صار للترقب معنى مرفأ ألوذ به و تدركه امكاناتي ملجأ لكلماتي النافرة و حصن منيع لكل ترهاتي حديث الآخرين لي و ترجمة لما هو آتي بعض الظن و شيء من التعقل اذا شئت أو جميل ارهاصاتي
هاو بلفلاقي للي يحب يفهم وضعية سلاطة " سلطة " القضاء في تونس ..
بالنسبة لقضايا الشهداء إلي كانو يموتو حتاش ماي 2011 نذكركم إلي ماكانتش فمة ظروف تحقيق عادية بل وفمة رفض كلي لتنفيذ البطاقات القضائية وحتى رفض كلي من وزارة الداخلية لتقديم المعلومة الإرادة السياسية أبقت على الإختصاص الحكمي للمحكمة العسكرية وخرجو قانون نقحو بيه ما نقحو في القضاء العسكري أما باش يسندو الإختصاص للقضاء العدلي إلي توزيعو الجغرافي على تونس كاملة وإمكانياتو أقوى خصوصا مع ظابطة عدلية متمرسة فما يساعدهمش ـ مططو الوقت وضعفو القراين على مدى ستة شهر ـ سياسيي 6 أشهر قبل ومبعد 14/1/2011 عملو في خلاها ما والاها الفوضى الخلاقة آلاماريكان .. وبالنسبة للفساد المالي كيف كيف عملو لجنة فسّاد وقفت حاجز ( إيكرون) قدام مباشرة القضاء العدلي للقضايا الملحة غربلو شحبو وعطاو فرصة للفسّاد يكاموفلي شيحب و أبقاو على منظومة تشريعية بقوانين تحمي الفساد وتكرسو ياض بن عاشور وحكومة السبسي بالأساس وسياسي تونس هومة سبب الداء ! حسيبهم ربي
هاو شقال أحمد الرحموني على الهيئات ما تلوموش على القضاة إلى عام ونص يعديولهم الكسكسي مغربل وهوكة الشخصيات النزيهة قاعدة تبحث توة
إبيزوود 4 ماهو حلّيت هاك العينين متاعي وصوت خرج من هاك الرّاس بوزيزين يسأل فيّه على شكون حرّضني و الجمعيّه الّي ننتميلها و المذهب متاعي و كيفاش وصلت الكوجينة القصر ،آنا الّي عمري ما وقفت في حضبة ولا تجمّع كان في سوق الحومه هلكوني أسأله وانا ما فاهمه والو.. عاد طالبت بمترجم ..قاموا جابولي منسّق الشؤون المحلّيّه في بوفرده - السجن - واستعرفت بكل شيء حتّى الّي ما عملتوش جبتّو الله يهلك الخيال الشّعبي كيفاش هزني للفينقه ..قعدت في المضافه أيّامات وآنا باهته كيفاش ما تعدّيتش للسّيّاف ..حتى بانت الحكايه ظهر ولد سيدنا كان حاضر مع بوه في هاك الزيارة الفجاعيّه متاعو و شاف الشّاو متاع قيقوز عاد زهق بالضحك و عمل كيف و طلب من سيدنا باش يعملني الكراكوز متاعو .. و هذاكه علاش صدّر سيدنا الفرمان متاعو باش يخرجوني مالحبس ..روّحت لدارنا ما عرفونيش زوز أسباب للنّكرة واحد الضرب بدّلي العرق متاعي من كحلوشة ولّيت زرقه . ثانيا دارنا عملو بهاك المثل الّي يقول أخطا راسي و اضرب عاد نكروني .. الباقي المرّه الجايه تعرفوه 5إبيزوود بت ليلتي الأولى بعيد على الحبس وأنا نمارس في هوايتي المفضله بالفم والملا لاصقه حيط دارنا كيف البوكشّاش -اسم سحليّه -نحسب في دقّات قلبي ونتغبّن على الرّاقو متاع الحبس وندعي على ولد سيدنا الّي حرمني منّو ..يهلكك ياولد ثيدنا ويدبدب رايك أكثر ملّي ماهو مدبدب يا ثيدنا..هكّاكه ونطرشق روحي بكف على هاك اللّقمة الّي سرقتها الحرام ما يطلعش عليّه ..طاح فيّه الحجّاج على لقمة جايبها بعرق جبينو ..آنا هكّكه وجات دوريّه راجله فرحو بيّه كفوف و مشطه باعتباري من ذوي السوبق الأمنيّه ..تطوّع موش حاجه أخرى لو كان ما سيّبنيش سيادتو راهم قتلوني بالضّرب .المهم مبعّد هاك الطريحة الفوّاحة رقدت كيف الملوك ..الصباح طلع .خرج خويا الرّجّال ما تلفّتليش تقول ما يعرفنيش ناديتلو عاد نظرلي وقلّي - شِر - اي هاك الكلمه الّي تتقال للكلاب .رصّاتلي كرمت لحيتي و أيّست من دارنا قلت بالكشي يرحمني الشعب عاد يا خيبت المسعى .. نمشي و نتكب على وجهي لا واحد تلفّتلي ..لا واحد سألني على هاك لوجه الكنفوره ولا واحد مدلي شربه ماء ويعيش التضامن و باب الجديد زاده ..كيف معّادش بيها وين وقفت في ساحة السوق وقلت فيها وووووه ..يا شعب الهناء و الابتلاء أرحمو رعروعة قوم ذلّت شربة ماء و الا شويّة ماكله .. بح صوتي حتى حد ما تلفّتلي..لا كبير لا صغير لا الّي يدبي على الحصير كيف معّادش بيها وين حطْت ذيلي بين سنّيّه وقلت يا قاتله يا مقتوله دراكسيون دارنا بش ندخل ..ندخل قاتله والّا مقتولة .كيف قربت من دارنا اتجمّدت , نلقى تشريفات القصر تستنّ فيّه .. لا أخماسي لا أسداسي اللّون ما ساعدنيش ..نتشاف على بعد كيلوماتر ..آناعملت خطوة التالي و قائد الحرس صاح فيّه - آقف عندك - أمر من سيدنا باش تحضر للقصر يا قيقوز ..مشات بيّه الدّنيا وجات .جيعانه والسّكّر طايح وسعدي طايح ..سلّمت أمري لربي قلت نمشي عل الأقل ناكل الراقو بتاع الحبس . وقفت في بقعتي عاد جاوو هزّوني مدّولي زي .. تلفّت لجناي قالولي البسو راك باش تدخل للقصر . ما عندي وين نستر روحي تخبّيت وراء شجرة والبست لباس الاهانة خرجت كيف البقميطه ..الّلبسه ضيقة و قصيرة ندبت وجهي على كشف الحال و صحت في هاك التّشريفات - ياه شومي يا خي لازم تعرّيوني براس أمّك خلّيني نستحفظ على الزّي متاعي .. جوابو مانيش باش انقولو باش مانشمّتش فيّ حتّى حد ...يكشف ربي حالك يا ثيدنا ...قعدت انخمّم في ذنوبي ونحسب فيهم, لقمة هلكتني أمّاله لو كان دغبرت على سانية جارنا .. شعلت ناري طحت نسب في شيطاني و نعاود حتى وصلت للقصر .دخلوني لقاعة كل شيء فيها يلصف مالبلاط للسقف شويّة ودخل عليّه رّجال ملامحو أنثويّه قلّي - تبّعني - شدّيت جرتو هوّ يمشي وانا وراه حتى وقف قدّام باب دقّوا ستنّى شويّه ومبعّد حلّو و براسو أمرني باش ندخل وسكّر الباب ورايا .نلقى سرير كبير قاعد فيه الحجّاج ومعاه كعبات مالعايلة المالكة ..تسمّرت في بقعتي نغزر فيهم بالألوان على الطبيعة .أمرني سيدنا باش انقرّب ساقيّه قالولي دوّيووو..لا نجّمت نتحرك القدام ولا لتالي ولا على اللاترال ..بهت تقول باش نطلع الرّوح هكّاكة و طحت دايخه - الله يهلكك يا ثيدنا - بلعتها قبل ما نطيح انسف في القاعة . إبيزوود 6 يا شعبي المرهص..يا شعبي المطحون..يا شعبي المكلوم يا شعبي المن..الكلمة الاخيرة مهياش عايليه - على وزن المنسي -ههههه .. آنا قيقوز خديمة كوجينة القصر عدّيت ستة و أربعين سنة ممروجه أغلى حوت تعرّفت عليه السردينة ..نشوف العلوش كان وهو حي يرزق و البقاري نخاف منّو من جنود الخفاء ..يا شعبي المهبول اجريلي حلّيت عينيّ نلقى خمسة أزواز عينين يغزرولي ويد لطيفة تشمّم فيّه في العطر ..اجريولي طلعت سيادة فخامة عيلة سيدنا تبخبخ فيّه بالبارفان ..اطّرشقت بالبكاء عظمة حضرة جناب فخامتها تفيّق في القامطه الّي هي أنا ..خمّجتها بالبكاء هومه يسكتو وانا نزيد و قلبي يدق كيف الطبل نهار العيد و أنا آش مدخْلني للمغّارة حتّى الدّور بيّه الضبوعه..ماكم تعرفو ما أقوى مل الحجاج كان فخامة عظمة جنابها ..تخرج علينا مالسنه للسّنه مبتسمة أيواه شحروره على حالها ..رجعلى شاهد العقل وقفت حنيت ظهري وتلفّت الكل واحد من هاك الخمسه ..يحييك يا سيدي .. يحييك يا للّه ..يحييك يا للّه .. يحييك يا للّه ..يحييك يا للّه ..حتى قطّوسهم قدّستلو.. حسيبي ربّي يخزرولي قولش عليّ خنفوس مبهذل .تكلمت فخامتها ورّاتني بقعة في القاعه و أمرتني باش نجلس ,قعدت واسكت على خاطر كلمتين التبندير اّلّي نعرفهم قلتهم وكان نزيد نتكلم نخمّجها .خزرت على جنب سي الحجّاج قاعد في نفس الوضعيّه هازز حواجبو تقول معبّيهم بوتوكس يخزر على طرطوش عينيه ..كان ما تصدقونيش ثبتو في سيادتو واتأكدوا آنا شاكّه الّي مدير الإضاءه متاع عينيه ماخو كونجي ..سيدنا عامل ترشيد مستهلك في عينيه وما يحبّش يملى عينيه برعروعه كيفي ..المهم علمتني فخامتها انّي عجبت ولي العهد , ما يمشيش مخكم لبعيد الوليّد فزغول ويحكم بأحكامو ماهو تصرع مالضّحك في هاك اتشقليبه الّي عملتها في المطبخ عاد طلب من سيدنا باش يعملني المشاشو متاعو .الخديمة الجديده ما تحقروهاش راهي خلّاتني نطّلع على دواير القرار في الامارة ونالطّلع على أسرار الحكم الرّشيد بداية من تأمين حاجيات العايلة الملكيّه نهاية بتوفير العيش الهاني .. للعايلة الملكيّه وامتداد نفوذها بحاجتين موش ثلاثه جبروت سيدنا و بطش سيدنا.. وامبعّد كفّين لروحي موش ثلاثه حلفت معّادش نلحّف على حتّى ماكله السّرقه نيشت سي فيني تعيش محمّصتي لعزيزة تسقط ماكلة سيدنا. اهمممم .. اي المرّه الجايه أيواش .
إبيزود 1 البارح قمت مالنوم فرحة مسرورة .. شنوة ؟ قمت مفجوعة تقول شفت عفريت..يا سيدي حلمت بروحي عايشة في زمان الحجاج والى انا جارية كحلوشة نخدم في الكوجينة متاعو ـوخياني راني مانيش راسيست وما عنديش مشكلة مع الالوان اما لضرورة الصدق في الحديث عن الحلم الكذب مهواش باهي ـ حاصيلو وانا نخدم في الكوجينة اللى ما فيها شيء ملى تعرفوه يا خلق يا رعاع يلي انا منكم يجيوني زبانية الحجاج يتفتفوني ـ لطفت العبارة ـ يشوفو رميتشي حاجة في المغارة متاع راسي وانا بامر الحجاج في غيبتوكيف الهايشة لا نخبش لا ندبش النفس اللى انخرجو مطاكسيهولي سي الحجاج اللى ما يخافش من ربي وما يعرفش حتى اللى المكس حرام . وبما انى جهلوت ما نفهم والو في هاك لي زانغرديون اللي يستعمل فيهم طباخ الحجاج المستورد ما عمري ما قربت مالطناجر كان باش نغسلهم ..عاد افهموني جاروشة نعفس في خير سيدنا بعيني ..لا انجم انذوق ولا نزرط تي حتى ما يلزمنيش انطول الخزرة .. الحجاج يضر في بقتار قدرو .. نخرج من قصرو نغلي بما لا عين رات ولا اذن سمعت نعقب على سوق الحومة مانخلطش على طرف دجاج .. الله يرحم الدجاجة العربي اللي ماعاد نشوفها كان في التصاور ..ويرحم الدجّاج العربي اللى الاحتكار و الرغبة ما كانوش من خصالو عاد خلفوه فيّة استثمروا في قوت الشعب و وصلوا سوم الصدر متاع الدجاج لسبعة دراهم .. ماهو الدجاج قوى قدرو ومادام الشعب نازل اعليه ..هيا نستثمروا كيف العادة في قوت الشعب.. وررري .. الدجاج تحول الى ضيف عزيز مخفف ساقو و عنكوشو من منازل العامة يا فرحنا يا هنانا .. الله لا يباركلك يا سيدنا ..مرجوع حديثنا ماني نخدم في القصر و في الحقيقة عندي انا زادة مثل نعيش بيهم منها السارق كيف يسرق سارق كيفو فخار يكسر بعضو اهوكة بالامارة روبنهود اسالوه.. عادة نهارمعّادش انجم خيّبت طبعي وانا انّظف مدّيت ايدي لصحن متاع ماكلة سيدنا ونخطف حاجة ماننجمش انسمّيها وزرطها ـ ناكلها ؟ معنتها نمضغها ؟ هذاكة اللى مزّال راهو تكتبت في تقارير حفظ النظام وبعثوني للسيّاف بتهمت المساس بالامن الغذائي متاع المملكة ..تلسعت في لساني.. السرّاق لا تباركلو .. ياخى وين يتلسع الحجاج كيف يزرط امال الشعب واحلامو ؟؟؟ انا نخمم وخدمت ابواق القصر اللى في الكوجينة تذكرفي الرّعاع في اهم ماثر الحجاج حكمة -هناك رؤوس قد اينعت وقد حان قطافها- شدّيت كرومتي نطمّن عليها وطيّحت المصلحة ..دخل سيدنا لي التران متاعي عامل زيارة فجئية للكوجينة ..الباقي تعرفوه المرة الجاية .. النّبّه عليكم اي تشابه مع الواقع المعيش محض خيال ! إبيزود 2 انا مغصورة بهاك الّلقمة وتحل باب الكوجينة على فردة ..تضربت الساقين في بعضها ويا هول شكون دخل علينا ..في زيارة مفاجعة سيدنا الحجّاج بعينيه الزوز ..عاد وين تلقاوني ..المصلحة قدّامي وعينيّ مدمعين من لسعة هاك اللقمة المسروقة . تشدّيت بعملتي يا رجال ..ما نعرفش كيفاش نجّمت نستوي روحي في الوضعيّة المفضلة متاع سيدنا ..حنيت ظهري القدّام وطبّست راسي اللّوطة تقول نفركس على كنز .. ودخل سيدنا ما ريت منّو كان السّاقين ..اي .. ماهو طلع عندو رجلين كيفنا يطيّش فيهم على اللاترال وحدة يمين, وحدة يسار . فهمت وقتها علاش سيدنا ما عندو في الوسطيّة ما يذوق وسياسة الحكم الرشيد متاعو يا اسود يا اسود .. الله يحييك يا سيدنا ..زارنا الن..يا سيدنا -قوّادة امّه موش لهاك الدرجه- الله يهلكنا و يحييك يا سيدنا ..الشّعب في الكوجينة يصيح وانا عملتلهم روفران .. ياثيدنا ..يا ثيدنا .. امبعّد الساني ملشلش من اللّقمة الّي سرقتها و اشياء اخرى .. المولى عاقبني ليه .. ليه .. نستاهل .امبعّد تخمام فهمت مغزى زيارة الدّولة الّى عملها الحجّاج للكوجينة .. ماهو طلع بوليميك كيفى ما كفاهوش صفرة الباي تتحطلو عاد قرّر يعمل زيارة ميدانيّة .. هذاكة اصلا ما كنّا انّجموا ننتظروا من سيادتو اهتمام أوّل وأخير برفاهيّة سيادتو ..يحييك يا ثيدنا .. يحييك ياثيدنا ..يا شعبي الجيعان لو كان شفتو سيدنا وهومهتم بتقنيات الانجازات في كوجينة المملكة الّي ماشية الكرشو.. راكم ندبتوهم باشقوفة المرّة الجاية نحكيلكم الكمالة برّاو توّه . إبيزوود 3 ماهو في بالكم اللّي سيدنا الحجّاج دخل للكوجينة واللّى انا بالرّغم مالأرتروز ونقص الكلسيوم في العظم طبّست ما عاودتش طلعت ..انشوف كان في السّاقين مقدمة في الكوجينة .. وذرة يا شعب وذرة ..يا جمهور الافريقي اجريولي راني شفت برشة وذرة ..تخبلو عينيّ .. الحجّاج يهمهم .. وهومة يقودو فيه في زيارتو تقول افتتحو صبيطار لسرطان الأطفال .. الله يرحمك يا شعبي المهلّل والمصفّق والذّبلان .. الوذرة ضياقت بيهم المملكة مكمشين وراء ثيدنا تقولش بوساق مضيّع السّرب متاعو..كيف تعبت ومعّاد بيها وين تلفّت لجنابى نلق المطحونين كيفي مزّالو الكل في وضعيّة الوضاعة .. ساعة غير ربع امبعّد صفقلنا وذير المراسم عاد وخّرنا لتالي باش نوسعو في المكان .. وقتها لقيت روحي ندّهمك ..ندّعثر في المصلحة اللّي نسيت باش نهزها ونطيح على ماعون الكوجينة كيف الفكرون مقلوبة على ظهري ..يا رعاع ما رمشتش يا بوقلب ونلقى ميتين ساق على صدري ..الله لا ترحم اللّي ما ضربش ..فطسوني ..أمن سيدنا كلّفني تراحة نبّاش القبور ..قبل ما ندوخ وصلني صوت نعرفو برشة - الله يرذينا فيك ..ويحيينا يا ثيدنا -الضّرب خجّجني .. عادة وعدت روحي اذا فقت مالدّوخة وما متّش ننزل على كرومتي نرتاح مالدّنيا ..خير ما نطيح في يدين زبانيّة سيدنا ونستكشف وضعيّة الدّجاجة و ما لا عين رأت و لا أذن سمعت ..دوّيو يا قيقوز دوّيو.. عمر الكلاب صنف بوكشّاش طويل ..ماهو فقت .. امبعّد مدّة ..يقعد بعدي كان نعرف قدّاش ..حبّيت انمد ايديّ لعنكوشي نقتل روحي ما نجّمتش نلقى ايديّ مكتفين وعلى راسي رجال شداد غلاظ . قلت لروحي يا مرهزة إتخذت وفات فيك الفوت أهّومة ملايكة العذاب .. في حياة البرزخ وتخمّم باش تنتحر ..خلّص القديم والجديد يا منافقة ..الباقي المرّة الجاية تعرفوه
يقول .. لا يهم إن فتحت عيني على وسعهما وأنا أرى الموت جاثيا على ركبتيه يتلقف روح أمي وقبلها أبي وأخي ..
فلست سوى ذلك الغض الذي لا يجيد المشي وكان يضجرني مبالغة الكبار في تقبيلي و الآن هذا الجمال يجثو بين راحتي أتلقف الموت الحاني علي لألحق ركب الشهداء
قاتل الله الشيعة وبشار وكل أهل الشرك من البعثين والقوميين والعلمانيين من يكفر بقوله تعالى «من قتل نفساً بغير نفس أو فساد في الأرض فكأنّما قتل النّاس جميعاً ومن أحياها فكأنّما أحيا النّاس جميعاً» المائدة 32 «والذين لايدعون مع الله إلهاً آخر ولا يقتلون النّفس التي حرّم الله إلا بالحق» الفرقان 68
أي سيدي .. منين نبدا آااه بيانسور من الرياضة الشعبية لولى .. الله أحد ، الله أحد البحيري ما كيفو حد يحييك يا شيخ يا معتصم بأمر الله يا خطيفة ربيع العدالة يا روبن دو بوا الوسط الحقوقي إي ما فماش كلام يوفيك قدرك من الإستقامة .. أيّ سيدي أول حاجة غالط يا سي منصر وزير العدل مش خايف ملقضاة أما يقرص ويدو تحتو ..إمممم نستينف الجملة لخره نسحبها لا يليق كيفاش البحيري كرّم الله وجهه .. كرّم الله وجهه .. كرّم الله وجهه . إذا وعد أنجز جا الفارس الهمام وقلك هاني قاعد ننجز باهي .. في فيفري 2011 جات جمعية القضاة وطالبت بالتطهير ، ستناو في بلاد مبرّكها الفساد أنظف قطاع هو العدلي ههههععع براس لحنينة السبان لا هاو نفسرلكم وأموركم ، أيا شكونهم القضاة الساعة .. في الوضع الحالي لقوانين الدولة هومة شبه موظفين عموميين بخاتيسيان ماعون الصنعة تاعهم قوانين الّي حطها مجلس النواب تاع زعبع ينظروا في النزاعات ويطبقو عليها القانون الموجود إذا يطفيو الضو علقاعدة القانونية تتكسر أحكامهم .. يقول القايل مالة الأحكام الجايرة منين طلت .. أوّل حاجة لقات أرضية خصبة في القوانين الجايرة كيف قانون الإرهاب وثاني حاجة الفراغ التشريعي إلّي دعم إنتهاكات حقوق الإنسان والأمن الوطني الإقتصادي والإجتماعي .. يقول القايل باهي ، فمة قانون خايب والأحكام الثقيلة إلي زهقت أرواح الناس وحطمت عايلات وفكت الأرزاق شكون نطق بيها سارتانمون قضاة معروفين وعندهم إسم من قديم زمان : قضاة الإدارة .. هاذم تلقاهم في كل محكمة وفي العادة ما يفوتوش صوابع اليد تدجاب بيهم الأحكام وتتعطالهم القضايا تاع فلان وسي علان باقي القضاة ما يبداش عندهم حتى دور ولا حتى علم ، مارجيناليزي و كونسيدري غير منسجمين ما يضويوهم في شي وإذا تلزو بيهم يجيبو عليهم الماء على خاطر يلزم تعرفو إلي الأحكام تجي بأغلبية الأصوات يعني إثنين يغلبو الواحد في الهيئات القضائية وممنوع علقاضي بالقانون إنو يمتنع عن إمضاء الحكم إلي يصير فيه النصاب القانوني .. فمة زادة القضاة المرتشين وهاذمة الواحد فيهم تلقاه في كريار زغيرة خدم بالتسمسير مع مياة محامي سمسار .. وعنا القضاة التجمعيين وهاذوم سبونسوريزي خلقي ومباتشين على تخديم المخ وانظام البايد ملخر هاذوم الكل طلبت جمعية القضاة في فيفري 2011 تطهير القضاء من هاك ادينوزور لزهر القروي الشابي .. وهذا مثبت ببيان تحط على بيروه في فيفري أيا بضغط ملمحامين خرج ستة قضاة بآلية تضحك إسمها الإعفاء وما وفا العام إلا ما زاد عزز موقع الفاسدين وتخدمت حركة عالمية حسست غالبية القضاة بالغبن والإحساس بأنو الوطن مزال سجين في يد الدكتاتورية و بقايا المجلس الأعلى للقضاء وتذكرو في مارس خرج القضاة يوم تحرير القضاء ورفعوا شعار " القضاء على عصابة القضاء " .. عاد للتمويه على المحاسبة عملو عملية تجييش ضد القضاء إعلاميا ولي كانو في السلطة مع حكومة السبسي رفضو تنفيذ البطاقات القضائية وما عطاو حتى معلومة لتسهيل التحقيقات حتى إختصاص المحكمة العسكرية إلي تعطالها بموجب فصل في القانون إلي يحكم القوات اداخلية كان من الممكن تجاوزو بمرسوم يسند الإختصاص للقضاء العدلي إلي عندو إمكانيات بشرية وتوزع جغرافي أشمل فضلا عن التقاضي على درجتين وزيد أهم حاجة إنو إلي حكمو وقتها كملو السيناريو الإنقلابي إلي تعمل لزابا وكملوه مع الشعب التونسي تي إلي تقتلو مبعد 14 جانفي أكثر ملي تقتلو قبلو .. ومبعد عظيم بياعة الشراب في تونس ، ماو قلكم إلي عندو قناص يجيبهولي ! براف المافيا إلي لليوم تمارس في الإرهاب المنظم فسخت في الأشهرة لولى كل آثار الجرايم هوكة اعلاش القضاة ما عندهم ما يبيعو مع السلطة التنفيذية إلي عام لتالي بأسلوب ممنهج سعات للتعتيم على الحقيقة وكان جات الدنيا دنيا راهو تعملت جلسات مسائلة لكل السياسيين والأمنيين والوزراء من 17/12/2010 حتاش 23/10/2011 كيف ما يصير في الكونغرس الأمريكي لكن شتحب تعمل ..
باهي وبالنسبة لملفات الفساد ياخي هاك اللجنة إلي ورّثها زعبع للثورة وقتاش مدت تقريرها تعرفو عملوها كيف جدار الصد وعطاو الوقت للفاسدين يوليو عصاميين كان جات الثورة صندي راو تصادرت كل الثروات إلي تعملت من 1956 لتوة وتبنات على نهبان رزق البيليك .. المجلس الوطني لجمعية القضاة كيف لقى السلطة التنفيذية متغولة أكثر من قبل طالب بتكوين لجنة لضبط أسماء القضاة الفاسدين والقايمة إلي تخدمت على أساس الإثباتات والقراين المقدمة من عموم الأفراد الشعب تستنى في الهيئة الوقتية باش تتمدلها لأنو القضاة تعلموا درسهم مليح السيايين في تونس الكل كيف العادة حساباتهم ضيقة وملتوية تقول إنت 1 + 1 تساوي موان لانفني عاد ..
بالله آش باش يعمل القاضي في حالة الفراغ التشريعي بل في حضرة قوانين جايرة توة عامين زادو دعمو الفساد التشريعي وينو المجلس التأسيسي راو القضاة كسلطة مجعولين باش يطبقو قوانين الدولة موش يصيغو فيها كيف يفصلو فلقضايا سينون تولي فوضى وبرة آش باش يسلكها ..
عاد مرجوع حديثنا للبحيري إلي ضربة ضربتين القضاء مستقل و هو في عهدو تحلت لحبوسات للإعلام التافه باش مجرمي الحق العام يوليو ملايكة ويزيدو يشككو في مصداقية القضاء والذكرو هاك المجرمة إلي مع عشيقها قامت بقتلان بنتها الصغيرة وهي تستجير تقول رابعة العدوية .. وما نحكيش عالإعتداءات الممنهجة على المحاكم حرق وعنف حتى عايلات قتالة الأرواح ولات تصدم علمحاكم يحبو يروحو بولادهم و لوزير ..
باهي بلاد يحكي فيها السياسيين على إعادة بناء الدولة فصيل وحيد في التنظيم المؤقت للسلط ماتمش تفعيلو بخصوص القضاء إلي قاعد يخدم علهامش ووزارة العدل إلي كانت بؤرة الفساد ، مع البحيري قعدت تخدم بسيستام الدكترة المعلم قاعد يحمص ويبارك لروحو بمذكرات العمل عيّن محكمة كاملة وكيف تمسو تسمع حسو قلّك عندو تاريخ نضالي والله كيف تبدا في نقاء الإمام البنا نقولولك هز يدك علقضا !
وين جا فرد ياخو بقعة مجلس وشكونك إنت و شنية معاييرك وشنية ظوابط إنك ما ادعثرتش في فسّاد دوزيام رون ولا في قلابت الفيستة .. وأصلا كممثل للسلطة التنفيذية آش مدخلك في تعيين القضاة ! آااه نسيت إستقلالية القضاء بلايص بلايص كيف الرجولية تحضر وتغيب .. عاد كيف إنت مسهول .. ضغط مع حكومتك على المجلس التفصيصي باش يخرج قانون الهيئة الوقتية العليا لتنظيم القضاء العدلي أما باين عامل جهدك في خدمة العدالة ..
وزيد آش بيك كل مرة تعطي بحث ، ياخي هاك متمسك برئاسة النيابة العمومية مالة شبيه كل ما يتسيب مشبوه تهز يديك الفوق وتقول خاطيني القضاة أحرار .. إي وهاك فكطيت ومشكيت ويني بشاير تجهبيذك ..
في لخر بالله ماكش حاشم من هاك المشروع إلي حضرتو للهيئة عاد هاي دكتاتورية بورقيبة وزعبع أرحم في تناولها للسلطة القضائية منك يا مناضل يا حبيب تونس كيفاش سلطة تكون مستقلة في ديموقراطية دونكيشوتية ( هشة ) كيف ما في بلادنا تكون ممكنة مع ناس بانتماءات حزبية .. للي مقراش المشروع إلي محظرتو لوزارة العتيدة ذات الميول الديموقراطية : يحبو يدخلو في إعداد الحركة قلك خمسة شخصيات وطنية يعينهم المجلس التفصيصي إي ! الله يرحم حشاد وجعيط و الفاضل بن عاشور والصادق بن يوسف و الدغباجي إلي ماتت معاهم الوطنية توه حتى رابطة حقوق الإنسان مليانة بالمتسيسين .. شخصيات وطنية ! آكهو بن تيشة و بن مبارك زادة شخصيات ..
آااه يا ريت السيد هذا جا وزير العدل علقليلة شاورو هو موش تجيب التعيس لزهر القروي الشابي تتشاور معاه وهاي حقيقتو
باهي وهاي الحركة في لخر شتخرج من تحت إيدك وحدك برجولية مرضنا مالإستقلالية يا باشا : المحاكم ولات مداس وإنت ما علابالك .. إنحرافات وظغوط إعلامية على محاكمات جارية وإنت قاتل روحك في خدمة العدالة : المحامين ولات عندهم حصانة دو فات بالرغم إلي مصلحة المواطن إلي يشاركو فيه بالنسب في التعويضات والمليّع منهم تتعارض مع هالحصانة الفعلية .. الإعلاميين إلي من أكثر العامة جهلا بالمنظومة القانونية والقضائية عندهم عام ونصف وهومة يستهدفو بإضمار في أهم ركايز الدولة القضاء وإنت عطيتهم حصانة دو فات ..
رضي الله عنك وأرضاك يا مرحوم الوالدين كان عاطي ربي راك عملت خلية كوارث تتولى مراجعة قوانين الدولة الجايرة كيف قانون الإرهاب و قانون المنافسة والأسعار وقانون إنقاذ المؤسسات إلي لتوة يعاون في رؤوس الأموال الفاسدة على الأغناك وعديتو للمجلس التأسيسي شيخدمو على رواحهم ويحللو شهاريهم وفي عوض ما تقتل روحك باش تكون فارس التضييق على القضاء وتولي كيف بوك لحنين بورقيبة إلي تمدتلو تونس على طبق من ذهب عاد قيم الوطن على سلطة وحدة فأهلك الحرث والنسل والجمهورية .. فيق يا شفيق ورد بالك تحط روحك تحت مظلة المسائلة من المولى يتقالك " يا بحيري شعملت في الأمانة " تقلو راو فمة 150 قاضي فساد على 2200 عاد خذيت مسهولية الرقابة خوف ملفساد .. هاو انبه عليك راك شتسأل حساب عسير هوكه مشروع الجمعية يقتضي إقصاء القضاة التجمعيين وإلي ساهموا في الأحكام السياسية ولي شدو قبل في المجلس القديم وزيد الجمعية ناوية على ربي تقدم الليستة إلي مؤيدة بالوثايق للهيئة عاد .. باش من أول نهار تحل ملف الفساد ويتحاسبو المجرمين ..
بالمنطق .. القضاة إلي خدمو مع بعضهم يعرفو مليح الصالح والطالح وفمة 2000 قاضي على 2200 ماهم مورطين في شي وقانونجية ضالعين موش مستحقينك تفرض عليهم الوصاية أتعس من أيامات الدكتاتورية ! البحيري ( ما نعرش إسمك ) بالثلاثة : إتق الله .. إتق الله .. إتق الله .
“هل من أخبار جيدة ؟” ذلك ما يهمس به أنصار في بداية كل يوم ، وعلى قدر غموض السؤال يأتي غالبا الجواب: ليس بما يكفي للاطمئنان. في أوساط أنصار الترويكا ليس أكثر غموضا من معنى “الاطمئنان” : اطمئنان على أن الحكومة قوية بما يكفي للبقاء في السلطة، آم اطمئنان على أن الاقتصاد يتعافى أم اطمئنان على أن وتيرة الاحتجاجات قد خفت أم، أخيرا، اطمئنان على “تحقيق أهداف الثورة” ؟ هذا يلخص كل شيء إذ أنه لا احد تقريبا متفق على المهمة التي يفترض بهذه الحكومة أن تنجزها ولا على ترتيب دقيق للأولويات. في خضم ذلك كله تأتي الأخبار السيئة: إطلاق سراح بعض كبار مجرمي العهد السابق الذين نجحوا، دون أية مفاجآت، في النجاة حتى من تهم الحق العام التي وجهت إليهم! في البلدان المستقرة التي يأتيها رزقها رغدا لا يثير ذلك أية إشكالات. وهذا هو الفارق: لسنا في وضع مستقر، ولو تعارض ذلك مع رغبتنا في الاطمئنان.
المصيبة هو أن بعض من في الحكم اليوم يعتبرون أن في مثل تلك النهايات لمثل هذا النوع من القضايا المتعلقة بمجرمي العهد السابق دليلا على استقلال القضاء وقرينة على عدم تدخلهم فيه. ليس أكثر حمقا من تلك النظرة لأنها تلخص وضعا معقدا في عملية تقنية لا تسمن عدلا ولا تغني عدالة. هذه النظرة التقنية لاستقلال القضاء التي تستند إلى اعتبار أن التحدي الوحيد لاستقلال القضاء هو سيطرة السلطة السياسية عليه نظرة قاصرة لأنها تلغي كل الاعتبارات الأخرى، وأولها انه يفترض أن ثورة قامت في البلاد، وان نجاح الثورة مرتبط ارتباطا وثيقا بإزاحة كاملة لمجرمي العهد السابق من الحياة العامة ولو أدى ذلك إلى بعض الظلم. للثورة أولوية على العدالة ولو قامت الثورة أصلا من اجل العدالة، وان للحرية الحقيقية أنيابا يجب أن تبرز عندما يتطلب الأمر. المشكل أن البعض يعتقد أن المدى الأقصى للثورة قد تحقق بنقلهم من المعارضة إلى الحكم، ولكن ذلك البعض ينسى أن أولئك الذين خرجوا لانتخابهم يوم 23 أكتوبر كانوا يرغبون أساسا في القطع مع النظام القديم. شيئا فشيئا، وتحت عباءة “الانتقال الديمقراطي” يتسلل النظام القديم إلى حياتنا مجددا، فرحا مسرورا لديمقراطية الحكومة التي تبجل عدالة آلة القضاء المعطلة على العدل الذي يبتغيه الناس جميعا. إذا كانت القوانين المطبقة جعلت أصلا لحماية الفاسدين والمجرمين ، وإذا كان كل الهيكل القضائي مبنيا لنفس الغاية، وإذا ما اعتقدت الحكومة الحالية أن كل دورها يتمثل في “ضمان تطبيق القانون” ….. فليس بالإمكان أحسن مما كان، في أدنى الحالات !!!!!
في الثورات التي تحترم نفسها، وفي الحكومات التي تحترم ثورات شعوبها لا يكون ترتيب الأولويات بهذه الطريقة. استنادا إلى نفس المنطق المريض الذي يبدو متغلبا على البعض هذه الأيام لم يكن هناك من داع إذا لحرمان “المناشدين” من الترشح لانتخابات المجلس التأسيسي. كان ذلك ضد “الديمقراطية” بل ضد “العدالة” أصلا، ولكنه تم وهو ما سمح بتعليق كل الآمال على المجلس وحكومته العتيدة.
آلة القضاء مريضة، وقد بلغ منها الداء مبلغا عظيما فلم يعد بالإمكان أن ينتظر منها احد، سوى مجرمو العهد السابق، عدلا أو عدالة. في قطاع مثل هذا القطاع حيث صيغت كل القوانين لحماية المجرمين الحقيقيين وحيث يرتبط الجميع تقريبا بشبكات الفساد والرشوة والحنين إلى العهد البائد، ينبغي أن يكون الموقف أكثر ذكاء بل أكثر واقعية. غير أن الواقعية التي لا تعني بالنسبة للبعض سوى القبول بقوانين اللعبة السائدة إنما تعني في نظرنا الارتباط بالواقع الذي يفترض أن الثورة قد أنتجته. في خضم ذلك يصاب عدد من أبناء الثورة بإحباط تلو آخر، معتقدين انه يمكن حل هذه المشكلات بدموع الخيبة. ليس من خيبة سوى خيبة اليأس البائس أما الحريصون على ثورتهم فإنهم لا ييأسون قبل الأوان. هل حان زمن اليأس؟ قطعا لا، ولن يحين أبدا.
في حديث لي مع احد اكبر الوزراء نفوذا في الحكومة بدا لي الرجل متخوفا من أية خطوة لطرد مسئولين فاسدين قد يجهضها القضاء .أعرف أن الرجل كان صادقا. استقلال القضاء لا يكون عن الحكومة فقط بل عن المصالح أيضاً وبالذات. أما الحكومة التي يفترض أنها نتجت عن الثورة فينبغي أن تعطي للثورة الأولوية حتى على استقلالية القضاء إذا ما تعارض الأمران …. لو كانت الأولوية للقانون لما قام الناس بثورة ولما انتخب الناس هذه الأحزاب لتشكيل الحكومة . ولكن يبدو من سوء الحظ أن كل الناس يعرفون ذلك، إلا الحكومة !!
إن إحدى مشاكل هذه الحكومة الكبرى هو أنها تعتقد إن نتائج الانتخابات قد خولتها بناء الدولة في حين أن الدولة مبنية وأن مهمتها الأولى تتمثل في حفظ الثورة. حفظ الثورة من أعدائها ولكن حفظها أيضاً من الدولة، إلى أن تصل مداها الذي لا يزال بعيدا جداً.
شيئا فشيئا يغرق الجميع تقريبا في منطق الدولة وتستغرقهم تفاصيل اليوم ودقائق الملفات، معتقدين أن كل المشاكل لا تحتاج إلا حلولا تقنية: مصنع هناك، ضيعة هنا، وإدارة بينهما! في موقف شديد التغابي يغفلون أن كل ما يرون ويواجهون من مشاكل إنما هو شبكة مترابطة من المصالح لا يمكن تدميرها إلا بكسر نواتها، ونواتها الصلبة هم مجرمو العهد السابق الذين يطلق القضاة النزهاء جداً سراحهم زرافات ووحدانا ! بورقيبة ، الذي يفكر الناس ألف مرة قبل أن يخلعوا عليه صفة الثائر، كان يسعى، هو الأخر ، لبناء دولة ، ولكنه كان يعرف أن أعداء الدولة التي أراد بناءها وأعداء الثورة هم أنفسهم. بل بالرغم من انه كان هو أيضاً محاميا، أي شديد المعرفة بإشكاليات استقلالية السلطة القضائية، فقد اختار السبيل الذي سمح له في نهاية الأمر بإنجاح الثورة وتشكيل الدولة الجديدة، فكانت محاكمات رؤوس العهد السابق. لم تكن محاكمات قضائية بات معنى الكلمة بل محاكمات سياسية وجهت للمتهمين فيها تهمة أساسية وحيدة، وهي معاداة الثورة. لم يشنق احد ولم تسل الدماء انهارا، ولكن كل الطبقة الفاسدة القديمة أزيحت وحلت محلها طبقة جديدة مؤمنة بالثورة وبالدولة. كانت الدولة هي من واصل الثورة وكان ذلك كافيا للثقة فيها رغم فشلها في الكثير من الملفات. الناس يعرفون دائماً ما يريدون، وحدهم الحكام السيئون يخطئون تقدير ما يريده الناس. تفقد العدالة شرعيتها عندما لا تراعي العدل، والعدل في زمن الثورات ليس مجرد قضاة وقوانين وحقوق دفاع وحيثيات أحكام. تتوقف العدالة عن الارتباط بالعدل عندما تفضل “النزاهة” على مصلحة الوطن، وان كثيرا من مصالح الوطن لا يمت للعدالة بصلة لو يعلمون !
أقبل على ما أقوله يا ذا الذوق هل وقع لك تعثير في عيش وتخبيط في حال إلا حال مخالفته: ولا انثنى عزمي عن بابك إلاّ تعثرت بأذيالي أما سمعت تلك الحكاية عن بعض السلف أنه قال: رأيت على سور بيروت شاباً يذكر الله تعالى فقلت له: ألك حاجة.
فقال: إذا وقعت لي حاجة سألته إياها بقلبي فقضاها.
يا أرباب المعاملة بالله عليكم لا تكدروا المشرب قفوا على باب المراقبة وقوف الحراس وادفعوا ما لا يصلح أن يلج فيفسد.
على أنني أقول أف لمن ترك بقصد الجزاء
أهذا شرط العبودية كلا.
إنما ينبغي لي إذا كنت مملوكاً أن أفعل ليرضى لا لأعطي.
فإن كنت محباً رأيت قطع الآراب في رضاه وصلا.
أقبل نصحي يا مخدوعاً بغرضه.
إن ضعفت عن عمل بلائه فاستغث به.
وإن آلمك كرب اختياره فانك بين يديه.
ولا تيأس من روحه وإن قوي خناق البلاء.
بالله إن موت الخادم في الخدمة حسن عند العقلاء.
إخواني لنفسي أقول فمن له شرب معي فليرد أيتها النفس لقد أعطاك ما لم تأملي وبلغك ما لم تطلبي.
وستر عليك من قبيحك ما لو فاح ضجت المشام فما هذا الضجيج من فوات كمال الأغراض.
أمملوكة أنت أم حرة أما علمت أنك في دار التكليف وهذا الخطاب ينبغي أن يكون للجهال فأين دعواك المعرفة.
واأسفا عليك لقد عشيت البصيرة التي هي أشرف وما علمت كم أقول عسى ولعل وأنت في الخطأ إلى قدام.
قربت سفينة العمر من ساحل القبر ومالك في المركب بضاعة تربح.
تلاعبت في بحر العمر ريح الضعف ففرقت تلفيق القوي وكان قد فصلت المركب.
بلغت نهاية الأجل وعين هواك تتلفت إلى الصبا.
بالله عليك لا تشمتي بك الأعداء.
هذا أقل الأقسام.
وأوفى منها أن أقول: بالله عليك لا يفتونك قدم سابق مع قدرتك على قطع المضمار.
الخلوة الخلوة واستحضري قرين العقل وجولي في حيرة الفكر.
واستدركي صبابة الأجل قبل أن تميل بك الصبابة عن الصواب.
واعجبا كلما صعد العمر نزلت.
وكلما جد الموت هزلت.
أتراك ممن ختم له بفتنة وقضيت عليه عند آخر عمره المحنة كان أول عمرك خيراً من الأخير.
نذكر المكتب قلبي يوجعني .. وحدة من الناس فارشة ومعديتها .. معنتها عزوزة كان عاطي ربي البريمار راو نستعين بصديق شنذكروا أما آنا على ما عديتو طرايح قلبي يوجعني ..كلو من معلمي الجمهولوكية إلي كيف كل موظفيها طاحو في إمتحان الوطنية وموش ناوين ينجحوا حتى بالراشا .. والبارح ذكروني بأنذل السراق هاك إلي يلقى واحد أكسيدونتي في عوض يسعفو يسرقو .. توه بالله بلاد مقملة كيف بلادنا قحطوها التجمعيين وزادو على مرمتها الإنتهازيين فيها برشة ناس تبات جيعانة وساقيها صيف وشتاء حفيانة تتلهى بالمعذبيين في الأرض وإلا تعطي ترازيام موا للي يقري دروس التدارك بستين دينار للسنة أولى .. بون نجموا تقدحو في كلامي بالذاتية لكن برجولية معلمي بلادنا ما تمشيش معاهم حكاية " قم وفه التبجيلا " لأنهم والله ورسوله أعلم أحوج التوانسة للتأهيلا تالمون : إنتهازيين وظاهرلي نستوردو معلمين ملخارج خير باش وليدات تونس يلقاو شكون يعديلهم المبادىء بالرسمي موش فكسيون من نصوص أدبية لأهل المشرق العربي الغناية لسيدي فرحاني إلي جاب علي الما ملعين) وعلمني السوري خاطرو يعبر خير)
