي عمركم ثمانين .. كنزة ماما  موش شتخليك تلبس بيكيني .. كنزة ماما موش شتهستر و تخلفلك العار ..كنزة ماما شتوب لربي وتستغفر لذنوبها .
هموم قلبي ... أيّا مرحبا شتشربو !